| 50 ປີແຫ່ງການພົວພັນຫວຽດນາມ - ອີຕາລີ: ຂົວເຊື່ອມຕໍ່ວັດທະນະທຳຂອງປະຊາຊົນສອງປະເທດ | |
| ກະຊວງຕຳຫຼວດຫວຽດນາມ ແລະ ອີຕາລີ ເພີ່ມທະວີການຮ່ວມມືດ້ານຕຸລາການ, ຕ້ານອາດຊະຍາກຳ |
ໂຄງການເພື່ອແນໃສ່ແນະນຳ ແລະ ໂຄສະນາ ຮູບພາບຂອງຫວຽດນາມ ຢູ່ນະຄອນ Milan, ນະຄອນຫຼວງຂອງພາກພື້ນ Lombardy, ແມ່ນສູນເສດຖະກິດໃຫຍ່ກວ່າໝູ່ຂອງ ອີຕາລີ, ພ້ອມກັນນັ້ນກໍ່ແມ່ນການເຄື່ອນໄຫວນອນໃນການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອິຕາລີ (1973-2023).
ກ່າວຄຳເຫັນທີ່ພິທີເລີ່ມຕົ້ນໂຄງການ, ທ່ານຮອງລັດຖະມົນຕີການຕ່າງປະເທດ ຫວຽດນາມ ນາງ ຫງວຽນມີງຮັ່ງ ເນັ້ນໜັກວ່າ ຫວຽດນາມ ຖືເປັນສຳຄັນການຮ່ວມມືດ້ານການທ່ອງທ່ຽວກັບ ອີຕາລີ, ຖືນີ້ແມ່ນພື້ນຖານເພື່ອພັດທະນາການພົວພັນແບບຍືນຍົງ ແລະ ຍາວນານໃນໄລຍະຈະມາເຖິງ.
 |
| ທ່ານຮອງລັດຖະມົນຕີການຕ່າງປະເທດ ນາງ ຫງວຽນມີງຮັ່ງ ກ່າວຄຳເຫັນທີ່ພິທີເລີ່ມຕົ້ນໂຄງການ. (ພາບ: ເຢືອງຮວາ/VNA). |
ໃນຍຸດທະສາດພັດທະນາການທ່ອງທ່ຽວຂອງຫວຽດນາມ, ອີຕາລີ ໄດ້ຮັບການຕີລາຄາວ່າແມ່ນໜຶ່ງໃນບັນດາຕະຫຼາດຈຸດສຸມທີ່ມີຄວາມສາມາດບົ່ມຊ້ອນຫລາຍຢ່າງເພື່ອຂຸດຄົ້ນ ເພາະວ່າປະເທດນີ້ມີປະຫວັດສາດອັນຍາວນານ ແລະ ມີມໍລະດົກວັດທະນະທຳຫຼາຍທີ່ສຸດໂດຍອົງການການສຶກສາ, ວິທະຍາສາດ ເເລະ ວັດທະນະທຳຂອງສະຫະປະຊາຊາດ (UNESCO) ຮັບຮອງເອົາ.
ດ້ວຍທີ່ຕັ້ງທີ່ສະດວກສະບາຍຂອງສະໜາມບິນ Milan, ຈຸດຜ່ານແດນແຖວໜ້າຂອງ ອີຕາລີ ແລະ ເອີລົບ, ທ່ານຮອງລັດຖະມົນຕີ ນາງ ຫງວຽນມີງຮັ່ງ ຫວັງວ່າ 2 ຝ່າຍຈະຄົ້ນຄວ້າ ແລະ ດຳເນີນການເປີດສາຍການບິນໂດຍກົງລະຫວ່າງ Milan ກັບ ຫວຽດນາມ ໂດຍໄວ, ຜ່ານນັ້ນ ກໍ່ຊຸກຍູ້, ສ້າງເງື່ອນໄຂສະດວກໃຫ້ປະຊາຊົນສອງປະເທດໃນການໄປມາ.
ທ່ານຮອງລັດຖະມົນຕີການຕ່າງປະເທດ ຫວຽດນາມ ນາງ ຫງວຽນມີງຮັ່ງ ປາດຖະໜາວ່າ ບັນດາອົງການຫວຽດນາມ ແລະ ອີຕາລີ ຈະເພີ່ມທະວີການຈັດຕັ້ງບັນດາການເຄື່ອນໄຫວສົ່ງເສີມ, ໂຄສະນາການທ່ອງທ່ຽວ ເພື່ອແນໃສ່ຍູ້ຍິ່ແຮງການຮ່ວມມືດ້ານການທ່ອງທ່ຽວ, ການພົບປະແລກປ່ຽນປະຊາຊົນ, ວັດທະນະທຳລະຫວ່າງ 2 ປະເທດໃຫ້ຫຼາຍກວ່າອີກ.
ທ່ານຮອງປະທານບໍລິສັດໃຫຍ່ການຄຸ້ມຄອງສະໜາມບິນ Milan - ທ່ານ Andrea Tucci ຕີລາຄາສູງຂໍ້ຄິດປະດິດສ້າງໂຄສະນາ ຫວຽດນາມ ຢູ່ Milan, ຖືວ່າ ນີ້ຈະແມ່ນຫຼັກໝາຍຊຸກຍູ້ການເຊື່ອມຕໍ່ໂດຍກົງກັບຕະຫຼາດທ່ອງທ່ຽວທີ່ມີຄວາມສາມາດບົ່ມຊ້ອນລະຫວ່າງ 2 ປະເທດ ອີຕາລີ ແລະ ຫວຽດນາມ.
ດີງເລື້ອງ
