 | ຍີ່ປຸ່ນ ມອບຕົ້ນດອກສະກຸຣະ 200 ຕົ້ນ ໃຫ້ແຂວງ ໄຕນິງ |
| ກຳປູເຈຍ ຂອບໃຈຕຳຫຼວດແຂວງ ໄຕນິງ ທີ່ໃຫ້ການໜູນຊ່ວຍດັບເພີງອາຄານ 7 ຊັ້ນ |
ຕາມຄະນະໂຄສະນາສຶກສາຄະນະພັກແຂວງ ໄຕນິງ ແລ້ວ, ລະບົບຂົນຂວາຍປະຊາຊົນ, ແນວໂຮມປະເທດຊາດ ແລະ ບັນດາອົງການການເມືອງ - ສັງຄົມຂອງແຂວງ ໄດ້ຈັດຕັ້ງການໂຄສະນາ 20.957 ຊຸດ, ດຶງດູດຜູ້ເຂົ້າຮ່ວມກ່ວາ 587.000 ເທື່ອຄົນ. ບັນດາເນື້ອໃນໂຄສະນາແມ່ນສຸມໃສ່ເຂົ້າແຜນນະໂຍບາຍ, ແນວທາງຂອງພັກ ແລະ ກົດໝາຍຂອງລັດ ກ່ຽວກັບການທູດປະຊາຊົນ. ບັນດາການເຄື່ອນໄຫວນີ້ ໄດ້ຍົກສູງຄວາມຮັບຮູ້ຂອງປະຊາຊົນ, ປຸກລະດົມສະຕິຮັບຜິດຊອບໃນການປົກປັກຮັກສາອະທິປະໄຕຂອງປະເທດຊາດ ແລະ ກໍ່ສ້າງເຂດຊາຍແດນສັນຕິພາບ, ມິດຕະພາບ.
ໄຕນິງ ເອົາໃຈໃສ່ເປັນພິເສດເຖິງການຊຸກຍູ້ການຮ່ວມມືກັບບັນດາອົງການຮ່ວມຂັ້ນຂຶ້ນກັບບັນດາແຂວງຊາຍແດນຕິດກັບ ກຳປູເຈຍ ດ້ວຍຫຼາຍການເຄື່ອນໄຫວທີ່ແທດຈິງ. ພິເສດ, ແນວໂຮມປະເທດຊາດ ຫວຽດນາມ ແຂວງ ໄຕນິງ ໄດ້ຈັດຕັ້ງບັນດາກອງປະຊຸມມອບວຽກຕາມການກຳນົດເວລາ, ຜັນຂະຫຍາຍລົງນາມສັນຍາໝັ້ນໝາຍແຂ່ງຂັນສ້າງເສັ້ນຊາຍແດນສັນຕິພາບ ແລະ ການຮ່ວມມື. ຄະນະຊາວໜຸ່ມແຂວງ ໄດ້ປະຕິບັດຫຼາຍລາຍການແລກປ່ຽນກັບຊາວໜຸ່ມ ກຳປູເຈຍ ເຊັ່ນ ສະເຫຼີມສະຫຼອງ 45 ປີແຫ່ງວັນໄຊຊະນະຕໍ່ລະບອບດັບສູນເຊື້ອຊາດ, ດ້ວຍການເຂົ້າຮ່ວມຂອງສະມາຊິກຊາວໜຸ່ມ 2 ປະເທດ 150 ກວ່າທ່ານ. ສະຫະພັນແມ່ຍິງແຂວງ ຮັກສາບັນດາການເຄື່ອນໄຫວຮ່ວມມືກັບແມ່ຍິງ ກຳປູເຈຍ ຜ່ານຂໍ້ຕົກລົງການຮ່ວມມືໄລຍະ 2022 – 2027, ຈັດຕັ້ງການພົບປະແລກປ່ຽນ, ແບ່ງປັນປະສົບການ ແລະ ໜູນຊ່ວຍຊີວິດການເປັນຢູ່ຂອງປະຊາຊົນເຂດຊາຍແດນ.
