ອີຕາລີ ປະດັບຫຼຽນໄຊກຽດຕິຄຸນຊັ້ນອັດສະວິນໃຫ້ ທ່ານ ປອ ນາງ ຫງວຽນເຟືອງຮວ່າ

	ຫວຽດນາມ ​ແລະ ບຣາຊິນ ຍົກ​ລະດັບ​ການ​ພົວພັນ​ເປັນ​ຄູ່​ຮ່ວມ​ມື​ຍຸດ​ທະ​ສາດ
	ການທ່ອງທ່ຽວ ຫວຽດນາມ ແມ່ນ “ດວງດາວທີ່ກຳລັງພົ້ນເດັ່ນຂຶ້ນ” ຢູ່ ອີຕາລີ

ນີ້​ແມ່ນ​ລາງວັນ​ສູງ​ສຸດ​ຂອງ​ສາທາລະນະ​ລັດ ອີ​ຕາ​ລີ ເຊິ່ງ​ໄດ້​ຮັບ​ຮູ້​ການ​ປະກອບສ່ວນ​ອັນ​ດີ​ເດັ່ນ​ຂອງ​ ທ່ານ ປອ ນາງ ຫງວຽນ​ເຟືອງ​ຮວ່າ ໃນການ​ຊຸກຍູ້​ການ​ຮ່ວມ​ມື​ດ້ານ​ວັດທະນະທຳ​ລະຫວ່າງ 2 ປະ​ເທດ​ໃນ​ຫຼາຍປີທີ່ຜ່ານ​ມາ​.

ກ່າວ​ຄຳ​ປາໄສທີ່​ພິທີ, ທ່ານ Marco Della Seta ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມແຫ່ງ ​ອີ​ຕາ​ລີ ປະຈຳ ຫວຽດນາມ ​ເນັ້ນ​ໜັກ​ເຖິງ​ບົດບາດ​ໃຈກາງ​ຂອງ​ວັດທະນະທຳ​ໃນ​ການ​ພົວພັນ​ລະຫວ່າງ ອີ​ຕາ​ລີ ​ແລະ ຫວຽດນາມ. ກ່າວເຖິງເຫດຜົນທີ່ ທ່ານ ປອ ນາງ ຫງວຽນ​ເຟືອງ​ຮວ່າ ໄດ້ຮັບການປະດັບຫຼຽນໄຊກຽດຕິຄຸນຂອງສາທາລະນະລັດ ອີຕາລີ, ທ່ານ​ເອກ​ອັກຄະ​ລັດຖະທູດ Marco Della Seta ​ໃຫ້​ຮູ້​ວ່າ, ​ໃນ​ໄລຍະ​ແຫ່ງ​ການ​ເຮັດ​ວຽກ​ກ່ວາ 20 ປີ ​ຂອງ​ທ່ານ ປອ ນາງ ຫງວຽນ​ເຟືອງ​ຮວ່າ ​ໄດ້​ມີ​ການ​ປະກອບສ່ວນ​ສຳຄັນ​ເຂົ້າ​ໃນ​ການ​ສ້າງ​ການ​ພົວພັນ​ທາງ​ດ້ານ​ວັດທະນະທຳ​ລະຫວ່າງ ອີ​ຕາ​ລີ ​ແລະ ຫວຽດນາມ ຢ່າງ​ແໜ້ນ​ແຟ້ນ, ກໍ່ຄືການ​ພັດທະນາ ​ແລະ ປະຕິບັດ​ບັນດາ​ຂໍ້​ລິ​ເລີ່​ມຮ່ວມ​ມື​ດ້ານ​ວັດທະນະທຳ 2 ຝ່າຍ.

ທ່ານ Marco Della Seta ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມແຫ່ງ ​ອີ​ຕາ​ລີ ປະຈຳ ຫວຽດນາມ ກ່າວ​ຄຳ​ປາໄສ​ທີ່​ພິທີ.

