 | ຫວຽດນາມ ສືບຕໍ່ປະສານສົມທົບ ແລະ ແລກປ່ຽນກັບ ອາເມລິກາ |
| ເຊີດຊູພາສາຫວຽດນາມ: ເຜີຍແຜ່ຄວາມຮັກແພງໃຫ້ແກ່ເດັກນ້ອຍຢູ່ນະຄອນ New York, ອາເມລິກາ |
ທ່ານນາຍົກລັດຖະມົນຕີ ມາເລເຊຍ ຂໍ້ມູນໃຫ້ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່ຽວກັບເລື່ອງ ມາເລເຊຍ ໃນຖານະເປັນປະທານອາຊຽນ 2025, ຈະຈັດກອງປະຊຸມລັດຖະມົນຕີເສດຖະກິດອາຊຽນ ໃນວັນທີ 10 ເມສາ 2025 ເພື່ອປຶກສາຫາລື, ຕີລາຄາສະພາບການ, ມາດຕະການເພີ່ມທະວີການເຊື່ອມຕໍ່ ແລະ ຮ່ວມມືລະຫວ່າງ ອາເມລິກາ ໃນສະພາບການທີ່ອາເມລິກາ ປະກາດນະໂຍບາຍພາສີໃໝ່.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ໂອ້ລົມທາງໂທລະສັບກັບທ່ານນາຍົກລັດຖະມົນຕີ ມາເລເຊຍ Anwar Ibrahim ເພື່ອປຶກສາຫາລືກ່ຽວກັບການພົວພັນລະຫວ່າງສອງປະເທດ ແລະ ຕີລາຄາຫລາຍບັນຫາພາກພື້ນ ແລະ ສາກົນທີ່ພົ້ນເດັ່ນຂຶ້ນເມື່ອບໍ່ດົນມານີ້ - ພາບ: VGP/Nhat Bac. |
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແຈ້ງໃຫ້ຊາບກ່ຽວກັບບັນດາຄວາມມານະພະຍາຍາມຂອງຫວຽດນາມ ໃນການພົບປະແລກປ່ຽນກັບຝ່າຍ ອາເມລິກາ, ໃນນັ້ນມີ ການໂທລະສັບລະຫວ່າງທ່ານເລຂາທິການໃຫຍ່ ໂຕເລີມ ແລະ ທ່ານປະທານາທິບໍດີ ອາເມລິກາ Donald Trump ເມື່ອວັນທີ 4 ເມສາ 2025 ເພື່ອປຶກສາຫາລືບັນດາມາດຕະການລົບລ້າງສິ່ງກີດຂວາງ, ຊຸກຍູ້ການຮ່ວມມືດ້ານເສດຖະກິດການຄ້າ, ມຸ່ງໄປເຖິງການຄ້າທີ່ຍຸດຕິທຳ ແລະ ຍືນຍົງ, ເປັນເອກະພາບຜົນປະໂຫຍດຂອງທຸກຝ່າຍ; ໃນນັ້ນມີການພິຈາລະນາຄວາມເປັນໄປໄດ້ທີ່ຫວຽດນາມຈະຫຼຸດພາສີນຳເຂົ້າໃຫ້ເຫຼືອ 0% ສຳລັບສິນຄ້ານຳເຂົ້າຈາກອາເມລິກາ, ພ້ອມກັນນັ້ນສະເໜີໃຫ້ອາເມລິກາປະຕິບັດອັດຕາພາສີທີ່ຄ້າຍຄືກັນກັບສິນຄ້ານຳເຂົ້າຈາກຫວຽດນາມ ແລະ ສືບຕໍ່ປຶກສາຫາລືກ່ຽວກັບການລົງນາມໃນສັນຍາສອງຝ່າຍລະຫວ່າງສອງປະເທດ ເພື່ອຫັນບັນດາຄຳໝັ້ນສັນຍາທີ່ກ່າວມານີ້ເປັນລະອຽດ ແລະ ກ່າວວ່າ ຈະສົ່ງທ່ານຮອງນາຍົກລັດຖະມົນຕີ ໂຮ່ດຶກເຟີກໄປອາເມລິກາ ເພື່ອປຶກສາຫາລືກ່ຽວກັບບັນຫານີ້ຢ່າງລະອຽດ.
