 | ເຫດການລົດຖີບ, ຕິດພັນມິດຕະພາບ ຫວຽດນາມ - ໂຮນລັງ ມີການເຂົ້າຮ່ວມ 400 ກວ່າຄົນ |
| ແນວພັນດອກລິນລີ້ ຊະນິດໃໝ່ ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ໂຮນລັງ |
ຕອນເຊົ້າວັນທີ 12 ກໍລະກົດ 2025, ຄະນະປະຕິບັດງານຂອງຄະນະກຳມາທິການແຫ່ງລັດກ່ຽວກັບຊາວຫວຽດນາມ ຢູ່ຕ່າງປະເທດ - ກະຊວງການຕ່າງປະເທດ ໂດຍທ່ານຮອງລັດຖະມົນຕີ ເລທິທູຮັ່ງ ນຳໜ້າ ໄດ້ມີການພົບປະກັບຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ ໂຮນລັງ ຢູ່ສຳນັກສະຖານທູດຫວຽດນາມ ປະຈຳ ນະຄອນຫຼວງ ລາໄຮ.
 |
| ເຂົ້າຮ່ວມການພົບປະມີທ່ານເອກອັກຄະລັດຖະທູດ ຫວຽດນາມ ປະຈຳ ໂຮນລັງ, ບັນດາພະນັກງານສະຖານທູດ ແລະ ຊາວຫວຽດນາມ ອາໄສຢູ່ຕ່າງປະເທດ 40 ກວ່າຄົນທີ່ມາຈາກບັນດາທ້ອງຖິ່ນຢູ່ ໂຮນລັງ. (ພາບ: ຄະນະກຳມາທິການແຫ່ງລັດກ່ຽວກັບຊາວຫວຽດນາມ ຢູ່ຕ່າງປະເທດ) |
ຕາມທ່ານເອກອັກຄະລັດຖະທູດ ຫວຽດນາມ ປະຈຳ ໂຮນລັງ ໂງເຮືອງນາມ ແລ້ວ, ໄລ່ຮອດເດືອນ ກໍລະກົດ 2025, ປະຊາຄົມຊາວ ຫວຽດນາມ ຢູ່ ໂຮນລັງ ມີ 27.237 ຄົນ. ພວກເຂົາອາໄສຢູ່ໃນບັນດານະຄອນ Almere, Purmerend, Hoorn, Harlingen, Leeuwarden, Spijkenisse ... ນີ້ແມ່ນຊຸມຊົນຂະຫນາດນ້ອຍກວມເອົາປະມານ 0.15% ຂອງປະຊາກອນ ໂຮນລັງ. ເຂົາເຈົ້າສ່ວນຫຼາຍມີສັນຊາດ, ດຳລົງຊີວິດ ແລະ ເຮັດວຽກຢ່າງໝັ້ນຄົງ, ເຊື່ອມຕົວເຂົ້າກັບປະຈຳຖິ່ນເປັນຢ່າງດີ, ມີການເຄື່ອນໄຫວຫຼາຍຢ່າງຕໍ່ກັບບ້ານເກີດເມືອງນອນ. ການຮໍ່າຮຽນຂອງຊາວຫວຽດນາມ ໄດ້ຮັບການຕີລາຄາສູງຈາກປະຊາຄົມປະຈຳຖິ່ນ.
ນັບແຕ່ຕົ້ນປີ 2000 ເປັນຕົ້ນມາ, ຊາວຫວຽດນາມ ໄປ ໂຮນລັງ ເພື່ອເຮັດການຄົ້ນຄວ້າປະລິນຍາເອກ, ປະລິນຍາໂທ ແລະ ປະລິນຍາຕີນັບມື້ນັບເພີ່ມຂຶ້ນ, ສຸມໃສ່ເຂົ້າບັນດາຂົງເຂດຄົ້ນຄວ້າວິທະຍາສາດ, ເຕັກໂນໂລຢີສູງ, ຊອບແວ, logistics ແລະ ອື່ນໆ. ຈັດຕັ້ງຄະນະສະມາຄົມຂອງຊຸມຊົນມີບາດກ້າວພັດທະນາ: ສະມາຄົມຊາວຫວຽດນາມ ຢູ່ ໂຮນລັງ (ສ້າງຕັ້ງຂຶ້ນໃນເດືອນຕຸລາ 2022), ສະມາຄົມແມ່ຍິງຫວຽດນາມ ຢູ່ ໂຮນລັງ (ມັງກອນ ປີ 2023); ສະຫະພັນແມ່ຍິງຫວຽດນາມ ປະຈຳໂຮນລັງ, ສະມາຄົມນັກປັນຍາຊົນວິທະຍາສາດ ແລະ ເຕັກໂນໂລຊີ ຫວຽດນາມ ປະຈຳ ໂຮນລັງ (2007). ບັນດາຫ້ອງຮຽນພາສາຫວຽດນາມ ແລະ ສະໂມສອນ ເຈື່ອງຊາ ມີການເຄື່ອນໄຫວຢ່າງຕັ້ງໜ້າ.
