ທ່ານ ຫງວຽນຮົ່ງເຊີນ, ປະທານສະຫະພັນສະມາຄົມຊາວຫວຽດນາມ ປະຈຳ ຍີ່ປຸ່ນ ໄດ້ໃຫ້ຮູ້ວ່າ: “ປະຊາຄົມຊາວຫວຽດນາມ ຢູ່ ຍີ່ປຸ່ນ ຍາມໃດກໍມີຄວາມເອກອ້າງທະນົງໃຈ, ມີຄວາມປະທັບໃຈ ແລະ ຮັກແພງເປັນພິເສດຕໍ່ກັບທ່ານເລຂາທິການໃຫຍ່ ຫງວຽນຟູ໋ຈ້ອງ - ການນຳທີ່ສະເໝີຕົ້ນສະເໝີປາຍ ມີຄວາມສຸດຈິດສຸດໃຈຕໍ່ພາລະກິດການປະຕິວັດ. ຂ້າພະເຈົ້າຖືວ່າ: ບັນດາການປະກອບສ່ວນອັນໃຫຍ່ຫຼວງເປັນພິເສດທີ່ສໍາຄັນຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຮັບການຮັບຮູ້ຈາກພັກ ແລະ ລັດ ຢ່າງທັນເວລາ ໂດຍຜ່ານການປະດັບຫຼຽນໄຊດາວຄໍາໃຫ້ທ່ານເລຂາທິການໃຫຍ່ ທີ່ຜ່ານມາ.
 |
| ທ່ານ ຫງວຽນຮົ່ງເຊີນ, ປະທານສະຫະພັນສະມາຄົມຫວຽດນາມ ປະຈຳ ຍີ່ປຸ່ນ ໃຫ້ສຳພາດນັກຂ່າວ. ພາບ: VOV. |
ທ່ານ ເຈີ່ນດັງຊວນ, ສາດສະດາຈານມະຫາວິທະຍາໄລ ຮີໂລຊີມາ, ປະເທດ ຍີ່ປຸ່ນ, ປະທານສະມາຄົມນັກຊ່ຽວຊານ ຫວຽດນາມ - ຍີ່ປຸ່ນ (VJS), ໃຫ້ຮູ້ວ່າ ທ່ານເລຂາທິການໃຫຍ່ ຫງວຽນຟູ໋ຈ້ອງ ບໍ່ພຽງແຕ່ເປັນຜູ້ນຳທີ່ປະຊາຊົນຫວຽດນາມທຸກຄົນຮັກແພງ, ເຄົາລົບນັບຖື, ແຕ່ປະຊາຊົນຫຼາຍຄົນທີ່ຫອມຮັກສັນຕິພາບໃນໂລກ ກໍ່ໄດ້ສະແດງຄວາມປິຕິຊົມຊື່ນ.
ທ່ານເລຂາທິການໃຫຍ່ ຫງວຽນຟູ໋ຈ້ອງ ແມ່ນແວ່ນແຍງທີ່ໃສແຈ້ງໃຫ້ແກ່ບັນດານັກວິທະຍາສາດ ກ່ຽວກັບແນວຄິດໃນຈິດໃຈປະຕິບັດໜ້າທີ່ວຽກງານຈົນເຖິງທີ່ສຸດ, ບໍ່ຮູ້ອິດເມື່ອຍ. ຫວຽດນາມ ຈະມີການພັດທະນາ, ຈະເລີນຮຸ່ງເຮືອງ ແລະ ປະຊາຊົນ ຫວຽດນາມ ຍາມໃດກໍ່ຈະສະແດງຄວາມຮູ້ບຸນຄຸນເລຂາທິການໃຫຍ່.
ກ່ອນໜ້ານັ້ນ, ວັນທີ 19 ກໍລະກົດ, ວິທະຍຸກະຈາຍສຽງ ແລະ ໂທລະພາບ ຍີ່ປຸ່ນ NHK ໄດ້ອອກອາກາດ, ໃນນັ້ນ ໄດ້ຕີລາຄາສູງບັນດາການປະກອບສ່ວນຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ໃນວຽກງານການສ້າງສາ, ປົກປັກຮັກສາ ແລະ ພັດທະນາປະເທດຊາດ ຫວຽດນາມ ພ້ອມກັບບັນດາການປະກອບສ່ວນສຳຄັນໃນການພົວພັນທາງການທູດກັບບັນດາປະເທດ ໃນນັ້ນ ມີຍີ່ປຸ່ນ.
ໂທລະພາບ NHK ເນັ້ນໜັກວ່າ: “ໃນດ້ານການທູດ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຊຸກຍູ້ຍຸດທະສາດການທູດຢ່າງຄ່ອງແຄ້ວ, ຮອບດ້ານ ເຖິງວ່າປະຊາຄົມໂລກນັບມື້ນັບມີຄວາມແຕກຕ່າງກັນຢ່າງຈະແຈ້ງ, ຮັກສານະໂຍບາຍການຕ່າງປະເທດເປີດກວ້າງ, ຫັນບັນດາການພົວພັນເປັນຫຼາຍຮູບຫຼາຍແບບ, ຫຼາຍຝ່າຍ, ສະແດງໃຫ້ເຫັນຄວາມປາດຖະໜາຢາກເປັນເພື່ອນມິດກັບທຸກປະເທດ ແລະ ເຂດແຄວ້ນໃນໂລກ.