ໃນ​ບົດ​ກ່າວຕອບຮັບ, ​ທ່ານ ປອ ນາງ ຫງວຽນ​ເຟືອງ​ຮວ່າ ​ໄດ້​ແບ່ງປັນ​ຄວາມ​ເປັນກຽດ ​ແລະ ​ພາກພູມ​ໃຈ​ທີ່​ໄດ້ຮັບການປະດັບ​ຫຼຽນໄຊກຽດຕິຄຸນຂອງ​ສາທາລະນະ​ລັດ ອີ​ຕາ​ລີ ດ້ວຍຄວາມຕື້ນຕັນໃຈ. ທ່ານ ປອ ນາງ ຫງວຽນ​ເຟືອງ​ຮວ່າ ​ໄດ້​ເຕື້ອງຄືນ​​ຄຳຊີ້ນຳ​ຂອງ​ທ່ານ​ລັດຖະມົນຕີ​ກະຊວງ​ວັດທະນະທຳ, ກິລາ ​ແລະ ການທ່ອງ​ທ່ຽວ ຫວຽດນາມ ຫງວຽນ​ວັນ​ຮຸ່ງ ທີ່ວ່າ “ຕັດສິນໃຈກະທຳຢ່າງຂ້ຽວຂາດ, ຄາດຫວັງອຸທິດສ່ວນ, ຈົ່ງ​ເຮັດ​ວຽກ​ນ້ອຍດ້ວຍ​ຄວາມ​ຮັກທີ່ໃຫຍ່”.

ທ່ານ ປອ ນາງ ຫງວຽນເຟືອງຮວ່າ ກໍ່ເນັ້ນໜັກວ່າ: “ລາງວັນອັນສະຫງ່າລາສີນີ້ ບໍ່ພຽງແຕ່ເປັນການຮັບຮູ້ໃຫ້ແກ່ສ່ວນຕົວຂ້າພະເຈົ້າເທົ່ານັ້ນ ຫາກຍັງເປັນການຮັບຮູ້ການອຸທິດສ່ວນຂອງໝູ່ຄະນະກົມຮ່ວມມືສາກົນ, ບັນດາຜູ້ໄດ້, ກຳລັງ ແລະ ຈະສືບຕໍ່ມານະພະຍາຍາມຢ່າງບໍ່ຢຸດຢັ້ງ ເພື່ອຊຸກຍູ້ການພົບປະແລກປ່ຽນ ແລະ ຮ່ວມມືສາກົນລະຫວ່າງ ຫວຽດນາມ ​ແລະ ປະຊາຊົນ​ບັນດາ​ປະ​ເທດ, ​ໃນ​ນັ້ນ​ມີ​ຊາວ ອີ​ຕາ​ລີ”. ທ່ານນາງທັງສະແດງຄວາມເຊື່ອໝັ້ນວ່າ ລາງວັນດັ່ງກ່າວຈະສືບຕໍ່ສ້າງກຳລັງໜູນ ແລະ ລະດົມກຳລັງໃຈໃຫ້ແກ່ທ່ານນາງ ກໍ່ຄືບັນດາພະນັກງານກະຊວງວັດທະນະທຳ, ກິລາ ແລະ ການທ່ອງທ່ຽວ ໃນການເດີນທາງປະກອບສ່ວນເພີ່ມທະວີ ແລະ ເຮັດໃຫ້ການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ - ອີຕາລີ ເລິກເຊິ່ງກວ່າອີກ.

ທ່ານ​ເອກ​ອັກຄະ​ລັດຖະທູດ ​ອີ​ຕາ​ລີ ​ໄດ້​ມອບຫຼຽນໄຊກຽດຕິຄຸນ ອີຕາລີ ແລະ ຂໍ້ຕົກລົງໃຫ້​ແກ່​ທ່ານ ປອ ນາງ ຫງວຽນເຟືອງຮວ່າ.

ພິທີ​ຍັງ​ໄດ້​ຝາກ​ຄວາມ​ປະ​ທັບ​ໃຈ​ຢ່າງ​ເລິກ​ເຊິ່ງດ້ວຍ​ລາຍການ​ສະ​ແດງ​ສິລະ​ປະ​ຂອງບັນດາ​ນັກ​ສິລະ​ປິນ​ທີ່ມາຈາກ​ສະຖາບັນ​ດົນຕີ​ແຫ່ງ​ຊາດ ຫວຽດນາມ. ບັນດາທຳນອງດົນຕີຂອງ ອີຕາລີ ຄາລາດສິກ ເຊັ່ນ: "ສີ່ລະດູ" ຂອງ Vivaldi ຫຼື "Nessun dorma" ຂອງ Puccini ປະສານກັບຜົນງານດົນຕີຂອງ ຫວຽດນາມ ທີ່ຄຸ້ນເຄີຍ "ຮ່າໂນ້ຍດອກໄມ້ 12 ລະດູ" ໄດ້ນຳມາເຊິ່ງບັນຍາກາດດົນຕີທີ່ເຕັມໄປດ້ວຍຈິດໃຈພົບປະແລກປ່ຽນວັດທະນະທໍາ.