 |
| ຄະນະປະຕິບັດງານໄດ້ມອບປຶ້ມໃຫ້ປະຊາຄົມຊາວ ຫວຽດນາມ ຢູ່ ໂຮນລັງ. (ພາບ: ຄະນະກຳມາທິການແຫ່ງລັດກ່ຽວກັບຊາວຫວຽດນາມ ຢູ່ຕ່າງປະເທດ) |
ທີ່ການພົບປະ, ຜູ້ຕາງໜ້າບັນດາອົງການຂອງປະຊາຄົມຊາວ ຫວຽດນາມ ຢູ່ ໂຮນລັງ ໄດ້ລາຍງານບັນດາການເຄື່ອນໄຫວຂອງບັນດາສະມາຄົມ ແລະ ມີບັນດາຄຳເຫັນ, ຂໍ້ສະເໜີທີ່ມີຕໍ່ໃຫ້ພັກ, ລັດ ແລະ ລັດຖະບານ ກ່ຽວກັບບາງແຜນນະໂຍບາຍກ່ຽວກັບພັດທະນາເສດຖະກິດ, ວິທະຍາສາດ ເຕັກໂນໂລຊີ ແລະ ໜູນຊ່ວຍຊາວຫວຽດນາມ ຢູ່ຕ່າງປະເທດ.
ບັນດາຜູ້ຕາງໜ້າຊາວຫວຽດນາມ ອາໄສຢູ່ຕ່າງປະເທດ ຂອບໃຈພັກ, ລັດ, ລັດຖະບານ, ພິເສດແມ່ນກະຊວງການຕ່າງປະເທດ ແລະ ສະຖານທູດຫວຽດນາມ ຍາມໃດກໍ່ເອົາໃຈໃສ່ເຖິງສິດ ແລະ ຜົນປະໂຫຍດຂອງຊາວຫວຽດນາມ ຢູ່ຕ່າງປະເທດ. ປະຊາຊົນມີຄວາມປິຕິຊົມຊື່ນກັບບັນດາຜົນງານ ແລະ ຖານະທີ່ຕັ້ງຂອງປະເທດຊາດໃນມໍ່ໆມານີ້, ໂດຍສະເພາະແມ່ນຕິດຕາມຢ່າງໃກ້ຊິດ ແລະ ຫວັງວ່າຈະປະກອບສ່ວນສ້າງສາປະເທດຊາດໃນສັງກາດໃໝ່. ພ້ອມກັນນັ້ນ, ກໍ່ຢາກໄດ້ຮັບຄວາມສະດວກໃນການມອບສັນຊາດ, ບັນດາຂັ້ນຕອນທີ່ກ່ຽວຂ້ອງເຖິງການດຳເນີນທຸລະກິດ, ການຊຳລະເງິນທາງອອນລາຍ ແລະ ອື່ນໆ.
ກ່າວຄຳປາໄສທີ່ການພົບປະ, ທ່ານຮອງລັດຖະມົນຕີ ເລທິທູຮັ່ງ ໄດ້ສະແດງຄວາມຮູ້ສຶກເຖິງການຕ້ອນຮັບອັນອົບອຸ່ນຂອງປະຊາຊົນ; ຍ້ອງຍໍບັນດາການເຄື່ອນໄຫວຢ່າງຕັ້ງໜ້າຂອງຊາວຫວຽດນາມ ອາໄສຢູ່ຕ່າງປະເທດໃນການກໍ່ສ້າງຊຸມຊົນ, ອະນຸລັກຮັກສາວັດທະນະທຳ ແລະ ພາສາຫວຽດນາມ, ເຂົ້າຮ່ວມວຽກງານອາສາສະໝັກຊ່ວຍເຫຼືອພີ່ນ້ອງຮ່ວມຊາດຜ່ານຜ່າພາຍຸ, ໄພນ້ຳຖ້ວມ, ໄພທຳມະຊາດ, ໜູນຊ່ວຍຂະບວນການເພື່ອທະເລ, ໝູ່ເກາະ, ເຈື່ອງຊາທີ່ຮັກແພງ...
