 | ແມ່ຍິງແຂວງ ດ້ຽນບຽນ ແລະ 3 ແຂວງຂອງລາວ ຮ່ວມມືຢ່າງຕັ້ງໜ້າໃນຫຼາຍຂົງເຂດ |
| ໂຄງການພົບປະແລກປ່ຽນລະຫວ່າງນັກສຶກສາ ລາວ - ກຳປູເຈຍ ແລະ ນັກຮຽນໂຮງຮຽນການທະຫານ ທະຫານເຂດ 7 ຫວຽດນາມ ທີ່ຟົດຟື້ນ |
ຊຸດຝຶກອົບຮົມ ຈັດຂຶ້ນໂດຍສະຖານກົງສູນໃຫຍ່ ສສ ຫວຽດນາມ ປະຈໍາ ປາກເຊ ສົມທົບກັບສະຖານກົງສູນໃຫຍ່ ສສ ຫວຽດນາມ ປະຈໍາ ສະຫວັນນະເຂດ. ຄູສອນຂອງຊຸດຝຶກອົບຮົມແມ່ນທ່ານ ຮສຈ ປອ ຫງວຽນທ້ຽນນາມ, ອະດີດຫົວໜ້າພາກວິຊາ ຫວຽດນາມວິທະຍາສາດ ແລະ ພາສາຫວຽດ, ມະຫາວິທະຍາໄລວິທະຍາສາດສັງຄົມ ແລະ ມະນຸດສາດ, ມະຫາວິທະຍາໄລແຫ່ງຊາດ ຮ່າໂນ້ຍ. ໂດຍເຂົ້າຮຸ່ວມຫຼັກສຸດມີຄູອາຈານ 25 ຄົນທີ່ມາຈາກບັນດາໂຮງຮຽນມິດຕະພາບລາວ-ຫວຽດນາມ ແລະ ສູນພາສາຫວຽດນາມ ຢູ່ບັນດາແຂວງພາກໃຕ້ ແລະ ພາກກາງຂອງລາວ. ຊຸດຝຶກອົບຮົມຈະແກ່ຍາວໄປແຕ່ວັນທີ 22 ມີນາ ຫາ 6 ເມສາ 2025.
 |
| ຊຸດຝຶກອົບຮົມດຳເນີນຕາມຮູບການອອນໄລ. |
ກ່າວຄຳປາໄສທີ່ພິທີເປີດຊຸດອົບຮົມ, ທ່ານຫົວໜ້າ ກົງສູນໃຫຍ່ ຕ້າເຟືອງຢຸງ ໄດ້ໃຫ້ການຕ້ອນຮັບຢ່າງສຸດອົກສຸດໃຈຕໍ່ບັນດາຄູອາຈານທີ່ເຂົ້າຮ່ວມຊຸດອົບຮົມ. ທ່ານ ກົງສູນໃຫຍ່ ຢືນຢັນວ່າ ພັກ ແລະ ລັດ ຫວຽດນາມ ຍາມໃດກໍ່ເອົາໃຈໃສ່ເຖິງການອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳ ແລະ ພາສາປະຈຳຊາດ, ຊຸກຍູ້ການອະນຸລັກຮັກສາສີສັນວັດທະນະທຳ ຫວຽດນາມ ໃນວົງຄະນະຍາດຊາວ ຫວຽດນາມ ຢູ່ຕ່າງປະເທດ. ດ້ວຍຄວາມເອົາໃຈໃສ່ ແລະ ໜູນຊ່ວຍຂອງບັນດາອົງການ ແລະ ທ້ອງຖິ່ນພາຍໃນປະເທດ, ປະຊາຄົມຊາວ ຫວຽດນາມ ຢູ່ ລາວ ໄດ້ມານະພະຍາຍາມຫຼາຍຢ່າງເພື່ອຈັດຕັ້ງ ແລະ ຮັກສາບັນດາຫ້ອງຮຽນ ພາສາຫວຽດ.
