 | ຍີ່ປຸ່ນ ເຊີດຊູ ທ່ານ ຮວ່າງບິ່ງກວນ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນມິດຕະພາບ ຫວຽດນາມ - ຍີ່ປຸ່ນ |
| ປຸກລະດົມ ແຂວນແຜນທີ່ ຫວຽດນາມ ຢູ່ ຍີ່ປຸ່ນ |
ກ່າວຄຳປາໄສທີ່ພິທີເປີດສະຫຼອງລາຍການ, ທ່ານນາງ ຫວູຈິີມາຍ, ຫົວໜ້າກົງສູນໃຫຍ່ ສາທາລະນະລັດ ສັງຄົມນິຍົມ ຫວຽດນາມ ປະຈຳ Fukuoka, ປະເທດ ຍີ່ປຸ່ນ ໃຫ້ຮູ້ວ່າ: ໃນຊຸມປີມໍ່ໆມານີ້, ປະຊາຄົມຊາວ ຫວຽດນາມ ຢູ່ Fukuoka - ຍີ່ປຸ່ນ ໄດ້ຈັດຕັ້ງຫຼາຍລາຍການຢ່າງສຳເລັດຜົນດ້ວຍຂອບຂະໜາດໃຫຍ່. ລະອຽດຄືການປະກວດ: ນາງງາມມິດຕະພາບ ຫວຽດນາມ - ຍີ່ປຸ່ນ; ສັບປະດາອາພອນສະໄໝ ຊຸດເສື້ອຍາວ ຢູ່ Fukuoka. ໃນນັ້ນ, ສັບປະດາອາພອນສະໄໝ ຊຸດເສື້ອຍາວ ຢູ່ Fukuoka ໄດ້ສ້າງ 2 ສະຖິຕິຊາວ ຫວຽດນາມ ທົ່ວໂລກ ຄື: ເຫດການຈັດຮູບແຜນທີ່ ຫວຽດນາມ ທີ່ມີຈຳນວນຊາວ ຫວຽດນາມ ແລະ ຕ່າງປະເທດຮ່ວມກັນນຸ່ງຊຸດເສື້ອຍາວຫຼາຍທີ່ສຸດ; ງານບຸນຂອງຊາວ ຫວຽດນາມ ຢູ່ຕ່າງປະເທດທີ່ມີບັນດາການເຄື່ອນໄຫວເຊື່ອມຕໍ່ຊຸມຊົນຊາວ ຫວຽດນາມ ຢູ່ຕ່າງປະເທດ ແລະ ຕ້ອນຮັບບຸນເຕັດປະເພນີທີ່ຫຼາກຫຼາຍທີ່ສຸດ...
 |
| ບັນຍາກາດພິທີເປີດຕົວລາຍການ "ລະດູບານໃໝ່ບ້ານເກີດເມືອງນອນ 2025" ທີ່ປະເທດ ຍີ່ປຸ່ນ. |
ງານບຸນລະດູບານໃໝ່ບ້ານເກີດເມືອງນອນ ໄດ້ຮັບການຕີລາຄາສູງຈາກອຳນາດການປົກຄອງ, ປະຊາຊົນ ແລະ ປະຊາຄົມຊາວຕ່າງປະເທດຢູ່ປະເທດ ຍີ່ປຸ່ນ ແລະ ຍັງເປັນເຫດການບຸນປີໃໝ່ທີ່ຈັດຂຶ້ນດ້ວຍຂອບຂະໜາດ ແລະ ຈຳນວນຜູ້ເຂົ້າຊົມໃຫຍ່ທີ່ສຸດ ຢູ່ ຍີ່ປຸ່ນ ແລະ ທົ່ວໂລກ.
ທ່ານນາງ ຫວູຈິີມາຍ ໃຫ້ຮູ້ວ່າ: ລາຍການລະດູບານໃໝ່ບ້ານເກີດເມືອງນອນ 2025 ຢູ່ ຍີ່ປຸ່ນ ຄາດວ່າຈະເລີ່ມດຳເນີນແຕ່ວັນທີ 4 – 5 ມັງກອນ ປີ 2025 ຢູ່ແຂວງ Saitama - ຍີ່ປຸ່ນ ແລະ ສິ້ນສຸດລົງຢູ່ Fukuoka - ຍີ່ປຸ່ນ ແຕ່ວັນທີ 10 – 12 ມັງກອນ ປີ 2025. ໃນຂອບເຂດຂອງງານບຸນ, ມີຮ້ານວາງສະແດງຜະລິດຕະພັນຫັດຖະກຳ, ເຄື່ອງອຸປະໂພກບໍລິໂພກ, ໂຄສະນາການທ່ອງທ່ຽວ ແລະ ວັດທະນະທຳ ຫວຽດນາມ; ການສະແດງທີ່ໜ້າປະທັບໃຈຂອງນັກສິລະປິນ, ນັກຮ້ອງ, ນັກສະແດງ ຫວຽດນາມ ທີ່ຮັກແພງ. ໂດຍສະເພາະ, ໃນຊຸດລາຍການ, ມີ 2 ເຫດການເດັ່ນຄື: ການປະກວດນາງງາມວັດທະນະທໍາ - ມິດຕະພາບ ສາກົນ 2025 ແລະ ຊຸບເປີໂມເດວເດັກສາກົນ 2025 ທີ່ປະເທດ ຍີ່ປຸ່ນ.
