| ທິມບານເຕະຫວຽດນາມ ສ້າງປະຫວັດສາດ ເມື່ອເປັນຄັ້ງທຳອິດສາມາດເຂົ້າແຂ່ງຂັນຮອບຄັດເລືອກທີ 3 World Cup 2022 | |
| ຫວຽດນາມ ຊະນະ ອິນໂດເນເຊຍ 4-0 ປະຕູ ຢູ່ຮອບຄັດເລືອກ World Cup 2022 |
 |
| ຮອດທ້າຍໄຕມາດທີ 1 ປີ 2022 ຈະມີພົນລະເມືອງກວ່າ 70% ໄດ້ສັກວັກຊິນ. (ພາບ: moh.gov.vn) |
ເລື່ອງສັກວັກຊິນຈະໄດ້ຮັບການປະຕິບັດນັບແຕ່ເດືອນ ກໍລະກົດ 2021 ຮອດເດືອນ ເມສາ 2022, ໃນນັ້ນ, ຢ່າງໜ້ອຍສຸດມີ 50% ຜູ້ມີອາຍຸແຕ່ 18 ປີຂຶ້ນໄປຈະໄດ້ສັກວັກສິນກັນໂຄວິດ-19 ໃນປີ 2021 ແລະ ຮອດທ້າຍໄຕມາດທີ 1 ປີ 2022 ຈະມີພົນລະເມືອງກວ່າ 70% ໄດ້ສັກວັກຊິນ.
ທ່ານລັດຖະມົນຕີກະຊວງສາທາລະນະສຸກຫວຽດນາມ ຫງວຽນແທງລອງ ເນັ້ນໜັກວ່າ, ນີ້ແມ່ນບັ້ນເຄື່ອນໄຫວສັກວັກຊິນໃຫຍ່ທີ່ສຸດມາຮອດປະຈຸບັນ, ທ່ານຍັງໃຫ້ຮູ້ວ່າ, ໃນເດືອນ ກໍລະກົດ ນີ້, ຫວຽດນາມ ຈະຮັບວັກຊິນກັນໂຄວິດ-19 ຈຳນວນແຕ່ 8 ຫາ 10 ລ້ານໂດສ ແລະ ເຈລະຈາເພື່ອໃຫ້ຄົບ 150 ລ້ານໂດສ ຄືດັ່ງໄດ້ໃຫ້ຄຳໝັ້ນສັນຍາກັບລັດຖະບານ.
ນັບແຕ່ເວລາ 18 ໂມງ ຂອງວັນທີ 1 ກໍລະກົດ ຫາເວລາ 6 ໂມງຂອງວັນທີ 2 ກໍລະກົດ ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ຕື່ມອີກ 151 ຄົນ. ດັ່ງນັ້ນ, ໄລ່ຮອດເວລາ 6 ໂມງຂອງວັນທີ 2 ກໍລະກົດ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 17.724 ຄົນ, ໃນນັ້ນມີ ຜູ້ເສຍຊີວິດ 81 ຄົນ.
ໄຊພອນ
