ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວັນ​ຟຸກ ໂອ້​ລົມ​ທາງ​ໂທ​ລະ​ສັບ​ກັບ​ທ່ານນ​າ​ຍົກ​ລັດ​ຖະ​ມົນ​ຕີ ອົດ​ສະ​ຕາ​ລີ

	ການ​ພົວ​ພັນ​ເສດ​ຖະ​ກິດ ອົດ​ສະ​ຕາ​ລີ - ຫວຽດ​ນາມ​ພວມ​ຢູ່​ຈຸດ​ເວ​ລາ​ສຳ​ຄັນ​ທີ່​ສຸດ
	ພັດ​ທະ​ນາ​ການ​ພົວ​ພັນ​ດ້ານ​ປ້ອງ​ກັນຊາດ​ລະ​ຫວ່າງ ຫວຽດ​ນາມ ແລະ ອົດ​ສະ​ຕາ​ລີ

ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວັນ​ຟຸ ໂອ້​ລົ​ມ​ທາງ​ໂທ​ລະ​ສັບ​ກັບ​ທ່ານ ນາ​ຍົກ​ລັດ​ຖະ​ມົນ​ຕີ ອົດ​ສະ​ຕາ​ລີ Scott Morrison (ພາບ: VGP)

ວັນ​ທີ 21 ມັງ​ກອນ, ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວັນ​ຟຸ ໄດ​້​ໂອ້​ລົ​ມ​ທາງ​ໂທ​ລະ​ສັບ​ກັບ​ທ່ານ ນາ​ຍົກ​ລັດ​ຖະ​ມົນ​ຕີ ອົດ​ສະ​ຕາ​ລີ Scott Morrison ເພື່ອ​ແລກ​ປ່ຽນ​ກ່ຽວ​ກັບ​ການ​ພົວ​ພັນ​ສອງ​ຝ່າຍ ແລະ ບັນ​ດາ​ບັນ​ຫາ​ໃນ​ພາກ​ພື້ນ, ສາ​ກົນ ທີ່​ຕ່າງ​ຝ່າຍ​ຕ່າງ​ມີ​ຄວາມ​ສົນ​ໃຈ.

ທ່ານ​ນາ​ຍົກ​ລັດ​ຖະ​ມົນ​ຕີ ອົດ​ສະ​ຕາ​ລີ Scott Morrison ໄດ້​ສະ​ແດງ​ຄວາມ​ຍິນ​ດີ​ຕໍ່​ບັນ​ດາ​ຜົນ​ງານ​ທີ່​ບຸກ​ທະ​ລຸ​ຂອງ ຫວຽດ​ນາມ ໃນ​ປີ 2021, ກ​າຍ​ເປັນ​ແບບ​ຢ່າງ​ປະ​ສົບ​ຜົ​ນ​ສຳ​ເລັດ​ທີ່​ຫາ​ຍາກ​ໃນ​ໂລກ ກ່ຽວ​ກັບ​ການ​ຄວບ​ຄຸມ​ໂລກ​ລະ​ບາດ​ໂຄວິດ - 19 ຢ່າງ​ມີ​ປະ​ສິດ​ທິ​ຜົນ, ພ້ອມ​ທັງ​ຍັງ​ຮັກ​ສາ​ໄດ້​ການ​ພັດ​ທະ​ນາ​ເສດ​ຖະ​ກິດ - ສັງ​ຄົມ​ໃນ​ສະ​ພາບ​ການ​ເສດ​ຖະ​ກິດ​ໂລ​ກ​ຖືກ​ຊຸດ​ໂຊມ​ຢ່າງ​ຮ້າຍ​ແຮງ​ທີ່​ສຸດ​ໃນ​ທົດ​ສະ​ວັດ.

