ນຳຫວຽດນາມ ເຂົ້າມາໃກ້ຊິດຕື່ມອີກ ກັບໝູ່ເພື່ອນດານມາກ ແລະ ສາກົນ

	ໂຄສະນາພາບພົດຂອງ ຫວຽດນາມ ສູ່ເພື່ອນມິດ ດານມາກ ແລະ ສາກົນ
	ການເຊື່ອມຕໍ່ການຄ້າ ລະຫວ່າງ ວິສາຫະກິດທ່ອງທ່ຽວ ຫວຽດນາມ ແລະ ສາກົນ

ທ່ານ ເອກອັກຄະລັດຖະທູດຫວຽດນາມ ປະຈຳດານມາກ ຫງວຽນເລແທັງ ກ່າວປາໄສໄຂພິທີ. (ແຫຼ່ງຂໍ້ມູນ: ສະຖານທູດຫວຽດນາມ ປະຈຳດານມາກ)

ຢູ່ທີ່ກິດຈະກຳ ພ້ອມທັງໄດ້ປະກາດບັນດາກິດຈະກຳທີ່ຕໍ່ເນື່ອງ ເພື່ອສະເຫຼີມສະຫຼອງ 55 ປີວັນສ້າງຕັ້ງສາຍພົວພັນການທູດ ຫວຽດນາມ-ດານມາກ ຄົບຮອບ ໃນປີ 2026.

ເຂົ້າຮ່ວມກິດຈະກຳມີ ປະທານ ແລະ ບັນດາສະມາຊິກ ສະໂມສອນແມ່ຍິງສາກົນ ຢູ່ ໂຄເປັນຮາກັນ, ໃນນັ້ນມີບັນດານັກຂ່າວ, ຜູ້ສື່ຂ່າວ ຢູ່ ດານມາກ; ອຳນວຍການ, ການນຳຂອງບາງໂຮງຮຽນ ພ້ອມກັບຜູ້ຕາງໜ້າບັນດາອົງການ ແລະ ການຈັດຕັ້ງຂອງດານມາກ.

ພະນັກງານສະຖານທູດ ນຳສະເໜີກ່ຽວກັບບັນດາຂີດໝາຍແຫ່ງການພັດທະນາຂອງຫວຽດນາມ. (ແຫຼ່ງຂໍ້ມູນ: ສະຖານທູດຫວຽດນາມ ປະຈຳ ດານມາກ)

ກ່າວປາໄສໄຂພິທີ, ທ່ານ ຫງວຽນເລແທັງ, ເອກອັກຄະລັດຖະທູດຫວຽດນາມ ປະຈຳດານມາກ ໄດ້ເນັ້ນໜັກວ່າ ກິດຈະກຳແມ່ນໂອກາດເພື່ອ "ນຳຫວຽດນາມ ເຂົ້າມາໃກ້ຊິດຕື່ມອີກ ກັບໝູ່ເພື່ອນດານມາກ ແລະ ສາກົນ", ບໍ່ພຽງແຕ່ກ່ຽວກັບໄລຍະຫ່າງທາງພູມສາດເທົ່ານັ້ນ ແຕ່ສິ່ງທີ່ສຳຄັນກວ່າແມ່ນກ່ຽວກັບຄວາມເຂົ້າອົກເຂົ້າໃຈ ແລະ ການເຊື່ອມຕໍ່ລະຫວ່າງຄົນກັບຄົນ.

ທ່ານເອກອັກຄະລັດຖະທູດ ຢືນຢັນວ່າ, ຫວຽດນາມໃນປັດຈຸບັນ ແມ່ນປະເທດທີ່ມີຄວາມຫ້າວຫັນ, ສ້າງສັນ ແລະ ພວມພັດທະນາຢ່າງວ່ອງໄວ, ຍືນຍົງ; ສະແດງຄວາມມຸ່ງມາດປາດຖະໜາວ່າ ຜ່ານບັນດາກິດຈະກຳແລກປ່ຽນວັດທະນະທຳ, ການສຶກສາ ແລະ ການຮ່ວມມືຫຼາຍດ້ານ, ສອງປະເທດຈະສືບຕໍ່ຮັດແໜ້ນພື້ນຖານສາຍພົວພັນມິດຕະພາບທີ່ສະໜິດແໜ້ນ, ຂະຫຍາຍ ແລະ ເຮັດໃຫ້ການຮ່ວມມືໃນບັນດາຂົງເຂດເລິກເຊິ່ງກວ່າອີກ, ໂດຍສະເພາະແມ່ນດ້ານນະວັດຕະກຳ, ການຫັນເປັນດິຈິຕອນ ແລະ ການພັດທະນາແບບຍືນຍົງ.

