 | ງານແຂ່ງຂັນບານເຕະກຳມະກອນ, ລັດຖະກອນ ຫວຽດນາມ ປີ 2024: ທີມອົງການກຳມະບານ ກວາງນິງ ຄວ້າໄດ້ແຊ໋ມຊະນະເລີດ |
| ໜັງສືພິມ ຈະສືບຕໍ່ພ້ອມຮ່ວມເດີນທາງກັບຊົນຊັ້ນກຳມະກອນ ແລະ ອົງການກຳມະບານ |
 |
| ທ່ານສາດສະດາຈານ, ດຣ ຫງວຽນຊວນຖັງ ກ່າວຄຳປາໄສທີ່ກອງປະຊຸມສຳມະນາ “ກໍ່ສ້າງຊົນຊັ້ນກຳມະກອນ ຫວຽດນາມ ໃຫ້ທັນສະໄໝ ແລະ ເຕີບໃຫຍ່ເຂັ້ມແຂງ” ໂດຍສະຫະພັນໃຫຍ່ແຮງງານ ຫວຽດນາມ ສົມທົບກັບສະຖາບັນການເມືອງແຫ່ງຊາດ ໂຮ່ຈີມິນ ຈັດຕັ້ງຂຶ້ນ. |
ຮັກສາລັກສະນະຂອງຊົນຊັ້ນກໍາມະກອນ
ທີ່ກອງປະຊຸມສຳມະນາວິທະຍາສາດແຫ່ງຊາດ “ກໍ່ສ້າງຊົນຊັ້ນກຳມະກອນ ຫວຽດນາມ ທີ່ທັນສະໄໝ ແລະ ເຕີບໃຫຍ່ເຂັ້ມແຂງ” ໂດຍສະຫະພັນໃຫຍ່ແຮງງານ ຫວຽດນາມ ສົມທົບກັບສະຖາບັນການເມືອງແຫ່ງຊາດ ໂຮ່ຈີມິນ ຈັດຕັ້ງຂຶ້ນ, ທ່ານ ສາດສະດາຈານ, ດຣ ຫງວຽນຊວນຖັງ, ກຳມະການກົມການເມືອງ, ຫົວໜ້າສະຖາບັນການເມືອງແຫ່ງຊາດ ໂຮ່ຈີມິນ, ປະທານສະພາທິດສະດີສູນກາງ ຢືນຢັນວ່າ: ໃນແນວຄິດທິດສະດີຂອງພັກ, ການຮັບຮູ້ຊົນຊັ້ນກຳມະກອນທີ່ທັນສະໄໝແມ່ນທັງເປັນຜະລິດຕະພັນ ແລະ ທັງເປັນເຈົ້າກຳຂອງພື້ນຖານການຜະລິດອຸດສາຫະກຳທີ່ທັນສະໄໝຕິດພັນກັບຜົນສຳເລັດດ້ານວິທະຍາສາດ ແລະ ເຕັກໂນໂລຊີ ຫລ້າສຸດ; ແຮງງານທີ່ມີຄຸນນະພາບສູງ, ມີຄວາມສາມາດເຊື່ອມໂຍງເຂົ້າກັບສາກົນ ແລະ ການປັບຕົວເຂົ້າກັບການປ່ຽນແປງຢ່າງວ່ອງໄວຂອງເຕັກໂນໂລຊີ.
ເພື່ອປະຕິບັດວຽກງານດັ່ງກ່າວໃຫ້ເປັນຢ່າງດີ, ຊົນຊັ້ນກຳມະກອນ ຫວຽດນາມ ຕ້ອງສືບຕໍ່ຢັ້ງຢືນ ແລະ ຮັກສາເນື້ອແທ້ຊົນຊັ້ນກຳມະກອນຂອງພັກ, ພ້ອມກັນນັ້ນກໍ່ເດັດດ່ຽວຕໍ່ສູ້ຕ້ານກັບບັນດາທັດສະນະທີ່ຜິດພາດ, ບິດເບືອນກ່ຽວກັບເນື້ອແທ້ຊົນຊັ້ນກຳມະກອນຂອງພັກ. ຄຽງຂ້າງນັ້ນ, ຕ້ອງມີບັນດານະໂຍບາຍພັດທະນາຊົນຊັ້ນກຳມະກອນໃນສະພາບການປະຈຸບັນ, ໄດ້ສະແດງອອກໃນການສຸມໃສ່ກໍ່ສ້າງສະພາບແວດລ້ອມສັງຄົມ ແລະ ປົດປ່ອຍກຳລັງການຜະລິດ. ພິເສດ ແມ່ນຕ້ອງເອົາໃຈໃສ່ເຖິງນະໂຍບາຍວຽກເຮັດງານທຳ, ນະໂຍບາຍທີ່ຢູ່ອາໄສ, ນະໂຍບາຍປະກັນໄພ, ເງິນເດືອນ, ນະໂຍບາຍບຸລິມະສິດໃນການຄັດເລືອກ, ນຳໃຊ້ ແລະ ຄ່າຊົດເຊີຍ, ເຊີດຊູຜູ້ມີສີມືອາຊີບ... ເພື່ອສ້າງວຽກເຮັດງານທຳໃໝ່ຫຼາຍຢ່າງ, ດຶງດູດຜູ້ອອກແຮງງານເຂົ້າມາເຮັດວຽກນັບມື້ນັບຫຼາຍຂຶ້ນ.
