 | ລະດູບານໃໝ່ບ້ານເກີດເມືອງນອນ 2025: ບຸນປີໃໝ່ປະຈຳຊາດຂອງຫວຽດນາມ ຢູ່ Osaka, ເຊື່ອມຕໍ່ມິດຕະພາບຫວຽດນາມ - ຍີ່ປຸ່ນ |
| ໂຄສະນາການທ່ອງທ່ຽວ ຫວຽດນາມ ຢູ່ສຳນັກງານເທດສະບານແຂວງ Kanagawa, ຍີ່ປຸ່ນ |
ໂດຍໄດ້ເລີ່ມກໍ່ສ້າງແຕ່ເດືອນ ກໍລະກົດ ປີ 2023, ໝູ່ບ້ານວັດທະນະທຳ ຫວຽດນາມ - ຍີ່ປຸ່ນ ມີເນື້ອທີ່ເກືອບ 7.000 m2, ຕັ້ງຢູ່ພາຍໃນເຂດ Central Park - Waterpoint ຕົວເມືອງສັງລວມ, ຖືກອອກແບບໂດຍປະກອບມີຫຼາຍຂົງເຂດຄື: ເຮືອນວັດທະນະທຳ, ເຂດວາງສະແດງຫຼັກຖານວັດທະນະທຳ ແລະ ປະຫວັດສາດ ຫວຽດນາມ - ຍີ່ປຸ່ນ; ຮ້ານອາຫານ, ພື້ນທີ່ - ທັດສະນີຍະພາບຂະຫນາດນ້ອຍທີ່ມີລັກສະນະສະເພາະວັດທະນະທໍາ ຫວຽດນາມ - ຍີ່ປຸ່ນ...
 |
| ບັນດາຜູ້ແທນໄດ້ຕັດແຖບຜ້າເປີດສະຫຼອງນຳໃຊ້ໝູ່ບ້ານວັດທະນະທຳ ຫວຽດນາມ - ຍີ່ປຸ່ນ. |
ທ່ານຮອງປະທານຄະນະກຳມະການປະຊາຊົນແຂວງ ລອງອານ ຫວຽດນາມ ຟ້າມເຕິ໋ນຮວ່າ ໃຫ້ຮູ້ວ່າ: ໂຄງການ “ບ້ານວັດທະນະທຳ ຫວຽດນາມ - ຍີ່ປຸ່ນ” ໄດ້ຮັບການເປີດສະຫຼອງ ແລະ ນຳເຂົ້າການເຄື່ອນໄຫວເປັນລາຍການຂອງເຂດຕົວເມືອງ Waterpoint - ເປັນຫນຶ່ງໃນຕົວເມືອງຕົວແບບຂອງ ລອງອານ ແລະ ເຂດ, ດ້ວຍບັນດາຄວາມຮຽກຮ້ອງຕ້ອງການຄຸນນະພາບຊີວິດຕາມມາດຕະຖານສາກົນ. ນີ້ກໍ່ແມ່ນລະບອບລະບຽບການ ແລະ ພື້ນຖານວັດທະນະທຳທີ່ມີຄວາມໝາຍແທດຈິງ ເຊິ່ງໄດ້ສະແດງໃຫ້ເຫັນຄວາມຕັດສິນໃຈຂອງແຂວງ ລອງອານ ໃນການປົກປັກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາບລະຫວ່າງ ຫວຽດນາມ ແລະ ຍີ່ປຸ່ນ ໃຫ້ນັບມື້ນັບໝັ້ນຄົງ ແລະ ສວຍງາມ.
ທ່ານຮອງປະທານຄະນະກຳມະການປະຊາຊົນແຂວງ ລອງອານ ຫວັງວ່າ ໃນໄລຍະຈະມາເຖິງ, ໂຄງການຈະກາຍເປັນຈຸດໝາຍປາຍທາງວັດທະນະທຳ - ແຫຼ່ງທ່ອງທ່ຽວຊຸມຊົນດີເດັ່ນຂອງແຂວງ ລອງອານ ເວົ້າສະເພາະ ແລະ ບັນດາແຂວງໃກ້ຄຽງ ເວົ້າລວມ.
ທ່ານ Ono Masuo, ກົງສຸນໃຫຍ່ ຍີ່ປຸ່ນ ປະຈຳ ນະຄອນ ໂຮ່ຈີມິນ ແບ່ງປັນວ່າ ຫວຽດນາມ - ຍີ່ປຸ່ນ ມີການພົວພັນດ້ານການເມືອງ, ເສດຖະກິດ ແລະ ວັດທະນະທຳອັນດີງາມ. ຫວຽດນາມ ພວມກາຍເປັນຄູ່ຮ່ວມມືທີ່ນັບມື້ນັບສຳຄັນ ແລະ ສະເໝີພາບຂອງ ຍີ່ປຸ່ນ.
