ການທ່ອງທ່ຽວ ຫວຽດນາມ ແມ່ນ “ດວງດາວທີ່ກຳລັງພົ້ນເດັ່ນຂຶ້ນ” ຢູ່ ອີຕາລີ

16:57 | 02/07/2024

ຍສໝ - ນັ້ນແມ່ນຄຳເຫັນຂອງທ່ານນາງ Alessandra Priante, ຜູ້ອຳນວຍການອົງການທ່ອງທ່ຽວແຫ່ງຊາດ ອີຕາລີ (ENIT) ທີ່ລາຍການແນະນຳການທ່ອງທ່ຽວ ຫວຽດນາມ ໂດຍກົມການທ່ອງທ່ຽວແຫ່ງຊາດຫວຽດນາມ ສົມທົບກັບສະຖານທູດ ຫວຽດນາມ ປະຈຳ ອີຕາລີ, ຈັດຂຶ້ນໃນວັນທີ 27 ມີຖຸນາ, ຢູ່ນະຄອນ Milan (ອິຕາລີ).

	ວັດທະນະທຳ ແລະ ການທ່ອງທ່ຽວ ຫວຽດນາມ ໄດ້ສ້າງຄວາມປະທັບໃຈໃນວັນບຸນກົງສຸນ Lyon 2024
	ຫວຽດນາມ ຈະເປີດຫ້ອງການສົ່ງເສີມການທ່ອງທ່ຽວແຫ່ງທຳອິດຢູ່ ລາວ

ເຂົ້າຮ່ວມເຫດການດັ່ງກ່າວ ມີຜູ້ຕາງໜ້າບັນດາວິສາຫະກິດການທ່ອງທ່ຽວ, ສະມາຄົມທ່ອງທ່ຽວ, ໂຮງແຮມ, ແລະ ສາຍການບິນຂອງ ອີຕາລີ ແລະ ຫວຽດນາມ.

ກ່າວຄຳປາໄສທີ່ພິທີ, ທ່ານ ຫງວຽນຈູງແຂ໋ງ, ຫົວໜ້າກົມການທ່ອງທ່ຽວແຫ່ງຊາດ ຫວຽດນາມ ໃຫ້ຮູ້ວ່າ: ອີຕາລີ ແມ່ນທ້ອງຕະຫຼາດດັ້ງເດີມ ແລະ ສຳຄັນແຖວໜ້າຂອງການທ່ອງທ່ຽວ ຫວຽດນາມ ຢູ່ ເອີລົບ. ໃນປີ 2023, ຫວຽດນາມ ຕ້ອນຮັບນັກທ່ອງທ່ຽວ ອີຕາລີ ປະມານ 57.000 ຄົນ, ບັນລຸມາດຕາສ່ວນການຟື້ນຟູກ່ວາ 80% ເມື່ອທຽບໃສ່ໄລຍະກ່ອນການແຜ່ລະບາດຂອງພະຍາດໂຄວິດ-19.

ຕາມທ່ານ ຫງວຽນຈຸງແຂ໋ງ ແລ້ວ, ຫວຽດນາມ ແມ່ນປະເທດທີ່ອຸດົມສົມບູນໄປດ້ວຍຄວາມສາມາດບົ່ມຊ້ອນດ້ານທຳມະຊາດ, ວັດທະນະທຳ, ມີບັນດາຜະລິດຕະພັນດ້ານການທ່ອງທ່ຽວທີ່ເປັນເອກະລັກສະເພາະ ແລະ ໃຫມ່, ມີທ່າໄດ້ປຽບຫຼາຍຢ່າງເພື່ອພັດທະນາການທ່ອງທ່ຽວ. ການທ່ອງທ່ຽວກະສິກຳ, ການທ່ອງທ່ຽວຊຸມຊົນອີງໃສ່ທຳມະຊາດ ແລະ ລົງທັດສະນະຕົວຈິງດ້ານວັດທະນະທຳ, ວັດທະນະທຳໝູ່ບ້ານຫັດຖະກຳພື້ນເມືອງ, ບັນດາງານບຸນວັດທະນະທຳທີ່ເປັນເອກະລັກພິເສດ, ອາຫານທີ່ມີຊື່ສຽງຂອງ ຫວຽດນາມ ເຊັ່ນ: ເຝີ, ແນມ, ເຂົ້າປູ້ນຊີ້ນປີ້ງ, ເຂົ້າຈີ່... ແມ່ນໄດ້ຮັບຄວາມນິຍົມຊົມຊອບຈາກນັກທ່ອງທ່ຽວສາກົນ.

ທ່ານໄດ້ຢືນຢັນວ່າ ລາຍການແນະນຳການທ່ອງທ່ຽວ ຫວຽດນາມ ຢູ່ ອີຕາລີ ແມ່ນກາລະໂອກາດທີ່ດີເພື່ອໃຫ້ບັນດາວິສາຫະກິດທ່ອງທ່ຽວຂອງ 2 ປະເທດແບ່ງປັນຂໍ້ມູນຂ່າວສານອັບເດດ, ມຸ່ງໄປເຖິງການຮ່ວມມືດຳເນີນທຸລະກິດ, ເພີ່ມທະວີການແລກປ່ຽນການທ່ອງທ່ຽວ, ກະກຽມໃຫ້ແກ່ໄລຍະໃໝ່, ພັດທະນາເຂັ້ມແຂງກວ່າ. ສາຍການບິນໂດຍກົງສະດວກ, ຂັ້ນຕອນການເຂົ້າອອກເມືອງງ່າຍດາຍ, ແຫຼ່ງທ່ອງທ່ຽວ ແລະ ຜະລິດຕະພັນການທ່ອງທ່ຽວທີ່ດຶງດູດ, ການຕ້ອນຮັບອັນອົບອຸ່ນຂອງປະຊາຊົນແມ່ນເງື່ອນໄຂທີ່ເໝາະສົມເພື່ອຊຸກຍູ້ການພັດທະນາການທ່ອງທ່ຽວລະຫວ່າງສອງປະເທດ.

