ກຳປູເຈຍ - ລາວ - ມຽນມາ - ຫວຽດນາມ ຊຸກຍູ້ການຮ່ວມມື

	ເວທີປາໄສການຮ່ວມມື ODA: 4 ບັນຫາຕົ້ນຕໍກ່ຽວກັບຄົນພິການຢູ່ ກຳປູເຈຍ - ລາວ - ຫວຽດນາມ
	ໄວ້ອາໄລ ແລະ ເຮັດພິທີທາງສາສະໜາອັດຖິນັກຮົບອາສາສະໝັກ ຫວຽດນາມ ທີ່ເສຍສະຫຼະຊີວິດເພື່ອຊາດຢູ່ ລາວ ແລະ ກຳປູເຈຍ

ກ່ອນໜ້ານີ້, ທີ່ກອງປະຊຸມສຸດຍອດອາຊຽນ - ຍີ່ປຸ່ນ, ເດືອນທັນວາ 2003, ໂຕກຽວ, ຍີ່ປຸ່ນ, ການນຳຂັ້ນສູງຂອງບັນດາປະເທດກຳປູເຈຍ, ລາວ, ມຽນມາ ແລະຫວຽດນາມ ໄດ້ເຫັນດີຈັດຕັ້ງກອງປະຊຸມສຸດຍອດ CLMV ຄັ້ງທີ 1 ເນື່ອງໃນໂອກາດກອງປະຊຸມສຸດຍອດອາຊຽນ ຄັ້ງທີ 10 (ວຽງຈັນ, ພະຈິກ 2004).

ຊຸກຍູ້ການຮ່ວມມືລະຫວ່າງ ກຳປູເຈຍ - ລາວ - ມຽນມາ - ຫວຽດນາມ. ພາບ: dangcongsan.vn

ວັນທີ 28 ພະຈິກ 2004, ກອງປະຊຸມສຸດຍອດ CLMV ໄດ້ຮັບຮອງເອົາຖະແຫຼງການວຽງຈັນ ວ່າດ້ວຍການເພີ່ມທະວີການຮ່ວມມື ແລະການເຊື່ອມໂຍງດ້ານເສດຖະກິດລະຫວ່າງບັນດາປະເທດ CLMV ຢັ້ງຢືນເຖິງຄວາມຕັດສິນໃຈຂອງບັນດາປະເທດ CLMV ເພື່ອເພີ່ມທະວີການຮ່ວມມືດ້ານເສດຖະກິດ ແລະການເຊື່ອມໂຍງໃນຂອບເຂດອະນຸພາກພື້ນແມ່ນໍ້າຂອງ, ອາຊຽນ ແລະພາກພື້ນ; ຮຽກຮ້ອງໃຫ້ບັນດາປະເທດ ແລະອົງການຈັດຕັ້ງສາກົນເພີ່ມທະວີການໜູນຊ່ວຍໃຫ້ 4 ປະເທດ ເພື່ອແນໃສ່ຮັດແຄບຊ່ອງຫວ່າງການພັດທະນາ.

