ກ່າວຄຳປາໄສທີ່ລາຍການ, ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຕະກວາງດົງ ໃຫ້ຂໍ້ສັງເກດວ່າ ຄວາມຈິງໃຈ, ເປີດໃຈແມ່ນໜຶ່ງໃນບັນດາປັດໄຈທີ່ເຮັດໃຫ້ ຫວຽດນາມ ແລະ ຍີ່ປຸ່ນ ກາຍເປັນບັນດາຈຸດປາຍທາງທ່ອງທ່ຽວທີ່ນິຍົມຂອງກັນ. ຍີ່ປຸ່ນ ຮັກສາທີ່ຕັ້ງເປັນທ້ອງຕະຫຼາດລູກຄ້າສຳຄັນຂອງຫວຽດນາມ. ມີນັກທ່ອງທ່ຽວ ຍີ່ປຸ່ນ 590.000 ເທື່ອຄົນໄປທ່ຽວ ຫວຽດນາມ, ມີບາດກ້າວຟື້ນຟູຢ່າງວ່ອງໄວເມື່ອທຽບໃສ່ກ່ອນໂຄວິດ-19. ພິເສດ, ນັກທ່ອງທ່ຽວຫວຽດນາມ ໄປຢ້ຽມຢາມ ຍີ່ປຸ່ນ ເພີ່ມຂຶ້ນ 16% ເມື່ອທຽບໃສ່ກ່ອນເກີດໂລກລະບາດ. ໃນ 7 ເດືອນຕົ້ນປີ 2024, ຫວຽດນາມ ໄດ້ຕ້ອນຮັບນັກທ່ອງທ່ຽວຍີ່ປຸ່ນ 380.000 ເທື່ອຄົນ, ເພີ່ມຂຶ້ນ 34% ເມື່ອທຽບໃສ່ໄລຍະດຽວກັນຂອງປີກາຍ.
 |
| ໂຄສະນາການທ່ອງທ່ຽວ ຫວຽດນາມ ຢູ່ສຳນັກງານເທດສະບານແຂວງ Kanagawa, ຍີ່ປຸ່ນ (ພາບ: ກົມຮ່ວມມືສາກົນ). |
ທ່ານຮອງລັດຖະມົນຕີ ແຈ້ງວ່າ ນັບແຕ່ວັນທີ 15 ສິງຫາ ຫວຽດນາມ ໄດ້ນຳໃຊ້ວີຊາເອເລັກໂຕນິກໃຫ້ພົນລະເມືອງທຸກປະເທດ ແລະ ເຂດແຄວ້ນ ດ້ວຍເວລາພັກຍາວເຖິງ 90 ວັນ ໂດຍສາມາດເຂົ້າອອກເມືອງຫຼາຍເທື່ອ. ພ້ອມກັນນັ້ນ ກໍ່ແກ່ຍາວເວລາພັກເຊົາຊົ່ວຄາວຂອງບັນດາປະເທດທີ່ໄດ້ຮັບການຍົກເວັ້ນວີຊາໂດຍຝ່າຍດຽວຂອງຫວຽດນາມ ເປັນ 45 ວັນ. ນະໂຍບາຍເປີດໃຈນີ້ ໄດ້ຮັບການຕ້ອນຮັບຈາກປະຊາຄົມໂລກ, ກາຍເປັນໄມ້ງັດທີ່ສຳຄັນ ເພື່ອປະກອບສ່ວນຊຸກຍູ້ການເຕີບໂຕດ້ານແຂກທ່ອງທ່ຽວເຂົ້າມາ ຫວຽດນາມ. ບົນພື້ນຖານຄວາມສາມາດບົ່ມຊ້ອນທ່າໄດ້ປຽບ ແລະ ແຫຼ່ງຊັບພະຍາກອນທ່ອງທ່ຽວ, ພ້ອມກັບບັນດາເງື່ອນໄຂການທ່ອງທ່ຽວທີ່ສະດວກ, ທ່ານຮອງລັດຖະມົນຕີ ໄດ້ສະແດງຄວາມເຊື່ອໝັ້ນວ່າ ຫວຽດນາມ ຈະສືບຕໍ່ແມ່ນຈຸດໝາຍປາຍທາງທີ່ເປັນໜ້າສົນໃຈ, ນິຍົມ, ດຶງດູດຄວາມສົນໃຈຂອງນັກທ່ອງທ່ຽວ ຍີ່ປຸ່ນ. ພ້ອມກັນນັ້ນ, ທ່ານຮອງລັດຖະມົນຕີ ຕະກວາງດົງ ກໍ່ປາດຖະໜາວ່າ ການຈັດຕັ້ງລາຍການແນະນຳການທ່ອງທ່ຽວໃນງານບຸນສົ່ງເສີມການທ່ອງທ່ຽວ - ວັດທະນະທຳ ຫວຽດນາມ ຈະແມ່ນໂອກາດເພື່ອໃຫ້ຊາວ ຍີ່ປຸ່ນ ເຂົ້າໃຈກ່ວາ ແລະ ມີຄວາມປະທັບໃຈອັນດີງາມກ່ຽວກັບປະເທດຊາດ, ວັດທະນະທຳ ແລະ ປະຊາຊົນ ຫວຽດນາມ, ໄປຢ້ຽມຢາມ ຫວຽດນາມ ໂດຍໄວເພື່ອສໍາຜັດການທ່ອງທ່ຽວໃນເວລາໄວທີ່ສຸດ.
ກ່າວຄຳປາໄສທີ່ເຫດການ, ທ່ານ Kuroiwa Yuji, ຜູ້ວ່າການແຂວງ Kanagawa ໄດ້ສົ່ງຄຳຂອບໃຈບັນດາອົງການ, ຄະນະ, ຂະແໜງການຂອງ ຫວຽດນາມ ທີ່ໄດ້ຮ່ວມມືເພື່ອງານບຸນ ຫວຽດນາມ ຢູ່ Kanagawa ກໍ່ຄືງານບຸນ Kanagawa ຢູ່ ຫວຽດນາມ ໄດ້ຮັບການຈັດຕັ້ງຢ່າງສຳເລັດຜົນໃນຊຸມປີມໍ່ໆມານີ້. ຜ່ານນັ້ນ, ກໍ່ປະກອບສ່ວນເພີ່ມທະວີການພົວພັນລະຫວ່າງແຂວງ Kaganawa ກັບ ຫວຽດນາມ, ຊຸກຍູ້ການພົບປະແລກປ່ຽນປະຊາຊົນລະຫວ່າງ 2 ປະເທດ, ປະກອບສ່ວນປັບປຸງການພົວພັນມິດຕະພາບ, ຄວາມສາມັກຄີລະຫວ່າງ 2 ປະເທດ ຫວຽດນາມ - ຍີ່ປຸ່ນ ໃຫ້ແໜ້ນແຟ້ນກວ່າອີກ.
 |
| ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຕະກວາງດົງ ກ່າວຄຳປາໄສທີ່ເຫດການ. (ພາບ: ກົມຮ່ວມມືສາກົນ). |
ທີ່ລາຍການ, ກົມທ່ອງທ່ຽວແຫ່ງຊາດ ຫວຽດນາມ ໄດ້ແນະນຳບັນດາຈຸດໝາຍປາຍທາງທີ່ພົ້ນເດັ່ນຂອງ ຫວຽດນາມ ເພື່ອດຶງດູດຊາວ ຍີ່ປຸ່ນ ມາຢ້ຽມຢາມ, ສຳຜັດ ແລະ ເກັບບັນດາຊ່ວງເວລາທີ່ຫນ້າສົນໃຈທີ່ບໍ່ສາມາດພົບເຫັນໄດ້ຈາກບ່ອນອື່ນ. ບັນດາວິສາຫະກິດທ່ອງທ່ຽວ ຫວຽດນາມ ກໍ່ແນະນຳບັນດາຜະລິດຕະພັນ, ການບໍລິການທ່ອງທ່ຽວທີ່ເປັນເອກະລັກສະເພາະໃຫ້ແກ່ຊາວ ຍີ່ປຸ່ນ.
