ພາບລຸງໂຮ່ ໃນຄວາມຊົງຈຳຂອງອຸສເບກີສະຖານ
ຢູ່ໃນຫ້ອງທີ່ແສງສະຫວ່າງຂອງເຮືອນຖ່າຍຮູບໃນນະຄອນຫຼວງ Tashkent ( ອຸສເບກີສະຖານ), ບັນດາຮູບພາບສີດໍາຂາວຖືກສະແດງຢ່າງສະຫງ່າງາມຄື: ປະທານ ໂຮ່ຈີມິນ ໃນການຢ້ຽມຢາມ ອຸສເບກີສະຖານ ໃນປີ 1959. ນີ້ເປັນຄັ້ງທຳອິດທີ່ໝູ່ປະຊາຊົນອຸສເບກີສະຖານ ໄດ້ຊົມບັນດາເຫດການປະຫວັດສາດເຫຼົ່ານີ້ຢ່າງສົມບູນ.
ປະທານສະມາຄົມມິດຕະພາບ ອຸສເບກີສະຖານ - ຫວຽດນາມ, ທ່ານ Alisher Mukhamedov ໄດ້ເປັນປະທານຈັດງານວາງສະແດງ, ໄດ້ແບ່ງປັນອາລົມຈິດວ່າ: ການພົວພັນມິດຕະພາບລະຫວ່າງ 2 ປະເທດໄດ້ຮັບການສ້າງຕັ້ງຂຶ້ນຈາກບັນດາລຸ້ນກ່ອນ, ປະຈຸບັນນີ້ຍາມໃດກໍ່ເພີ່ມພູນຄູນສ້າງຜ່ານຫຼາຍລຸ້ນ, ພັດທະນາ ແລະ ນຳມາເຊິ່ງຜົນປະໂຫຍດຂອງປະຊາຊົນສອງປະເທດ.
 |
| ງານວາງສະແດງຮູບພາບສາລະຄະດີ “ສາຍພົວພັນມິດຕະພາບແບບຍືນຍົງລະຫວ່າງ ອຸສເບກີສະຖານແລະ ຫວຽດນາມ” ໂດຍສະມາຄົມມິດຕະພາບ ອຸສເບກີສະຖານ - ຫວຽດນາມ ຈັດຕັ້ງໃນເດືອນເມສາ 2025. (ພາບ: TTXVN) |
Alisher Mukhamedov ແມ່ນຜູ້ສືບທອດຄວາມຊົງຈຳຂອງຄອບຄົວທີ່ຕິດພັນກັບຫວຽດນາມ. ພໍ່ຂອງລາວ, ທ່ານ Rustam Mukhamedov, ເຄີຍເປັນສະມາຊິກຫນຸ່ມນ້ອຍທີ່ສຸດຂອງຄະນະຜູ້ແທນຂອງຫ້ອງການສືບສວນສູງສຸດ ໂຊວຽດໄປຫວຽດນາມໃນປີ 1963 ແລະ ໄດ້ຮັບກຽດການພົບປະລຸງໂຮ່. ແລກປ່ຽນຕໍ່ວົງການນັກຂ່າວຫວຽດນາມ, ທ່ານ Alisher Mukhamedov ໃຫ້ຮູ້ວ່າ: ພໍ່ຂອງລາວຈື່ຈຳຄຳເວົ້າຂອງລຸງໂຮ່ຢ່າງຈະແຈ້ງວ່າ ເມື່ອສົງຄາມສິ້ນສຸດລົງ, ປະຊາຊົນ ຫວຽດນາມ ຈະສ້າງສາສັງຄົມທີ່ຍຸຕິທຳ ແລະ ວັດທະນາຖາວອນ. ລາວເຕີບໃຫຍ່ຂຶ້ນດ້ວຍເລື່ອງຕ່າງໆເຊັ່ນນັ້ນ.