ຢູ່ບັນດາໂຮງຮຽນມິດຕະພາບລາວ-ຫວຽດນາມ ຢູ່ພາກໃຕ້ຂອງລາວ, ແຕ່ລະອາທິດມີ 4 – 6 ຊົ່ວໂມງຮຽນພາສາຫວຽດ. ທ່ານ ກົງສູນໃຫຍ່ ປາດຖະໜາວ່າ ບັນດາຄູອາຈານທີ່ເຂົ້າຮ່ວມຊຸດອົບຮົມ ຈະສືບຕໍ່ສົ່ງແຮງບັນດານໃຈແລະ ຄວາມຮັກແພງດ້ານພາສາຫວຽດ ໃຫ້ລຸ້ນໜຸ່ມ ຫວຽດນາມ - ລາວ, ຊ່ວຍໃຫ້ລຸ້ນໜຸ່ມຂອງສອງປະເທດມີຄວາມເຂົ້າໃຈຢ່າງເລິກເຊິ່ງກ່ຽວກັບວັດທະນະທຳ, ປະເທດຊາດ, ປະຊາຊົນ ຫວຽດນາມ ກໍ່ຄືການພົວພັນມູນທີ່ເປັນເຊື້ອແບບພິເສດ ຫວຽດນາມ - ລາວ.
ທ່ານ ຮສຈ ປອ ຫງວຽນທ້ຽນນາມ ໃຫ້ຮູ້ວ່າ ດ້ວຍປະສົບການເກືອບ 43 ປີທີ່ສອນພາສາຫວຽດ ໃຫ້ຊາວຕ່າງປະເທດ, ກ່ວາ 7 ປີສອນພາສາຫວຽດ ຢູ່ກຳປູເຈຍ ແລະ ຫຼາຍປີສອນຢູ່ ຍີ່ປຸ່ນ ແລະ ສ.ເກົາຫຼີ, ທ່ານຈະຊີ້ນຳໃຫ້ບັນດາຄູສອນວິທີການສອນພາສາຫວຽດ ເພື່ອໃຫ້ບັນດາຄູສອນສາມາດຖ່າຍທອດຄວາມຮູ້ໃຫ້ນັກສຶກສາຢ່າງດີເດັ່ນທີ່ສຸດ.
ຜ່ານຊຸດອົບຮົມ, ທ່ານ ຮສຈ ປອ ຫງວຽນທ້ຽນນາມ ປາດຖະໜາວ່າ ບັນດາຄູອາຈານ ຈະຜ່ານຜ່າທຸກຄວາມຫຍຸ້ງຍາກ, ພ້ອກັບແບ່ງປັນປະສົບການໃນການສອນພາສາຫວຽດ ແລະ ເຜີຍແຜ່ຄວາມຮັກແພງພາສາຫວຽດ ໃຫ້ບັນດານັກຮຽນຂອງບັນດາໂຮງຮຽນມິດຕະພາບ ລາວ - ຫວຽດນາມ.
 | ໃນ 7 ເດືອນຂອງປີ 2023, ຫວຽດນາມ ມີວົງເງິນການຄ້າສົ່ງອອກເກີນດຸນ 15,23 ຕື້ USD ຍສໝ - ຖ້າຫາກວ່າໃນໄລຍະດຽວກັນຂອງປີກາຍນີ້, ເສດຖະກິດມີຍອດມູນຄ່າການຄ້າພຽງ 1,34 ຕື້ USD, ໃນ 7 ເດືອນຜ່ານມາ, ຕົວເລກດັ່ງກ່າວບັນລຸ 15,23 ຕື້ USD. ສະນັ້ນ ການຜະລິດອຸດສາຫະກຳ ແລະ ການສົ່ງອອກຍັງປະສົບກັບຄວາມຫຍຸ້ງຍາກຫຼາຍຢ່າງ. |
 | ນະຄອນດ່ານັ້ງ ມອບໂຮງຮຽນມິດຕະພາບທີ່ມີມູນຄ່າ 7 ຕື້ດົ່ງ ໃຫ້ແກ່ສະມາຄົມຊາວຫວຽດນາມ ອາໄສຢູ່ແຂວງ ຈຳປາສັກ (ລາວ) ຍສໝ - ໂຄງການຍົກລະດັບໂຮງຮຽນປະຖົມມິດຕະພາບແຂວງ ຈຳປາສັກ ນີ້ແມ່ນຂອງຂວັນຂອງນະຄອນດ່ານັ້ງ ມອບໃຫ້ແກ່ສະມາຄົມຊາວຫວຽດນາມ ອາໄສຢູ່ແຂວງຈຳປາສັກ ລາວ ເຊິ່ງມີມູນຄ່າລົງທຶນ 7 ຕື້ດົ່ງ. |
ແທັງຮັ່ງ
