| ເລີ່ມຕົ້ນໂຄງການໂຄສະນາ ຫວຽດນາມ ຢູ່ ອີຕາລີ | |
| 50 ປີແຫ່ງການພົວພັນຫວຽດນາມ - ອີຕາລີ: ຂົວເຊື່ອມຕໍ່ວັດທະນະທຳຂອງປະຊາຊົນສອງປະເທດ |
ຕອນຄ່ຳວັນທີ 3 ທັນວາ, ສະຫະພັນບັນດາອົງການມິດຕະພາບ ຫວຽດນາມ ໄດ້ສົມທົບກັບສະຖານທູດອີຕາລີ ປະຈຳ ຫວຽດນາມ ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ອີຕາລີ (1973 – 2023).
 |
| ບັນດາຜູ້ແທນເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ອີຕາລີ ຈັດໂດຍສະຖານທູດອີຕາລີ ປະຈຳຫວຽດນາມ, 23 ມີນາ 2023. (ທີ່ມາ: VGP) |
ເຂົ້າຮ່ວມມີບັນດາການນຳຂອງສະຫະພັນບັນດາອົງການມິດຕະພາບຫວຽດນາມ, ຜູ້ຕາງໜ້າບັນດາຄະນະ, ກະຊວງ, ຂະແໜງການ, ອົງການຈັດຕັ້ງຫວຽດນາມ, ທ່ານເອກອັກຄະລັດຖະທູດ ອີຕາລີ ປະຈຳ ຫວຽດນາມ Macro Della Seta; ພະນັກງານ, ນັກການທູດ, ບຸກຄົນ, ຊຸມຊົນວິສາຫະກິດ ອີຕາລີ; ບັນດາເອກອັກຄະລັດຖະທູດ ແລະ ຜູ້ຕາງໜ້າການທູດຢູ່ຮ່າໂນ້ຍ.
ຫວຽດນາມ ແລະ ອີຕາລີ ໄດ້ສ້າງຕັ້ງການພົວພັນທາງການທູດຢ່າງເປັນທາງການໃນວັນທີ 23 ມີນາ 1973. ການພົວພັນມິດຕະພາບຫວຽດນາມ - ອີຕາລີ ມີມູນເຊື້ອອັນດີງາມມາແຕ່ດົນນານ, ໂດຍບັນດາການນຳລຸ້ນຕ່າງໆ ແລະ ປະຊາຊົນຈາກສອງປະເທດໄດ້ເພີ່ມພູນຄູນສ້າງຢ່າງເປັນປະຈຳ. ພາຍຫຼັງເຄິ່ງສະຕະວັດ, ບົນພື້ນຖານມິດຕະພາບອັນໜັກແໜ້ນ, ຫວຽດນາມ ແລະ ອີຕາລີ ໄດ້ກາຍເປັນຄູ່ຮ່ວມມືສຳຄັນໃນທຸກຂົງເຂດ, ຮ່ວມມືກັນຢ່າງແໜ້ນແຟ້ນທັງສອງຝ່າຍ ແລະ ຫຼາຍຝ່າຍ.
ການຍົກລະດັບການພົວພັນທາງການທູດຂຶ້ນເປັນຄູ່ຮ່ວມມືຍຸດທະສາດ (ເດືອນມັງກອນ 2013) ແມ່ນບາດກ້າວປະຫວັດສາດ, ເປີດເສັ້ນທາງສຳຄັນໃນການພົວພັນລະຫວ່າງ 2 ປະເທດ, ຊຸກຍູ້ການພົວພັນຮ່ວມມືລະຫວ່າງ ຫວຽດນາມ - ອີຕາລີ ພັດທະນາຢ່າງເລິກເຊິ່ງກ້ວາງຂວາງ, ແທດຈິງ ແລະ ໝັ້ນຄົງ.
ທີ່ການສະເຫຼີມສະຫຼອງ, ທ່ານປະທານສະຫະພັນບັນດາອົງການມິດຕະພາບຫວຽດນາມ ຟານແອງເຊີນ ຢືນຢັນວ່າ ອີຕາລີ ແມ່ນຄູ່ຮ່ວມມືສຳຄັນ, ເປັນເພື່ອນມິດທີ່ຮັກແພງ, ສັດຊື່ບໍລິສຸດຂອງປະຊາຊົນຫວຽດນາມ. ການພົບປະແລກປ່ຽນປະຊາຊົນແມ່ນຈຸດພົ້ນເດັ່ນຂອງການພົວພັນລະຫວ່າງສອງປະເທດ, ເປັນຂົວຕໍ່, ປະກອບສ່ວນເພີ່ມທະວີຄວາມເຂົ້າໃຈເຊິ່ງກັນ ແລະ ກັນ, ນຳສອງປະເທດຫຍັບເຂົ້າໃກ້ກັນກວ່າ.
ດີງເລື້ອງ
