 | ພາສາຫວຽດນາມ - ສະໝໍ - ດຶງຊາວຫວຽດນາມ ອາໄສຢູ່ຕ່າງປະເທດ ກັບຄືນຫາກົກເຄົ້າເຫງົ້າກໍ |
| ຊາວຫວຽດນາມ ອາໄສຢູ່ຕ່າງປະເທດ ຮ່ວມແຮງຮ່ວມໃຈ ແຜ່ຂະຫຍາຍພາສາ ແລະວັດທະນະທໍາຫວຽດນາມ |
ຊາວຫວຽດນາມ ອາໄສຢູ່ຕ່າງປະເທດ ເມື່ອກັບຄືນມາເຂົ້າຮ່ວມລາຍການບໍ່ສາມາດອົດກັ້ນຄວາມຕື້ນຕັນໃຈຂອງຕົນເມື່ອໄດ້ຮັບຟັງສຽງກອງເປີດລະດູບານໃໝ່, ຊື່ນຊົມຊຸດເສື້ອຍາວທີ່ອ່ອນໂຍນ ແລະ ຫາຍໃຈເອົາບັນຍາກາດທີ່ເຕັມໄປດ້ວຍກິ່ນອາຍຫອມຂອງບຸນປີໃໝ່. ເຂົາເຈົ້າມີບັນດາເລື່ອງລາວກ່ຽວກັບຊີວິດຢູ່ຕ່າງແດນ ແລະ ຄວາມໃນໃຈຢ່າງພະວ້າພະວັງ, ແຕ່ເມື່ອກັບບ້ານເກີດເມືອງນອນ, ທັງໝົດລ້ວນແຕ່ຝີງໃຫ້ອຸ່ນດ້ວຍຄວາມຮັກແພງຂອງບ້ານເກີດເມືອງນອນ.
ຄວາມຝັນທີ່ຈະກ້າວເຂົ້າສູ່ສັງກາດໃຫມ່ທີ່ເຕັມໄປດ້ວຍຄວາມເຊື່ອໝັ້ນ ແລະ ຄວາມຫວັງ. ນັ້ນແມ່ນຄວາມໄຝ່ຝັນກ່ຽວກັບ ຫວຽດນາມ ທີ່ນັບມື້ນັບທັນສະໄໝ, ພັດທະນາ ແລະ ບືນຕົວໄປໃນເວທີສາກົນ.
 |
| ທ່ານປະທານປະເທດ ຫວຽດນາມ ເລຶ່ອງເກືອງ ໂອ້ລົມກັບບັນດາຊາວຫວຽດນາມ ອາໄສຢູ່ຕ່າງປະເທດ. |
ເຂົາເຈົ້າໄດ້ແບ່ງປັນຄວາມປາຖະໜາຢາກປະກອບສ່ວນຫຼາຍກວ່າອີກ, ນັບແຕ່ໂຄງການວິທະຍາສາດເຕັກໂນໂລຢີ, ການສຶກສາ ຕະຫຼອດເຖິງບັນດາຂໍ້ລິເລີ່ມດ້ານເສດຖະກິດ ແລະ ວັດທະນະທຳ. ດ້ວຍການເຊື່ອມໂຍງທີ່ນັບມື້ນັບແໜ້ນແຟ້ນລະຫວ່າງ ຊາວຫວຽດນາມ ອາໄສຢູ່ຕ່າງປະເທດກັບບ້ານເກີດເມືອງນອນ, ຄວາມໄຝ່ຝັນກ່ຽວກັບ ຫວຽດນາມ ເຂັ້ມແຂງແຮງກ້າໃນສັງກາດດີຈີຕອນ, ບ່ອນທີ່ເປັນມູນເຊື້ອ ແລະ ຄວາມທັນສະໄໝພ້ອມກັບການເຊື່ອມຕົວເຂົ້າກັນ ພວມຄ່ອຍໆປະກົດຜົນເປັນຈິງ.
