 | ວິທະຍາໄລການແພດ ຮ່າຕິ້ງ ໄດ້ຈັດຕັ້ງພິທີສະເຫຼີມສະຫຼອງວັນຊາດ ສປປ ລາວ |
| ຮ່າຕິ້ງ ແລະບໍລິຄໍາໄຊ ຍູ້ແຮງການພົວພັນມິດຕະພາບ, ການຮ່ວມມື |
 |
| ອາຈານ ຮ່ວາງທິມາຍ ສືບຕໍ່ໃນການເດີນທາງສ້າງແຮງບັນດານໃຈດ້ວຍການສອນພາສາຫວຽດນາມ ຢູ່ ສປປ ລາວ. |
ຄວາມຟົດຟື້ນຈາກຫ້ອງບັນຍາຍເຖິງເວທີສອນ
ຮ່ວາງທິມາຍ ເກີດເມື່ອປີ 1992 ຢູ່ຕາແສງ ຊວນອ່ຽນ, ເມືອງ ງິຊວນ, ແຂວງ ຮ່າຕິ້ງ. ຫຼັງຈາກຮຽນຈົບຊັ້ນມັດທະຍົມປາຍ, ນາງ ມາຍ ໄດ້ຜ່ານການສອບເສັງ ແລະ ໄດ້ຮ່ຳຮຽນຢູ່ຫ້ອງການສຶກສາປະຖົມ K4, ຄະນະສ້າງຄູ, ມະຫາວິທະຍາໄລ ຮ່າຕິ້ງ. ໃນວັນເວລາຮຽນຢູ່ມະຫາວິທະຍາໄລ, ມາຍ ຍາມໃດກໍ່ເປັນນັກສຶກສາທີ່ຂະຫຍັນຂັນເຄື່ອນ, ມີຄວາມຟົດຟື້ນ. ນາງໄດ້ເປັນກໍາມະການຄະນະບໍລິຫານງານສະມາຄົມນັກສຶກສາ, ເຂົ້າຮ່ວມບັນດາລາຍການອາສາສະໝັກຢ່າງຕັ້ງໜ້າ.
ສໍາລັບ ມາຍ, ການສິດສອນບໍ່ພຽງແຕ່ເປັນວຽກງານ, ຫາກຍັງເປັນຄວາມຫຼົງໄຫຼ ແລະ ພາລະກິດ. ນາງໄດ້ແບ່ງປັນວ່າ: “ຕັ້ງແຕ່ຮຽນຢູ່ໂຮງຮຽນ, ຂ້າພະເຈົ້າໄດ້ໃຝ່ຝັນກາຍເປັນຄູສອນເພື່ອຖ່າຍທອດຄວາມຮູ້ໃຫ້ແກ່ບັນດານັກຮຽນ. ພິເສດ, ຂ້າພະເຈົ້າເລືອກການສອນເປັນອາຊີບກໍ່ແມ່ນສືບຕໍ່ຄວາມຝັນຍັງພໍກະເທີນຂອງແມ່ຂ້າພະເຈົ້າ - ຜູ້ທີ່ຕ້ອງຢຸດອາຊີບການສຶກສາຍ້ອນສະພາບການຄອບຄົວທີ່ຫຍຸ້ງຍາກ."
 |
| ນາງ ຮ່ວາງທິມາຍ ໄດ້ກັບຄືນເມືອບ້ານເກີດຂອງຕົນ ແລະ ເຮັດວຽກຢູ່ໂຮງຮຽນປະຖົມ ຊວນອ່ຽນ, ເມືອງ ງິຊວນ. |
ຫຼັງຈາກຮຽນຈົບ, ມາຍ ໄດ້ກັບຄືນເມືອບ້ານເກີດຂອງຕົນ ແລະ ເຮັດວຽກຢູ່ໂຮງຮຽນປະຖົມ ຊວນອ່ຽນ, ເມືອງ ງິຊວນ. ດ້ວຍຄວາມຟົດຟື້ນຂອງຄູສອນຫນຸ່ມ, ນາງບໍ່ພຽງແຕ່ສອນບັນດາວິຊາວັດທະນະທໍາເທົ່ານັ້ນ, ຫາກຍັງຈັດຕັ້ງບັນດາກິດຈະກໍາລົງຕົວຈິງ, ບຳລຸງສ້າງນັກຮຽນເຂົ້າຮ່ວມບັນດາການເສັງ. ນາງກໍ່ຍັງໄດ້ເຂົ້າຮ່ວມບັນດາຫຼັກສູດການຝຶກອົບຮົມວິຊາຊີບ ແລະ ບັນດາການປະກວດຄູອາຈານທີ່ດີເລີດໃນທຸກລະດັບຢ່າງເປັນປະຈຳ.
