ກວດສຸຂະພາບໂດຍບໍ່ເສຍຄ່າໃຫ້ແມ່ຍິງຫວຽດນາມຢູ່ມາເລເຊຍ

	ມາ​ເລ​ເຊຍ ​ແລະ ຫຼາຍ​ປະ​ເທດ​ ຕີລາຄາສູງທ່ານ​ເລຂາທິການ​ໃຫຍ່ ໂຕເລີມ ໂທລະສັບ​ກັບ​ປະທານາທິບໍດີ ອາ​ເມ​ລິ​ກາ, ສະໜັບສະໜູນ​ວິ​ທີເຂົ້າເຖິງ​ຂອງ​ຫວຽດນາມ
	ຮັກສາ, ແຜ່ຂະຫຍາຍ​ພາສາ​ຫວຽດນາມ ຢູ່ ມາ​ເລ​ເຊຍ

ດ້ວຍ​ຫົວ​ຂໍ້ “ສຸຂະພາບ​ຂອງ​ເຈົ້າ - ຄວາມ​ສຸກ​ຂອງ​ຂ້ອຍ”, ການ​ເຄື່ອນ​ໄຫວ​ນີ້​ໄດ້​ປະກອບສ່ວນ​ເຂົ້າ​ໃນ​ການ​ເຊື່ອມ​ຕໍ່​ປະຊາ​ຄົມ ​ແລະ ຮັດ​ແໜ້ນ​ສາຍ​ພົວພັນ​ມິດຕະພາບ​ລະຫວ່າງ 2 ປະ​ເທດ.

ຕາມ​ນັກ​ຂ່າວຂອງສຳນັກຂາວສານ ຫວຽດນາມ ຢູ່ Kuala Lumpur, ​ໃນ​ສອງມື້ທ້າຍ​ອາທິດ​, (12 ແລະ 13 ກໍລະກົດ), ​ແມ່ຍິງ ຫວຽດນາມ 50 ກວ່າ​ຄົນ ພ້ອມກັບຄອບຄົວ​ຂອງ​ເຂົາ​ເຈົ້າ​ໄດ້​ເຂົ້າ​ຮ່ວມ​ກອງ​ປະຊຸມ​ປຶກສາ​ຫາລື ​ແລະ ກວດ​ສຸຂະພາບ​ໂດຍ​ບໍ່​ເສຍ​ຄ່າ​ຢູ່​ໂຮງໝໍຂະແໜງສະເພາະ ​ Ampang Puteri (KPJ Ampang Puteri Specialist Hospital).

ບັນດາຜູ້ແທນທີ່ເຂົ້າຮ່ວມເຫດການຖ່າຍຮູບລວມ. (ພາບ: ຮັ່ງລິງ/ສຳນັກຂາວສານ ຫວຽດນາມ).

ກ່າວ​ຄຳ​ປາໄສ​​ທີ່ເຫດການ​ນີ້, ທ່ານ ​ຮ​ສ, ປອ Shahrul Nizam Ahmad Zamzali - ຫົວໜ້າ​ພະ​ແນ​ກສຸກ​ເສີນ​ຂອງ​ໂຮງໝໍ KPJ Ampang Puteri - ​ໄດ້​ສະ​ແດງ​ຄວາມ​ເປັນ​ກຽດ​ໃນ​ການ​ຮ່ວມ​ມື​ກັບ​ສະມາຄົມ​ມິດຕະພາບ, ຮ່ວມເດີນທາງພ້ອມ​ກັບ​ປະຊາ​ຄົມ​ຊາວ ຫວຽດນາມ ຢູ່ ມາ​ເລ​ເຊຍ ​ໃນ​ການ​ຍົກ​ສູງຄວາມຮັບຮູ້​ກ່ຽວກັບສຸຂະພາບ, ພິ​ເສດ​ແມ່ນ​ແມ່ຍິງ​ທີ່​ມີ​ບົດບາດ​ສຳຄັນ​ໃນ​ຄອບຄົວ ​ແລະ ສັງຄົມ.