ທ່ານນາຍົກລັດຖະມົນຕີ ຟ້າມມິງຈິງ ໄດ້ຊົມເຊີຍຂໍ້ລິເລີ່ມຂອງມາເລເຊຍໃນການຈັດຕັ້ງກອງປະຊຸມລັດຖະມົນຕີເສດຖະກິດອາຊຽນ ແລະ ຢືນຢັນຈະສົ່ງລັດຖະມົນຕີກະຊວງອຸດສາຫະກຳ ແລະ ການຄ້າເຂົ້າຮ່ວມກອງປະຊຸມ.
ທ່ານນາຍົກລັດຖະມົນຕີ ມາເລເຊຍ ແບ່ງປັນວ່າ ມາເລເຊຍ ແລະ ຫຼາຍປະເທດໃນພາກພື້ນໄດ້ຊົມເຊີຍ ແລະ ຕີລາຄາສູງເລື່ອງທ່ານເລຂາທິການໃຫຍ່ ໂຕເລີມ ໄດ້ໂທລະສັບກັບປະທານາທິບໍດີ ອາເມລິກາ Donald Trump, ໄດ້ສະແດງຄວາມເຫັນດີເຫັນພ້ອມ ແລະ ສະໜັບສະໜູນວິທີການຂອງ ຫວຽດນາມ ກ່ຽວກັບບັນຫານີ້.
ທ່ານນາຍົກລັດຖະມົນຕີ ມາເລເຊຍ ກໍ່ໄດ້ແຈ້ງໃຫ້ທ່ານນາຍົກລັດຖະມົນຕີ ຟ້າມມິງຈິງ ກ່ຽວກັບບາງມາດຕະການທີ່ມາເລເຊຍ ເປັນປະທານອາຊຽນເພື່ອແກ້ໄຂບັນຫາມຽນມາ, ໃນນັ້ນມີການຢ້ຽມຢາມມຽນມາຂອງລັດຖະມົນຕີການຕ່າງປະເທດມາເລເຊຍໃນວັນທີ 5 ເມສາ 2025; ເນັ້ນໜັກເຖິງນະໂຍບາຍຂອງມາເລເຊຍໃນການຊຸກຍູ້ການເຈລະຈາ, ຮັບປະກັນຄວາມສາມັກຄີ, ເປັນເອກະພາບໃນການແກ້ໄຂບັນຫາມຽນມາ.
ທ່ານນາຍົກລັດຖະມົນຕີ ຟ້າມມິງຈິງ ໄດ້ຊົມເຊີຍຄວາມມານະພະຍາຍາມຂອງ ມາເລເຊຍ ໃນຖານະປະທານອາຊຽນ ໃນການແກ້ໄຂບັນຫາມຽນມາ, ໂດຍສະເພາະແມ່ນການໜູນຊ່ວຍຢ່າງມີປະສິດທິຜົນຂອງມາເລເຊຍ ກໍ່ຄືຄວາມຮັບຜິດຊອບ ແລະ ບົດບາດຢ່າງຕັ້ງໜ້າໃນການຊຸກຍູ້ບັນດາການເຄື່ອນໄຫວຮ່ວມມືຂອງອາຊຽນ ເພື່ອຊ່ວຍໃຫ້ມຽນມາ ແກ້ໄຂຜົນຮ້າຍຢ້ອນຫຼັງຈາກໄພແຜ່ນດິນໄຫວເມື່ອບໍ່ດົນມານີ້.