ການສ້າງຕັ້ງການຮ່ວມມື CLMV ແມ່ນໜຶ່ງໃນບັນດາຄວາມມານະພະຍາຍາມ ເພື່ອຕອບສະໜອງຄວາມຮຽກຮ້ອງຕ້ອງການພາວະວິໄສຂອງການເຊື່ອມໂຍງອະນຸພາກພື້ນແມ່ນ້ຳຂອງ ແລະອາຊຽນ. ປີ 2003, ອາຊຽນ ໄດ້ຮັບຮອງເອົາຖະແຫຼງການ Bali II (Bali Concord II) ຢືນຢັນເປົ້າໝາຍສ້າງປະຊາຄົມອາຊຽນ ດ້ວຍ 3 ເສົາຄ້ຳ, ຄື: ປະຊາຄົມຄວາມໝັ້ນຄົງອາຊຽນ (ASC), ປະຊາຄົມເສດຖະກິດອາຊຽນ (AEC), ປະຊາຄົມວັດທະນະທຳ - ສັງຄົມອາຊຽນ (ASCC). ການຮ່ວມມື CLMV ໄດ້ຮັບການກຳເນີດຈາກແນວຄິດຮັດແຄບຊ່ອງຫວ່າງໃນການພັດທະນາ ເພື່ອຊຸກຍູ້ການເຊື່ອມໂຍງຂອງບັນດາປະເທດ CLMV ເຂົ້າໃນວິວັດທະນາການພັດທະນາລວມຂອງພາກພື້ນ. ການຮ່ວມມື CLMV ແມ່ນກົນໄກຮ່ວມມືເປີດ, ດ້ານໜຶ່ງແມ່ນເສີມຂະຫຍາຍທ່າໄດ້ປຽບ ແລະຄວາມສາມາດບົ່ມຊ້ອນແຫ່ງການຮ່ວມມືທີ່ມີຢູ່ແລ້ວຂອງບັນດາປະເທດ CLMV, ແຕ່ດ້ານໜຶ່ງອີກກໍ່ແມ່ນຊ່ອງທາງຮຽກຮ້ອງການໜູນຊ່ວຍຈາກບັນດາປະເທດອາຊຽນອື່ນ ແລະບັນດາຄູ່ຮ່ວມມືພັດທະນາສະຫງວນໃຫ້ແກ່ບັນດາປະເທດ CLMV. ນອກຈາກນັ້ນ, ການຮ່ວມມື CLMV ກໍ່ເປັນເວທີປາໄສ ເພື່ອໃຫ້ບັນດາປະເທດ CLMV ສົມທົບກັນໃນວິວັດກາການເຊື່ອມໂຍງເສດຖະກິດອາຊຽນ.

ກ່ຽວກັບກົນໄກຮ່ວມມື, ມາຮອດປະຈຸບັນກອງປະຊຸມສຸດຍອດ CLMV ໄດ້ຈັດຂຶ້ນ 2 ປີ/ເທື່ອໜຶ່ງ, ເພື່ອຕົກລົງບັນດາບັນຫາໃຫຍ່ ແລະກໍານົດທິດທາງຮ່ວມມື CLMV. ບັນດາກອງປະຊຸມລັດຖະມົນຕີ ແລະກອງປະຊຸມ SOM CLMV ໄດ້ຈັດຂຶ້ນ ກ່ອນກອງປະຊຸມສຸດຍອດ. ເພື່ອຜັນຂະຫຍາຍບັນດາຂົງເຂດຮ່ວມມື, ບັນດາປະເທດ CLMV ໄດ້ເຫັນດີສ້າງຕັ້ງ 8 ກຸ່ມປະຕິບັດງານລວມມີການຄ້າ - ການລົງທຶນ, ພັດທະນາແຫຼ່ງຊັບພະຍາກອນມະນຸດ, ກະສິກຳ, ອຸດສາຫະກຳ, ພະລັງງານ, ເຕັກໂນໂລຊີຂໍ້ມູນຂ່າວສານ ແລະການສື່ສານ, ການຈະລາຈອນ ແລະການທ່ອງທ່ຽວ.

ນັບແຕ່ກອງປະຊຸມສຸດຍອດ CLMV ຄັ້ງທີ 10 (ເດືອນ ທັນວາ 2020, ທາງອອນໄລ) ມາຮອດປະຈຸບັນ, ບັນດາສະມາຊິກໄດ້ສຸມໃສ່ ຜັນຂະຫຍາຍຂອບການພັດທະນາ CLMV ແລະບັນລຸໄດ້ບັນດາໝາກຜົນສຳຄັນ, ຄື: ສ້າງ ແລະອະນຸມັດຜ່ານແຜນການຜັນຂະຫຍາຍຂອບພັດທະນາ CLMV ຢູ່ກອງປະຊຸມລັດຖະມົນຕີເສດຖະກິດ CLMV ຄັ້ງທີ 14 (ປີ 2022); ຜັນຂະຫຍາຍບັນດາໂຄງການຍົກສູງຄວາມສາມາດ, ງານຕະຫຼາດນັດສົ່ງເສີມການຄ້າ ແລະການລົງທຶນໃນຂອບເຂດແຜນການກະທໍາ CLMV 2021-2022 ແລະ 2023-2024; ...