ທ່ານ ນາ​ຍົກ​ລັດ​ຖະ​ມົນ​ຕີ ອົດ​ສະ​ຕາ​ລີ Scott Morrison ໄດ້​ອວຍ​ພອນ ແລະ ເຊື່ອ​ໝັ້​ນ​ວ່າກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ 13 ຂອງ ຫວຽດ​ນາມ ຈະ​ປະ​ສົບ​ຜົນ​ສຳ​ເລັດ​ຢ່າງ​ຈົບ​ງາມ, ສະ​ແດງ​ຄວາມ​ຍິນ​ດີ​ຕໍ່​ເລື່ອງ​ຫວຽດ​ນາມ​ໄດ້​ປະ​ຕິ​ບັດ​ສຳ​ເລັດ​ຕ​ຳ​ແໜ່ງ​ເປັນ​ປະ​ທານ​ອາ​ຊຽນ 2020, ພິ​ເສ​ດ​ແມ່ນ​ການ​ລົງ​ນາ​ມສັນ​ຍາ​ຄູ່​ຮ່ວມ​ມື​ເສດ​ຖະ​ກິດ​ຮອບ​ດ້ານ​ໃນ​ພ​າກ​ພື້ນ (RCEP) ເຊິ່ງ​ໄດ້​ເປີດ​ກາ​ລະ​ໂອ​ກາດ​ໃໝ່​ໃຫ້​ແກ່​ການ​ຫັນ​ເປັນ​ເສ​ລ​ີ, ຫັນ​ການ​ຄ້າ​ເປັນ​ສະ​ດວກ ແລະ ການ​ລົງ​ທຶນ, ປະ​ກອບ​ສ່ວນ​ເຂົ້າ​ກາ​ນ​ໜູນ​ຊ່ວຍ​ຟື້ນ​ຟູ​ເສດ​ຖະ​ກິດ​ລວມ​ໃນ​ພາກ​ພື້ນ, ທ່ານ​ສະ​ແດງ​ຄວາມ​ຂອບ​ອົກ​ຂອບ​ໃຈ​ຕໍ່ ຫວຽດ​ນາມ​ເມື່ອ​ໄດ້​ສະ​ໜັບ​ສະ​ໜູນ​ການ​ນຳ​ກົນ​ໄກ​ກອງ​ປະ​ຊຸມ​ຂັ້ນ​ສູງ ອາ​ຊຽນ -ອົດ​ສະ​ຕາ​ລີ​ກາຍ​ເປັນ​ກອງ​ປະ​ຊຸມ​ປະ​ຈຳ​ປີ.

ທ່ານ​ນາ​ຍົກ​ລັດ​ຖະ​ມົນ​ຕີ ອົດ​ສະ​ຕາ​ລີ Scott Morrison ຫວັງ​ວ່າ ການ​ພົວ​ພັນ​ສອງ​ປະ​ເທດ​ຈະ​ໄດ້​ຍົກ​ຂຶ້ນ​ລະ​ດັບ​ຄູ່​ຮ່ວມ​ມື​ຍຸດ​ທະ​ສາ​ຮອບ​ດ້ານ​ໃນ​ປີ 2023 ເນື່ອງ​ໃນ​ໂອ​ກາດ​ສະ​ເຫຼີມ​ສະຫຼອງ 50 ປີ​ແຫ່ງວັນ​ສ້າງ​ຕັ້ງ​ການ​ພົວ​ພັນ​ທາງ​ການ​ທູດ ລະ​ຫວ່ງ ຫວຽດ​ນາມ - ອົດ​ສະ​ຕາ​ລີ.

ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວັນ​ຟຸກ ​ໄດ້​ສະ​ເໜີ​ໃຫ້​ສອງ​ຝ່າຍ​ຄັ້ງ​ໜ້າ​ຂຸດ​ຄົ້ນ​ບັນ​ດາ​ຄວາມ​ສາ​ມາດ​ບົ່ມ​ຊ້ອນ ແລະ ທ່າ​ແຮງ​ໃນ​ການ​ຮ່ວມ​ມື​ຢ່າງ​ມີ​ປະ​ສິດ​ທິ​ຜົນ, ສູ້​ຊົນ​ກາຍ​ເປັນ​ໜຶ່ງ​ໃນ 10 ຄູ່​ຮ່ວມ​ມື​ການ​ຄ້າ​ແຖວ​ໜ້າ​ຂອງ​ກັນ​ໂດຍ​ໄວ, ມຸ່ງ​ໄປ​ສູ່​ການ​ຟື້ນ​ຟູ​ແບບ​ຍືນ​ຍົງ​ພາຍຫຼັງ​ໂລກ​ລະ​ບາດ​ໂຄວິດ - 19, ໃນ​ນັ້ນ​ມີ​ການ​ລົງ​ນາມ ຍຸດ​ທະ​ສາດ EEES ໂດຍ​ໄວ, ຜັນ​ຂະ​ຫຍາຍ​ການ​ຮ່ວມ​ມື​ໃນ​ສັຍາ CRTPP, RCEP ຢ່າງ​ມີ​ປະ​ສິ​ດ​ທິ​ຜົນ​ເພື່ອ​ຊຸກ​ຍູ້​ການ​ຄ້າ, ຫຼຸດ​ຜ່ອນ​ການ​ແກ້ງ​ແຍ້ງ​ກັນ.

