| ຫວຽດນາມ: ການສົ່ງອອກບັນລຸຫຼາຍກ່ວາ 25 ຕື້ໂດລາສະຫະລັດໃນເຄິ່ງເດືອນ | |
| ຜ່ານການຮັບຮອງເອົາສັນຍາ EVFTA, ທີ່ຕັ້ງຂອງຫວຽດນາມ ສືບຕໍ່ໄດ້ຮັບການເພີ່ມທະວີກວ່າອີກ |
 |
| ທ່ານພັນເອກພິເສດ Oleg Youshkov. ພາບ: vietnamnet.vn |
ທ່ານພັນເອກພິເສດ Oleg Youshkov, ຜູ້ຮັບຜິດຊອບສື່ມວນຊົນຂອງງານແຂ່ງຂັນການທະຫານສາກົນ (Army Games) 2020 ໄດ້ເນັ້ນໜັກຄືດັ່ງນັ້ນທີ່ການພົບປະກັບນັກຂ່າວຂອງບັນດາປະເທດທີ່ມີທີມເຂົ້າຮ່ວມງານແຂ່ງຂັນ ເຊິ່ງພວມອາໄສຢູ່ໂຮງແຮມ Salut ນະຄອນຫຼວງມົດສະກູ, ສະຫະພັນລັດເຊຍ ໃນຕອນແລງຂອງວັນທີ 14 ສິງຫາ. ນີ້ແມ່ນຄັ້ງທີ 6 ທີ່ກະຊວງປ້ອງກັນປະເທດລັດເຊຍ ເປັນເຈົ້າພາບຈັດຕັ້ງ Army Games. Army Games 2020 ໄດ້ຮັບການເປີດຢ່າງເປັນທາງການໃນວັນທີ 23 ສິງຫາ 2020 ແລະອັດລົງໃນວັນທີ 5 ກັນຍາ 2020. ເຖິງວ່າມີຫຼາຍທີມບໍ່ສາມາດເຂົ້າຮ່ວມໄດ້ກໍ່ຕາມ, ແຕ່ງານແຂ່ງຂັນປີນີ້ຍັງດຶງດູດການເຂົ້າຮ່ວມຂອງກວ່າ 150 ທີມທີ່ມາຈາກກວ່າ 30 ປະເທດ. ບັນດາລາຍການແຂ່ງຂັນໄດ້ຈັດຕັ້ງຢູ່ 5 ປະເທດຄື: ລັດເຊຍ, ອາກເມນີ, ອາແຊກໄບຢານ, ອຸສະເບກິດສະຖານ ແລະເບລາຣຸດ, ໃນນັ້ນສ່ວນຫຼາຍແມ່ນຢູ່ລັດເຊຍ. ກໍ່ຍ້ອນພະຍາດໂຄວິດ-19, ຈໍານວນຜູ້ມາຊົມກໍ່ຈໍາກັດເມື່ອທຽບໃສ່ງານແຂ່ງຂັນຄັ້ງກ່ອນໜ້ານີ້.
ທ່ານພັນເອກພິເສດ Oleg Youshkov ໃຫ້ຮູ້ອີກວ່າ: ນີ້ແມ່ນຄັ້ງທີ 3 ທີ່ກອງທັບປະຊາຊົນຫວຽດນາມ ຈັດສົ່ງກໍາລັງເຂົ້າຮ່ວມ Army Games. ຈໍານວນທີມຂອງກອງທັບປະຊາຊົນຫວຽດນາມ ເຂົ້າຮ່ວມ Army Games ໄດ້ເພີ່ມຂຶ້ນຕາມແຕ່ລະປີ ແລະປີນີ້ແມ່ນຫຼາຍກວ່າເມື່ອທຽບໃສ່ຊຸມປີກ່ອນ, ໃນນັ້ນມີຫຼາຍທີມເຂົ້າຮ່ວມເປັນຄັ້ງທໍາອິດ. ພວກຂ້າພະເຈົ້າຂອບໃຈ ແລະຕີລາຄາສູງການສະໜັບສະໜູນຂອງຫວຽດນາມ ໃນສະພາບພະຍາດໂຄວິດ-19 ພວມຜັນແປຢ່າງສັບສົນ ແຕ່ຍັງຈັດສົ່ງກໍາລັງເຂົ້າຮ່ວມເປັນຈໍານວນຫຼວງຫຼາຍຄືແນວນັ້ນ. ພວກຂ້າພະເຈົ້າຍາມໃດກໍ່ຊົມເຊີຍ ແລະສະໜັບສະໜູນບັນດາປະເທດຈັດສົ່ງທີມເຂົ້າຮ່ວມ Army Games ນັບມື້ນັບຫຼາຍ ແລະພວກຂ້າພະເຈົ້າຫວັງວ່າ ໃນງານແຂ່ງຂັນຄັ້ງຕໍ່ໄປ, ຈໍານວນທີມຂອງກອງທັບປະຊາຊົນຫວຽດນາມ ເຂົ້າຮ່ວມຈະສືບຕໍ່ເພີ່ມຂຶ້ນກວ່າອີກ.