ເມື່ອໂທລະພາບ ອຸສເບກີສະຖານ ໄດ້ສົ່ງຂ່າວກ່ຽວກັບໄຊຊະນະຂອງຫວຽດນາມ ໃນວັນທີ 30 ເມສາ1975, ສິ້ນສຸດການຕໍ່ສູ້ເພື່ອເອກະລາດ, ເສລີພາບ, ແລະ ທ້ອນໂຮມປະເທດຊາດເປັນເວລາ 30 ປີ, ໄວໜຸ່ມ Alisher Mukhamedov ຮູ້ສຶກຕື້ນຕັນໃຈຫຼາຍ. ທ່ານໃຫ້ຄຳເຫັນວ່າ: ໄຊຊະນະຂອງຫວຽດນາມ ໄດ້ກາຍເປັນແບບຢ່າງໃຫ້ບັນດາກຳລັງຕໍ່ສູ້ເພື່ອສັນຕິພາບ, ເອກະລາດ, ແລະ ກ້າວໜ້າ, ສົ່ງແຮງບັນດານໃຈໃຫ້ແກ່ຫຼາຍປະເທດຕ່າງໆ. ບັນດາເພື່ອນມິດຂອງຫວຽດນາມ ຢູ່ ອຸສເບກີສະຖານ ຍາມໃດກໍ່ສະເຫຼີມສະຫຼອງ 2 ໄຊຊະນະໄປພ້ອມໆກັນຄື: ໄຊຊະນະວັນທີ 30 ເມສາ ແລະ ໄຊຊະນະວັນທີ 9 ພຶດສະພາ 2014, ເຊິ່ງຖືວ່າແມ່ນສອງຂີດໝາຍຂອງບັນດາປະເທດທີ່ອົງອາດກ້າແກ່ນ.
ໃນໂອກາດການຢ້ຽມຢາມ ອຸສເບກີສະຖານ ຂອງປະທານສະພາແຫ່ງຊາດ ຫວຽດນາມ ທ່ານ ເຈີນແທັງເໝີ້ນ ແຕ່ເດືອນ ເມສາ 2025, ທ່ານ Alisher Mukhamedov ໄດ້ຫວນຄືນອີກເທື່ອໜຶ່ງວ່າ ພາບພົດປະທານ ໂຮ່ຈີມິນ ໃນຄວາມຊົງຈຳຂອງປະຊາຊົນອຸສເບກີສະຖານ, ຢືນຢັນວ່າ ນ້ຳໃຈມິດຕະພາບລະຫວ່າງ 2 ປະເທດແມ່ນສາຍເຊືອກທີ່ຕິດພັນກັບປະຫວັດສາດ. ທ່ານເຊື່ອໝັ້ນວ່າ, ນັກສຶກສາຫວຽດນາມ 3.500 ກວ່າຄົນທີ່ໄປຮ່ຳຮຽນຢູ່ ອຸສເບກີສະຖານ ແມ່ນ “ນັກການທູດປະຊາຊົນ” ຜູ້ທຳອິດ ແລະ ສຳຄັນທີ່ສຸດ, ປະກອບສ່ວນກໍ່ສ້າງຂົວແຫ່ງມິດຕະພາບ.
ເປັນສັກຂີພິຍານການເດີນທາງພາຍຫຼັງ 50 ປີແຫ່ງການໂຮມປະເທດຊາດເປັນເອກະພາບຂອງຫວຽດນາມ, ທ່ານ Alisher Mukhamedov ໄດ້ຕີລາຄາວ່າ ນັ້ນແມ່ນ “ການປ່ຽນແປງທີ່ໜ້າປະທັບໃຈ” ຄື: ຈາກຂະບວນການປ່ຽນແປງໃໝ່ໃນປີ 1986, ເຖິງຖານະເປັນໜຶ່ງໃນບັນດາພື້ນຖານເສດຖະກິດທີ່ຂະຫຍັນຂັນເຄື່ອນທີ່ສຸດຢູ່ອາຊີ - ປາຊີຟິກ ໃນປະຈຸບັນ. ທ່ານປະທັບໃຈ ໂດຍສະເພາະແມ່ນບັນດານະໂຍບາຍສາມັກຄີທົ່ວປ່ວງຊົນ ແລະ ນະໂຍບາຍປ້ອງກັນປະເທດ “ບໍ່ມີ 4 ຂໍ້” ຂອງຫວຽດນາມ, ຖືວ່າແມ່ນພື້ນຖານເພື່ອຊ່ວຍປະເທດຊາດຮັກສາສັນຕິພາບ ແລະ ສະຖຽນລະພາບເພື່ອພັດທະນາ.