ນັກຂຽນ ໂຊເຣນເດວິດເຊັນ ກ່າວປາໄສກ່ຽວກັບບັນດາຈຸດພິເສດທີ່ເປັນເອກະລັກຂອງວັດທະນະທຳ ແລະ ຄົນຫວຽດນາມ. (ແຫຼ່ງຂໍ້ມູນ: ສະຖານທູດຫວຽດນາມ ປະຈຳ ດານມາກ)

ຢູ່ທີ່ກິດຈະກຳ, ນັກຂຽນ ໂຊເຣນເດວິດເຊັນ, ຮອງປະທານກຸ່ມບໍລິສັດ ເດວິດເຊັນ-ເຄ, ຜູ້ທີ່ເຄີຍດຳລົງຊີວິດ ແລະ ເຮັດວຽກເປັນເວລາຫຼາຍປີຢູ່ຫວຽດນາມ, ໄດ້ແບ່ງປັນບັນດາມຸມມອງທີ່ເລິກເຊິ່ງ ຈາກມຸມມອງຂອງຊາວດານມາກ ກ່ຽວກັບວັດທະນະທຳ ແລະ ຄົນຫວຽດນາມ.

ທ່ານໄດ້ຍ້ອງຍໍຊົມເຊີຍນ້ຳໃຈເອກະລາດ, ຕົນຕົວເພິ່ງຕົນເອງ, ນະໂຍບາຍການຕ່າງປະເທດ, ການເຊື່ອມໂຍງສາກົນ ແລະ ບັນດາຜົນສຳເລັດແຫ່ງການພັດທະນາຢ່າງກະໂດດຂັ້ນຂອງຫວຽດນາມ; ເນັ້ນໜັກເຖິງບັນດາຄຸນຄ່າທີ່ເປັນເອກະລັກ ເຊັ່ນ: ນ້ຳໃຈຮັກແພງແຂກຄົນ, ຄວາມຫ້າວຫັນ, ຄວາມສາມາດໃນການປັບຕົວ ແລະ ຄວາມມຸ່ງມາດປາດຖະໜາທີ່ຈະກ້າວຂຶ້ນຂອງຄົນຫວຽດນາມ.

ພ້ອມກັນນັ້ນ, ທ່ານຖືວ່າ, ສາຍພົວພັນ ຫວຽດນາມ-ດານມາກ ນັບມື້ນັບໄດ້ຮັບການພັດທະນາຕາມທິດເປັນຄູ່ຮ່ວມມືທີ່ສະເໝີພາບ, ໄວ້ເນື້ອເຊື່ອໃຈກັນ, ຮ່ວມກັນແບ່ງປັນຜົນປະໂຫຍດ ແລະ ວິໄສທັດລວມ ໃນສະພາບການຮ່ວມມືສາກົນທີ່ນັບມື້ນັບກວ້າງຂວາງ ແລະ ເລິກເຊິ່ງ.

ບັນດາແຂກຖືກເຊີນ ສົນທະນາແລກປ່ຽນກັນຢ່າງຟົດຟື້ນ ຢູ່ທີ່ກິດຈະກຳ. (ແຫຼ່ງຂໍ້ມູນ: ສະຖານທູດຫວຽດນາມ ປະຈຳດານມາກ)

ບັນດາຜູ້ແທນທີ່ເຂົ້າຮ່ວມ ໄດ້ສົນທະນາແລກປ່ຽນກັນຢ່າງຟົດຟື້ນ, ແບ່ງປັນຄວາມຮູ້ສຶກ ແລະ ປະສົບການສ່ວນຕົວ ກ່ຽວກັບຫວຽດນາມ. ຫຼາຍຄຳຄິດຄຳເຫັນ ໄດ້ສະແດງຄວາມປະທັບໃຈຢ່າງເລິກເຊິ່ງ ກ່ຽວກັບຄວາມສວຍງາມຂອງທຳມະຊາດ, ຄວາມອຸດົມສົມບູນຂອງວັດທະນະທຳ ແລະ ໂດຍສະເພາະແມ່ນຄວາມເປັນກັນເອງ, ການຮັກແພງແຂກຄົນ ຂອງປະຊາຊົນຫວຽດນາມ.

ຜູ້ແທນບາງທ່ານ ໄດ້ເລົ່າຄືນບັນດາຄວາມຊົງຈຳທີ່ໜ້າຈົດຈຳ ໃນບັນດາການທ່ຽວຊົມຢູ່ຫວຽດນາມ, ພ້ອມທັງສະແດງຄວາມຊົມເຊີຍຕໍ່ກັບປະຫວັດສາດແຫ່ງການຕໍ່ສູ້ຢ່າງອົງອາດກ້າຫານ ແລະ ສະຫງ່າອົງອາດ ຂອງຊາດຫວຽດນາມ.