ທ່ານນາຍົກລັດຖະມົນຕີ ຫວຽດນາມ ກໍ່ແຈ້ງໃຫ້ຊາບກ່ຽວກັບບັນດາມາດຕະການໜູນຊ່ວຍຂອງຫວຽດນາມ ເພື່ອຊ່ວຍ ມຽນມາ ໃນທັນທີຫຼັງເກີດແຜ່ນດິນໄຫວ, ໃນນັ້ນມີການສົ່ງກຳລັງກູ້ໄພ 100 ກວ່າຄົນ, ພ້ອມກັບອຸປະກອນການແພດ, ເຄື່ອງໃຊ້, ຢາປົວພະຍາດຈຳນວນຫຼາຍໄປ ມຽນມາ ແລະ ມອບເງິນຊ່ວຍເຫຼືອ 300.000 USD ໜູນຊ່ວຍມຽນມາ; ຢືນຢັນວ່າ ຫວຽດນາມ ຈະສືບຕໍ່ພ້ອມກັບມາເລເຊຍ ແລະ ບັນດາປະເທດສະມາຊິກ ອາຊຽນ, ພ້ອມແລ້ວທີ່ຈະເປັນຕົວກາງ ແລະ ໄກ່ເກ່ຍໃນບັນດາຄວາມມານະພະຍາຍາມຮ່ວມເພື່ອຊຸກຍູ້ການເຈລະຈາ ແລະ ຄວາມປອງດອງຊາດຢູ່ ມຽນມາ.
ນາຍົກລັດຖະມົນຕີ 2 ທ່ານໄດ້ເຫັນດີເປັນເອກະສັນສືບຕໍ່ແລກປ່ຽນ, ເພີ່ມທະວີຄວາມໄວ້ເນື້ອເຊື່ອໃຈ, ສົມທົບກັນຢ່າງແໜ້ນແຟ້ນໃນການເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານເພື່ອສັນຕິພາບ, ສະຖຽນລະພາບ, ຄວາມຈະເລີນຮຸ່ງເຮືອງຂອງສອງປະເທດ, ພາກພື້ນ ແລະ ໂລກ.
 | ຍສໝ - ເນື່ອງໃນໂອກາດການຢ້ຽມຢາມທາງລັດຖະກິດໄປຍັງສາທາລະນະລັດ ອິນໂດເນເຊຍ, ການຢ້ຽມຢາມຢ່າງເປັນທາງການຄະນະເລຂາ ອາຊຽນ ແຕ່ວັນທີ 9-11 ມີນາ, ທ່ານເລຂາທິການໃຫຍ່ ໂຕເລີມ ແລະ ພັນລະຍາພ້ອມດ້ວຍຄະນະຜູ້ແທນຂັ້ນສູງຫວຽດນາມ ໄດ້ໄປຢ້ຽມຢາມສະຖານທູດ, ພົບປະກັບ ພະນັກງານບັນດາອົງການຜູ້ຕາງໜ້າ ແລະ ປະຊາຄົມຊາວຫວຽດນາມ ປະຈຳ ອິນໂດເນເຊຍ |
 | ຍສໝ - ອະດີດເອກອັກຄະລັດຖະທູດ ອາເມລິກາ 17 ທ່ານ ໄດ້ສົ່ງຈົດໝາຍເຖິງທ່ານລັດຖະມົນຕີການຕ່າງປະເທດ ອາເມລິກາ Marco Rubio ເພື່ອສະແດງຄວາມເປັນຫ່ວງກ່ຽວກັບການຢຸດໂຄງການຊ່ວຍເຫຼືອຕ່າງປະເທດຂອງ ອາເມລິກາ, ເຊິ່ງເຮັດໃຫ້ບັນດາການເຄື່ອນໄຫວເກັບກູ້ລະເບີດທີ່ໄດ້ຮັບທຶນຈາກ ອາເມລິກາ ໃນຫວຽດນາມ, ລາວ, ກຳປູເຈຍ ຖືກຢຸດສະຫງັກ. |
ມີງດຶກ