 |
| ຄະນະປະຕິບັດງານ ສະຫະພັນແມ່ຍິງແຂວງ ໄຕນິງ ໄດ້ຖ່າຍຮູບທີ່ລະນຶກ ພາຍຫຼັງການຢ້ຽມຢາມ ແລະ ມອບຂອງຂວັນໃຫ້ສະມາຊິກສະມາຄົມ, ແມ່ຍິງແຂວງ Tboong Khmum (ກຳປູເຈຍ). (ພາບ: tayninh.dcs.vn) |
ສະຫະພັນບັນດາອົງການມິດຕະພາບແຂວງ ໄຕນິງ ຮັກສາການແລກປ່ຽນຂໍ້ມູນຂ່າວສານກັບສະມາຄົມຊາວ ຂະແມ ທີ່ມີເຊື້ອຊາດ ຫວຽດນາມ ຢູ່ ກຳປູເຈຍ ແລະ ສະມາຄົມຍາດພີ່ນ້ອງຊາວ ຫວຽດນາມ ອາໄສຢູ່ແຂວງ ກ່ຽວກັບສະພາບການຊາວ ຫວຽດນາມ ຢູ່ຕ່າງປະເທດ. ຈັດຕັ້ງກອງປະຊຸມຜັນຂະຫຍາຍວຽກງານການຕ່າງປະເທດຂອງປະຊາຊົນ ແລະ ລົງນາມໃນຂໍ້ກຳນົດກ່ຽວກັບການປະສານງານໃນວຽກງານການທູດປະເທດປະຊາຊົນປີ 2024 ລະຫວ່າງບັນດາສະມາຊິກກຸ່ມເລກທີ 4 ຢູ່ ໄຕນິງ.
ປີກາຍນີ້, ໄຕນິງ ໄດ້ຜັນຂະຫຍາຍບັນດາລາຍການໜູນຊ່ວຍດ້ວຍຍອດຈຳນວນເງິນກວ່າ 83 ຕື້ດົ່ງ, ລວມມີ ການກວດພະຍາດ, ແຈກຢາຍຢາ ແລະ ໜູນຊ່ວຍນັກຮຽນ ແລະ ປະຊາຊົນທີ່ປະສົບກັບຄວາມຫຍຸ້ງຍາກ. ບັນດາຄວາມມານະພະຍາຍາມດັ່ງກ່າວບໍ່ພຽງແຕ່ປັບປຸງຊີວິດການເປັນຢູ່ເຂດຊາຍແດນເທົ່ານັ້ນ ຫາກຍັງຮັດແໜ້ນຄວາມສາມັກຄີລະຫວ່າງປະຊາຊົນສອງປະເທດອີກດ້ວຍ.
ເຖິງວ່າບັນລຸໄດ້ບັນດາຜົນງານຢ່າງຕັ້ງໜ້າກໍ່ຕາມ, ແຕ່ການພົວພັນທາງການທູດປະຊາຊົນ ໄຕນິງ ກໍ່ຍັງປະເຊີນໜ້າກັບຂໍ້ຈຳກັດບາງຢ່າງ, ເຊັ່ນ ການປຶກສາຫາລືເສນາທິການຍັງບໍ່ທັນເວລາ ແລະ ບັນດາການເຄື່ອນໄຫວທີ່ບໍ່ສອດຄ່ອງກັນຢູ່ບາງທ້ອງຖິ່ນ. ເພື່ອແກ້ໄຂ, ແຂວງໄດ້ສະເໜີ 4 ໜ້າທີ່ຈຸດສຸມ ລວມມີ:
ຍູ້ແຮງການໂຄສະນາ ແລະ ຍົກສູງຄວາມຮັບຮູ້ກ່ຽວກັບວຽກງານການການທູດປະຊາຊົນ.
ເພີ່ມທະວີການປຶກສາຫາລື ແລະ ສົມທົບກັນຢ່າງແໜ້ນແຟ້ນ, ໂດຍມີຫຼັກແຫຼ່ງແມ່ນແນວໂຮມປະເທດຊາດ ຫວຽດນາມ ແລະ ສະຫະພັນບັນດາອົງການມິດຕະພາບແຂວງ ໄຕນິງ.