ທ່ານເອກອັກຄະລັດຖະທູດ ຫງວຽນເລແທັງ ຕອບບັນດາຄຳຖາມຂອງແຂກຖືກເຊີນ. (ແຫຼ່ງຂໍ້ມູນ: ສະຖານທູດຫວຽດນາມ ປະຈຳ ດານມາກ)

ທ່ານເອກອັກຄະລັດຖະທູດ ຫງວຽນເລແທັງ ຕອບບັນດາຄຳຖາມຂອງແຂກຖືກເຊີນ. (ແຫຼ່ງຂໍ້ມູນ: ສະຖານທູດຫວຽດນາມ ປະຈຳດານມາກ)

ບັນດາແຂກຖືກເຊີນ ຕີລາຄາສູງຕໍ່ກັບການທີ່ສະຖານທູດ ຈະຈັດຕັ້ງບັນດາກິດຈະກຳທີ່ຕໍ່ເນື່ອງ ເພື່ອສະເຫຼີມສະຫຼອງ ຄົບຮອບ 55 ປີວັນສ້າງຕັ້ງສາຍພົວພັນການທູດລະຫວ່າງສອງປະເທດ, ພ້ອມທັງສະແດງຄວາມມຸ່ງມາດປາດຖະໜາຢາກເຂົ້າຮ່ວມ ແລະ ຢືນຢັນວ່າ ຫວຽດນາມ ຈະກາຍເປັນຈຸດໝາຍປາຍທາງການທ່ອງທ່ຽວຂອງຕົນເອງ, ຄອບຄົວ ແລະ ໝູ່ເພື່ອນ.

ກິດຈະກຳໄດ້ດຳເນີນໄປໃນບັນຍາກາດທີ່ເປີດກວ້າງ, ເປັນກັນເອງ ແລະ ໄດ້ສ້າງຄວາມປະທັບໃຈທີ່ດີງາມ ແລະ ເປັນໜ້າຊື່ນຊົມໃຫ້ແກ່ບັນດາແຂກຖືກເຊີນ, ຜ່ານນັ້ນໄດ້ປະກອບສ່ວນສືບຕໍ່ໂຄສະນາພາບພົດຂອງຫວຽດນາມ ທີ່ທັນສະໄໝ, ເຊື່ອມໂຍງສາກົນ ແລະ ອຸດົມສົມບູນໄປດ້ວຍເອກະລັກທາງວັດທະນະທຳ ມາຍັງໝູ່ເພື່ອນສາກົນ.

ທ່ານເລຂາທິການໃຫຍ່ເປັນປະທານກອງປະຊຸມ ກົມການເມືອງ, ຄະນະເລຂາ ເພື່ອພິຈາລະນາບັນຫາພົ້ນເດັ່ນຢູ່ພາຍໃນປະເທດ ແລະ ສາກົນ ຫວຽດນາມ ບັນລຸໄດ້ໝາກຜົນສຳຄັນຫຼາຍຢ່າງໃນຫຼາຍຂົງເຂດຄື: ການພັດທະນາເສດຖະກິດ - ສັງຄົມ, ການປ້ອງກັນ ຕ້ານໂລກລະບາດໂຄວິດ-19.

ຫວຽດນາມ - ຈີນ ​ເຄົາລົບ​ກົດໝາຍ​ສາກົນ ​ແລະ ​ແກ້​ໄຂ​ບັນດາບັນຫາ​ຢູ່ທະ​ເລ​ຕາ​ເວັນ​ອອກ​ຢ່າງ​ສົມເຫດສົມຜົນ ຍສໝ - ຫວຽດນາມ ​ແລະ ຈີນ ​ຫາກໍ່​ສິ້ນ​ສຸດ​ການ​ເຈລະຈາ​ ຮອບທີ 15 ກຸ່ມວຽກງານກ່ຽວກັບ​ເຂດ​ນ່ານ​ທະເລນອກອ່າວພາກເໜືອ ​ແລະ ​ຮອບທີ 12 ກຸ່ມວຽກງານປຶກສາຫາລືກ່ຽວກັບການ​ຮ່ວມ​ມື​ພ້ອມກັນພັດທະນາ​​ຢູ່​ທະ​ເລ, ​ເນັ້ນ​ໜັກ​ເຖິງ​ຄວາມ​ສຳຄັນ​ຂອງ​ການພົວພັນສອງ​ປະ​ເທດ, ການ​​ແກ້​ໄຂ​ບັນ​ຫາ​ຢູ່​ທະ​ເລ​ມີຢ່່າງມີສົມເຫດສົມຜົນ...