​ໃນ​ໄລຍະ​ມໍ່ໆ​ມາ​ນີ້, ການ​ຮ່ວມ​ມື​ ​ຫວຽດນາມ - ອີ​ຕາ​ລີ ​ໃນ​ຂົງ​ເຂດ​ວັດທະນະທຳ, ກິລາ ​ແລະ ການທ່ອງ​ທ່ຽວ​ໄດ້​ຮັບ​ການ​ພັດທະນາ​ຢ່າງ​ບໍ່​ຢຸດ​ຢັ້ງ ດ້ວຍ​ຫຼາຍ​ຂີດໝາຍ​ທີ່​ມີ​ຄວາມ​ໝາຍ. ປີ 2023, ລັດຖະບານ 2 ປະເທດ​ໄດ້​ລົງ​ນາມ​ໃນ​ໂຄງການ​ຮ່ວມ​ມື​ດ້ານ​ວັດທະນະທຳ ​ໄລຍະ 2023 – 2026, ​ແມ່ນ​ພື້ນຖານ​ສຳຄັນ​ເພື່ອ​ສືບ​ຕໍ່​ຊຸກຍູ້​ທັງ​ປະລິມານ ​ແລະ ຄຸນ​ນະພາ​ບບັນດາ​ການ​ເຄື່ອນ​ໄຫວ​ຮ່ວມ​ມືສອງຝ່າຍ​ກ່ຽວກັບ​ວັດທະນະທຳ​. ປີ 2024, ຫຼາຍ​ງານ​ພົບ​ປະ​ແລກປ່ຽນ​ວັດທະນະທຳ​ໄດ້​ຮັບ​ການ​ຈັດ​ຕັ້ງຢ່າງ​ສຳ​ເລັດ​ຜົນ, ພິ​ເສດ​ແມ່ນ​ຖ້ຽວທຳການການສະແດງຂອງ​ວົງ​ດົນຕີໄວ​ໜຸ່ມໂລກ ອີ​ຕາ​ລີ ຢູ່ ຫວຽດນາມ, ເຊິ່ງໄດ້ປະກອບສ່ວນ​ປັບປຸງ​ການ​ພົວພັນ​ມິດຕະພາບ​ລະຫວ່າງ 2 ປະ​ເທດ.

ພິ​ເສດ, ຂໍ້​ລິ​ເລີ່ມ​ຂອງ​ຝ່າຍ​ ອີ​ຕາ​ລີ ຍົກ​ລະ​ດັບ Casa Italia ຂຶ້ນ​ເປັນ​ສະ​ຖາ​ບັນ​ວັດ​ທະ​ນະ​ທຳ ອີ​ຕາ​ລີ ປະຈຳ ຮ່າ​ໂນ້ຍ ໄດ້​ຮັບ​ຖື​ວ່າ​ແມ່ນ​ບາດ​ກ້າວ​ສຳ​ຄັນ, ເປີດ​ກາ​ລະ​ໂອ​ກາດ​ໃຫ້​ແກ່​ການ​ຮ່ວມ​ມື​ດ້ານ​ວິ​ຊາ​ຊີບ​ຢ່າງ​ຮອບ​ດ້ານ​ກວ່າ​ອີກໃນຂົງເຂດວັດທະນະທຳ. ໂດຍໄດ້ສ້າງຕັ້ງບົນ​ພື້ນຖານ​ບົດ​ບັນທຶກ​ຊ່ວຍ​ຈຳ​ລະຫວ່າງ​ລັດຖະບານ​ສອງ​ປະ​ເທດທີ່​ໄດ້​ລົງ​ນາມ​ເມື່ອ​ປີ 2013, Casa Italia ​ໄດ້​ຮັບ​ຖື​ວ່າ​ແມ່ນ​ໜຶ່ງ​ໃນ​ບັນດາ​ສັນຍາ​ລັກ​ແຫ່ງ​ວັດທະນະທຳ​ ອີ​ຕາ​ລີ ຢູ່​ໃຈກາງ​ນະຄອນຫຼວງ​ ຮ່າ​ໂນ້ຍ, ​ແມ່ນ​ສະຖານ​ທີ່​ຈັດ​ຕັ້ງ​ບັນດາ​ການ​ເຄື່ອນ​ໄຫວພົບປະ​ແລກປ່ຽນ​ວັດທະນະທຳ, ສິລະ​ປະ​, ປະກອບສ່ວນ​ນຳມາເຊິ່ງຄວາມ​ເຂົ້າ​ໃຈ​ຢ່າງ​ເລິກເຊິ່ງ​ກວ້າງຂວາງກ່ຽວ​ກັບ​ເສດຖະກິດ ​ແລະ ວັດທະນະທຳ ອີ​ຕາ​ລີ ​ໃຫ້​ແກ່​ປະຊາຊົນ ​ຫວຽດນາມ, ​ເພີ່ມ​ທະວີ​ການພົບປະ​ແລກປ່ຽນ​ ​ແລະ ການ​ຮ່ວມ​ມື​ລະຫວ່າງ 2 ປະ​ເທດ.

