ການສອນເດັກນ້ອຍດ້ວຍຂອງຂວັນ

14:52 | 03/06/2025

ຍສໝ - ວັດສະດຸພລາສຕິກຫຼາຍກວ່າ 1,000 ກິໂລຈະຖືກນຳມາລີໄຊເຄີນເປັນໂຕະ, ຕັ່ງ 60 ຊຸດ ແລະ ພວງກະແຈທີ່ມີສີສັນຫຼາຍຮ້ອຍອັນເພື່ອມອບໃຫ້ເດັກນ້ອຍທີ່ປະສົບກັບຄວາມຫຍຸ້ງຍາກ. ນີ້ແມ່ນຂໍ້ມູນດັ່ງກ່າວໄດ້ຖືກແບ່ງປັນທີ່ພິທີສະຫຼຸບໂຄງການ “A New Life for Waste - ວົງຈອນຊີວິດໃໝ່ໃຫ້ສິ່ງເສດເຫຼືອ” ແລະ ພິທີມອບລາງວັນການເສັງປະດິດແຕ່ງ “ເດັກນ້ອຍປະຕິບັດເພື່ອສິ່ງແວດລ້ອມ” 2025 ໄດ້ຈັດຕັ້ງໂດຍອົງການ Good Neighbors International (GNI) ໃນຕອນເຊົ້າວັນທີ 2 ມິຖຸນາ ຢູ່ຮ່າໂນ້ຍ.

	ຈັດຕັ້ງຊຸດຝຶກອົບຮົມວິທີການສອນພາສາ ຫວຽດ ໃຫ້ 7 ແຂວງຂອງລາວ
	ອະດີດນັກສຶກສາມະຫາວິທະຍາໄລ ຮ່າຕິ້ງ ສົ່ງແຮງບັນດານໃຈໃນດິນແດນ ລ້ານຊ້າງ

ໂຄງການ “A New Life for Waste – ວົງຈອນຊີວິດໃໝ່ໃຫ້ສິ່ງເສດເຫຼືອ” ໄດ້ດຳເນີນແຕ່ເດືອນ ມີນາ ຫາ ເດືອນ ພຶດສະພາ 2025 ຢູ່ຮ່າໂນ້ຍ ແລະ ນະຄອນໂຮ່ຈີມິນ ເພື່ອແນໃສ່ຍົກສູງຄວາມຮັບຮູ້ກ່ຽວກັບຂີ້ເຫຍື້ອປຼາສະຕິກໃນໄວໜຸ່ມ, ພ້ອມກັນນັ້ນ ກໍ່ນຳຂີ້ເຫຍື້ອປຼາສະຕິກຄືນໃໝ່ໃຫ້ກາຍເປັນຜະລິດຕະພັນທີ່ເປັນປະໂຫຍດ ເພື່ອມອບໃຫ້ນັກຮຽນປະສົບກັບຄວາມຫຍຸ້ງຍາກ.

ເຂົ້າຮ່ວມໂຄງການດັ່ງກ່າວມີນັກຮຽນ ແລະ ຄູອາຈານ 3.700 ກວ່າຄົນທີ່ມາຈາກ 6 ໂຮງຮຽນມັດທະຍົມຄື: ໂງສີລຽນ, ນາມຕືລຽມ, ຫງວຽໜຢູ, ກວ່າງຈຸງ, ຫງວຽນເຈືອງໂຕະ ( ຮ່າໂນ້ຍ) ແລະ ບິ່ງຮວ່າ( ກູຈິ,ນະຄອນ ໂຮຈິມິງ). ບັນດາການເຄື່ອນໄຫວໄດ້ຮັບການປະສານງານຄົບຊຸດລະຫວ່າງ GNI ແລະໂຮງຮຽນ, ສ້າງຜົນກະທົບໃນຊຸມຊົນຂອງໂຮງຮຽນຢ່າງຕັ້ງໜ້າ.

ພາບບັນຍາກາດພິທີສະຫຼຸບ. (ພາບ: GNI)

ໂຄງການດັ່ງກ່າວປະກອບມີ 2 ໄລຍະ: ການປະກອບຄວາມຮູ້ ແລະ ການປະຕິບັດການຈັດປະເພດສິ່ງເສດເຫຼືອປຼາສະຕິກ. ໃນໄລຍະທຳອິດ, ນັກສຶກສາໄດ້ຊອກຮູ້ກ່ຽວກັບມົນລະພິດສິ່ງເສດເຫຼືອປຼາສະຕິກ, ຂະບວນການຈັດປະເພດ ແລະ ເຂົ້າຮ່ວມບັນດາການເຄື່ອນໄຫວຕ່າງໆເຊັ່ນ: ການສື່ສານໃນຫ້ອງຮຽນ, workshop ຫົວຂໍ້ລົງເລິກ. ໃນໄລຍະທີ 2, ບັນດານັກຮຽນໄດ້ຝຶກຊ້ອມການຈັດລຽງສິ່ງເສດເຫຼືອຕາມແຫຼ່ງ, ແຂ່ງຂັນເກັບຂີ້ເຫຍື້ອປຼາສະຕິກປະຈຳອາທິດ ແລະ ປະດັບປະດາເຂດເກັບຂີ້ເຫຍື້ອດ້ວຍບັນດາສານທີ່ປົກປັກຮັກສາສິ່ງແວດລ້ອມ.