ສົ່ງແຮງບັນດານໃຈໃນດິນແດນລ້ານຊ້າງ
 |
| ນາງ ຮ່ວາງທິມາຍ ເຂົ້າຮ່ວມການສິດສອນພາສາຫວຽດ ຢູ່ໂຮງຮຽນຊົນເຜົ່າກິນນອນແຂວງ ສະຫວັນນະເຂດ. |
ເດືອນມິຖຸນາ ປີ 2024, ກະຊວງການສຶກສາ ແລະ ບຳລຸງສ້າງ ຫວຽດນາມ ໄດ້ປະກາດຄັດເລືອກຄູອາຈານ, ຄູສອນ 22 ຄົນ ໄປສອນພາສາຫວຽດນາມ ຢູ່ລາວ ອາຍຸການ 2024-2026 ດ້ວຍຄວາມປາດຖະໜາຢາກຄົ້ນພົບ, ປະສົບການ ແລະ ປະກອບສ່ວນ, ມາຍ ໄດ້ອອກສະໝັກເລືອກຕັ້ງຢ່າງກ້າກັ່ນ. ຫຼັງຈາກ 5 ເດືອນຂອງມອບເອກະສານ ແລະ ຜ່ານຫຼາຍຮອບຄັດເລືອກເບື້ອງຕົ້ນ, ນາງໄດ້ຮັບເລືອກຢ່າງເປັນທາງການຕາມຂໍ້ຕົກລົງເລກທີ 3431/QD-BGDDT ລົງວັນທີ 7 ພະຈິກ 2024.
“ດ້ວຍຄວາມກະຕືລືລົ້ນຂອງຊາວໜຸ່ມ ແລະ ຄວາມຫຼົງໄຫຼໃນການສອນ, ຂ້າພະເຈົ້າຫວັງວ່າ ຈະນຳເອົາຄວາມຮູ້ຂອງຕົນຖ່າຍທອດໃຫ້ເຖິງນັກຮຽນລາວ, ພ້ອມກັນນັ້ນ ກໍ່ຕັ້ງໜ້າເຂົ້າຮ່ວມບັນດາການເຄື່ອນໄຫວເຊື່ອມຕໍ່ຊຸມຊົນ, ໂຄສະນາກ່ຽວກັບການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ລາວ” - ນາງ ມາຍ ແບ່ງປັນ.
 |
| ນາງ ຮ່ວາງທິມາຍ ຍັງເຂົ້າຮ່ວມໜູນຊ່ວຍການສອນພາສາຫວຽດ ໃຫ້ເດັກນ້ອຍຫວຽດນາມ ຢູ່ລາວ ຢູ່ໂຮງຮຽນປະຖົມ ຮວ່າງອວັນ. |
ເມື່ອມາຮອດປະເທດລາວ, ນາງ ມາຍ ໄດ້ວາງແຜນໃຫ້ການເຄື່ອນໄຫວທີ່ມີຄວາມໝາຍຫຼາຍຢ່າງ. ນາງເຂົ້າຮ່ວມການສອນພາສາຫວຽດນາມ ຢູ່ໂຮງຮຽນຊົນເຜົ່າແຂວງ ສະຫວັນນະເຂດ, ເປັນເສນາທິການກ່ຽວກັບການພັດທະນາຫຼັກສູດການຮຽນພາສາຫວຽດນາມ ເພີ່ມທະວີ, ສ້າງຕັ້ງບັນດາສະໂມສອນ “ນ້ອງຮັກພາສາຫວຽດນາມ” ແລະ ຈັດຕັ້ງການບໍລິຈາກປຶ້ມ, ຕຳລາສອນໃຫ້ນັກຮຽນລາວ. ນາງກໍ່ຫວັງວ່າ ຢາກເຂົ້າຮ່ວມບັນດາການເຄື່ອນໄຫວວັດທະນະທຳ, ເຊື່ອມໂຍງເຂົ້າກັບປະຊາຄົມລະຫວ່າງ 2 ປະເທດ. ນອກຈາກນັ້ນ, ນາງຍັງໄດ້ເຂົ້າຮ່ວມການໜູນຊ່ວຍການສອນພາສາຫວຽດນາມ ໃຫ້ເດັກນ້ອຍຫວຽດນາມ ຢູ່ລາວ ຢູ່ໂຮງຮຽນປະຖົມ ຮວ່າງອວັນ ແລະ ໂຮງຮຽນມັດທະຍົມຕອນປາຍ ມິດຕະພາບ ຫວຽດນາມ - ລາວ.