​ໃນ​ໄລຍະ​ຈະ​ມາ​ເຖິງ, ຫວຽດນາມ ​ແລະ ອີ​ຕາ​ລີ ຈະ​ສືບ​ຕໍ່​ຊຸກຍູ້​ການຈັດ​ຕັ້ງ​ບັນດາ​ໂຄງການ​ພົບປະແລກປ່ຽນ​ສິລະ​ປະ ​ແລະ ສັບປະດາວັດທະນະທຳ​ຢູ່​ແຕ່ລະ​ປະ​ເທດ, ​ເພີ່ມ​ທະວີ​ການ​ຮ່ວມ​ມື​ໃນ​ຂົງ​ເຂດ​ອະນຸລັກ​ຮັກສາ​ມໍລະດົກ ​ແລະ ​ແລກປ່ຽນ​ນັກ​ຊ່ຽວຊານ. ຫວຽດນາມ ​ເຊີນ ອີ​ຕາ​ລີ ສົ່ງ​ຜູ້​ແທນ​ເຂົ້າ​ຮ່ວມ​ບັນດາ​ເຫດການ​ວັດທະນະທຳ, ສິລະ​ປະ​ສາກົນ​ໃຫຍ່​ທີ່​ຈັດ​ຂຶ້ນ​ຢູ່ ​ຫວຽດນາມ ຄື: Festival ​ເຫວ້, ງານມະໂຫລານຮູບ​ເງົາ​ສາກົນ ​ຮ່າ​ໂນ້ຍ, ງານມະໂຫລານສິລະປະຟ້ອນສາກົນ... ​ໃຫ້​ຄຳ​ໝັ້ນ​ສັນຍາ​ຈະ​ສືບ​ຕໍ່ເປັນ​ຂົວ​ເຊື່ອມ​ຕໍ່​ວັດທະນະທຳ​ລະຫວ່າງ ຫວຽດນາມ - ອີ​ຕາ​ລີ, ປະກອບສ່ວນ​ເຮັດໃຫ້​ການ​ພົວພັນ​ຮ່ວມ​ມືຍຸດທະສາດ​ລະຫວ່າງ​ສອງ​ປະ​ເທດເລິກເໍິ່ງກວ່າອີກ.

ອີຕາລີ, ແມ່ນເພື່ອນມິດທີ່ຮັກຄວາມແພງ, ສັດຊື່ບໍລິສຸດຂອງຫວຽດນາມ ຍສໝ - ພາຍຫຼັງເຄິ່ງສະຕະວັດ, ບົນພື້ນຖານມິດຕະພາບອັນໝັ້ນແກ່ນ, ຫວຽດນາມ ແລະ ອີຕາລີ ໄດ້ກາຍເປັນຄູ່ຮ່ວມມືສຳຄັນໃນທຸກຂົງເຂດ, ຮ່ວມມືຢ່າງແໜ້ນແຟ້ນທັງສອງຝ່າຍ ແລະ ຫຼາຍຝ່າຍ.

ເລີ່ມ​ຕົ້ນໂຄງການໂຄສະນາ ຫວຽດນາມ ຢູ່ ອີຕາລີ ຍສໝ - ວັນ​ທີ 24 ພະຈິກ​ນີ້, ສະຖານທູດ​ຫວຽດນາມ ປະຈຳ ອີ​ຕາ​ລີ ສົມທົບ​ກັບບໍລິສັດໃຫຍ່ການຄຸ້ມ​ຄອງ​ສະໜາມ​ບິນ Milan, ອຳນາດການປົກຄອງນະຄອນ Milan ​ແລະ ຫ້ອງການການ​ຄ້າ ອີ​ຕາ​ລີ - ຫວຽດນາມ ​ໄດ້​ຈັດ​ຕັ້ງ​ພິທີ​ເລີ່ມ​ຕົ້ນ​ໂຄງການໂຄສະນາ ຫວຽດນາມ ຢູ່ Milan.