ແມ່ຍິງຫວຽດນາມ ຫຼາຍຄົນທີ່ເຂົ້າຮ່ວມໂຄງການໄດ້ຕີລາຄາສູງບັນດາເນື້ອໃນການປຶກສາຫາລືຢ່າງເລິກເຊິ່ງ ແລະ ມີປະໂຫຍດຂອງໂຮງໝໍ, ພ້ອມກັນນັ້ນ ຍ້ອງຍໍບັນດາຄວາມລອບຄອບ, ຄວາມກະຕືລືລົ້ນ ແລະ ຮັກແຂກຂອງຖັນແຖວພະນັກງານ KPJ.

ຕາງໜ້າໃຫ້ປະຊາຄົມຊາວຫວຽດນາມ, ທ່ານນາງ ເຈິ່ນທິຈາງ - ປະທານສະມາຄົມມິດຕະພາບ ມາເລເຊຍ - ຫວຽດນາມ (MVFA) ສະແດງຄວາມປິຕິຊົມຊື່ນຕໍ່ການຮ່ວມມືເຕັມໄປດ້ວຍຄວາມຫວັງດີ ແລະ ວິຊາຊີບຂອງ KPJ, ເຊິ່ງເປັນໜຶ່ງໃນກຸ່ມບໍລິສັດການແພດເອກະຊົນແຖວໜ້າ ຢູ່ມາເລເຊຍ, ແລະ ພ້ອມກັນນັ້ນ ຫວັງວ່ານີ້ແມ່ນການເຄື່ອນໄຫວເປີດກ້ວາງໃຫ້ບັນດາເຫດການມຸ່ງໄປເຖິງການດູແລສຸຂະພາບຢ່າງແທດຈິງໃຫ້ແກ່ຊາວ ຫວຽດນາມ ຢູ່ ມາເລເຊຍ ຕາມຈິດໃຈ “ສຸຂະພາບຂອງເຈົ້າ - ຄວາມສຸກຂອງຂ້ອຍ”.

ເຫດການນີ້ປະກອບສ່ວນເຂົ້າໃນການເຊື່ອມຕໍ່ປະຊາຄົມຊາວຫວຽດນາມ ອາໄສຢູ່ຕ່າງປະເທດຫ່າງຈາກບ້ານເພື່ອໃຫ້ທຸກຄົນອຸ່ນອ່ຽນໃຈປະຕິບັດວຽກງານ ແລະ ເຂົ້າໃຈຄວາມໝາຍຂອງການພົວພັນຮ່ວມມືຍຸດທະສາດຮອບດ້ານລະຫວ່າງມາເລເຊຍ ແລະ ຫວຽດນາມ ກ່ວາອີກ.

ສະໜັບສະໜູນຊາວຈຳຫວຽດນາມ ຢູ່ມາເລເຊຍ ຜ່ານຜ່າຄວາມຫຍຸ້ງຍາກຍ້ອນໂລກລະບາດ Covid-19 ຍສໝ - ສະຖານທູດຫວຽດນາມ ປະຈຳ ມາເລເຊຍ ໄດ້ໄປຢ້ຽມຢາມ ແລະ ມອບຂອງຂວັນກວ່າ 100 ພູດ ໃຫ້ແກ່ບັນດາຄອບຄົວຊາວຈຳຫວຽດນາມຢູ່ Teluk Intan ໃນລັດ Perak.

ສັກວັກຊີນປ້ອງກັນພະຍາດໂຄວິດ -19 ໃຫ້ກັບແຮງງານຫວຽດນາມ 200 ຄົນຢູ່ມາເລເຊຍ ຍສໝ - ວັນທີ 4 ກັນຍາ, ທີ່ນະຄອນຫຼວງກົວລາລໍາເປີ, ສະຖານທູດຫວຽດນາມປະຈໍາມາເລເຊຍ ໄດ້ສົມທົບກັບສະຫະພັນແມ່ຍິງຫວຽດນາມ ແລະ ອົງການທີ່ມີໜ້າທີ່ ເພື່ອຈັດຕັ້ງການສັກວັກຊີນກັນພະຍາດໂຄວິດ -19 ໃຫ້ແກ່ຊາວຫວຽດນາມ 200 ຄົນຢູ່ໃນບໍລິເວນນະຄອນຫຼວງກົວລາລໍາເປີ.