 | ປຸກລະດົມງານປະກວດຂຽນບົດບົດແຕ່ງວັນນະຄະດີ, ກະວີນິພົນກ່ຽວກັບ “ແມ່ຍິງຫວຽດນາມ ອາໄສຢູ່ຕ່າງປະເທດ” |
| ຊາວ ຫວຽດນາມ ອາໄສຢູ່ຕ່າງປະເທດ ຍັງມີສິດທີ່ກ່ຽວຂ້ອງກັບດິນແດນຢ່າງຄົບຖ້ວນ |
ທ່ານ ປອ ນາງ ຟານບິກທ້ຽນ, ປະທານເວທີປາໄສແມ່ຍິງ ຫວຽດນາມ ຢູ່ ເອີລົບ:
ລຸງໄດ້ຕັກເຕືອນວ່າ ຕ້ອງປົກປັກຮັກສາ ແລະ ໂຄສະນາວັດທະນະທຳຂອງຊາດ
ເດືອນ ກັນຍາ ປີ 2018, ທ່ານເລຂາທິການໃຫຍ່ ຫງວຽນຟູ໋ຈ້ອງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ມາຢ້ຽມຢາມນະຄອນຫຼວງ Budapest - ຮຸງກາຣີ ຢ່າງເປັນທາງການ. ເຖິງວ່າມີຕາຕະລາງດຳເນີນງານທີ່ເຕັມຢຽດກໍ່ຕາມ, ແຕ່ທ່ານເລຂາທິການໃຫຍ່ ຫງວຽນຟູ໋ຈ້ອງ ຍັງໄດ້ຍາດເວລາມາພົບປະກັບປະຊາຄົມຊາວ ຫວຽດນາມ.
ເມື່ອໄດ້ພົບປະ, ຂ້າພະເຈົ້າຮູ້ສຶກວ່າ ທ່ານເລຂາທິການໃຫຍ່ມີຄວາມສະໜິດສະໜົມຄືກັບລຸງ, ຄືກັບອາວທີ່ບໍ່ຫ່າງເຫີນກັນ.
 |
| ທ່ານ ປອ ນາງ ຟານບິກທ້ຽນ, ປະທານເວທີປາໄສແມ່ຍິງ ຫວຽດນາມ ປະຈຳ ເອີລົບ (ຊຸດເສື້ອຍາວສີແດງເບື້ອງຂວາ) ໄດ້ຖ່າຍຮູບກັບທ່ານເລຂາທິການໃຫຍ່ ຫງວຽນຟູ໋ຈ້ອງ. |
ທ່ານເລຂາທິການໃຫຍ່ ຫງວຽນຟູ໋ຈ້ອງ ແບ່ງປັນວ່າ ຜູ້ໃດກໍ່ຕາມທີ່ມີຄຳຄິດຄຳເຫັນກໍ່ຕ້ອງຍົກມືຂຶ້ນ ເພື່ອກ່າວ, ທ່ານຈະຮັບຟັງ. ພາຍຫຼັງທີ່ໄດ້ຮັບຟັງຄຳເຫັນແລ້ວ, ທີ່ກອງປະຊຸມ, ທ່ານເລຂາທິການໃຫຍ່ ໄດ້ຊີ້ນຳບັນດາອົງການ, ຫົວໜ່ວຍແກ້ໄຂບັນດາບັນຫາໃຫ້ຊາວ ຫວຽດນາມ ຢູ່ຕ່າງປະເທດ.
ໃນການໂອ້ລົມກັບປະຊາຊົນ, ທ່ານເລຂາທິການໃຫຍ່ ໄດ້ເນັ້ນຫນັກໃສ່ຄວາມສໍາຄັນຂອງວັດທະນະທໍາ. ອະນຸລັກຮັກສາວັດທະນະທຳແມ່ນການອະນຸລັກຮັກສາຊາດ. ນີ້ແມ່ນຈຸດສຸມເພື່ອການພັດທະນາຂອງປະເທດຊາດ ແລະ ປະຊາຊົນ. ທ່ານປາດຖະໜາ ແລະ ເຊື່ອໝັ້ນວ່າ, ປະຊາຄົມຊາວ ຫວຽດນາມ ຢູ່ຕ່າງປະເທດຈະເສີມຂະຫຍາຍມູນເຊື້ອ ແລະ ປະສົບການທີ່ບັນລຸໄດ້, ສືບຕໍ່ມີຫຼາຍຂໍ້ລິເລີ່ມເພື່ອຮັກສາສີສັນຂອງຊາດ, ຮັກສາພາສາ ຫວຽດນາມ, ໂຄສະນາພາບພົດຂອງ ຫວຽດນາມ ກັບເພື່ອນມິດໃນໂລກ.