ບັນດາຮູບພາບທີ່ສວຍງາມ, ມີຄຸນນະພາບດີ, ພ້ອມກັບຮູບເງົາແນະນຳການທ່ອງທ່ຽວ ຫວຽດນາມ ທີ່ໄດ້ສ້າງໃໝ່ສົມທົບກັບບັນດາການສະແດງຕຸກກະຕານ້ຳພື້ນເມືອງ ແລະ ລາຍການຈົກສະຫຼາກລາງວັນ ໄດ້ຈັດຕັ້ງ, ແນະນຳຢ່າງເໝາະສົມ, ສ້າງຄວາມດຶງດູດໃຫ້ບັນດາຜູ້ແທນທີ່ເຂົ້າຮ່ວມລາຍການ.
ກ່ອນໜ້ານີ້, ງານບຸນສົ່ງເສີມການທ່ອງທ່ຽວ-ວັດທະນະທຳ ຫວຽດນາມ ຢູ່ Kanagawa ໄດ້ຈັດຂຶ້ນແຕ່ວັນທີ 7 – 8 ກັນຍາ 2024 ຢູ່ສວນສາທາລະນະ Zoo-no-hana, ນະຄອນ Yokohama, ແຂວງ Kanagawa.
ໂດຍຕັ້ງຢູ່ທາງທິດໃຕ້ຂອງນະຄອນຫຼວງ Tokyo, ແຂວງ Kanagawa ມີເນື້ອທີ່ 2,415 ກີໂລຕາເເມັດ ແລະ ມີປະຊາກອນຫຼາຍກວ່າ 9.2 ລ້ານຄົນ, ເປັນຕົວເມືອງທີ່ມີປະຊາກອນຫຼາຍທີ່ສຸດອັນດັບສອງຂອງ ຍີ່ປຸ່ນ. ໃນຊຸມປີມໍ່ໆມານີ້, ຈຳນວນຊາວຫວຽດນາມ ອາໄສ ແລະ ເຮັດວຽກຢູ່ Kanagawa ໄດ້ເພີ່ມຂຶ້ນຢ່າງຕໍ່ເນື່ອງ, ເຮັດໃຫ້ ຫວຽດນາມ ກາຍເປັນປະຊາຄົມຊາວຕ່າງປະເທດໃຫຍ່ອັນດັບ 2 ໃນຈຳນວນ 170 ກວ່າປະເທດ/ເຂດແຄ້ວນ ມີພົນລະເມືອງອາໄສຢູ່ Kanagawa ດ້ວຍກ່ວາ 34.000 ຄົນ.
 | ຍສໝ - ທ່ານ ຮວ່າງບິ່ງກວນ, ອະດີດກຳມະການສູນກາງພັກ, ອະດີດຫົວໜ້າຄະນະພົວພັນຕ່າງປະເທດສູນກາງ, ເມື່ອບໍ່ດົນມານີ້ ໄດ້ຮັບຫຼຽນໄຊອາທິດອຸໄທ ໂດຍລັດຖະບານຍີ່ປຸ່ນ ມອບໃຫ້ ຍ້ອນມີການປະກອບສ່ວນເຂົ້າໃນການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ຍີ່ປຸ່ນ. |
 | ປຸກລະດົມ ແຂວນແຜນທີ່ ຫວຽດນາມ ຢູ່ ຍີ່ປຸ່ນ ຍສໝ - ຕອນເຊົ້າວັນທີ 21 ກຸມພາ, ສະຖານກົງສູນ ຫວຽດນາມ ປະຈຳ Osaka (ຍີ່ປຸ່ນ) ໄດ້ສົມທົບກັບສະມາຄົມຊາວ ຫວຽດນາມ ຢູ່ Kansai ໄດ້ຈັດຕັ້ງພິທີປຸກລະດົມ “ຄວາມເອກອ້າງທະນົງໃຈຂອງພູຜາປ່າໄມ້ ແລະ ແມ່ນ້ຳລຳເຊ” ຢູ່ Osaka ຍີ່ປຸ່ນ. |
ມີງດຶກ