ໜ້າທີ່ທີ່ສຳຄັນ ແລະ ຮີບດ່ວນ
ກ່າວຄຳປາໄສທີ່ກອງປະຊຸມ, ທ່ານ ດຣ. ເລທິຖຸ໋ຍ (ສະພາທິດສະດີສູນກາງ) ຢືນຢັນວ່າ ພັກກອມມູນິດ ຫວຽດນາມ ມີເນື້ອແທ້ຊົນຊັ້ນກຳມະກອນຂອງ ຫວຽດນາມ, ແມ່ນພັກຂອງຊົນຊັ້ນກຳມະກອນ ແລະ ປະຊາຊົນ ຫວຽດນາມ. “ກໍ່ສ້າງຊົນຊັ້ນກຳມະກອນໃຫ້ທັນສະໄໝ ແລະ ເຕີບໃຫຍ່ເຂັ້ມແຂງທັງດ້ານປະລິມານ ແລະ ຄຸນນະພາບ, ຕອບສະໜອງຄວາມຕ້ອງການພັດທະນາເສດຖະກິດຄວາມຮູ້ໃນຍຸກສັງຄົມຂໍ້ມູນຂ່າວສານ ແລະ ການປະຕິວັດວິທະຍາສາດ-ເຕັກໂນໂລຊີ, ໃນໄລຍະຍູ້ແຮງຫັນເປັນອຸດສາຫະກຳ, ຫັນເປັນທັນສະໄໝປະເທດຊາດ”. ແມ່ນໜ້າທີ່ສຳຄັນ ແລະ ຮີບດ່ວນຂອງພັກກອມມູນິດ ຫວຽດນາມ.
 |
| ຊົນຊັ້ນກຳມະກອນ ຫວຽດນາມ ແມ່ນແຫຼ່ງຊັບພະຍາກອນມະນຸດຕົ້ນຕໍໃນໄລຍະຍູ້ແຮງການຫັນເປັນອຸດສາຫະກຳ ແລະ ຫັນເປັນທັນສະໄໝ. |
ຄວາມສົນໃຈຂອງພັກຕໍ່ຊົນຊັ້ນກຳມະກອນໄດ້ຮັບການຢືນຢັນຕັ້ງແຕ່ການສ້າງຕັ້ງຂອງພັກ ແລະ ຢືນຢັນໃນເອກະສານຂອງພັກຜ່ານບັນດາກອງປະຊຸມໃຫຍ່ ແລະ ຫຼ້າສຸດແມ່ນເອກະສານກອງປະຊຸມໃຫຍ່ຄັ້ງທີ XIII ຂອງພັກ ໄດ້ວາງອອກນະໂຍບາຍວ່າ: “ພັດທະນາຊົນຊັ້ນກຳມະກອນທັງດ້ານປະລິມານ ແລະ ຄຸນນະພາບ; ປັບປຸງຄວາມກ້າຫານ, ລະດັບ, ທັກສະ ເພື່ອແນໃສ່ປັບຕົວເຂົ້າກັບການປະຕິວັດອຸດສາຫະກຳທີ 4; ປ່ຽນໃໝ່ການຈັດຕັ້ງ ແລະ ການເຄື່ອນໄຫວຂອງອົງການກຳມະບານໃຫ້ສອດຄ່ອງກັບສະພາບການ ແລະ ເງື່ອນໄຂໃໝ່”.
ພ້ອມກັນນັ້ນ, ຊຸກຍູ້ການພັດທະນາຂອງພັກໃນບັນດາວິສາຫະກິດ, ພິເສດແມ່ນບັນດາວິສາຫະກິດລົງທຶນຕ່າງປະເທດ ແລະ ວິສາຫະກິດເອກະຊົນ, ປະກອບສ່ວນເພີ່ມທະວີສະມາຊິກພັກ ແລະ ການນຳທີ່ມາຈາກຊົນຊັ້ນກຳມະກອນ; ຜ່ານຜ່າສະພາບການທີ່ຜູ້ອອກແຮງງານສ່ວນໜຶ່ງບໍ່ມີຄວາມກະຕືລືລົ້ນທີ່ຈະເຂົ້າຮ່ວມພັກ. ເອົາໃຈໃສ່ພັດທະນາພັກໃນບັນດາຊົນຊັ້ນກຳມະກອນ, ໂດຍສະເພາະແມ່ນຊາວໜຸ່ມ, ແຮງງານປັນຍາຊົນ, ເຊື່ອມໂຍງການກໍ່ສ້າງຊົນຊັ້ນກຳມະກອນກັບການກໍ່ສ້າງພັກ.