“ພາຍຫຼັງເວລາດຳລົງຊີວິດ ແລະ ເຮັດວຽກຢູ່ດິນແດນລ້ານຊ້າງ, ຂ້າພະເຈົ້າໄດ້ມີຄວາມເຂົ້າໃຈເພິ່ມເຕີມກ່ຽວກັບຮີດຄອງປະເພນີ, ປະເທດຊາດ ແລະ ປະຊາຊົນລາວ. ຂ້າພະເຈົ້ານັບຖືຢ່າງສູງການພົວພັນທີ່ສະໜິດຕິດແໜ້ນລະຫວ່າງສອງປະເທດອ້າຍນ້ອງ ແລະ ຫວັງວ່າຈະໄດ້ປະກອບສ່ວນນ້ອຍເຂົ້າໃນພາລະກິດການສຶກສາຂອງປະເທດເພື່ອນມິດ” - ນາງ ມາຍ ປັບທຸກ.
 |
| ການເດີນທາງຂອງນາງ ຮ່ວາງທິມາຍ ແມ່ນແບບຢ່າງທີ່ສົ່ງແຮງບັນດານໃຈໃຫ້ແກ່ບັນດາຊາວໜຸ່ມ, ພິເສດແມ່ນບັນດາຜູ້ພວມມຸ່ງໝັ້ນປະຕິບັດພາລະກິດການສຶກສາ. |
ການເດີນທາງຂອງນາງ ຮ່ວາງທິມາຍ ບໍ່ພຽງແຕ່ແມ່ນເລື່ອງສ່ວນຕົວເທົ່ານັ້ນ, ຫາກຍັງເປັນແບບຢ່າງສ້າງສົ່ງແຮງບັນດານໃຈໃຫ້ບັນດາຊາວໜຸ່ມ, ພິເສດແມ່ນບັນດາຜູ້ພວມມຸ່ງໝັ້ນປະຕິບັດພາລະກິດການສຶກສາ. ຈາກສາວນ້ອຍຢູ່ເຂດຊົນນະບົດແຄມຝັ່ງທະເລຂອງແຂວງ ຮ່າຕິ້ງ, ນາງມາຍ ໄດ້ບືນຕົວຂຶ້ນ, ຜ່ານຜ່າທຸກຄວາມຫຍຸ້ງຍາກເພື່ອປະຕິບັດຄວາມຝັນຂອງຕົນ. ນາງເປັນພະຍານເຖິງກຳລັງແຮງຂອງຄວາມຫຼົງໄຫຼ ແລະ ຄວາມອົດທົນ.
 | ກາລະໂອກາດເພື່ອໃຫ້ບັນດາປະເທດ ແມ່ນ້ຳຂອງ - ລ້ານຊ້າງ ເພີ່ມທະວີການຮ່ວມມື, ພ້ອມກັນພັດທະນາ ຍສໝ - ວັນທີ 29 ຕຸລາ, ເວທີການຮ່ວມມືອຳນາດການປົກຄອງທ້ອງຖິ່ນ ແມ່ນ້ຳຂອງ - ລ້ານຊ້າງ ໄດ້ຈັດຂຶ້ນຢູ່ເມືອງ ຫາງໂຈ່, ແຂວງ ເຈີ້ຈ່າງ ຂອງຈີນ. ເວທີບໍ່ພຽງແຕ່ແມ່ນໂອກາດ ເພື່ອໃຫ້ບັນດາຜູ້ແທນມາຈາກບັນດາປະເທດແນະນຳສະພາບການພາກພື້ນ, ແບ່ງປັນປະສົບການ, ສະເໜີຄວາມຄິດຄວາມເຫັນ... ຫາກຍັງແມ່ນໂອກາດສຳຄັນເພື່ອຊຸກຍູ້ການແລກປ່ຽນ, ຮັດແໜ້ນມິດຕະພາບ, ເພີ່ມທະວີຄວາມໄວ້ເນື້ອເຊື່ອໃຈ ແລະ ການຮ່ວມມືລະຫວ່າງ 6 ປະເທດ ... |
 | ຮ່າຕິ້ງ ແລະ ເຊີນລາ ຝຶກອົບຮົມວຽກງານການຕ່າງປະເທດໃຫ້ແກ່ພະນັກງານທ້ອງຖິ່ນ ຍສໝ - ຮ່າຕິ້ງ ແລະ ເຊີນລາ ໄດ້ຈັດບັນດາກອງປະຊຸມຝຶກອົບຮົມ ເພື່ອຍົກລະດັບວິຊາການ ແລະ ທັກສະໃຫ້ແກ່ບັນດາພະນັກງານທີ່ຮັບຜິດຊອບວຽກງານຂໍ້ມູນຂ່າວສານການຕ່າງປະເທດໃນທ້ອງຖິ່ນ. |
ແທັງຮັ່ງ