ລະດົມການເຂົ້າຮ່ວມຂອງບັນດາອົງການ ແລະ ປະຊາຊົນທຸກຊັ້ນວັນນະເຂົ້າໃນການເຄື່ອນໄຫວຕໍ່ສູ້ຕ້ານການສວຍໃຊ້ບັນດາບັນຫາປະຊາທິປະໄຕ, ສິດທິມະນຸດ, ຊົນເຜົ່າ, ສາສະໜາ, “ຜັນແປສັນຕິພາບ” ຂອງບັນດາອິດທິກຳລັງສັດຕູ, ປົກປັກຮັກສາເອກະລາດ, ອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນຂອງປະເທດຊາດ. ຍູ້ແຮງບັນດາການເຄື່ອນໄຫວສ້າງການພົວພັນຖານບ້ານໃກ້ເຮືອນຄຽງສາມັກຄີ, ມິດຕະພາບ, ສັນຕິພາບ, ການຮ່ວມມື ແລະ ພັດທະນາເຊິ່ງກັນ ແລະ ກັນລະຫວ່າງແຂວງ ໄຕນິງ ແລະ ບັນດາແຂວງຊາຍແດນຂຶ້ນກັບ ລາຊະອານາຈັກ ກຳປູເຈຍ.
ປະຕິບັດວຽກງານຂົນຂວາຍແຫຼ່ງກຳລັງໃຫ້ເປັນຢ່າງດີ, ສຸມໃສ່ວຽກງານຂົນຂວາຍບັນດາວິສາຫະກິດ ແລະ ບັນດາຜູ້ອຸປະຖຳ, ຍົກສູງປະສິດທິຜົນການຮ່ວມມືກັບບັນດາອົງການຈັດຕັ້ງສາກົນ ແລະ ບັນດາອົງການບໍ່ຂຶ້ນກັບລັດຖະບານ, ຍາດແຍ່ງເອົາການໜູນຊ່ວຍຂອງບັນດາອົງການ, ບຸກຄົນພາຍໃນ ແລະ ຕ່າງປະເທດທີ່ສອດຄ່ອງຕາມລະບຽບກົດໝາຍ.
ບັນດາທິດທາງນີ້ບໍ່ພຽງແຕ່ຢືນຢັນບົດບາດຂອງ ໄຕນິງ ໃນການພົວພັນທາງການທູດປະຊາຊົນໃນທົ່ວປະເທດເທົ່ານັ້ນ ຫາກຍັງປະກອບສ່ວນເຂົ້າໃນການກໍ່ສ້າງສາຍພົວພັນຖານບ້ານໃກ້ເຮືອນຄຽງສາມັກຄີ, ສັນຕິພາບ ແລະ ພັດທະນາແບບຍືນຍົງກັບ ລາຊະອານາຈັກ ກຳປູເຈຍ.
 | 5 ກຸ່ມເປົ້າໝາຍວຽກງານຂອງ 6 ເດືອນທ້າຍປີ 2024 ຍສໝ - ກອງປະຊຸມ ໄດ້ດຳເນີນໃນວັນທີ 16 ກໍລະກົດ, ຢູ່ຮ່າໂນ້ຍ ໂດຍການນຳສະຫະພັນບັນດາອົງການມິດຕະພາບ ຫວຽດນາມ ເປັນປະທານ ພ້ອມກັນກັບອົງການຜູ້ປະຈຳທັງໝົດທີ່ເຂົ້າຮ່ວມ. |
 | ຄະນະພະນັກງານກອງທັບປະຊາຊົນລາວ ຢ້ຽມຢາມກອງບັນຊາການທະຫານແຂວງ ໄຕນິງ ຕົ້ນອາທິດທີ່ຜ່ານມາ, ຄະນະພະນັກງານກອງທັບປະຊາຊົນລາວ ໂດຍທ່ານພົນຈັດຕະວາ ບົວສິງ ອິນທະວົງ, ຫົວໜ້າກົມເສນາຮັກ ເປັນຫົວໜ້າຄະນະໄດ້ມາຢ້ຽມຢາມກອງບັນຊາການທະຫານແຂວງ ໄຕນິງ. |
ແທັງຮັ່ງ