ການພົບປະໄດ້ວາງແຜນໄວ້ພຽງ 30 ນາທີ ໂດຍມີ 3 ຄວາມເຫັນ ແຕ່ໄດ້ດຳເນີນໄປກວ່າ 1 ຊົ່ວໂມງ ໂດຍ 6 ຄົນກ່າວຄຳເຫັນ.
ສາມາດເວົ້າໄດ້ວ່າ ຊາວ ຫວຽດນາມ ຢູ່ ຮຸງກາຣີ ຮູ້ສຶກພາກພູມໃຈ ແລະ ເປັນກຽດທີ່ໄດ້ພົບປະກັບທ່ານເລຂາທິການໃຫຍ່ ຫງວຽນຟູ໋ຈ້ອງ. ສື່ມວນຊົນ ຮຸງກາຣີ ແລະ ຜູ້ນຳ ຮຸງກາຣີ ກໍ່ມີບົດຄວາມຍ້ອງຍໍຫຼາຍສະບັບ. ໂດຍເປັນປະມຸກລັດທີ່ໃກ້ຊິດ ແລະ ເປີດອົກເປີດໃຈ. ເມື່ອໄດ້ສຳຜັດກັບແຂກສາກົນ, ລຸງບໍ່ໄດ້ສົນໃຈເຖິງເລື່ອງພິທີການຫຼາຍ, ແຕ່ມັກແລກປ່ຽນບັນຫາທີ່ຕ້ອງປຶກສາຫາລືໂດຍກົງ.
ທ່ານ ຫງວຽນກວັ໋ກຮຸ່ງ, ກອງທຶນໜູນຊ່ວຍການພັດທະນາການຮ່ວມມື ລັດເຊຍ - ຫວຽດນາມ:
“ມູນເຊື້ອ ແລະ ມິດຕະພາບ”: ບໍ່ວ່າຈະເຮັດຫຍັງກໍຕ້ອງຄິດວ່າຕົນເອງເປັນຄົນ ຫວຽດນາມ
ໃນຖານະເປັນຊາວ ຫວຽດນາມ ອາໄສຢູ່ຕ່າງປະເທດທີ່ຫ່າງຈາກບ້ານເກີດເມືອງນອນມາເປັນເວລາ 36 ປີ, ຂ້າພະເຈົ້າຮູ້ສຶກເປັນກຽດທີ່ສຸດທີ່ໄດ້ເຂົ້າພົບປະກັບທ່ານເລຂາທິການໃຫຍ່ ຫງວຽນຟູ໋ຈ້ອງ 2 ຄັ້ງ ເມື່ອສະຫາຍມາຢ້ຽມຢາມສະຫະພັນ ລັດເຊຍ ຢ່າງເປັນທາງການ ແລະ ພົບປະກັບຊາວ ຫວຽດນາມ ອາໄສຢູ່ຕ່າງປະເທດຢ່າງສະໜິດສະໜົມ. ບັນດາການພົບປະເຫຼົ່ານັ້ນລ້ວນແຕ່ກາຍເປັນຄວາມຊົງຈໍາທີ່ບໍ່ຈາງຫາຍສໍາລັບຂ້າພະເຈົ້າ.
ຄັ້ງທຳອິດແມ່ນໃນປີ 2014 ທີ່ ທ່ານເລຂາທິການໃຫຍ່ ໄດ້ພົບປະຢ່າງສະໜິດສະໜົມກັບບັນດາພີ່ນ້ອງສະມາຊິກໃນຊຸມຊົນຢູ່ ລັດເຊຍ. ໃນບັນຍາກາດທີ່ຈິງໃຈ ແລະ ອົບອຸ່ນ, ທ່ານເລຂາທິການໃຫຍ່ ໄດ້ຕັກເຕືອນໃຫ້ປະຊາຊົນວ່າ: “ໄປໃສກໍ່ຕ້ອງຄິດວ່າຕົນເອງຄື “ລູກຫຼານ ລູກຮົ່ງ”, ເຮັດຫຍັງກໍຕ້ອງຄິດວ່າຕົນເອງເປັນຊາວ ຫວຽດນາມ...