ຂົວຂອງປະຊາຊົນໄດ້ທົນທານມາເປັນເວລາຫຼາຍກວ່າ 2 ທົດສະວັດ
ນັບແຕ່ສະມາຄົມມິດຕະພາບ ອຸສເບກີສະຖານ - ຫວຽດນາມ ໄດ້ຮັບການສ້າງຕັ້ງເມື່ອປີ 1999, ທ່ານ Alisher ໄດ້ຕິດພັນຢ່າງຄົບຖ້ວນ, ນັບແຕ່ບົດບາດເປັນເລຂາທິການ, ເລຂາທິການໃຫຍ່, ຮອງປະທານ, ເຖິງປະຈຸບັນແມ່ນປະທານສະມາຄົມ. ພາຍໃຕ້ການຊີ້ນຳຂອງທ່ານ, ໃນແຕ່ລະປີ, ບັນດາການເຄື່ອນໄຫວສະເຫຼີມສະຫຼອງວັນຊາດ ຫວຽດນາມ, ວັນເອກະລາດອຸສເບກີສະຖານ, ບັນດາການພົບປະແລກປ່ຽນ, ການສົນທະນາ, ງານວາງສະແດງ, ແປພາສາ ແລະ ໂຄສະນາວັດທະນະທຳຂອງສອງປະເທດໄດ້ຮັບການຈັດຕັ້ງຢ່າງຕໍ່ເນື່ອງ. ປີ 2021, ທ່ານໄດ້ເປັນປະທານຈັດຕັ້ງການແປພາສາ ຂອງຊຸດກະວີ "ບັນທຶກປະຈຳວັນໃນຄຸກ" ຂອງປະທານ ໂຮ່ຈີມິນ ເປັນພາສາອຸສເບກີສະຖານ, ໄດ້ນຳເອົາມໍລະດົກທາງຈິດໃຈຂອງ ຫວຽດນາມ ໄປໃກ້ເພື່ອນມິດຂອງປະເທດບ້ານໃກ້ເຮືອນຄຽງກວ່າອີກ.
 |
| ທ່ານ Alisher Mukhamedov ໄດ້ແນະນຳບົດແປພາສາອຸສເບກີສະຖານຂອງຊຸດບົດກະວີ "ບັນທຶກປະຈຳວັນໃນຄຸກ" ຂອງປະທານ ໂຮ່ຈີມິນ ຢູ່ການພົບປະມິດຕະພາບເພື່ອສະເຫຼີມສະຫຼອງ 30 ປີແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ - ອຸສເບກີສະຖານ, ວັນທີ 30 ສິງຫາ 2022. (ພາບ: Thu Ha) |
Alisher Mukhamedov ຍັງເປັນຂົວເຊື່ອມຕໍ່ໃນການຮ່ວມມືດ້ານການທ່ອງທ່ຽວ ແລະ ເສດຖະກິດ. ທ່ານສົມທົບກັບບັນດາວິສາຫະກິດ ອຸສເບກີສະຖານ ຈັດຕັ້ງກອງປະຊຸມສຳມະນາແນະນຳທ່າແຮງດ້ານການທ່ອງທ່ຽວຂອງ ຫວຽດນາມ, ເຊື່ອມຕໍ່ບັນດາວິສາຫະກິດຂອງ 2 ປະເທດເພື່ອຊອກຫາກາລະໂອກາດລົງທຶນ, ນຳນັກທ່ອງທ່ຽວອຸສເບກີສະຖານມາ ຮ່າລອງ, ໂຮ້ຍອ່ານ, ຮ່າໂນ້ຍ… ແລະ ກົງກັນຂ້າມ.