 |
| ພິທີຕີໄຫເຫຼົ້າຂອງວັດທະນະທຳ ຍີ່ປຸ່ນ ທີ່ພິທີເປີດສະຫຼອງນຳໃຊ້ບ້ານວັດທະນາທຳ ຫວຽດນາມ - ຍີ່ປຸ່ນ. |
ການຮ່ວມມືດ້ານເສດຖະກິດລະຫວ່າງສອງຝ່າຍ ລອງອານ - ຍີ່ປຸ່ນ ໄດ້ເລີ່ມດຳເນີນຢ່າງແຮງນັບແຕ່ບັນດາເຫດການ ຫວຽດນາມ - ຍີ່ປຸ່ນ ໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດໃນເດືອນ ເມສາ ປີ 2009 ແລະ ຍົກລະດັບເປັນການພົວພັນຄູ່ຮ່ວມມືຍຸດທະສາດຮອບດ້ານໃນເດືອນ ມີນາ ປີ 2014, ເມື່ອ ຍີ່ປຸ່ນ ກາຍເປັນປະເທດທຳອິດໃນກຸ່ມ G7 ສ້າງຕັ້ງການພົວພັນຄູ່ຮ່ວມມືຍຸດທະສາດກັບ ຫວຽດນາມ.
ປະຈຸບັນ, ຍີ່ປຸ່ນ ແມ່ນປະເທດຢືນອັນດັບທີ 4 ໃນຈຳນວນ 40 ປະເທດ ແລະ ເຂດແຄ້ວນ ທີ່ມີໂຄງການລົງທຶນຢູ່ ລອງອານ ດ້ວຍ 142 ໂຄງການ; ຍອດຈຳນວນທຶນຈົດທະບຽນແມ່ນເກືອບ 1 ຕື້ USD. ບັນດາໂຄງການນີ້ແມ່ນສຸມໃສ່ເປັນສ່ວນໃຫຍ່ຢູ່ບັນດາເມືອງຄື: ດຶກຮວ່າ, ເບັນລຶກ, ເກິ່ນຢວກ ແລະ ນະຄອນ ເຕິນອານ.
ບັນດາໂຄງການຂອງ ຍີ່ປຸ່ນ ທີ່ລົງທຶນຢູ່ແຂວງ ລອງອານ ຕົ້ນຕໍແມ່ນໃນຂົງເຂດຜະລິດແຜ່ນໄມ້ທຽມ ແລະ ຜະລິດຕະພັນຈາກໄມ້, ກົນຈັກ - ຜະລິດເຄື່ອງຈັກ, ຜະລິດ - ປະກອບເຄື່ອງປະກອບເອເລັກໂຕນິກ, ດັດແປງຮູບຮ່າງກົນຈັກ, ການປຸງແຕ່ງກະເສດ ແລະ ສິນທະເລ, ການຕັດຫຍິບ, ການຜະລິດອາຫານສັດ, ປຸງແຕ່ງສະບຽງອາຫານ... ປະຊາຄົມວິສາຫະກິດ ຍີ່ປຸ່ນ ແມ່ນໜຶ່ງໃນບັນດາປະຊາຄົມວິສາຫະກິດໃຫຍ່ທີ່ສຸດຢູ່ແຂວງ ລອງອານ ແລະ ໄດ້ປະກອບສ່ວນສຳຄັນເຂົ້າໃນການພັດທະນາເສດຖະກິດ - ສັງຄົມຂອງແຂວງ.
 | ສື່ມວນຊົນ ແລະ ຊາວຫວຽດນາມ ອາໄສຢູ່ຍີ່ປຸ່ນ ຍ້ອງຍໍສັນລະເສີນການປະກອບສ່ວນຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ຍສໝ - ເຖິງວ່າຈະຫຍຸ້ງກັບວຽກງານ, ແຜນການເຄື່ອນໄຫວວຽກງານຫຼາຍຢ່າງ, ແຕ່ທ່ານເລຂາທິການໃຫຍ່ ຫງວຽນຟູ໋ຈ້ອງ ຍາມໃດກໍ່ຍາດເວລໄປພົບປະກັບປະຊາຄົມຊາວຫວຽດນາມຢູ່ຕ່າງປະເທດ, ສະແດງໃຫ້ເຫັນຄວາມຮັບຜິດຊອບ ແລະ ຄວາມຮັກແພງຊາວຫວຽດນາມ ຢູ່ຕ່າງປະເທດເປັນພິເສດ. |
 | ລະດູບານໃໝ່ບ້ານເກີດເມືອງນອນ 2025: ບັນດາເຫດການທີ່ອຸດົມສົມບູນຂອງປະຊາຄົມຊາວ ຫວຽດນາມ ຢູ່ ຍີ່ປຸ່ນ ຍສໝ - ວັນທີ 17 ກໍລະກົດ, ຢູ່ ຮ່າໂນ້ຍ, ສະຖານກົງສູນໃຫຍ່ ຫວຽດນາມ ປະຈໍາ Fukuoka, ຍີ່ປຸ່ນ ໄດ້ສົມທົບກັບສະມາຄົມຊາວ ຫວຽດນາມ ປະຈໍາ Fukuoka, ສະມາຄົມຊາວ ຫວຽດນາມ ປະຈຳ Saitama, ຍີ່ປຸ່ນ ແລະ ຊ່ອງໂທລະພາບ VTC 10 ... |
ມິງດຶກ