ປີ 2024 ແມ່ນ ປີສະເຫຼີມສະຫຼອງ 20 ປີແຫ່ງວັນສ້າງຕັ້ງການຮ່ວມມືກຳປູເຈຍ - ລາວ - ມຽນມາ - ຫວຽດນາມ (CLMV). ການຮ່ວມມື CLMV ໄດ້ປະກອບສ່ວນສຳຄັນເຂົ້າໃນການພັດທະນາຂອງ 4 ປະເທດ ແລະອະນຸພາກພື້ນແມ່ນ້ຳຂອງ, ໂດຍສະເພາະແມ່ນການຊຸກຍູ້ການພັດທະນາແບບຍືນຍົງ, ຮັດແຄບຊ່ອງຫວ່າງການພັດທະນາ ແລະການສ້າງປະຊາຄົມ; ປະກອບສ່ວນສຳຄັນຊ່ວຍໃຫ້ບັນດາພື້ນຖານເສດຖະກິດ CLMV ເຕີບໂຕໃນລະດັບສູງຢູ່ພາກພື້ນ...

ຫວຽດນາມ ແມ່ນສະມາຊິກທີ່ຕັ້ງໜ້າ ແລະມີຄວາມຮັບຜິດຊອບ, ໄດ້ ແລະພວມມີການປະກອບສ່ວນສຳຄັນຫຼາຍຢ່າງເຂົ້າໃນການຮ່ວມມື CLMV. ນັບແຕ່ເຂົ້າຮ່ວມການຮ່ວມມື CLMV, ຫວຽດນາມ ໄດ້: ເປັນເຈົ້າການສະເໜີ ແລະຜັນຂະຫຍາຍຫຼາຍແນວຄວາມຄິດໃໝ່, ປະກອບສ່ວນສ້າງບັນດາເອກະສານສຳຄັນ, ສ້າງຕັ້ງ ແລະຊຸກຍູ້ບັນດາຂໍ້ລິເລີ່ມ, ສະໜອງການໜູນຊ່ວຍພັດທະນາໃຫ້ບັນດາປະເທດສະມາຊິກ, ໃນນັ້ນມີກອງທຶນສຶກສາ CLMV ແຕ່ລະປີສະໜອງທຶນການສຶກສາໃຫ້ 20 ທຶນໃຫ້ນັກສຶກສາບັນດາປະເທດ CLMV ເພື່ອຊຸກຍູ້ການກໍ່ສ້າງຊັບພະຍາກອນມະນຸດທີ່ມີຄຸນນະພາບສູງໃຫ້ແກ່ອະນຸພາກພື້ນ; ສວມບົດບາດປະສານງານໃນຫຼາຍຂົງເຂດຮ່ວມມືລົງເລິກຂະແໜງ, ຜັນຂະຫຍາຍຫຼາຍວຽກງານແທດຈິງ ເພື່ອຊ່ວຍຊຸກຍູ້ການຮ່ວມມືຮອບດ້ານລະຫວ່າງ 5 ປະເທດ; ສະແດງໃຫ້ເຫັນບົດບາດຊັກນໍາ, ຕັ້ງໜ້າຊຸກຍູ້ການຮ່ວມມືລະຫວ່າງບັນດາປະເທດ ເພື່ອການພັດທະນາລວມຂອງພາກພື້ນ, ຊຸກຍູ້ການຮ່ວມມືແມ່ນ້ຳຂອງໃຫ້ນັບມື້ນັບເຂົ້າສູ່ລວງເລິກ, ແທດຈິງ ແລະມີປະສິດທິຜົນ.