ປະຊາຊົນຢູ່ຮ່ວມກັນດ້ວຍຄວາມຮັກແພງ, ມີຄວາມໝາຍ, ຄວາມເມດຕາ, ນ້ຳໃຈສາມັກຄີ, ປະກອບສ່ວນໂຄສະນາເຜີຍແຜ່ ຫວຽດນາມ, ປະຊາຊົນ ແລະ ວັດທະນະທຳຫວຽດນາມ ຢູ່ຕ່າງປະເທດ ແລະ ປະເທດ ລັດເຊຍ. ພ້ອມກັນນັ້ນ, ກໍ່ໄດ້ຮັບເອົາບັນດາສິ່ງຍອດຢ້ຽມ, ວັດທະນະທຳ, ສິ່ງດີຈາກຕ່າງປະເທດ ແລະ ປະເທດລັດເຊຍ ເພື່ອກັບມາຊ່ວຍປະເທດຊາດ ແລະ ສ້າງສາບ້ານເກີດເມືອງນອນ”.
 |
| ທ່ານ ຫງວຽນກວັ໋ກຮຸ່ງ, ກອງທຶນໜູນຊ່ວຍການພັດທະນາການຮ່ວມມື ລັດເຊຍ - ຫວຽດນາມ “ມູນເຊື້ອ ແລະ ມິດຕະພາບ” ໄດ້ມີການພົບປະກັບທ່ານເລຂາທິການໃຫຍ່ ຫງວຽນຟູ໋ຈ້ອງ. |
ຄຳຕັກເຕືອນຂອງ ທ່ານເລຂາທິການໃຫຍ່ - ນັ້ນແມ່ນບົດຮຽນອັນສຳຄັນຂອງການພົວພັນທາງການທູດປະຊາຊົນ ເພາະຊາວ ຫວຽດນາມ ຢູ່ຕ່າງປະເທດແຕ່ລະຄົນລ້ວນແຕ່ແມ່ນຮູບພາບຂະໜາດນ້ອຍຂອງປະເທດ, ແຕ່ລະຄົນ, ຜ່ານການກະທຳປະຈຳວັນ, ດຳລົງຊີວິດໃຫ້ດີກວ່າ, ມີມະນຸດສະທຳຫຼາຍກວ່າ, ມີຜົນປະໂຫຍດຫຼາຍກວ່າເກົ່າ, ຈະກາຍເປັນຂົວເຊື່ອມຕໍ່ມິດຕະພາບ, ເປັນທູດທີ່ມີຈິດໃຈສັງສັນ ຫວຽດນາມ ໃນດວງໃຈເພື່ອນມິດໂລກ.
ຄັ້ງທີ 2 ແມ່ນໃນປີ 2018, ທີ່ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງສະມາຄົມມິດຕະພາບ ລັດເຊຍ - ຫວຽດນາມ ຢູ່ Moscow, ຂ້າພະເຈົ້າຮູ້ສຶກເປັນກຽດຢ່າງຍິ່ງທີ່ທ່ານເລຂາທິການໃຫຍ່ ຫງວຽນຟູ໋ຈ້ອງ ຈັບມື ແລະ ຊົມເຊີຍຂ້າພະເຈົ້າເມື່ອໄດ້ຮັບຫຼຽນໄຊຂອງສະມາຄົມມິດຕະພາບ ລັດເຊຍ - ຫວຽດນາມ.
ໃນພິທີ, ທ່ານເລຂາທິການໃຫຍ່ ໄດ້ກ່າວສຸພາສິດຂອງຊາວ ລັດເຊຍ ວ່າ: “ທຸກຄວາມຮັ່ງມີບໍ່ສາມາດປຽບທຽບກັບນ້ຳໃຈເພື່ອນມິດໄດ້”. ສະຫາຍຢືນຢັນວ່າ: “ປະຊາຊົນ ຫວຽດນາມ ຍາມໃດກໍ່ສະແດງຄວາມຮູ້ບຸນຄຸນອັນເລິກເຊິ່ງ ແລະ ຈົດຈຳເຖິງນ້ຳໃຈອັນສະໜິດແໜ້ນ, ຄວາມສັດຊື່ບໍລິສຸດຂອງເພື່ອນມິດ ລັດເຊຍ”.