ທ່ານຮອງລັດຖະມົນຕີໄດ້ປຶກສາຫາລືກັບປະຊາຊົນບັນດາຈຸດປະສົງ, ຄວາມໝາຍ ແລະ ໝາກຜົນຂອງຄະນະປະຕິບັດງານເຖິງ ໂຮນລັງ; ໄດ້ແຈ້ງໃຫ້ປະຊາຊົນຊາບກ່ຽວກັບສະພາບການພັດທະນາເສດຖະກິດ - ສັງຄົມ ແລະ ນະໂຍບາຍການຕ່າງປະເທດຂອງປະເທດຊາດ, ໃນນັ້ນມີການພົວພັນມິດຕະພາບ ແລະ ການຮ່ວມມືກັບ ໂຮນລັງ.
 |
| ທ່ານນາງ ຮອງນາຍົກລັດຖະມົນຕີໄດ້ຖ່າຍຮູບກັບຊາວຫວຽດນາມ ຢູ່ ໂຮນລັງ. (ພາບ: ຄະນະກຳມາທິການແຫ່ງລັດກ່ຽວກັບຊາວຫວຽດນາມ ຢູ່ຕ່າງປະເທດ) |
ທ່ານນາງ ຮອງລັດຖະມົນຕີ ເລທິທູຮັ່ງ ຮຽກຮ້ອງຊາວຫວຽດນາມ ອາໄສຢູ່ຕ່າງປະເທດ ສືບຕໍ່ປະກອບສ່ວນອັນລ້ຳຄ່າ, ພ້ອມກັນນັ້ນ ຮັກສາຄວາມສາມັກຄີ, ເປັນເອກະພາບ, ແບ່ງປັນທັດສະນະລວມໃນການກໍ່ສ້າງປະຊາຄົມທີ່ໝັ້ນຄົງ, ເຊື່ອມໂຍງ ແລະ ຍົກສູງທີ່ຕັ້ງ ແລະ ກຽດສັກສີຢູ່ປະຈຳຖິ່ນ, ຮັກສາພາສາ ຫວຽດນາມ, ວັດທະນະທຳ ແລະ ກົກເຄົ້າເຫງົ້າຕໍປະເພນີ.
 | ຫວຽດນາມ ແລະ ໂຮນລັງ ເພີ່ມທະວີການຮ່ວມມືເພື່ອຮັບມືກັບປ່ຽນແປງຂອງດິນຟ້າອາກາດ ຍສໝ - ທ່ານເອກອັກຄະລັດຖະທູດ ຟ້າມວຽດແອງ ຖືວ່າ: ການປັບປຸງການປ່ຽນແປງຂອງດິນຟ້າອາກາດ ແມ່ນເນື້ອໃນສຳຄັນໃນການຮ່ວມມືຍຸດທະສາດລະຫວ່າງ ຫວຽດນາມ ແລະ ໂຮນລັງ, ແມ່ນສຳຄັນທີ່ສຸດເພື່ອໃຫ້ ຫວຽດນາມ ຜ່ານຜ່າສິ່ງທ້າທາຍທາງທຳມະຊາດ. |
 | ຊາວຫວຽດນາມຢູ່ ຕວກກີ ໄດ້ຕີລາຄາສູງການໜູນຊ່ວຍຂອງສະຖານທູດ ຍສໝ ສະຖານທູດໄດ້ມີແຜນການສົມທົບກັບປະຊາຄົມຊາວຫວຽດນາມ ຢູ່ຕວກກີ ເພື່ອຜັນຂະຫຍາຍບັນດາໂຄງການໜູນຊ່ວຍອັນສຳຄັນໃຫ້ແກ່ປະຊາຊົນ ເພື່ອໃຫ້ຊີວິດການເປັນຢູ່ກັບຄືນສູ່ສະພາບປົກກະຕິໂດຍໄວ. |
ແທັງຮັ່ງ
