ຍີ່ປຸ່ນ ມອບຕົ້ນດອກສະກຸຣະ 200 ຕົ້ນ ໃຫ້ແຂວງ ໄຕນິງ

	ກຳປູເຈຍ ຂອບໃຈຕຳຫຼວດແຂວງ ໄຕນິງ ທີ່ໃຫ້ການໜູນຊ່ວຍດັບເພີງອາຄານ 7 ຊັ້ນ
	ໄຕນິງ: ເຄື່ອນທັບໄປຊອກຄົ້ນ ແລະທ້ອນໂຮມອັດຖິຂອງນັກຮົບເສຍສະຫຼະຊີວິດເພື່ອຊາດຢູ່ ກຳປູເຈຍ

ຕອນ​ຄ່ຳ​ວັນ​ທີ 1 ທັນວາ, ຄະ​ນະ​ກຳ​ມະ​ການ​ປະ​ຊາ​ຊົນ​ແຂວງ ໄຕ​ນິງ ໄດ້​ຈັດ​ຕັ້ງ​ງານ​ພົບ​ປະ​ແລກ​ປ່ຽນ​ວັດ​ທະ​ນະ​ທຳ ຫວຽດ​ນາມ - ຍີ່​ປຸ່ນ ແລະ ເປີດ​ງານ​ສັບ​ປະ​ດາ​ວັດ​ທະ​ນະ​ທຳ ຫວຽດ​ນາມ - ຍີ່​ປຸ່ນ.

ທີ່ລາຍການ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ຍີ່ປຸ່ນ ປະຈຳ ຫວຽດນາມ Ito Naoki ໄດ້ມອບຕົ້ນດອກສະກຸຣະ 200 ຕົ້ນ - ສັນຍາລັກແຫ່ງຄວາມງາມຂອງວັດທະນະທຳ ຍີ່ປຸ່ນ ໃຫ້ແຂວງ ໄຕນິງ ປູກຢູ່ເທິງຈອມພູ ບ່າແດນ.

ກ່າວ​ຄຳ​ປາໄສທີ່​ລາຍການ, ທ່ານ​ເອກ​ອັກຄະ​ລັດຖະທູດ Ito Naoki ​ໄດ້​ສະ​ແດງ​ຄວາມ​ປິ​ຕິ​ຊົມ​ຊື່ນ​ພາຍຫຼັງໄປທັດສະນະທິວທັດຂອງ​ພູ ບ່າ​ແດນ, ພິ​ເສດ​ແມ່ນ​ຄັ້ງ​ທຳ​ອິດ​ທີ່ ​ໄຕ​ນິງ ຈັດ​ຕັ້ງ​ງານພົບປະ​ແລກປ່ຽນ​ວັດທະນະທຳ ຫວຽດນາມ - ຍີ່ປຸ່ນ ຢູ່​ທີ່​ນີ້.

ທ່ານ​ເອກ​ອັກ​ຄະ​ລັດ​ຖະ​ທູດ Ito Naoki ເນັ້ນ​ໜັກ​ວ່າ ຊາວ​ຍີ່​ປຸ່ນ​ ມັກ​ດອກ​ສະກຸຣະ ເພາະ​ແມ່ນ​ສັນ​ຍາ​ລັກ​ຂອງ​ລະດູບານໃໝ່​ຢູ່​ ຍີ່​ປຸ່ນ. ທ່ານຮູ້ສຶກດີໃຈຫຼາຍທີ່ໄດ້ເຫັນຕົ້ນດອກກຸສະກຸຣະ 200 ຕົ້ນປູກຢູ່ເທິງຈອມພູ ບ່າແດນ. ນີ້​ຈະ​ແມ່ນ​ສັນ​ຍາ​ລັກ​ແຫ່ງ​ການ​ພົວ​ພັນ​ມິດ​ຕະ​ພາບ​ອັນ​ດີ​ງາມລະ​ຫວ່າງ ຫວຽດ​ນາມ ແລະ ຍີ່​ປຸ່ນ. ພ້ອມ​ກັນ​ນັ້ນ, ກໍ່ຈະ​ຊ່ວຍ​ເຮັດໃຫ້​​ມິດຕະພາບ​ລະຫວ່າງ​ສອງ​ປະ​ເທດ​ກໍ່​ຄື​ລະຫວ່າງ​ ຍີ່ປຸ່ນ ​ແລະ ​ແຂວງ ​ໄຕ​ນິງ ແໜ້ນແຟ້ນກວ່າອີກ.

