 | ປກສ ແຂວງຄຳມ່ວນ ອວຍພອນຕຳຫຼວດແຂວງກວາງບິ່ງ ເນື່ອງໃນປີໃໝ່ປະຈຳຊາດຂອງຫວຽດນາມ |
| ຕຳຫຼວດແຂວງເຊີນລາ ກັບຕຳຫຼວດ 3 ແຂວງ ສປປ ລາວ ເພີ່ມທະວີການຮ່ວມມືສອງຝ່າຍ |
ທີ່ການພົບປະ, ທ່ານພົນຈັດຕະວາ ສຸຍບຸນຮຽງ ໄດ້ສົ່ງຄຳຂອບໃຈຢ່າງເລິກເຊິ່ງເຖິງການນຳຂອງຕຳຫຼວດແຂວງ ໄຕນິງ ແລະ ຄະນະພະນັກງານ, ນັກຮົບຕຳຫຼວດເມືອງ ເຕີນບຽນ. ທ່ານໃຫ້ຮູ້ກ່ຽວກັບການໜູນຊ່ວຍຢ່າງຕັ້ງໜ້າຂອງກຳລັງປ້ອງກັນ ແລະ ຕ້ານອັກຄີໄພຂອງ ຫວຽດນາມ ໄດ້ຊ່ວຍດັບເພີງໃນວັນທີ 3 ພະຈິກ, ສະກັດກັ້ນບໍ່ໃຫ້ໄຟໄໝ້ລາມ ແລະ ຮັບປະກັນຄວາມປອດໄພຂອງປະຊາຊົນໃນບໍລິເວນ.
 |
| ພະນັກງານ, ນັກຮົບຕຳຫຼວດແຂວງ ໄຕນິງ ຕັ້ງໜ້າໜູນຊ່ວຍດັບເພີງ. |
ທ່ານພັນເອກ ເຈິນວັນລ້ວນ, ຮອງຫົວໜ້າຕຳຫຼວດແຂວງ ໄຕນິງ ໃຫ້ຮູ້ວ່າ: ພາຍຫຼັງໄດ້ຮັບຄວາມຮຽກຮ້ອງຊ່ວຍເຫຼືອ, ຄະນະຫົວໜ້າຕຳຫຼວດແຂວງ ໄດ້ຮີບຮ້ອນຊີ້ນຳບັນດາຫົວໜ່ວຍວິຊາສະເພາະສົມທົບກັບຕຳຫຼວດເມືອງ ເຕີນບຽນ ໄດ້ສົ່ງພະນັກງານ 15 ສະຫາຍ ແລະ ລົດດັບເພີງ 3 ຄັນ ໄປຍັງສະຖານທີ່ເກີດເຫດ. ທ່ານເນັ້ນໜັກວ່າ, ການຮ່ວມມືຄັ້ງນີ້ ສະແດງໃຫ້ເຫັນຈິດໃຈສາມັກຄີ, ນ້ຳໃຈມິດຕະພາບອັນແໜ້ນແຟ້ນລະຫວ່າງ 2 ແຂວງໃນວຽກງານປ້ອງກັນ, ຕ້ານອັກຄີໄພ ເວົ້າສະເພາະ ແລະ ວຽກງານປ້ອງກັນຄວາມສະຫງົບ ເວົ້າລວມ.
ກ່ອນໜ້ານັ້ນ ເວລາປະມານ 8:30 ໂມງ ວັນທີ 3 ພະຈິກ ໄດ້ເກີດເຫດໄຟໄໝ້ຢູ່ອາຄານຄາສິໂນ ຊັ້ນ 7 ຢູ່ຕາແສງ Tropeng Phlong ເມືອງ Ponhia Kret ແຂວງ Tboung Khmum. ໃນເບື້ອງຕົ້ນ, ກຳລັງປ້ອງກັນ ແລະ ຕ້ານອັກຄີໄພ ກຳປູເຈຍ ໄດ້ນຳໃຊ້ລົດດັບເພີງ 3 ຄັນ ແຕ່ບໍ່ສາມາດຄວບຄຸມໄຟໄດ້. ຫຼັງຈາກນັ້ນ, ພະແນກຕຳຫຼວດແຂວງ Tboung Khmum ໄດ້ສະເໜີຂໍຄວາມຊ່ວຍເຫຼືອຈາກຕຳຫຼວດແຂວງ ໄຕນິງ.