 |
| ທ່ານນາງ ຫວູຈິີມາຍ, ຫົວໜ້າກົງສູນໃຫຍ່ ສາທາລະນະລັດ ສັງຄົມນິຍົມ ຫວຽດນາມ ປະຈຳ Fukuoka - ຍີ່ປຸ່ນ ກ່າວຄຳປາໄສທີ່ລາຍການ. |
ທ່ານນາງກ່າວວ່າ “ຄະນະຈັດຕັ້ງລາຍການປາດຖະໜາວ່າ ຜ່ານເຫດການຄັ້ງນີ້ ຈະໂຄສະນາພາບພົດຂອງປະເທດຊາດ ແລະ ປະຊາຊົນ ຫວຽດນາມ ເຊື່ອມໂຍງເຂົ້າກັບໂລກ, ສ້າງຮູບພາບທີ່ຕັ້ງບົດບາດຂອງປະຊາຄົມຊາວ ຫວຽດນາມ ທີ່ສາມັກຄີ ແລະ ພັດທະນາຢູ່ ຍີ່ປຸ່ນ ເວົ້າສະເພາະ ແລະ ທົ່ວໂລກ ເວົ້າລວມ. ງານບຸນແມ່ນຂອງຂວັນບຸນປີໃໝ່ທີ່ມີຄວາມໝາຍສຳລັບຊາວ ຫວຽດນາມ ອາໄສຢູ່ຕ່າງປະເທດ”.
ທ່ານ ຫງວຽນແມ້ງດົງ, ຮອງຫົວໜ້າຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ ຖືວ່າ: ປະຊາຄົມຊາວ ຫວຽດນາມ ຢູ່ ຍີ່ປຸ່ນ ເຂົ້າຮ່ວມງານບຸນ ລະດູບານໃໝ່ບ້ານເກີດເມືອງນອນ 2025 ກໍ່ແມ່ນຫົວເລື່ອງທີ່ມີຫົວຄິດປະດິດສ້າງ ແລະ ເປົ້າໝາຍໄດ້ຊົມໃຊ້ບັນດາຄຸນຄ່າທາງດ້ານຈິດໃຈ, ແຕ່ລະຄົນຈະເປັນທູດວັດທະນະທຳ ແລະ ຂົວເຊື່ອມຕໍ່ມິດຕະພາບລະຫວ່າງ ຫວຽດນາມ - ຍີ່ປຸ່ນ.
ທ່ານກ່າວວ່າ “ຂ້າພະເຈົ້າເຊື່ອໝັ້ນວ່າ ລາຍການລະດູບານໃໝ່ບ້ານເກີດເມືອງນອນ 2025 ຈະສືບຕໍ່ດຶງດູດປະຊາຄົມຊາວ ຫວຽດນາມ ຢູ່ ຍີ່ປຸ່ນ ແລະ ເພື່ອນມິດສາກົນເປັນຈຳນວນຫຼວງຫຼາຍເຂົ້າຮ່ວມ, ນີ້ຈະແມ່ນບັນດາການເຄື່ອນໄຫວໂຄສະນາຄວາມງາມຂອງແມ່ຍິງ ຫວຽດນາມ, ບັນດາຄຸນຄ່າວັດທະນະທຳທີ່ເປັນມູນເຊື້ອຂອງ ຫວຽດນາມ, ປະເທດທີ່ຮັກຫອມສັນຕິພາບ, ສະໜິດສະໜົມ ແລະ ເປັນມິດຕະພາບ.
 |
| ທ່ານ ຫງວຽນແມ້ງດົງ, ຮອງຫົວໜ້າຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດກ່າວຄຳປາໄສທີ່ລາຍການ. |
ກ່າວຄຳປາໄສທີ່ລາຍການ, ທ່ານ ຫງວຽນຢຸ່ຍແອງ, ປະທານສະມາຄົມຊາວ ຫວຽດນາມ ອາໄສຢູ່ Fukuoka - ຍີ່ປຸ່ນ, ຮອງຫົວໜ້າຄະນະຈັດຕັ້ງລາຍການ ໃຫ້ຮູ້ວ່າ: ປະຈຸບັນ ປະຊາຄົມຊາວ ຫວຽດນາມ ຢູ່ ຍີ່ປຸ່ນ ມີເກືອບ 600.000 ຄົນ, ເຊິ່ງແມ່ນປະຊາຄົມຊາວຕ່າງປະເທດໃຫຍ່ອັນດັບ 2 ໃນໂລກ. ໃນນັ້ນ, ປະຊາຄົມຊາວ ຫວຽດນາມ ຢູ່ Fukuoka ມີ 55.000 ກວ່າຄົນ.