ການ​ພົວ​ພັນ​ເສດ​ຖະ​ກິດ ອົດ​ສະ​ຕາ​ລີ - ຫວຽດ​ນາມ​ພວມ​ຢູ່​ຈຸດ​ເວ​ລາ​ສຳ​ຄັນ​ທີ່​ສຸດ ຍ​ສ​ໝ - ຫວຽດ​ນາມ ແມ່ນ​ຄູ່​ຮ່ວມ​ມື​ເສດ​ຖະ​ກິດ​ທີ່​ສົມ​ບູນ​ແບບ​ຂອງ ອົດ​ສະ​ຕາ​ລີ, ທ່ານ Kyle Springer ໃຫ້​ຮູ້​ວ່າ ແຕ່​ດົນ​ນານ​ມາ​ແລ້ວ, ຫວຽດ​ນາມໄດ້​ຮັບ​ຮູ້​ວ່າ ອົດ​ສະ​ຕາ​ລີ​ແມ່ນ​ຄູ່​ຮ່ວມ​ມື​ເສດ​ຖະ​ກິດ ແລະ ຍຸດ​ທະ​ສາດ​ສຳ​ຄັ​ນ

ພັດ​ທະ​ນາ​ການ​ພົວ​ພັນ​ດ້ານ​ປ້ອງ​ກັນຊາດ​ລະ​ຫວ່າງ ຫວຽດ​ນາມ ແລະ ອົດ​ສະ​ຕາ​ລີ ຍ​ສ​ໝ - ທີ່ການເຈລະຈາ, 2 ຝ່າຍໄດ້ຢືນຢັນຄຳໝັ້ນສັນຍາຊຸກຍູ້ການພົວພັນຮ່ວມມືດ້ານປ້ອງກັນຊາດໃນຂອບເຂດຄູ່ຮ່ວມມືຍຸດທະສາດລະຫວ່າງ 2 ປະເທດກວ່າອີກ. 2 ຝ່າຍກໍ່ປາດຖະໜາຢາກເປີດກວ້າງບາງເນື້ອໃນການຮ່ວມມືໃໝ່ ເຊິ່ງ 2 ຝ່າຍມີຄວາມຕ້ອງການ ແລະ ມີຄວາມສາມາດຄື: ເສນາຮັກ, ຄວາມໝັ້ນຄົງທາງດ້ານເຄືອຂ່າຍອີນເຕີແນັດ, ການຊອກຫາ-ກູ້ໄພກູ້ຊີບ, ອຸດສາຫະກຳປ້ອງກັນຊາດ…

ທ່ານ Will Nankervis ເອກ​ອັກ​ຄະ​ລັດ​ຖະ​ທູດ ອົດ​ສະ​ຕາ​ລີ ຕີ​ລາ​ຄາ​ “ຜົນ​ງານ​ພິ​ເສດ” ຂອງ ຫວຽດ​ນາມ ຍ​ສ​ໝ - ທີ່ກອງ​ປະ​ຊຸມ​ສຸດຍອດ ອາ​ຊຽນ - ອົດ​ສະ​ຕາ​ລີ, ທ່ານ ນາ​ຍົກ​ລັດ​ຖະ​ມົນ​ຕີ ອົດ​ສະ​ຕ​າ​ລີ Scott Morrison ໄດ້​ສະ​ແດງ​ຄວາມ​ຊົມ​ເຊີຍ​ຕໍ່​ເລື່ອງ ອາ​ຊຽນ​ເຫັນ​ດີ​ເປັນ​ເອ​ກະ​ພາບ​ຍົກ​ສູງກອງ​ປະ​ຊຸມ​ກາຍ​ເປັນ​ກອງ​ປະ​ຊຸມ​ປະ​ຈຳ​ປີ, ສ້າງ​ຂີດ​ໝາຍ​ໃໝ່​ໃຫ້​ແກ່​ການ​ພ​ົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ລະ​ຫວ່າງ​ສອງ​ຝ່າຍ.