ກ່ຽວກັບວຽກງານພາຍໃນປະເທດ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ມີການປະກອບສ່ວນອັນໃຫຍ່ຫຼວງເຂົ້າໃນພາລະກິດແຫ່ງການສ້າງສາ ແລະ ພັດທະນາປະເທດຊາດ, ພາລະກິດແຫ່ງການປ່ຽນແປງໃໝ່ຂອງພັກກອມມູນິດຫວຽດນາມ, ພິເສດແມ່ນວຽກງານກໍ່ສ້າງ ແລະ ປັບປຸງພັກໃຫ້ເຂັ້ມແຂງ, ປອດໃສ, ກໍ່ຄືວຽກງານປ້ອງກັນ ແລະ ຕ້ານການສໍ້ລາດບັງຫຼວງ, ປະກົດການຫຍໍ້ທໍ້, ນຳ ຫວຽດນາມ ໃຫ້ພັດທະນາຢ່າງບໍ່ຢຸດຢັ້ງ”.
ໜັງສືພິມເສດຖະກິດ ຍີ່ປຸ່ນ (Nikkei) ກໍ່ນຳສະເໜີຂໍ້ມູນຄ້າຍຄືກັນກັບ NHK ແຕ່ໄດ້ກ່າວເພີ່ມການປະກອບສ່ວນອັນໃຫຍ່ຫຼວງຂອງເລຂາທິການໃຫຍ່ໃນການພັດທະນາເສດຖະກິດຂອງ ຫວຽດນາມ, ໃນນັ້ນໄດ້ເນັ້ນໜັກເຖິງບັນດາລັດຖະນະໂຍບາຍທີ່ກ່ຽວຂ້ອງເຖິງຫວຽດນາມ ໄດ້ລົງນາມໃນສັນຍາການຄ້າເສລີກັບຫຼາຍປະເທດ, ພ້ອມທັງເນັ້ນໜັກວ່າ: “ທ່ານເລຂາທິການໃຫຍ່ແມ່ນຜູ້ທີ່ເຮັດໃຫ້ເສດຖະກິດ ຫວຽດນາມ ພັດທະນາຢ່າງເຂັ້ມແຂງ”.
 |
| ທ່ານເລຂາທິການໃຫຍ່ ຫງວຽນຟຸຈ້ອງ ຕ້ອນຮັບ ທ່ານ ກີຊີດາ ຟູມິໂອະ (Kishida Fumio) ນາຍົກລັດຖະມົນຕີ ຍີ່ປຸ່ນ . ພາບ: VGP/Nhat Bac. |
ໜັງສືພິມ Japantoday ບໍ່ພຽງແຕ່ຍ້ອງຍໍການປະກອບສ່ວນອັນໃຫຍ່ຫຼວງຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ເທົ່ານັ້ນ, ແຕ່ຍັງຍ້ອງຍໍບຸກຄະລິກກະພາບຂອງທ່ານ. ໜັງສືພິມສະບັບນີ້ຂຽນວ່າ: “ຫວຽດນາມ ໄດ້ພັດທະນາຢ່າງແຮງພາຍໃຕ້ການນຳພາຂອງ ທ່ານເລຂາທິການໃຫຍ່ ຫງວຽນຟູ໋ຈ້ອງ, ໄດ້ຫັນຫວຽດນາມ ຈາກປະເທດກະສິກຳທີ່ຖືກສົງຄາມທໍາລາຍ ກາຍເປັນໜຶ່ງໃນບັນດາພື້ນຖານເສດຖະກິດທີ່ເຕີບໂຕໄວທີ່ສຸດຂອງອາຊີ. ການເຕີບໂຕ GDP ແຕ່ລະປີຂອງຫວຽດນາມ ບັນລຸສະເລ່ຍ 5,8% ໃນທົດສະວັດທີ່ຜ່ານມາ ແລະ ຍັງຄົງຮັກສາການເຕີບໂຕທີ່ໜ້າເພິ່ງພໍໃຈ ນັບທັງໄລຍະເກີດໂລກລະບາດໂຄວິດ-19... ຄຽງຄູ່ກັນນັ້ນ, ທ່ານເລຂາທິການໃຫຍ່ ຫງວຽນຟູ໋ຈ້ອງ ກໍ່ເປັນຜູ້ນຳທີ່ສະໜິດສະໜົມ, ລຽບງ່າຍ ແລະ ມີບຸກຄະລິກກະພາບທີ່ດີ”.
ນອກຈາກນັ້ນ, ໜັງສືພິມສະບັບອື່ນໆຂອງຍີ່ປຸ່ນ ກໍ່ຍັງໄດ້ນຳສະເໜີຂ່າວ ແລະ ໄດ້ສະແດງຄວາມໂສກເສົ້າເສຍໃຈຢ່າງາຸດຊຶ້ງຕໍ່ເລື່ອງ ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ເຖິງແກ່ມໍລະນະກຳ ເຊັ່ນ: Yomiuri Shimbun, Jiji Press, Japan Times...
 | ລາວ ປະກາດໄວ້ອາໄລລະດັບຊາດທ່ານເລຂາທິການໃຫຍ່ ຫງວຽນຝູຈ້ອງ |
| ປະດັບຫຼຽນໄຊດາວຄຳໃຫ້ທ່ານເລຂາທິການໃຫຍ່ ຫງວຽນຝູຈ້ອງ |
ອ.ສະຫວັດ