ພິເສດ, ສະໂມສອນສິ່ງແວດລ້ອມຂອງເດັກໄດ້ຮັບການສ້າງຕັ້ງຂຶ້ນຢູ່ບັນດາໂຮງຮຽນເພື່ອຮັກສາຂະບວນການ, ເຜີຍແຜ່ບັນດາການເຄື່ອນໄຫວສີຂຽວ ແລະ ຊີ້ນຳເພື່ອນມິດເຂົ້າຮ່ວມພ້ອມກັນ.

ທ່ານນາງ ດ່າວທ້ຽນລີ, ຜູ້ອຳນວຍການບໍລິຫານອົງການ GNI (ເສື້ອສີດຳ) ໄດ້ມອບໃບຢັ້ງຢືນໃຫ້ບັນດາໂຮງຮຽນ ແລະ ນັກສຶກສາທີ່ເຂົ້າຮ່ວມໂຄງການ. (ພາບ: GNI)

ແບ່ງປັນທີ່ເຫດການ, ນາງ ຈິ້ງແອັງຍີ່ ນັກຮຽນຫ້ອງ 7A3, ໂຮງຮຽນ ມັດທະຍົມຕອນຕົ້ນ ໂງ່ສີລຽນ, ໃຫ້ຮູ້ວ່າ: “ກ່ອນນີ້, ຂ້າພະເຈົ້າຄິດວ່າ ຂີ້ເຫຍື້ອເປັນພຽງສິ່ງທີ່ຄວນຖິ້ມ. ພາຍຫຼັງໂຄງການ, ຂ້າພະເຈົ້າເຂົ້າໃຈວ່າ ຖ້າຮູ້ຈັດແບ່ງ ແລະ ຈັດການ, ຂີ້ເຫຍື້ອອາດຈະກາຍເປັນຊັບພະຍາກອນທີ່ເປັນປະໂຫຍດ. ຂ້າພະເຈົ້າໄດ້ຮຽນຮູ້ທັກສະໃໝ່ຫຼາຍຢ່າງເຊັ່ນ: ການເຮັດວຽກເປັນທີມ, ການນຳສະເໜີ ແລະ ທັກສະການຄິດວິຈານ. ບັນດາທັກສະນັ້ນ ໄດ້ຊ່ວຍພວກຂ້າພະເຈົ້າກາຍເປັນ ' ເອກອັກຄະລັດຖະທູດສີຂຽວ', ນຳເອົາສານກ່ຽວກັບການປົກປັກຮັກສາສິ່ງແວດລ້ອມເຜີຍແຜ່ເຖິງຄອບຄົວແລະ ຊຸມຊົນ".

“ຍິ່ງພວກຂ້າພະເຈົ້າເຂົ້າຮ່ວມ, ພວກຂ້າພະເຈົ້າຍິ່ງຮູ້ສຶກວ່າພວກເຮົາບໍ່ໄດ້ຢູ່ໂດດດ່ຽວ ເພາະມີເພື່ອນມິດອີກຫຼາຍຄົນທີ່ມີຄວາມສົນໃຈ ແລະ ພ້ອມທີ່ຈະປະຕິບັດເພື່ອສິ່ງແວດລ້ອມ. ຈາກນັ້ນ, ພວກຂ້າພະເຈົ້າກໍ່ເລີ່ມຢາກກາຍເປັນພາກສ່ວນໜຶ່ງໃນກຸ່ມໃຫຍ່ຂຶ້ນ, ເຊິ່ງເປັນບ່ອນເຜີຍແຜ່ຈິດໃຈຊີວິດສີຂຽວໄດ້ຢ່າງແຂງແຮງກວ່າອີກ”, ປອັງຍີ່ ແບ່ງປັນຕື່ມອີກ.

ບັນດານັກສຶກສາພ້ອມກັບຄູອາຈານໄດ້ຖ່າຍຮູບທີ່ລະນຶກໃນພິທີ. (ພາບ: GNI)

ກ່າວຄຳປາໄສທີ່ພິທີສະຫຼຸບ, ທ່ານນາງ ດ່າວທ້ຽນລີ, ຜູ້ອຳນວຍການບໍລິຫານອົງການ GNI ສະແດງຄວາມຫວັງວ່າ: “ນັບແຕ່ບັນດາບາດກ້າວທຳອິດໃນມື້ນີ້, ບັນດາພວກນ້ອງຈະສືບຕໍ່ເປັນເອກອັກຄະລັດຖະທູດສິ່ງແວດລ້ອມຢູ່ໂຮງຮຽນ, ໃນຄອບຄົວ ແລະ ໃນຊຸມຊົນ”.

ຝຶກອົບຮົມການສອນພາສາຫວຽດ ໃຫ້ແກ່ນາຍຄູຊາວຫວຽດນາມ ອາໄສຢູ່ຕ່າງປະເທດ

ຍສໝ - ຊຸດຝຶກອົບຮົມ ໂດຍຄະນະກໍາມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງປະເທດ ສົມທົບກັບກະຊວງສຶກສາ ແລະ ກໍ່ສ້າງ ຈັດຕັ້ງ ແນໃສ່ຍົກສູງຄຸນນະພາບການສິດສອນ, ລະດັບວິຊາສະເພາະ, ວິຊາຄູ ຂອງນາຍຄູໃນການສອນພາສາຫວຽດ ຕາມຫຼັກສູດສະເພາະໃຫ້ ແກ່ຊາວຫວຽດນາມ ອາໄສຢູ່ຕ່າງປະເທດ.