ທ່ານໃຫ້ຮູ້ວ່າ ການປະກວດນາງງາມວັດທະນະທຳ - ມິດຕະພາບສາກົນ 2025 ແລະ ຊຸບເປີໂມເດວເດັກສາກົນ 2025 ຈະຈັດຂຶ້ນຢູ່ ຍີ່ປຸ່ນ ແຕ່ວັນທີ 17 ກໍລະກົດ ປີ 2024 ຫາວັນທີ 24 ມັງກອນ ປີ 2025. ນາງງາມ ເຟືອງແຂ໋ງ - Miss Earth 2018 ແລະ ຮອງນາງງາມ ມາຍໂງ້ - ຮອງນາງງາມອັນດັບ 4 Miss Grand Vietnam 2022 ຈະເປັນທູດຂອງລາຍການປີນີ້.
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. |
ການປະກວດນາງງາມວັດທະນະທໍາ - ມິດຕະພາບສາກົນ 2025 ບໍ່ພຽງແຕ່ເຊີດຊູຄວາມງາມເທົ່ານັ້ນ ຫາກຍັງເນັ້ນໃສ່ຄວາມເຂົ້າໃຈ, ການເຊື່ອມຕໍ່ວັດທະນະທໍາ ແລະ ມິດຕະພາບລະຫວ່າງບັນດາປະເທດອີກດ້ວຍ. ການປະກວດມີມາດຖານດັ່ງນີ້: ໂຄສະນາບັນດາຄຸນຄ່າວັດທະນະທຳທີ່ເປັນມູນເຊື້ອຂອງ ຫວຽດນາມ; ຊຸກຍູ້ການພົວພັນມິດຕະພາບ ແລະ ການຮ່ວມມືສາກົນ; ພັດທະນາບັນດາໂຄງການສັງຄົມ ແລະ ກິດຈະກໍາຊຸມຊົນ; ກໍ່ສ້າງ ແລະ ເຊີດຊູຮູບພາບຂອງແມ່ຍິງທີ່ທັນສະໄໝ ດ້ວຍການປະສົມປະສານຄວາມງາມ, ຄວາມສະຫຼາດ ແລະ ຄວາມເມດຕາ; ເຊື່ອມຕໍ່, ຮ່ວມມື, ພັດທະນາ, ມະຫາສາມັກຄີເຄືອຂ່າຍປະຊາຄົມຊາວ ຫວຽດນາມ ໃນທົ່ວໂລກ.
 | ລາຍການ “ລະດູບານໃໝ່ບ້ານເກີດເມືອງນອນ - ພາສາຫວຽດນາມທີ່ຮັກແພງ” ຢູ່ລາວ ຍສໝ - ຕອນຄ່ຳວັນທີ 7 ກຸມພາ, ຢູ່ສູນວັດທະນະທຳຫວຽດນາມ ຢູ່ນະຄອນຫຼວງ ວຽງຈັນ - ລາວ, ໄດ້ດຳເນີນງານພົບປະແລກປ່ຽນ ແລະ ສະແດງສິລະປະ “ລະດູບານໃໝ່ບ້ານເກີດເມືອງນອນ - ພາສາຫວຽດນາມທີ່ຮັກແພງ”. |
 | ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ ຍສໝ - ວັນທີ 27 ແລະ 28 ພະຈິກ, ສື່ມວນຊົນ ຍີ່ປຸ່ນ ໄດ້ໃຫ້ຂ່າວຢ່າງຫຼວງຫຼາຍກ່ຽວກັບການຢ້ຽມຢາມ ຍີ່ປຸ່ນ ຢ່າງເປັນທາງການຂອງທ່ານປະທານປະເທດ ຫວຽດນາມ ຫວໍວັນເຖືອງ, ໃນນັ້ນໄດ້ເນັ້ນໜັກເຖິງເລື່ອງທ່ານປະທານປະເທດ ຫວໍວັນເຖືອງ ແລະ ທ່ານນາຍົກລັດຖະມົນຕີ ຍີ່ປຸ່ນ Fumio Kishida ເຫັນດີຍົກລະດັບການພົວພັນລະຫວ່າງ 2 ປະເທດຂຶ້ນເປັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ... |
ມິງດຶກ