ນອກຈາກນັ້ນເຂົ້າຮ່ວມການກໍ່ສ້າງ ແລະ ປັບປຸງນະໂຍບາຍ ແລະ ກົດໝາຍໃຫ້ສົມບູນແບບ ເພື່ອຮັບປະກັນສິດ ແລະ ຜົນປະໂຫຍດອັນຊອບທຳຂອງຜູ້ອອກແຮງງານ, ພະນັກງານ, ລັດຖະກອນ; ພັດທະນາການເຄື່ອນໄຫວທີ່ຫຼາກຫຼາຍ ແລະ ມີປະສິດທິຜົນ ເພື່ອເບິ່ງແຍງຊີວິດທາງດ້ານວັດຖຸ ແລະ ຈິດໃຈຂອງສະມາຊິກສະຫະພັນ ແລະ ຜູ້ອອກແຮງງານ. ເພີ່ມເຕີມ, ປັບປຸງ ແລະ ກໍ່ສ້າງບັນດານະໂຍບາຍກ່ຽວກັບການບຳລຸງສ້າງພະນັກງານ; ມີນະໂຍບາຍເສີມຂະຫຍາຍ ແລະ ສ້າງເງື່ອນໄຂໃຫ້ຜູ້ອອກແຮງງານຮຽນຮູ້ດ້ວຍຕົນເອງ ເພື່ອຍົກສູງລະດັບການສຶກສາ, ວິຊາສະເພາະ, ທັກສະ ແລະ ພາສາຕ່າງປະເທດ. ກໍ່ສ້າງ ແລະ ເຮັດໃຫ້ສົມບູນແບບເນື້ອໃນ, ໂຄງການບຳລຸງສ້າງວິຊາຊີບ, ຕິດພັນກັບການຝຶກອົບຮົມທິດສະດີກັບການຝຶກອົບຮົມທັກສະພາກປະຕິບັດ, ສົມທົບກັບການຝຶກອົບຮົມວິຊາຊີບສຶກສາ ເພື່ອຍົກສູງຄວາມຮັບຮູ້, ຝຶກຝົນດ້ານຈັນຍາບັນ ແລະ ທ່າທາງອຸດສາຫະກຳ, ລະບຽບວິໄນແຮງງານ.
ບໍ່ພຽງແຕ່ຕ້ອງຮັບປະກັນວຽກເຮັດງານທຳທີ່ໝັ້ນຄົງ, ກໍ່ສ້າງ ແລະ ປະຕິບັດລະດັບຊັ້ນເງິນເດືອນ, ລະດັບເງິນເດືອນ, ລະດັບເງິນບຳເນັດໃຫ້ຜູ້ອອກແຮງງານ, ຮັບປະກັນໃຫ້ຜູ້ອອກແຮງງານ ແລະ ຄອບຄົວມີຊີວິດທີ່ໝັ້ນຄົງ. ແກ້ໄຂບັນຫາທີ່ຢູ່ອາໄສ ແລະ ຄວາມປອດໄພແຮງງານໃຫ້ຜູ້ອອກແຮງງານ. ເສີມຂະຫຍາຍບົດບາດຫຼັກໝັ້ນຂອງອົງການກຳມະບານໃນການເຂົ້າຮ່ວມການກໍ່ສ້າງພັກ, ລັດ ແລະ ລະບົບການເມືອງທີ່ປອດໃສ ແລະ ໝັ້ນຄົງເຂັ້ມແຂງຮອບດ້ານ.
 | ໂຄງການ “75 ພັນຂໍ້ລິເລີ່ມ, ຜ່ານຜ່າຄວາມຫຍຸ້ງຍາກ, ພັດທະນາ” ແມ່ນມີຄວາມຫມາຍແທດຈິງ ຍສໝ - ທ່ານປະທານປະເທດ ຫງວຽນຊວນຟຸກ ໄດ້ສົ່ງຈົດໝາຍສັນລະເສີນ ເຖິງສະຫະພັນໃຫຍ່ແຮງງານຫວຽດນາມ ກ່ຽວກັບການປຸກລະດົມ ແລະ ຜັນຂະຫຍາຍໂຄງການ “75 ພັນຂໍ້ລິເລີ່ມ, ຜ່ານຜ່າຄວາມຫຍຸ້ງຍາກ, ພັດທະນາ” ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນກຳມະກອນສາກົນ ຢູ່ຫວຽດນາມ. |
 | ຫລາຍທ້ອງຖິ່ນຢູ່ຫວຽດນາມ ປຸກລະດົມເດື່ອນເຄື່ອນໄຫວເພື່ອກຳມະກອນ ໃນເດືອນ ພຶດສະພານີ້ ມີການເຄື່ອນໄຫວຫລາຍຢ່າງຈັດຂຶ້ນຢູ່ບັນດາກຳມະບານຮາກຖານຢູ່ ນະຄອນ ໂຮ່ຈີມິນ ພິເສດແມ່ນການເຄື່ອນໄຫວເບິ່ງແຍງ ຊ່ວຍເຫລືອ ກຳມະບານ ຄົນງານ ທີ່ປະສົບກັບຄວາມຫຍຸ້ງຍາກ. |
ມິງດຶກ (ແປຕາມ baophapluat.vn)