ມິດຕະພາບນັ້ນຍັງຄົງຢູ່ໃນສຽງເພງ. ປີ 2022, ລາວປະພັນເພງ “Tashkent - ຮ່າໂນ້ຍ, ຮ່າໂນ້ຍ - Tashkent”, ໄດ້ເລີ່ມຈາກຄວາມຊົງຈຳຂອງຄອບຄົວ ແລະ ຄວາມຮັກແພງທີ່ມີຕໍ່ຫວຽດນາມ. ຜົນງານດັ່ງກ່າວໄດ້ຮັບລາງວັນທີ 3 ໃນງານລາງວັນກ່ຽວກັບຂໍ້ມູນຂ່າວສານຕ່າງປະເທດອຄັ້ງທີ 9.
ທ່ານແບ່ງປັນກັບນັກຂ່າວ ວາລະສານ ຍຸກສະໄໝວ່າ: “ຂະບວນການປະດິດແຕ່ງແມ່ນງ່າຍທີ່ສຸດ ເພາະມັນເລີ່ມຈາກຄວາມຮູ້ສຶກ ແລະ ປະສົບການຂອງຂ້າພະເຈົ້າ. ນັ້ນເປັນຄວາມຮັກທີ່ເກີດຈາກບັນດາເລື່ອງເລົ່າທີ່ພໍ່ໄດ້ເລົ່າກ່ຽວກັບປະເທດ ແລະ ປະຊາຊົນຫວຽດນາມ. ຄວາມຮັກແພງໃນເບື້ອງຕົ້ນນັ້ນແມ່ນໄດ້ຮັບການເສີມຂະຫຍາຍຕື່ມອີກ ດ້ວຍຄວາມຮູ້ສຶກຈິງໃຈທີ່ເພື່ອນມິດຫວຽດນາມ ມີຕໍ່ຂ້າພະເຈົ້າ.”
 |
| ທ່ານ Alisher Mukhamedov (ທີ່ສາມຈາກຊ້າຍ), ປະທານສະມາຄົມມິດຕະພາບ ອຸສເບກີສະຖານ - ຫວຽດນາມ, ໄດ້ຮັບລາງວັນທີສາມຂອງລາງວັນກ່ຽວກັບຂໍ້ມູນຂ່າວສານຕ່າງປະເທດແຫ່ງຊາດຄັ້ງທີ 9 ດ້ວຍບົດເພງ “Tashkent - ຮ່າໂນ້ຍ, ຮ່າໂນ້ຍ - Tashkent” (ພາບ: Mai Anh). |
ດ້ວຍການປະກອບສ່ວນຢ່າງບໍ່ທົນທານ, ໃນປີ 2022 ທ່ານໄດ້ຮັບຫຼຽນກາລະນຶກ “ເພື່ອສັນຕິພາບ ແລະ ມິດຕະພາບລະຫວ່າງບັນດາປະເທດ” ແມ່ນລາງວັນທີ່ສູງສົ່ງທີ່ສຸດໃຫ້ແກ່ເພື່ອນມິດສາກົນຂອງສະຫະພັນບັນດາອົງການມິດຕະພາບ ຫວຽດນາມ.
ການເດີນທາງ, ຮູບພາບ, ດົນຕີ ແລະ ແມ່ນແຕ່ເລື່ອງລາວລຽບງ່າຍ ທີ່ Alisher Mukhamedov ເລົ່າສູ່ຟັງ ກ່ຽວກັບເຟີ,ແນມ ຫຼື ກາເຟຕອນເຊົ້າ ຢູ່ໜອງ ຮວ່ານກຽມ… ປະສົມເຂົ້າກັບຄວາມຮູ້ສຶກໃກ້ຊິດ, ຈິງໃຈຂອງເພື່ອນອຸສເບກີສະຖານທີ່ມີຕໍ່ຫວຽດນາມ.