ສຳລັບທ່ານ ໂດ໋ດຶກຄອຍ, ຊາວຫວຽດນາມ ຢູ່ໄທ (ສະມາຊິກສະພາສູງ, ກຳມະການກຳມາທິການການຕ່າງປະເທດ, ສະພາສູງ ໄທ) ແລ້ວ, ລະດູບານໃໝ່ບ້ານເກີດເມືອງນອນບໍ່ພຽງແຕ່ແມ່ນລະດູບານໃໝ່ຂອງຊາວຫວຽດນາມ ຢູ່ຕ່າງປະເທດ, ນັ້ນແມ່ນລະດູບານໃໝ່ຂອງຊາດຫວຽດນາມ, ລະດູບານໃໝ່ຂອງຄວາມສາມັກຄີ ແລະ ຄວາມຮັກແພງ. ລະດູບານໃໝ່ບ້ານເກີດເມືອງນອນ ກໍ່ແມ່ນໂອກາດເພື່ອໃຫ້ຊາວຫວຽດນາມ ອາໄສຢູ່ຕ່າງປະເທດ “ເຕົ້າໂຮມກັນ” ແລະ ກັບຄືນເມືອຫາປະເທດຊາດ; ຮ່ວມກັນມ່ວນຊື່ນກັບຊ່ວງເວລາອັນສັກສິດໃນບັນຍາກາດຂ່ຳນັບຮັບຕ້ອນລະດູບານໃໝ່.
ໂດຍເປັນຊາວຫວຽດນາມ ອາໄສຢູ່ຕ່າງປະເທດ ຄົນດຽວທີ່ຕາງໜ້າ New Caledonia ກັບເມືອບ້ານເກີດເມືອງນອນເພື່ອເຂົ້າຮ່ວມລະດູບານໃໝ່ບ້ານເກີດເມືອງນອນ 2025, ທ່ານກົງສຸນກິດຕິມະສັກ Dinh Jean-Pierre (ດິງຫງອກຣ້ຽມ) ໃຫ້ຮູ້ວ່າ ທ່ານຕື້ນຕັນໃຈຫຼາຍເມື່ອໄດ້ເຂົ້າຮ່ວມພິທີປະກາດຂໍ້ຕົກລົງຂອງນາຍົກລັດຖະມົນຕີ ວ່າດ້ວຍການຮັບຮອງເອົາວັດຖຸພັນທີ່ລ້ຳຄ່າແຫ່ງຊາດ: ລົດສາມຄັນ ໄດ້ຮັບໃຊ້ປະທານ ໂຮ່ຈີມິນ ແຕ່ປີ 1954 ຮອດປີ 1969 ທີ່ໄດ້ຈັດຂຶ້ນໃນຕອນເຊົ້າມື້ນີ້.
 |
| ທ່ານກົງສຸນກິດຕິມະສັກ Dinh Jean-Pierre (ດິງຫງອກຣ້ຽມ) ຕື້ນຕັນໃຈເມື່ອເຂົ້າຮ່ວມລະດູບານໃໝ່ບ້ານເກີດເມືອງນອນ 2025. |
“ຊາວຫວຽດນາມ ອາໄສຢູ່ຕ່າງປະເທດປະມານ 3.000 ຄົນຢູ່ New Caledonia ລ້ວນແຕ່ມີຄວາມພາກພູມໃຈກ່ຽວກັບເລື່ອງຂອງລົດ Peugeot 404. ລົດດັ່ງກ່າວບໍ່ພຽງແຕ່ເປັນພະຍານຫຼັກຖານເຖິງໄລຍະປະຫວັດສາດເທົ່ານັ້ນ, ຫາກຍັງຢືນຢັນນ້ຳໃຈສາມັກຄີແຫ່ງຊາດຢ່າງເຂັ້ມແຂງຄົງຕົວຍືນຍົງ”, ທ່ານ Dinh Jean- Pierre ກ່າວ .