ທ່ານເລຂາທິການໃຫຍ່ ປາດຖະໜາວ່າ ໃນສະພາບການທີ່ສັບສົນ ແລະ ບໍ່ຄາດເດົາໄດ້ຍາກຢູ່ໃນໂລກ ແລະ ພາກພື້ນ, ລັດເຊຍ ແລະ ຫວຽດນາມ ຕ້ອງເສີມຂະຫຍາຍມູນເຊື້ອຄວາມສາມັກຄີ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ສືບຕໍ່ຄຽງບ່າຄຽງໄຫຼ່ ແລະ ຊ່ວຍເຫຼືອເຊິ່ງກັນ ແລະ ກັນຜ່ານຜ່າສິ່ງທ້າທາຍ, ຄວາມຫຍຸ້ງຍາກ.
ຄວາມອົບອຸ່ນຈາກມືຂອງທ່ານເລຂາທິການໃຫຍ່ ຟູ໋ຈ້ອງ ແລະ ສາຍຕາທີ່ໄວ້ເນື້ອເຊື່ອໃຈ ແລະ ມີຈິດໃຈກວ້າງຂວາງຂອງທ່ານໃນການພົບປະຄັ້ງນັ້ນ ຍາມໃດກໍ່ເຕືອນຂ້າພະເຈົ້າເຖິງບົດຮຽນທີ່ລຽບງ່າຍກ່ຽວກັບວິທີດຳລົງຊີວິດ, ຄວາມເປັນຄົນຂອງທ່ານ ຕະຫຼອດເຖິງຄວາມມຸ່ງມາດປາດຖະໜາ ຫວຽດນາມ - ໂດຍທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຝຶກຝົນຫຼໍ່ຫຼອມ. ນັ້ນແມ່ນ: ກໍ່ສ້າງສັງຄົມນິຍົມໃຫ້ສຳເລັດຜົນ ດ້ວຍບັນດາຄຸນຄ່າທີ່ໝັ້ນຄົງເຂັ້ມແຂງ ແລະ ດີງາມເຊິ່ງມວນມະນຸດມຸ່ງໄປເຖິງ: “ສັງຄົມທີ່ມີການພັດທະນາຢ່າງແທ້ຈິງເພື່ອມະນຸດ...; ສັງຄົມທີ່ “ຄົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸດຕິທຳ ແລະ ສີວິໄລ”.
ນັກສິລະປິນ ນິງດຶກຮວ່າງລອງ (ຊາວ ຫວຽດນາມ ຢູ່ ຮຸງກາຣີ):
ສືບຕໍ່ສູ້ຊົນຝຶກຝົນເພື່ອສ້າງສາຮູບພາບອັນດີງາມຂອງຊາວ ຫວຽດນາມ ອອກສູ່ໂລກ
ໃນຂອບເຂດການພົບປະການທູດທາງລັດຖະກິດລະຫວ່າງຫວຽດນາມ - ຮຸງກາຣີ ໃນເດືອນ ຕຸລາ ປີ 2018, ຂ້າພະເຈົ້າໄດ້ເປັນກຽດສະແດງໃນການຕ້ອນຮັບທ່ານເລຂາທິການໃຫຍ່ ຫງວຽນຟູ໋ຈ້ອງ ແລະ ຄະນະຜູ້ແທນຂັ້ນສູງສອງປະເທດເປັນຄັ້ງທຳອິດຢູ່ຫໍສະພາແຫ່ງຊາດ ຮຸງກາຣີ.
ຫຼັງຈາກການສະແດງ, ຂ້າພະເຈົ້າມີໂອກາດໄດ້ພົບປະໂດຍກົງກັບ ທ່ານເລຂາທິການໃຫຍ່. ລຸງໄດ້ກ່າວວ່າ, ລຸງຮູ້ສຶກດີໃຈ ແລະ ພາກພູມໃຈ ເພາະພອນສະຫວັນຂອງຊາວ ຫວຽດນາມ ໄດ້ປະກາຍແຈ້ງຢູ່ ເອີລົບ. ລຸງໄດ້ບອກໃຫ້ຂ້າພະເຈົ້າສືບຕໍ່ມານະພະຍາຍາມຝຶກຝົນ ເພື່ອແນໃສ່ສ້າງສາບັນດາພາບພົດອັນດີງາມຂອງຊາວ ຫວຽດນາມ ແລະ ສືບຕໍ່ເປັນຂົວເຊື່ອມຕໍ່ວັດທະນະທຳລະຫວ່າງ 2 ປະເທດ. ບັນດາຄຳເຫຼົ່ານັ້ນບໍ່ພຽງແຕ່ເປັນການໃຫ້ກຳລັງໃຈເທົ່ານັ້ນ ຫາກຍັງເປັນຂໍ້ຄວາມທີ່ເຕັມໄປດ້ວຍຄວາມຮັກແພງ ແລະ ຄວາມຮັບຜິດຊອບ. ສິ່ງນັ້ນໄດ້ກາຍເປັນທິດທາງທີ່ຈະຊ່ວຍຂ້າພະເຈົ້າເອົາຊະນະຄວາມຫຍຸ້ງຍາກຫຼາຍຢ່າງ ແລະ ສືບຕໍ່ດໍາເນີນການຕາມຄວາມຝັນຂອງຂ້າພະເຈົ້າ.