ການທ່ອງທ່ຽວ ຫວຽດນາມ ແມ່ນ “ດວງດາວທີ່ກຳລັງພົ້ນເດັ່ນຂຶ້ນ” ຢູ່ ອີຕາລີ

ວິສາຫະກິດ ຫວຽດນາມ ແລະ ອີຕາລີ ໄດ້ແລກປ່ຽນທີ່ລາຍການແນະນຳການທ່ອງທ່ຽວ ຫວຽດນາມ ຢູ່ ອີຕາລີ.

ທ່ານນາງ Alessandra Priante, ຜູ້ອຳນວຍການອົງການທ່ອງທ່ຽວແຫ່ງຊາດ ອີຕາລີ (ENIT), ຕີລາຄາວ່າ: ການທ່ອງທ່ຽວ ຫວຽດນາມ ແມ່ນ “ດວງດາວທີ່ກຳລັງຂຶ້ນ” ຢູ່ ອີຕາລີ. ໃນເວລາທີ່ຜ່ານມາ, ສະຖານທູດ ຫວຽດນາມ ປະຈຳ ອີຕາລີ ໄດ້ດຳເນີນຫຼາຍກິດຈະກຳເພື່ອຊຸກຍູ້ການຮ່ວມມື ແລະ ໂຄສະນາການທ່ອງທ່ຽວຢູ່ບັນດາທ້ອງຖິ່ນຄື: ການພິມຮູບຖ່າຍໂຄສະນາການທ່ອງທ່ຽວ ຫວຽດນາມ ຢູ່ທາງລົດໄຟຟ້າ Milan, ລົດ Ferrari ຢູ່ Macerata, ມອບປຶ້ມ, ມອບຮູບເງົາ, ແຈກຢາຍເຄື່ອງປັ້ນດິນເຜົາ. .

ຕາມທ່ານນາງ Alessandra Priante ແລ້ວ, ບັນດາການເຄື່ອນໄຫວດັ່ງກ່າວໄດ້ຮັບການຊົມເຊີຍ ແລະ ການສະໜັບສະໜູນຈາກປະຊາຊົນ ອີຕາລີ. ນາງສະເໜີໃຫ້ລັດຖະບານຂອງສອງປະເທດພິຈາລະນາລົງນາມໃນສັນຍາຮ່ວມມືດ້ານການທ່ອງທ່ຽວລະຫວ່າງສອງຝ່າຍໃນໄລຍະໃໝ່ ແລະ ເຫັນດີເປັນເອກະພາບສະເໜີໃຫ້ການນຳຂອງສອງປະເທດຊຸກຍູ້ສາຍການບິນໂດຍກົງຈາກຫວຽດນາມ ໄປ ອີຕາລີ ໂດຍໄວ, ປະກອບສ່ວນເພີ່ມທະວີການຮ່ວມມືດ້ານເສດຖະກິດ ແລະ ການທ່ອງທ່ຽວລະຫວ່າງສອງປະເທດ.

ທີ່ເຫດການ, ບັນດາວິສາຫະກິດທ່ອງທ່ຽວ ອີຕາລີ ໄດ້ສະແດງຄວາມສົນໃຈ ແລະ ໄດ້ຕັ້ງຄຳຖາມຫຼາຍຢ່າງ ເພື່ອແນໃສ່ບັນດານະໂຍບາຍ ແລະ ແຮງຈູງໃຈດ້ານການທ່ອງທ່ຽວຢູ່ ຫວຽດນາມ ໃຫ້ຈະແຈ້ງກວ່າ. ທ່ານ ຫງວຽນຈຸງແຂ໋ງ ໄດ້ຕອບບັນດາຄຳຖາມ ພ້ອມທັງແນະນຳບາງນະໂຍບາຍໃໝ່ຂອງລັດຖະບານ ຫວຽດນາມ ເພື່ອແນໃສ່ສ້າງເງື່ອນໄຂສະດວກໃຫ້ນັກທ່ອງທ່ຽວສາກົນ ເວົ້າລວມ ແລະ ນັກທ່ອງທ່ຽວມາຈາກ ອີຕາລີ ເວົ້າສະເພາະ.

ການທ່ອງທ່ຽວ ດ້ຽນບຽນ ເລີ່ມຕົ້ນສີສັນໃໝ່

ຍສໝ - ແຕ່ວັນທີ 8 – 18 ກຸມພາ (ຄືແຕ່ວັນທີ 29 ເດືອນ 12 ຫາວັນທີ 9 ເດືອນຈຽງ ໄລ່ຕາມຈັນທະປະຕິທິນ), ຈຳນວນນັກທ່ອງທ່ຽວໃນບໍລິເວນແຂວງ ດ້ຽນບຽນ ໄດ້ເພີ່ມຂຶ້ນ 3,8 ເທົ່າເມື່ອທຽບໃສ່ໄລຍະດຽວກັນຂອງປີ 2023.