ເມື່ອໄປສະຖານທີ່ເກີດເຫດ, ກຳລັງປ້ອງກັນ ແລະ ຕ້ານອັກຄີໄພຕຳຫຼວດແຂວງ ໄຕນິງ ພົບວ່າ ໄຟໄດ້ລຸກລາມອອກໄປຢ່າງຮ້າຍແຮງໃນ 3 ຫ້ອງພັກຢູ່ຊັ້ນ 7 ຂອງອາຄານ, ດ້ວຍເນື້ອທີ່ໄຟໄໝ້ປະມານ 80 ຕາແມັດ. ຄວັນ ແລະ ອາຍພິດຈາກອັກຄີໄພໄດ້ລາມໄປ ຊັ້ນ 4, 5, 6 ແລະ ຊັ້ນ 7. ບັນດາພະນັກງານ ແລະ ນັກຮົບກໍໄດ້ຜັນຂະຫຍາຍຖັນແຖວ ແລະ ໄດ້ນຳໃຊ້ລະບົບທໍ່ດັບເພີງ ເພື່ອຄວບຄຸມໄຟ. ພ້ອມກັນນັ້ນ, ກໍ່ໄດ້ກອບກູ້ຜູ້ບາດເຈັບ 4 ຄົນ ຖືກຕິດຄ້າງຢູ່ຊັ້ນ 5 ແລະ ຊັ້ນ 6.
ພາຍຫຼັງໃຊ້ເວລາກວ່າ 2 ຊົ່ວໂມງ, ໄຟຈຶ່ງສາມາດຄວບຄຸມໄດ້ທັງໝົດໃນເວລາ 13:30 ໂມງຂອງວັນດຽວກັນ, ຮັບປະກັນຄວາມປອດໄພໃຫ້ຊັບສິນ ແລະ ຊີວິດຂອງປະຊາຊົນໃນບໍລິເວນດັ່ງກ່າວ. ຜ່ານການສອບສວນໃນເບື້ອງຕົ້ນ, ສາເຫດທີ່ພາໃຫ້ເກີດໄຟໄໝ້ແມ່ນເກີດບັນຫາໄຟຟ້າລັດວົງຈອນຢູ່ໃນຫ້ອງນອນຫ້ອງໜຶ່ງ.
 | ຕຳຫຼວດແຂວງກວ໊າງບິ່ງ ມອບອຸປະກອນການແພດໃຫ້ລາວ ປ້ອງກັນ, ຕ້ານພະຍາດໂຄວິດ-19 ວັນທີ 14 ກໍລະກົດ, ຕຳຫຼວດແຂວງກວ໋າງບິ່ງ ໃຫ້ຂ່າວວ່າ ຄະນະປະຕິບັດງານນຳໂດຍທ່ານພັນເອກພິເສດ ຟານດັງຕິ໊ງ, ຮອງຫົວໜ້າກອງບັນຊາການຕຳຫຼວດແຂວງກວ໋າງບິ່ງ ໄດ້ມອບອຸປະກອນການແພດຮັບໃຊ້ວຽກງານປ້ອງກັນ, ຕ້ານພະຍາດໂຄວິດ-19 ໃຫ້ກໍາລັງປ້ອງກັນຄວາມສະຫງົບແຂວງສະຫວັນນະເຂດ. |
 | ກອງບັນຊາການຕຳຫຼວດແຂວງກວາງບິ່ງ ມອບອຸປະກອນການແພດໃຫ້ ປກສ ແຂວງຄຳມ່ວນ ຫວ່າງແລ້ວນີ້, ຢູ່ດ່ານສາກົນຈໍຫລໍ-ນາເພົ້າ, ກອງບັນຊາການຕໍາຫຼວດແຂວງກວາງບິ່ງ ສສ ຫວຽດນາມ ໄດ້ນຳເອົາອຸປະກອນການແພດ ແລະເງິນຈຳນວນໜຶ່ງມາມອບໃຫ້ກອງບັນນຊາການ ປກສ ແຂວງຄຳມ່ວນ ເພື່ອປະກອບສ່ວນຊ່ວຍເຫລືອເຂົ້າໃນວຽກງານຕ້ານ ແລະສະກັດກັ້ນພະຍາດໂຄວິດ-19 ກ່າວມອບໂດຍ ທ່ານ ພັນເອກພິເສດ ຟານດັງຕີ໊ງ ຮອງຫົວໜ້າກອງບັນຊາການຕຳຫລວດແຂວງກວາງບິ່ງ ແລະ ກ່າວຮັບໂດຍທ່ານ ພັນໂທ ຄຳສິງ ນົນທະສອນ ຮອງຫົວໜ້າກອງບັນຊາການ ປກສ ແຂວງຄຳມ່ວນ, ມີພາກສ່ວນກ່ຽວຂ້ອງສອງຝ່າຍເຂົ້າຮ່ວມ. |
ມິງດຶກ