ທ່ານຮອງສາດສະດາຈານ ດົງແທັງຮ່າ, ສະຖາບັນເຕັກໂນໂລຊີ ອາຊີ (AIT), ຢູ່ໄທ ແບ່ງປັນຄວາມເປັນກຽດ ແລະ ຄວາມສຸກທີ່ໄດ້ເຂົ້າຮ່ວມລະດູບານໃໝ່ບ້ານເກີດເມືອງນອນເປັນຄັ້ງທຳອິດວ່າ: “ລາຍການສຸດຍອດຫຼາຍ, ສະໜິດຕິດພັນພີ່ນ້ອງຮ່ວມຊາດທີ່ຢູ່ໄກບ້ານເກີດເມືອງນອນກັບປະເທດຊາດ. ການນຳພັກ ແລະ ລັດ ຍາມໃດກໍ່ມີຄຳລະດົມໃຈ ແລະ ມອບລາງວັນເພື່ອລະດົມສົ່ງເສີມສຳລັບຊຸມຊົນ, ບຸກຄົນຫວຽດນາມ ຢູ່ຕ່າງປະເທດ ທີ່ມີຜົນງານທີ່ດີເດັ່ນ; ຮັບຟັງຄຳສະເໜີ, ຄວາມມຸ່ງມາດປາດຖະໜາ ແລະ ຂໍ້ລິເລີ່ມຂອງປະຊາຄົມຊາວຫວຽດນາມ ຢູ່ຕ່າງປະເທດ”…
 |
| ທ່ານຮອງສາດສະດາຈານ ດົງແທັງຮ່າ, ສະຖາບັນເຕັກໂນໂລຊີ ອາຊີ (AIT), ຢູ່ໄທ ໄດ້ຮັບໃບຍ້ອງຍໍຂອງຄະນະກຳມະການສູນກາງແນວໂຮມປະເທດຊາດ ຫວຽດນາມ. |
ດ້ວຍບັນດາຜົນງານພັດທະນາເສດຖະກິດ - ສັງຄົມທີ່ບັນລຸໄດ້ໃນປີ 2024, ທ່ານຮອງສາດສະດາຈານ ດົ່ງແທັງຮ່າ ເຊື່ອໝັ້ນວ່າ ປະເທດຊາດຈະມີບາດກ້າວບຸກທະລຸໃນທຸກຂົງເຂດໃນໄລຍະຈະມາເຖິງ.
“ຫວຽດນາມ ພວມຢູ່ໃນເສັ້ນທາງມຸ່ງໄປເຖິງສັງກາດໃໝ່, ສັງກາດບືນຕົວຂຶ້ນຂອງຊາດ ຫວຽດນາມ. ບົນເສັ້ນທາງນີ້, ພ້ອມກັບພີ່ນ້ອງຮ່ວມຊາດໃນທົ່ວປະເທດ ຈະມີການປະກອບສ່ວນຢ່າງຕັ້ງໜ້າ ແລະ ຮ່ວມແຮງຮ່ວມໃຈສາມັກຄີຂອງຊາວຫວຽດນາມ ອາໄສຢູ່ຕ່າງປະເທດ 6 ລ້ານກວ່າຄົນທີ່ພວມດຳລົງຊີວິດ, ຮ່ຳຮຽນ ແລະ ເຮັດວຽກໃນທົ່ວໂລກ", ທ່ານຮອງສາດສະດາຈານ ໃຫ້ຮູ້.
 | ທ່ານເລຂາທິການໃຫຍ່ ຫງວຽນຟູ໋ຈ້ອງ ໃນດວງໃຈຊາວ ຫວຽດນາມ ອາໄສຢູ່ຕ່າງປະເທດ ຍສໝ - ໄປໃສກໍຕ້ອງຄິດວ່າຕົນເອງເປັນ “ລູກຫຼານ ລາກຮົ່ງ”, ບໍ່ວ່າຈະເຮັດຫຍັງກໍຕ້ອງຄິດວ່າຕົນເອງເປັນຊາວ ຫວຽດນາມ; ຮັກສາສີສັນຂອງຊາດ, ຮັກສາພາສາ ຫວຽດນາມ, ໂຄສະນາພາບພົດຂອງ ຫວຽດນາມ ໄປສູ່ເພື່ອນມິດໃນທົ່ວໂລກ... ນັ້ນແມ່ນຄຳຕັກເຕືອນຂອງ ທ່ານເລຂາທິການໃຫຍ່ ຫງວຽນຟູ໋ຈ້ອງ ເຖິງຊາວ ຫວຽດນາມ ອາໄສຢູ່ຕ່າງປະເທດ. |
 | ຍສໝ - ນີ້ແມ່ນການແບ່ງປັນຂອງທ່ານ Peter ຮົ່ງ, ກຳມະການສູນກາງແນວໂຮມປະເທດຊາດ ຫວຽດນາມ, ປະທານສະມາຄົມນັກທຸລະກິດຊາວຫວຽດນາມ ອາໄສຢູ່ຕ່າງປະເທດ ກ່ຽວກັບທີ່ຕັ້ງຂອງປະເທດຊາດພາຍໃຕ້ການນຳພາຂອງ ສະຫາຍເລຂາທິການໃຫຍ່ ຫງວຽນຟູ໋ຈ້ອງ. |
ແທັງຮັ່ງ
