 | ກຳປູເຈຍ - ລາວ - ມຽນມາ - ຫວຽດນາມ ຊຸກຍູ້ການຮ່ວມມື |
| ກິດຈະກໍາລະຫຼິ້ນບັນເທີງທີ່ມີປະໂຫຍດໃຫ້ແກ່ເຍົາວະຊົນອະນຸຊົນ ຫວຽດນາມ - ລາວ - ກຳປູເຈຍ |
ປະຕິບັດແຜນການເຂົ້າຮ່ວມການເຝິກຊ້ອມກູ້ໄພຮ່ວມ ລະຫວ່າງກອງທັບ 3 ປະເທດ ຫວຽດນາມ - ກຳປູເຈຍ - ລາວ, ຫວ່າງມໍ່ໆມານີ້, ທະຫານເຂດ 5 ໄດ້ສົມທົບກັບບັນດາອົງການຂຶ້ນກັບກະຊວງປ້ອງກັນປະເທດ ໄດ້ແນະນຳໃຫ້ບັນດາອົງການ, ຫົວໜ່ວຍປະຕິບັດງານເປັນຢ່າງດີ; ຈັດຕັ້ງການຝຶກອົບຮົມພາຍໃນປະເທດກ່ອນທີ່ຈະເຂົ້າຮ່ວມການເຝິກຊ້ອມຢູ່ ກໍາປູເຈຍ.
 |
| ບັນຍາກາດທີ່ກອງປະຊຸມ. |
ທະຫານເຂດ 5 ຈະເຂົ້າຮ່ວມການເຝິກຊ້ອມຮ່ວມກັບກອງທັບ ກຳປູເຈຍ ແລະ ລາວ ຢູ່ແຂວງ Kampong Chnang, ກຳປູເຈຍ ລວມມີບັນດາເນື້ອໃນ: ການກະທຳຂອງໝວດກູ້ຊີບ, ກູ້ໄພ ເຮັດໜ້າທີ່ຊ່ວຍກູ້ກິດຈະການພັງລົງ; ໂຮງໝໍເຄື່ອນທີ່ຂັ້ນ 1 ແລະ 2, ເຂົ້າຮ່ວມແບ່ງປະເພດຜູ້ຖືກເຄາະຮ້າຍຕາມບັນດາລະດັບຖືກບາດເຈັບບໍ່ໜັກ, ຖືກບາດເຈັບລະດັບກາງ ແລະ ຖືກບາດເຈັບໜັກ; ຮັບ, ຊ່ວຍປິ່ນປົວ, ເບິ່ງແຍງ, ປິ່ນປົວພະຍາດ ແລະ ເຄື່ອນຍ້າຍບັນດາຜູ້ຖືກເຄາະຮ້າຍດ້ວຍພາຫະນະສຸກເສີນ, ໃນນັ້ນ ມີການຂົນສົ່ງດ້ວຍຍົນເຮລິຄອບເຕີ; ການເຝິກແອບກຳລັງແຮງ, ການຝຶກປະກອບດ້ວຍອາວຸດຢ່າງຄົບຊຸດ.
ທ່ານພົນຕີ ຖາຍດ້າຍຫງອກ, ຜູ້ບັນຊາການທະຫານເຂດ 5 ເນັ້ນໜັກວ່າ ນີ້ບໍ່ພຽງແຕ່ແມ່ນການປະຕິບັດໜ້າທີ່ການທູດປ້ອງກັນຊາດຂອງກອງທັບປະຊາຊົນ ຫວຽດນາມ ເວົ້າລວມ ແລະ ທະຫານເຂດ 5 ເວົ້າສະເພາະ ເທົ່ານັ້ນ, ຫາກຍັງເປັນຜູ້ຕາງໜ້າໃຫ້ພາບພົດ, ຖານະບົດບາດຂອງປະເທດຊາດອີກດ້ວຍ.
ສະນັ້ນ, ທະຫານແຕ່ລະຄົນຕ້ອງກຳນົດອຸດົມການ, ຄວາມຮັບຜິດຊອບຂອງຕົນຢ່າງຈະແຈ້ງ, ກຳແໜ້ນໜ້າທີ່, ພະຍາຍາມເຮັດສຳເລັດທຸກໜ້າທີ່ທີ່ໄດ້ຮັບມອບໝາຍ; ປະຕິບັດບັນດາຂໍ້ກຳນົດໃນວຽກງານການທູດຢ່າງເຂັ້ມງວດ; ການຈັດຕັ້ງກຳລັງເຄື່ອນທີ່ເຂົ້າຮ່ວມປະຕິບັດໜ້າທີ່ຢູ່ປະເທດຕົນຕ້ອງແໜ້ນແຟ້ນ, ມີຄວາມລອບຄອບ, ແລະ ຮັບປະກັນຄວາມປອດໄພເດັດຂາດກ່ຽວກັບທຸກດ້ານ.
ຜ່ານການເຝິກຊ້ອມນີ້ ກໍ່ໄດ້ປະກອບສ່ວນຮັດແໜ້ນສາຍພົວພັນສາມັກຄີ, ມິດຕະພາບລະຫວ່າງ 3 ປະເທດ ຫວຽດນາມ - ລາວ - ກຳປູເຈຍ, ເຜີຍແຜ່ພາບພົດອັນດີງາມຂອງທະຫານປະຊາຊົນປະຕິວັດ ແລະ ຄຸນສົມບັດຂອງ “ທະຫານ ລຸງໂຮ່” ໃນໄລຍະໃໝ່.
ຕາມແຜນການ, ການເຝິກຊ້ອມຮ່ວມ ດຳເນີນແຕ່ວັນທີ 17 – 25 ພະຈິກ.
 | ເພີ່ມທະວີການໜູນຊ່ວຍດ້ານຕຸລາການໃຫ້ບັນດາແຂວງຊາຍແດນ ຫວຽດນາມ - ກຳປູເຈຍ - ລາວ ຍສໝ - ວັນທີ 18 ກໍລະກົດ, ຢູ່ແຂວງ ກວາງນາມ, ກອງປະຊຸມຄັ້ງທີ 7 ຂອງສານບັນດາແຂວງຊາຍແດນຫວຽດນາມ - ກຳປູເຈຍ - ລາວ ໄດ້ໄຂຂຶ້ນ. |
 | ເວທີປາໄສການຮ່ວມມື ODA: 4 ບັນຫາຕົ້ນຕໍກ່ຽວກັບຄົນພິການຢູ່ ກຳປູເຈຍ - ລາວ - ຫວຽດນາມ ຍສໝ - ໂດຍດຳເນີນເປັນເວລາ 2 ວັນ, ແຕ່ວັນທີ 8-9 ກໍລະກົດ, ຢູ່ນະຄອນ ດົງຮ່າ (ແຂວງ ກວາງຈິ), ເວທີປາໄສການຮ່ວມມື ODA ກ່ຽວກັບການພັດທະນາການເຊື່ອມໂຍງໃຫ້ຄົນພິການຢູ່ 3 ປະເທດອະນຸພາກພື້ນແມ່ນ້ຳຂອງ (ກຳປູເຈຍ, ລາວ ແລະ ຫວຽດນາມ) ໄດ້ເປີດກາລະໂອກາດໃໝ່ ບໍ່ພຽງແຕ່ໃຫ້ຄົນພິການ ຫາກຍັງສໍາລັບປະຊາຊົນທັງຫມົດ. |
ແທັງຮັ່ງ