 |
ນິງດຶກຮວ່າງລອງ ກັບທ່ານເລຂາທິການໃຫຍ່ ຫງວຽນຟູ໋ຈ້ອງ, ທ່ານນາຍົກລັດຖະມົນຕີ Orban Viktor, ເດືອນ ກັນຍາ ປີ 2018 |
ເມື່ອຂ້າພະເຈົ້າ ແລະ ຄະນະຜູ້ແທນຊາວ ຫວຽດນາມ ອາໄສຢູ່ຕ່າງປະເທດ ໄດ້ກັບຄືນໄປຮ່ວມບຸນປີໃໝ່ປະຈຳຊາດ ປີ 2019, ຂ້າພະເຈົ້າອີກເທື່ອໜຶ່ງໄດ້ພົບປະກັບ ທ່ານເລຂາທິການໃຫຍ່ ໂດຍກົງໃນພິທີຖະຫວາຍທູບທຽນຢູ່ວິຫານ ຫງອກເຊີນ. ຂ້າພະເຈົ້າຈື່ໄດ້ຢ່າງຈະແຈ້ງວ່າ ໃນອາລົມຈິດທີ່ຕື້ນຕັນໃຈເມື່ອຢູ່ລະຫວ່າງບັນດາຄົນ ຫວຽດນາມ ຢູ່ຕ່າງປະເທດນັບຮ້ອຍຄົນ, ລຸງຍັງຈື່ຂ້າພະເຈົ້າ ແລະ ຍ້ອງຍໍຂ້າພະເຈົ້າທີ່ຮ້ອງເພງໄດ້ດີ. ການຮັບຮູ້ ແລະ ການຍ້ອງຍໍຂອງລຸງເຮັດໃຫ້ຂ້າພະເຈົ້າຮູ້ສຶກນັບຖືຢ່າງສູງ ແລະ ມີກໍາລັງໃຈຫຼາຍ. ຕອນຄ່ຳມື້ນັ້ນ, ຂ້າພະເຈົ້າໄດ້ສະແດງຄືນໃໝ່ໃຫ້ ທ່ານເລຂາທິການໃຫຍ່ ແລະ ຜູ້ຊົມຫວຽດນາມ ຮັບຊົມ. ໄດ້ພົບລຸງສອງຄັ້ງ, ແຕ່ລະຄັ້ງລ້ວນແຕ່ເຮັດໃຫ້ຂ້າພະເຈົ້າມີຄວາມປະທັບໃຈຢ່າງເລິກເຊິ່ງ ແລະ ຄວາມຮູ້ບຸນຄຸນທີ່ບໍ່ມີຂອບເຂດ.
ພາບພົດທີ່ລຽບງ່າຍ, ສັດຊື່ຈິງໃຈ ແລະ ນ້ຳໃຈຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຝາກຄວາມປະທັບໃຈໄວ້ໃນດວງໃຈຂ້າພະເຈົ້າ. ຂ້າພະເຈົ້າຮູ້ສຶກເຖິງຄວາມຮັກແພງ ແລະ ຄວາມເອົາໃຈໃສ່ຢ່າງຈິງໃຈຂອງທ່ານທີ່ມີຕໍ່ປະຊາຄົມຊາວ ຫວຽດນາມ ທີ່ຢູ່ຫ່າງໄກຈາກປະເທດ ເຊັ່ນດຽວກັບບັນດາຊົນຊັ້ນວັນນະ ແລະ ສິລະປິນຂອງປະເທດ. ການດູແລ ແລະ ການໃຫ້ກຳລັງໃຈ ໄດ້ຊ່ວຍໃຫ້ຂ້າພະເຈົ້າ ແລະ ຄົນອື່ນໆອີກຫຼາຍຄົນໃນຊຸມຊົນຊາວ ຫວຽດນາມ ຢູ່ຕ່າງປະເທດ ສະໜິດຕິດພັນກັບກົກເຄົ້າເຫງົ້າກໍຫຼາຍຂຶ້ນ ແລະ ເອກອ້າງທະນົງໃຈກ່ຽວກັບປະເທດຊາດກວ່າອີກ.
