ຫວຽດນາມ-ລາວ-ກຳປູເຈຍ ຈັດຕັ້ງການຝຶກຊ້ອມກູ້ໄພ-ກູ້ຊີບປະສົບຜົນສໍາເລັດຢ່າງຈົບງາມ

	ພັດທະນາວັດທະນະທຳຢູ່ເຂດຊາຍແດນ ຫວຽດນາມ - ລາວ - ກຳປູເຈຍ
	ກອງທັບ ຫວຽດນາມ, ກຳປູເຈຍ ແລະ ລາວ ຈະເຝິກຊ້ອມການກູ້ໄພຮ່ວມ

ຕອນເຊົ້າວັນທີ 25 ພະຈິກ, ຢູ່ສູນອົບຮົມສາລະວັດທະຫານລາຊະອານາຈັກກໍາປູເຈຍ, ແຂວງ Kampong Chhnang, ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານພົນເອກ ຈັນສະໝອນ ຈັນຍາລາດ, ກໍາມະການກົມການເມືອງສູນກາງພັກປະຊາຊົນປະຕິວັດລາວ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ ແລະທ່ານພົນເອກ Tea Seiha, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດກໍາປູເຈຍ ເຂົ້າຮ່ວມ ແລະຊົມການຝຶກຊ້ອມກູ້ໄພ-ກູ້ຊີບຮ່ວມລະຫວ່າງກອງທັບສາມປະເທດຫວຽດນາມ-ລາວ-ກຳປູເຈຍ.

ລັດຖະມົນຕີກະຊວງປ້ອງກັນປະເທດຫວຽດນາມ-ລາວ-ກຳປູເຈຍ ຊົມການຝຶກຊ້ອມກູ້ໄພ-ກູ້ຊີບຮ່ວມລະຫວ່າງກອງທັບສາມປະເທດ. ພາບ: vov.vn

ການຝຶກຊ້ອມມີຫົວຂໍ້ວ່າ "ກູ້ຊີບ-ກູ້ໄພໃນກໍລະນີກິດຈະການພັງທະລາຍ", ໂດຍສຸມໃສ່ສອງເນື້ອໃນຕົ້ນຕໍ. ເນື້ອໃນທີ 1 ແມ່ນການຝຶກຊ້ອມກູ້ຊີບໃນກໍລະນີກິດຈະການພັງທະລາຍ, ລວມທັງການຊອກຫາຜູ້ປະສົບເຄາະຮ້າຍ, ປະຖົມພະຍາບານ ແລະຂົນສົ່ງຜູ້ປະສົບເຄາະຮ້າຍໄປໂຮງໝໍສະໜາມຂັ້ນ 1. ເນື້ອໃນທີ 2 ແມ່ນການຝຶກຊ້ອມແພດທະຫານ.

ການຝຶກຊ້ອມຄັ້ງນີ້ໄດ້ຮັບຜົນສຳເລັດຢ່າງຈົບງາມ, ນີ້ແມ່ນການເຄື່ອນໄຫວແທດຈິງໃນການຮ່ວມມືດ້ານປ້ອງກັນຊາດລະຫວ່າງຫວຽດນາມ-ລາວ-ກຳປູເຈຍ. ຜ່ານການຝຶກຊ້ອມດັ່ງກ່າວ, ບັນດາກຳລັງກູ້ໄພກູ້ຊີບຂອງກອງທັບ 3 ປະເທດຈະເປັນເຈົ້າການກວ່າອີກໃນວຽກງານສົມທົບກັນ, ໜູນຊ່ວຍເຊິ່ງກັນ ແລະກັນ ໃນກໍລະນີເກີດໄພພິບັດ, ຈຳກັດຄວາມເສຍຫາຍກ່ຽວກັບຊີວິດ ແລະຊັບສິນໃຫ້ຢູ່ໃນລະດັບຕ່ຳສຸດ, ຮັບປະກັນຊີວິດສະຫງົບສຸກໃຫ້ແກ່ປະຊາຊົນ.

ໃນວັນດຽວກັນ, ທ່ານພົນເອກ ຟານວັນຢາງ ແລະຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໄດ້ໄປຢ້ຽມຢາມໂຮງຮຽນມັດທະຍົມຕອນປາຍ Tep Pronom.

ກຳປູເຈຍ - ລາວ - ມຽນມາ - ຫວຽດນາມ ຊຸກຍູ້ການຮ່ວມມື ຍສໝ - ປີ 2018, ໃນຖານະບົດບາດເປັນປະທານຮ່ວມມື ກຳປູເຈຍ - ລາວ - ມຽນມາ - ຫວຽດນາມ (CLMV), ຫວຽດນາມ ໄດ້ຈັດຕັ້ງກອງປະຊຸມສຸດຍອດ CLMV ຄັ້ງທີ 8 ສຳເລັດຜົນດ້ວຍການເຫັນດີເປັນເອກະພາບມອບໃຫ້ບັນດາລັດຖະມົນຕີເສດຖະກິດສົມທົບກັບຄະນະເລຂາອາຊຽນ ແລະໜ່ວຍທີ່ປຶກສາສ້າງກອບພັດທະນາ CLMV ແລະລາຍງານຕໍ່ການນໍາຂັ້ນສູງ ເພື່ອອະນຸມັດຜ່ານ. ນີ້ແມ່ນເອກະສານມີລັກສະນະກໍານົດທິດທາງຍຸດທະສາດກ່ຽວກັບການຮ່ວມມືດ້ານເສດຖະກິດລະຫວ່າງບັນດາປະເທດ CLMV, ...

ກິດຈະກໍາລະຫຼິ້ນບັນເທີງທີ່ມີປະໂຫຍດໃຫ້ແກ່ເຍົາວະຊົນອະນຸຊົນ ຫວຽດນາມ - ລາວ - ກຳປູເຈຍ ຍສໝ - ງານມະໂຫລານໄດ້ສ້າງຄວາມປະທັບໃຈອັນດີງາມໃຫ້ແກ່ເຍົາວະຊົນອະນຸຊົນລາວ ແລະກຳປູເຈຍ ກ່ຽວກັບຜືນແຜ່ນດິນ, ປະຊາຊົນ, ໄວໜຸ່ມນະຄອນ ໂຮ່ຈີມິນ.