ທ່ານ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມແຫ່ງ ຍີ່ປຸ່ນ ປະຈຳ ຫວຽດນາມ ກໍ່​ໃຫ້​ຮູ້​ວ່າ ຍີ່ປຸ່ນ ​ແລະ ຫວຽດນາມ ​ແມ່ນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ເພື່ອ​ສັນຕິພາບ ​ແລະ ຄວາມ​ຈະ​ເລີ​ນຮຸ່ງ​ເຮືອງ​ຢູ່ ອາຊີ ​ແລະ ​ໃນ​ໂລກ. ຍີ່ປຸ່ນ ​ຖື​ເປັນ​ສຳຄັນ​ການ​ພົວພັນ​ໃໝ່​ນີ້, ​ໃນ​ນັ້ນ ​ມີ​ຫຼາຍ​ຂົງ​ເຂດ​ໄດ້​ຮັບ​ການ​ຊຸກຍູ້​ຄື​ການທ່ອງທ່ຽວ, ການ​ພົບ​ປະ​ແລກປ່ຽນ​ປະຊາຊົນ, ການ​ແລກປ່ຽນ​ລະຫວ່າງ​ທ້ອງ​ຖິ່ນ...

ທ່ານ Ito Naoki ກໍ່​ປາດ​ຖະໜາ​ວ່າ ພາຍຫຼັງ​ສັບປະດາ​ວັດທະນະທຳ ຫວຽດນາມ - ຍີ່ປຸ່ນ ​ໃນ​ຄັ້ງ​ນີ້, ຈະ​ດຶງ​ດູດ​ນັກ​ທ່ອງ​ທ່ຽວ​ຈາກ ຍີ່​ປຸ່ນ ມາ ຫວຽດນາມ ​ເປັນ​ຈຳນວນ​ຫຼວງ​ຫຼາຍ ກໍ່​ຄືມາແຂວງ ​ໄຕ​ນິງ ​ແລະ ​ກົງກັນຂ້າມ.

ສັບປະດາວັດທະນະທຳ ຫວຽດນາມ - ຍີ່ປຸ່ນ ໄດ້ດຳເນີນແຕ່ວັນທີ 1 – 8 ທັນວາ ດ້ວຍການເຄື່ອນໄຫວຫຼາຍຢ່າງເພື່ອລົງຕົວຈິງກັບວັດທະນະທຳທີ່ເປັນເອກະລັກພິເສດຂອງ ຍີ່ປຸ່ນ ປະສົມກັບຄວາມງາມດ້ານວັດທະນະທຳພື້ນເມືອງຂອງດິນແດນ ໄຕນິງ.

ສະ​​ຫະ​ພັນ​ນັກ​ທຸ​ລະ​ກິດ ໄຕ​້ຫວັນ​ ສະ​ໜັບ​ສະ​ໜູນວັດ​ຖຸ​ອຸ​ປະ​ກອນ​ການ​ແພດ​ໃຫ້ແຂວງ​ເລິມ​ດົ່ງ ຍ​ສ​ໝ - ວັນ​ທີ 6 ກັນ​ຍາ, ຄະ​ນະ​​ສະຫະ​ພັນ​ນັກ​ທຸ​ລະ​ກິດ ໄຕ້​ຫວັນ ແຂວງ ເລິມ​ດົ່ງ ໄດ້​ມາ​ສະ​ໜັບ​ສະ​ໜູນ​ວັດ​ຖຸ​ອຸ​ປະ​ກອນ​ການ​ແພດ​ຈຳ​ນວນ​ໜຶ່ງໃຫ້ແຂວງ​ເລິມ​ດົ່ງ ​ເພື່​ອ​ປ້ອງ​ກັນ, ​ຕ້ານ​ໂລກ​ລະ​ບາດ​ໂຄວິດ - 19 ໂດຍມີ​ມູ​ນ​ຄ່າ 270 ລ້ານ​ດົ່ງ.

ທ່ານ​ນາ​ຍົກ​ລັດ​ຖະ​ມົນ​ຕີຫງວຽນ​ຊວນ​ຟຸກ ເຂົ້າ​ຮ່ວມ​ພິ​ທີ​ຕອບ​ສະ​ໜອງ​ໂຄງ​ການ​ປູກ​ຕົ້ນ​ໄມ້ 1 ຕື້​ຕົ້ນ ແລະ ​ເຮັດ​ວຽກ​ກັບ​ການ​ນຳ​ແຂ​ວງ​ເງະ​ອານ ທີ່ພິທີປູກລະດົມ, ກະຊວງຊັບພະຍາກອນ ແລະ ສິ່ງແວດລ້ອມໄດ້ມອບຕົ້ນໄມ້ 10.000 ຕົ້ນໃຫ້ແກ່ປະຊາຊົນເມືອງ ໂດເລືອງ, ແຂວງເງະອານ. ການນຳແຂວງເງະອານໃຫ້ຮູ້ວ່າ, ນັບແຕ່ນີ້ຮອດປີ 2025 ຈະປູກຕົ້ນໄມ້ 50 ລ້ານຕົ້ນ, ເພື່ອປະກອບສ່ວນເຂົ້າໂຄງການປູກຕົ້ນໄມ້ 1 ຕື້ຕົ້ນ ໂດຍທ່ານນາຍົກລັດຖະມົນຕີປູກລະດົມ.