ປີ 2018, ໃນຖານະບົດບາດເປັນປະທານຮ່ວມມື ກຳປູເຈຍ - ລາວ - ມຽນມາ - ຫວຽດນາມ (CLMV), ຫວຽດນາມ ໄດ້ຈັດຕັ້ງກອງປະຊຸມສຸດຍອດ CLMV ຄັ້ງທີ 8 ສຳເລັດຜົນດ້ວຍການເຫັນດີເປັນເອກະພາບມອບໃຫ້ບັນດາລັດຖະມົນຕີເສດຖະກິດສົມທົບກັບຄະນະເລຂາອາຊຽນ ແລະໜ່ວຍທີ່ປຶກສາສ້າງກອບພັດທະນາ CLMV ແລະລາຍງານຕໍ່ການນໍາຂັ້ນສູງ ເພື່ອອະນຸມັດຜ່ານ. ນີ້ແມ່ນເອກະສານມີລັກສະນະກໍານົດທິດທາງຍຸດທະສາດກ່ຽວກັບການຮ່ວມມືດ້ານເສດຖະກິດລະຫວ່າງບັນດາປະເທດ CLMV, ເປັນຄັ້ງທຳອິດທີ່ໄດ້ຮັບການສ້າງຕັ້ງນັບແຕ່ມີກົນໄກຮ່ວມມື CLMV.

ກະຊວງປອງກັນປະເທດ ຫວຽດນາມ - ລາວ - ກຳປູເຈຍ ເພີ່ມທະວີການຮ່ວມມື ຍສໝ - ​ເນື່ອງ​ໃນ​ໂອກາດ​ເຂົ້າ​ຮ່ວມ​ກອງ​ປະຊຸມໃນວົງແຄບກະຊວງປອງກັນປະເທດ ອາ​ຊຽນ (ADMM ແຄບ), ຕອນ​ບ່າຍ​ວັນ​ທີ 4 ມີນາ, ຢູ່​ແຂວງ ຫລວງ​ພະ​ບາງ, ​ແຂວງ​ພາກ​ເໜືອ​ຂອງ​ລາວ, ທ່ານ​ພົນໂທ ຫງວຽນ​ເຕີນເກືອງ - ຫົວໜ້າເສນາທິການໃຫຍ່ ກອງທັບ​ປະຊາຊົນ​ ຫວຽດນາມ, ລັດຖະມົນຕີກະຊວງ​ປ້ອງ​ກັນ​ປະ​ເທດ​ ໄດ້ມີບັນດາການພົບພະຫຼາຍຝ່າຍກັບທ່ານພົນເອກ ຈັນສະໝອນ ຈັນຍາລາດ - ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ ...

ກະຊວງປ້ອງກັນປະເທດ ຫວຽດນາມ - ລາວ - ກຳປູເຈຍ ເພີ່ມທະວີການຮ່ວມມື ຍສໝ - ເນື່ອງ​ໃນ​ໂອກາດ​ເຂົ້າ​ຮ່ວມ​ກອງ​ປະຊຸມ​ລັດຖະມົນຕີ​ປ້ອງ​ກັນ​ປະ​ເທດ ອາ​ຊຽນ (ADMM ແຄບ), ຕອນ​ບ່າຍ​ວັນ​ທີ 4 ມີນາ, ຢູ່​ແຂວງ ຫລວງ​ພະ​ບາງ, ​ແຂວງ​ພາກ​ເໜືອ​ຂອງ​ລາວ, ທ່ານພົນໂທຫງວຽນ​ເຕີນ​ເກື່ອງ, ຫົວໜ້າ​ເສນາ​ທິການ​ໃຫຍ່​ກອງທັບ​ປະຊາຊົນ​ຫວຽດນາມ, ຮອງ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ຫວຽດນາມ ​ໄດ້​ມີ​ການ​ພົບ​ປະ​ສອງ​ຝ່າຍ​ກັບ​ທ່ານ​ພົນເອກຈັນ​ສະໝອນ ຈັນຍາລາດ - ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ​ລາວ ​ແລະ ທ່ານ​ພົນເອກ Tea Seiha - ...