ລຸງບໍ່ພຽງແຕ່ເປັນຜູ້ນຳທີ່ໝັ້ນທ່ຽງ ແລະ ສຸດອົກສຸດໃຈເທົ່ານັ້ນ, ຫາກຍັງເປັນບຸກຄົນທີ່ດຳລົງຊີວິດແບບລຽບງ່າຍ, ໃກ້ຊິດຕິດແທດກັບປະຊາຊົນ. ຂ້າພະເຈົ້າຮູ້ສຶກໄດ້ເຖິງຄວາມຈິງໃຈ ແລະ ຄວາມຖ່ອມຕົວສະເໝີໃນວິທີທີ່ລຸງພົບປະ ແລະ ພົວພັນກັບທຸກຄົນ, ນັບແຕ່ຊາວນາທີ່ລຽບງ່າຍຈົນເຖິງພະນັກງານ ແລະ ລັດຖະກອນ.
ພິເສດ, ຂ້າພະເຈົ້າມີຄວາມຮູ້ບຸນຄຸນທີ່ສຸດຕໍ່ຄວາມເອົາໃຈໃສ່ຂອງ ທ່ານເລຂາທິການໃຫຍ່ ຕໍ່ຊຸມຊົນຊາວ ຫວຽດນາມ ທີ່ຫ່າງຈາກປະເທດຊາດ. ລຸງຍາມໃດກໍຊຸກຍູ້ ແລະ ສ້າງເງື່ອນໄຂໃຫ້ຊາວ ຫວຽດນາມ ອາໄສຢູ່ຕ່າງປະເທດຮັກສາ ແລະ ເສີມຂະຫຍາຍສີສັນວັດທະນະທຳຂອງຊາດ, ກໍ່ຄືການປະກອບສ່ວນສະຕິປັນຍາ ແລະ ພອນສະຫວັນໃຫ້ແກ່ການພັດທະນາປະເທດຊາດ. ການດູແລ ແລະ ການໃຫ້ກຳລັງໃຈນີ້ທີ່ໄດ້ເພີ່ມກຳລັງໜູນໃຫ້ຂ້າພະເຈົ້າ ແລະ ຄົນອື່ນໆອີກຫຼາຍຄົນໃນຊຸມຊົນຊາວ ຫວຽດນາມ ຢູ່ຕ່າງປະເທດ, ຊ່ວຍໃຫ້ພວກຂ້າພະເຈົ້າຮູ້ສຶກມີຄວາມສະໜິດຕິດພັນ ແລະ ມີຄວາມເອກອ້າງທະນົງໃຈຕໍ່ກົກເຄົ້າເຫງົ້າກໍ.
 | ພາລະໜ້າທີ່, ໂຄງຮ່າງການຈັດຕັ້ງຂອງຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຍສໝ - ທ່ານຮອງນາຍົກລັດຖະມົນຕີ ເຈີ່ນລິວກວາງ ໄດ້ເຊັນຂໍ້ຕົກລົງເລກທີ 30/2023/QD-TTg ວ່າດ້ວຍການກຳນົດບົດບາດ, ສິດ, ໜ້າທີ່ ແລະ ໂຄງຮ່າງການຈັດຕັ້ງຂອງຄະນະກຳມະການແຫ່ງລັດກ່ຽວກັບຊາວຫວຽດນາມ ຢູ່ຕ່າງປະເທດ ສັງກັດກະຊວງການຕ່າງປະເທດ. |
 | ນະຄອນ ໂຮ່ຈີມິນ ເຊີນຊວນຊາວຫວຽດນາມ ອາໄສຢູ່ຕ່າງປະເທດ ເຂົ້າຮ່ວມບັນດາຂົງເຂດລົງທຶນທີ່ສຳຄັນ ຍສໝ - ນັ້ນແມ່ນເນື້ອໃນທີ່ທ່ານນາງ ຫວູທິຮວິ່ງມາຍ, ປະທານຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ແຈ້ງກັບບັນດາຜູ້ແທນທີ່ການພົບປະຢູ່ນອກ “ເວທີປາໄສວິສາຫະກິດຊາວຫວຽດນາມ ຢູ່ຕ່າງປະເທດ ໄທ - ຫວຽດນາມ - ລາວ - ກຳປູເຈຍ - ມຽນມາ” ໃນປີ 2023. |
ມິງດຶກ
