ແນວພັນດອກລິນລີ້ ຊະນິດໃໝ່ ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ໂຮນລັງ

	ສະເຫຼີມສະຫຼອງວັນສ້າງຕັ້ງການພົວພັນທາງການທູດ ຫວຽດນາມ ແລະອາກຊັງຕິນ ຄົບຮອບ 50 ປີ
	ຊຸກຍູ້ຂະບວນການຂອງນັກສຶກສາຫວຽດນາມ ປະຈຳ ໂຮນລັງ

ອາທິດ​ທີ່​ຜ່ານ​ມາ, ຄະນະປະຕິບັດງານ​ຈາກ 3 ​ແຂວງ ​ເລີມ​ດົ່ງ, ດົ່ງ​ທາບ ​ແລະ ເຊີນ​ລາ, ບັນດາເຈົ້າຂອງ​ຟາມ​ປູກດອກ​ໄມ້ ​ແລະ ບັນດາ​ຮາກຖານ​ຄົ້ນຄວ້າ ​ແລະ ບຳລຸງ​ສ້າງ​ວິທະຍາສາດຂອງ​ຫວຽດນາມ ໄດ້ໄປຍັງ ​ໂຮ​ນລັງ ​ເພື່ອ​ເຮັດ​ວຽກ​ກັບ​ບັນດາ​ຄູ່​ຮ່ວມ​ມື​ໃນ​ຂະແໜງການ​ປູກ​ດອກ​ໄມ້​ຢູ່ ​ໂຮ​ນລັງ.

ແນວພັນດອກ ລິນລີ້ ​ຊະນິດ​ໃໝ່​ໄດ້​ມີ​ຊື່ເປັນທາງການແມ່ນ ສິງແດງ (Sutudo). ພາບ: Onings Holland Flowerbulbs

​ເນື່ອງ​ໃນ​ໂອກາດ​ນີ້, ແນວພັນດອກ ລິນລີ້ ​ຊະນິດ​ໃໝ່​ໄດ້​ມີ​ຊື່ເປັນທາງການແມ່ນ ສິງແດງ (Sutudo), ​ໄດ້​ເພາະພັນ​ໂດຍ​ບໍລິສັດ Onings Holland Flowerbulbs - ວິສາຫະກິດໜຶ່ງທີ່ມີໜ້າ​ຢູ່ ຫວຽດນາມ ມາ​ເປັນ​ເວລາ​ຫຼາຍ​ປີ, ​ໄດ້​ຮ່ວມ​ມື ​ແລະ ສົ່ງ​ອອກແນວພັນ​ດອກ​ໄມ້ ​ແລະ ໜູນ​ຊ່ວຍ​ບັນດາ​ຄູ່​ຮ່ວມ​ມື​ຫວຽດນາມ ຢ່າງ​ມີ​ປະສິດທິ​ຜົນ.

ພິທີ​ພິທີ​ຕັ້ງ​ຊື່​ໄດ້​ດຳ​ເນີນໂດຍທີ່ປືກສາຝ່າຍ​ກະສິກຳ ໂຮນລັງ ປະຈຳ ຫວຽດນາມ, ທ່ານ​ນາງ Ingrid Korving ​ແລະ ທີ່ປືກສາທູດ​ການ​ຄ້າ, ສະຖານທູດ ໂຮນລັງ ປະຈຳ ຫວຽດນາມ ທ່ານ​ນາງ ຫວໍທິງອກດຽບ ເພື່ອເປັນການສະເຫຼີມສະຫຼອງວັນສ້າງຕັ້ງການພົວພັນທາງການທູດ ຫວຽດນາມ - ໂຮນລັງ ຄົບຮອບ 50 ປີ.

ເປັນທີ່ຮູ້ຈັກວ່າ Sutudo ຈະມີໜ້າໃນຕະຫຼາດນັບແຕ່ປີ 2026.

ການ​ຮ່ວມ​ມື​ລະຫວ່າງ​ຫວຽດນາມ ​ແລະ ​ໂຮ​ນລັງ, ພິ​ເສດ​ແມ່ນ​ຂົງ​ເຂດ​ປູກ​ດອກ​ໄມ້ ​ແລະ ຕົ້ນ​ໄມ້​ປະດັບ​ໄດ້​ຮັບ​ການ​ສ້າງ​ຕັ້ງ​ຂຶ້ນ​ຢ່າງ​ມີ​ພື້ນຖານ​ອັນ​ໝັ້ນແກ່ນ, ​ເປີດ​ກວ້າງ​ຄວາມ​ສາມາດ​ບົ່ມ​ຊ້ອນ​ຫລາຍ​ຢ່າງ​ໃຫ້​ແກ່​ອະນາຄົດ. ຢູ່ ຫວຽດນາມ, ເນື້ອທີ່ປູກດອກໄມ້, ຕົ້ນໄມ້ປະດັບ, ດອກໄມ້ປະດັບແມ່ນ 45.000 ເຮັກຕາ, ໃນນັ້ນ ເລີມດົ່ງ ແມ່ນເຂດຜະລິດຈຸດສຸມ.

ການໄປປະຕິບັດງານໂດຍການສົມທົບ​ກັນຈັດຕັ້ງຂອງ ​ສະຖານທູດ​ໂຮ​ນລັງ​ ປະຈຳ ​ຫວຽດນາມ, ອົງການ​ວິ​ສາ​ຫະກິດ​ໂຮ​ນລັງ (RVO), ສະມາຄົມການ​ຮ່ວມ​ມືປູກຝັງ ​​ການ​ຄ້າ​ ໂຮນລັງ - ຫວຽດນາມ ( Netherlands - Vietnam Horti Business Platform - NVHBP) ​ແລະ Dutch Greenhouse Delta ​ເພື່ອ​ແບ່ງປັນ​ຄວາມ​ຮູ້, ຄົ້ນຫາບັນດາສາຍສຳພັນຄູ່​ຮ່ວມ​ມື​ທີ່​ມີ​ຄວາມສາມາດບົ່ມຊ້ອນ ​ແລະ ​ເພີ່ມ​ທະວີ​ການ​ຮ່ວມ​ມື​ໃນ​ຂົງ​ເຂດ​ປູກ​ຝັງ, ເຮັດສວນ​ແບບ​ຍືນ​ຍົງ​ໃຫ້​ທັງ​ສອງ​ປະ​ເທດ.

ດີງເລື້ອງ