| ທ່ານປະທານາທິບໍດີ ຕວກກີ ໄດ້ລົງພື້ນທີ່ສະແດງຄວາມຂອບໃຈຄະນະກູ້ໄພຫວຽດນາມ | |
| ຄະນະກູ້ໄພກູ້ຊີບ ຫວຽດນາມຢູ່ ຕວກກີ: ບໍ່ໄດ້ຫວັ່ນໄຫວກັບຄວາມຫຍຸ້ງຍາກ, ຕັ້ງໃຈທີ່ຈະດຳເນີນ ພາລະກິດອັນສູງສົ່ງຢ່າງສໍາເລັດ |
ປະຊາຊົນຊາວຫວຽດນາມ ທີ່ອາໄສ, ຮ່ຳຮຽນ ແລະ ເຮັດວຽກຢູ່ ຕວກກີ ໄດ້ຕີລາຄາສູງວຽກງານປົກປ້ອງພົນລະເມືອງ ແລະ ສະແດງຄວາມຕື້ນຕັນໃຈຕໍ່ຄວາມເອົາໃຈໃສ່, ຊຸກຍູ້ ແລະ ການຢ້ຽມຢາມຖາມຂ່າວຂອງສະຖານທູດຫວຽດນາມ.
ໃນການໃຫ້ສຳພາດຕໍ່ສຳນັກຂ່າວສານຫວຽດນາມ, ທ່ານ ເຢືອງນາມເຟືອງ, ຜູ້ບໍລິຫານເວັບ “ປະຊາຄົມຊາວຫວຽດນາມ ປະຈຳ ຕວກກີ” ໃຫ້ຮູ້ວ່າ ພາຍຫຼັງເກີດເຫດແຜ່ນດິນໄຫວ, ລາວແມ່ນຜູ້ທີ່ໄດ້ຮັບໂທລະສັບຈາກສະຖານທູດໂດຍກົງ, ສະເໜີລົງບົດຂ່າວສານຕ່າງໆເພື່ອໃຫ້ພົນລະເມືອງຫວຽດນາມທຸກຄົນຮູ້ສະພາບການ, ໂດຍສະເພາະ ແມ່ນສາຍດ່ວນຂອງສະຖານທູດເພື່ອໃຫ້ພົນລະເມືອງທຸກຄົນໄດ້ຮັບຮູ້. ໂຊກດີທີ່ໃນໄພພິບັດທີ່ຜ່ານມາ ບໍ່ມີກໍລະນີໂຊກຮ້າຍທີ່ເປັນຊາວຫວຽດນາມ ຢູ່ ຕວກກີ, ມີພຽງ 7 ຄອບຄົວທີ່ມີໄພ້ ຫວຽດນາມ ໄດ້ຮັບຜົນກະທົບ.
 |
| ທ່ານ ເຢືອງນາມເຟືອງ, ຜູ້ບໍລິຫານເວັບ “ປະຊາຄົມຊາວຫວຽດນາມ ປະຈຳ ຕວກກີ”. (ພາບ: TTXVN) |
ທ້າວ ບູ່ຍຊ່ວນມາຍ, ຫົວຫນ້າສະມາຄົມນັກສຶກສາຫວຽດນາມໃນປະເທດຕວກກີ, ກໍ່ໄດ້ຕີລາຄາສູງ ແລະ ຮັບຮູ້ການປົກປ້ອງພົນລະເມືອງຂອງສະຖານທີ່ໄດ້ປະຕິບັດຢ່າງໄວວາ. ບໍ່ພຽງແຕ່ຕິດຕໍ່ປະສານງານ ແລະ ລົງບົດຂ່າວສານກ່ຽວກັບສາຍດ່ວນ ເພື່ອໃຫ້ພົນລະເມືອງທຸກຄົນໄດ້ຮັບຮູ້, ຫຼັງຈາກເກີດເຫດແຜ່ນດິນໄຫວ 3 ມື້, ສະຖານທູດໄດ້ສົ່ງເຈົ້າຫນ້າທີ່ໄປທີ່ Adana - ສະຖານທີ່ໃກ້ກັບໃຈກາງຂອງແຜ່ນດິນໄຫວ, ກຽມພ້ອມຫນູນຊ່ວຍພົນລະເມືອງຫວຽດນາມ ຖ້າມີຄວາມຈໍາເປັນ.
ຊາວຫວຽດນາມທີ່ດຳລົງຊີວິດຢູ່ໃນເຂດທີ່ຖືກກະທົບ ສ່ວນຫຼາຍແມ່ນແມ່ຍິງ. ໂດຍໄດ້ຮັບຮູ້ຢ່າງຈະແຈ້ງວ່າ ໄລຍະເວລາການກໍ່ສ້າງພື້ນຖານໂຄງລ່າງຄືນໃຫມ່ ຈະມີຄວາມຫຍຸ້ງຍາກຫຼາຍຂຶ້ນ, ສະຖານທູດກໍ່ໄດ້ວາງແຜນທີ່ຈະປະສານງານກັບປະຊາຊົນຫວຽດນາມ ໃນປະເທດຕວກກີ ເພື່ອໃຫ້ຊີວິດການເປັນຢູ່ກັບຄືນສູ່ສະພາບປົກກະຕິໂດຍໄວ.
ຄຳຮຸ່ງ