Army Games 2020 ໄດ້ດໍາເນີນໃນສະພາບການທີ່ພະຍາດໂຄວິດ-19 ພວມຜັນແປໄປຢ່າງສັບສົນໃນໂລກ. ເພື່ອໃຫ້ງານແຂ່ງຂັນການທະຫານສາກົນມີຄວາມປອດໄພ, ກະຊວງປ້ອງກັນປະເທດລັດເຊຍ ໄດ້ຮຽກຮ້ອງໃຫ້ທຸກຄະນະເຂົ້າຮ່ວມ Army Games 2020 ບໍ່ພຽງແຕ່ສະໜອງໃບຢ້ັງຢືນຜົນກວດເປັນລົບກັບເຊື້ອພະຍາດໂຄວິດ-19 ທີ່ໄດ້ປະຕິບັດກ່ອນທີ່ຈະເດີນທາງເຂົ້າປະເທດລັດເຊຍ 72 ຊົ່ວໂມງເທົ່ານັ້ນຫາກຍັງຕ້ອງສືບຕໍ່ດຳເນີນການກວດຫາເຊື້ອພະຍາດໂຄວິດ-19 ດ້ວຍວິທີການ RT-PCR ຢູ່ບ່ອນພັກເຊົາ ແລະກັກຕົນເອງໃນຮອບເວລາ 3 ວັນຕື່ມອີກ. ທ່ານພັນຕີ Maksim Zaytsev ຂອງກະຊວງປ້ອງກັນປະເທດລັດເຊຍ ເນັ້ນໜັກວ່າ “ພວກຂ້າພະເຈົ້າເຊື່ອໝັ້ນຢ່າງແນ່ວແນ່ວ່າບັນດາມາດຕະການປ້ອງກັນ ແລະຕ້ານພະຍາດໂຄວິດ-19 ທີ່ພວມຜັນຂະຫຍາຍແມ່ນດີທີ່ສຸດເພື່ອຮັບປະກັນຄວາມປອດໄພໃຫ້ Army Games 2020”.
 | ຜ່ານການຮັບຮອງເອົາສັນຍາ EVFTA, ທີ່ຕັ້ງຂອງຫວຽດນາມ ສືບຕໍ່ໄດ້ຮັບການເພີ່ມທະວີກວ່າອີກ ຍສໝ - ສັນຍາ FTA ສະບັບຫຼ້າສຸດນີ້ ຈະຊ່ວຍຫວຽດນາມ ຊຸກຍູ້ການເຕີບໂຕຫຼາຍພໍສົມຄວນໃນດ້ານການຄ້າ ແລະ ການລົງທຶນ. |
 | ທ່ານອະດີດເອກອັກຄະລັດຖະທູດລາວ ປະຈຳ ຫວຽດນາມ: ທ່ານ ເລຂາຟຽວ ອະດີດເລຂາທິການໃຫຍ່ ແມ່ນຄົນລຽບງ່າຍ, ນ້ຳໃສໃຈຈິງ, ສ້າງຄວາມດຶງດູດຄົນອື່ນຜ່ານການຈັບມື ຍສໝ - ທ່ານ ວິໄລວັນ ພົມເຂ ອະດີດລັດຖະມົນຕີກະຊວງກະສິກຳ ແລະປ່າໄມ້ລາວ; ອະດີດເລຂາ, ເຈົ້າແຂວງໆສະຫວັນນະເຂດ; ອະດີດເອກອັກຄະລັດຖະທູດລາວ ປະຈຳ ຫວຽດນາມ ໄດ້ມີການພົບປະຫຼາຍເທື່ອ ແລະມີຄວາມປະທັບໃຈທີ່ດີງາມຕໍ່ທ່ານອະດີດເລຂາທິການໃຫຍ່ ເລຂາຟຽວ. |
 | ກອງບັນຊາການທະຫານຊາຍແດນແຂວງເງະອານ ສສ.ຫວຽດນາມ ແລະກອງບັນຊາການທະຫານແຂວງບໍລິຄໍາໄຊ ສປປ.ລາວ ຈັດຕັ້ງການລາດຕະເວນສອງຝ່າຍຕາມເສັ້ນຊາຍແດນ ຍສໝ - ກໍາລັງລາດຕະເວນສອງຝ່າຍໄດ້ດໍາເນີນການລາດຕະເວນຕາມເສັ້ນຊາຍແດນ ຫວຽດນາມ-ລາວ ແລະຫຼັກໝາຍຊາຍແດນເລກທີ 441, ນີ້ແມ່ນຫຼັກໝາຍທີ່ປັກຢູ່ໄກ, ທາງໄປມາປະສົບຄວາມຫຍຸ້ງຍາກຫຼາຍ. |
ໄຊພອນ