ທ່ານກ່າວວ່າ: “ຂ້າພະເຈົ້າຮັກຫວຽດນາມ. ຢູ່ທີ່ນີ້ ຂ້າພະເຈົ້າມີເພື່ອນມິດທີ່ສະໜິດສະໜົມຫລາຍຄົນ. ຂ້າພະເຈົ້າຫວັງວ່າພວກເຮົາຈະເປັນຂອດໜຶ່ງການເຊື່ອມຕໍ່ແລກປ່ຽນປະຊາຊົນລະຫວ່າງສອງປະເທດ, ເພື່ອໃຫ້ການພົວພັນລະຫວ່າງຫວຽດນາມ - ອຸສເບກີສະຖານ ນັບມື້ນັບສະໜິດແໜ້ນ, ເຖິງວ່າຈະຫ່າງໄກທາງດ້ານພູມສາດກໍ່ຕາມ”.
ໃນຂະນະທີ່ຫວຽດນາມກະກຽມສະເຫຼີມສະຫຼອງ 80 ປີແຫ່ງຊາດຂອງຕົນ, ທ່ານ Alisher Mukhamedov ພວມເດີນທາງໄປຮ່າໂນ້ຍ. ນັ້ນບໍ່ພຽງແຕ່ແມ່ນການເດີນທາງເທົ່ານັ້ນ, ຫາກຍັງແມ່ນການສືບຕໍ່ເດີນທາງທີ່ເພິ່ນໄດ້ສ້າງຄວາມອົດທົນຄື: ການເດີນທາງຂອງເພື່ອນມິດ, ເປັນ “ຂົວເຊື່ອມຕໍ່ປະຊາຊົນ” ລະຫວ່າງສອງປະເທດ, ເພື່ອເຮັດໃຫ້ສາຍພົວພັນມິດຕະພາບຫວຽດນາມ - ອຸສເບກີສະຖານ ນັບມື້ນັບໝັ້ນຄົງເຂັ້ມແຂງ.
 | ສາກົນຕີລາຄາສູງເລື່ອງຫວຽດນາມດຳລົງຕຳແໜ່ງເປັນປະທານສະມັດຊາໃຫຍ່ WIPO ອາຍຸການ 2018 – 2019 ຍສໝ - ເລື່ອງຫວຽດນາມ ສະໝັກເລືອກຕັ້ງ ແລະ ໄດ້ຮັບດຳລົງຕຳແໜ່ງເປັນປະທານ WIPO ອາຍຸການ 2018 – 2019 ແມ່ນໜຶ່ງໃນບັນດາບາດກ້າວທີ່ມີປະສິດທິຜົນໃນການຜັນຂະຫຍາຍຄຳສັ່ງຂອງຄະນະເລຂາສູນກາງພັກກ່ຽວກັບການຍູ້ແຮງ ແລະ ຍົກລະດັບການພົວພັນຕ່າງປະເທດຫຼາຍຝ່າຍຮອດປີ 2030. |
 | ສື່ມວນຊົນສາກົນຕີລາຄາສູງ ເລື່ອງຫວຽດນາມຮັບບົດບາດເປັນກຳມະການບໍ່ປະຈຳການສະພາຄວາມໝັ້ນຄົງ ສ.ປ.ຊ ສື່ມວນຊົນສາກົນ ສືບຕໍ່ໃຫ້ຂ່າວກ່ຽວກັບເລຶ່ອງຫວຽດນາມໄດ້ຮັບເລືອກຕັ້ງເປັນກຳມະການບໍ່ປະຈຳການສະພາຄວາມໝັ້ນຄົງ ສະຫະປະຊາຊາດ ອາຍຸການ 2020-2021 ດ້ວຍຈຳນວນບັດສະໜັບສະຫນູນຢ່າງຂາດຂັ້ນ |
ແທັງຮັ່ງ
