ຫວຽດນາມ ເຂົ້າຮ່ວມງານບຸນອາຫານ, ວາງສະແດງ ແລະຈຳໜ່າຍຜະລິດຕະພັນຢູ່ ລາວ

	ຫົວໜ້າຄະນະໂຄສະນາສຶກສາສູນກາງ ຫງວຽນຈ້ອງເຫງຍ ຢ້ຽມຢາມ ງານຕະຫຼາດນັດ - ວາງສະແດງ ຫວຽດນາມ - ລາວ
	ຫວຽດນາມ - ລາວ: ກໍ່ສ້າງອຸດົມການຮ່ວມກັນ: ການຮ່ວມມືດ້ານອຸດົມຄະຕິ ແລະ ທິດສະດີ ແລະ ກໍ່ສ້າງພັກແມ່ນຫຼັກໝັ້ນຂອງການພົວພັນທາງການເມືອງ ຫວຽດນາມ - ລາວ.

ບັນດາ​ຜູ້​ແທນ​ໄປ​ຢ້ຽມຊົມຮ້ານແນະນຳວາງສະ​ແດງ ​ແລະ ຈຳໜ່າຍ​ຜະລິດ​ຕະພັນ​ຂອງ​ແຂວງ​ຄຳ​ມ່ວນ ປີ 2024. (ພາບ: ສຳນັກຂ່າວສານ ຫວຽດນາມ)

ແຕ່​ວັນ​ທີ 13-17 ພະຈິກ​ນີ້, ຢູ່​ແຂວງ​ຄຳ​ມ່ວນ ພາກ​ກາງ​ຂອງ​ລາວ ໄດ້ຈັດຕັ້ງງານ​ບຸນ​ອາຫານ​, ວາງສະແດງ ​ແລະ ຈຳໜ່າຍ​ຜະລິດ​ຕະພັນຂອງ​ແຂວງ​ຄຳ​ມ່ວນ 2024. ​ເຂົ້າຮ່ວມເຫດການດັ່ງມີ​ ທ່ານນາຍົກລັດຖະມົນຕີ ສປປ ລາວ ສອນ​ໄຊ ສີ​ພັນ​ດອນ; ຜູ້ຕາງໜ້າກົງສຸນໃຫຍ່ ສສ ຫວຽດນາມ ປະຈໍາ ແຂວງສະຫວັນນະເຂດ ຂຶ້ນກັບພາກ​ກາງ​ຂອງ​ລາວ; ຜູ້ຕາງໜ້າອຳນາດການປົກຄອງ​ແຂວງ​ຄຳ​ມ່ວນ, ພ້ອມ​ດ້ວຍ​ຜູ້ຕາງໜ້າບັນດາ​ວິ​ສາ​ຫະກິດ​ຂອງ 3 ປະ​ເທດ ລາວ - ຫວຽດນາມ - ​ໄທ ​ແລະ ປະຊາຊົນ​ແຂວງ​ຄຳ​ມ່ວນ ຢ່າງຫຼວງຫຼາຍ.

ຕາມນັກຂ່າວ​ຫວຽດນາມ ປະຈຳ​ລາວ, ກ່າວ​ຄຳ​ປາໄສ​ທີ່​ພິທີ​ເປີດ, ທ່ານນາຍົກລັດຖະມົນຕີ ສປປ ລາວ ສອນ​ໄຊ ສີ​ພັນ​ດອນ ​ໃຫ້​ຮູ້​ວ່າ ງານ​ບຸນ​ແມ່ນ​ການ​ເຄື່ອນ​ໄຫວ​ສົ່ງ​ເສີມ​ການ​ລົງທຶນ ​ແລະ ເຜີຍແພ່​ບັນດາ​ຜະລິດ​ຕະພັນ ​ເພື່ອ​ໃຫ້ໝູ່ປະຊາຊົນ​ທັງ​ຢູ່​ພາຍ​ໃນ ​ແລະ ຕ່າງປະ​ເທດ​ໄດ້​ຮູ້​ເຖິງລົດ​ຊາດ​ອາຫານ.

ບັນດາ​ຜະລິດ​ຕະພັນ​ນີ້ ​ແມ່ນ​ສີນຄ້າ​ພິ​ເສດ​ຂອງ​ແຕ່ລະທ້ອງ​ຖິ່ນ, ປະກອບສ່ວນ​ຊຸກຍູ້​ການ​ຮ່ວມ​ມື​ດ້ານ​ການທ່ອງທ່ຽວ, ການ​ຄ້າ ​ແລະ ການ​ລົງທຶນ​ລະຫວ່າງ 3 ປະ​ເທດ ລາວ-ຫວຽດນາມ-​ໄທ.

ງານ​ບຸນ​ກໍ່ສ້າງ​ກາລະ​ໂອກາດ ​ເພື່ອໃຫ້​ບັນດາ​ວິ​ສາ​ຫະກິດ​ຂະໜາດນ້ອຍ ​ແລະ ກາງ​ຂອງ 3 ປະ​ເທດ​ແລກປ່ຽນ​ສິນຄ້າ ​ແລະ ​ເປີດ​ກວ້າງທ້ອງ​ຕະຫຼາດ.

ເຫດການປີນີ້ ໄດ້ດຶງດູດວິສາຫະກິດ 171 ແຫ່ງ ຂອງ 3 ປະເທດ ລາວ, ຫວຽດນາມ ແລະ ໄທ ເຂົ້າຮ່ວມ, ດ້ວຍ 210 ຮ້ານ ແລະ ຍອດມູນຄ່າສິນຄ້າປະມານ 10 ຕື້ກີບ. ໃນນັ້ນ, ມີຮາກຖານດຳເນີນທຸລະກິດ 146 ແຫ່ງຂອງແຂວງຄຳມ່ວນ, ຮາກຖານຜະລິດດຳເນີນທຸລະກິດ 13 ແຫ່ງ ຈາກບັນດາແຂວງຂອງລາວ, ຮາກຖານຜະລິດດຳເນີນທຸລະກິດ 2 ແຫ່ງຂອງ ຫວຽດນາມ ແລະ ຮາກຖານຜະລິດດຳເນີນທຸລະກິດ 5 ແຫ່ງ ຂອງ ໄທ.

ບັນດາຮ້ານ​ຕົ້ນຕໍ​​ສຸມ​ໃສ່ເຂົ້າ​ບັນດາ​ປະເພດສິນຄ້າ​ຄື ອາຫານ, ຫັດຖະກຳ, ກະສິກຳ, ຜະລິດ​ຕະພັນ​ອຸດສາຫະກຳ, ການ​ປຸງ​ແຕ່ງ, ທະນາຄານ ​ແລະ ການທ່ອງທ່ຽວ.

ນີ້​ແມ່ນ​ໂອກາດ​ ເພື່ອ​ໃຫ້​ບັນດາ​ວິ​ສາ​ຫະກິດ​ຂອງ 3 ປະ​ເທດ​ໄດ້​ພົບ​ປະ, ​ແລກປ່ຽນ​ປະສົບ​ການກ່ຽວກັບ​ການ​ຜະລິດ ​ແລະ ຈຳໜ່າຍ​ຜະລິດ​ຕະພັນ, ກໍ່ຄືຊອກ​ຫາ​ຄູ່​ຮ່ວມ​ມື ​ແລະ ທ້ອງຕະຫຼາດ​ໃໝ່.

ຫວຽດນາມ ຈະຊ່ວຍລາວ ເຊື່ອມຕໍ່ທະເລ ຍສໝ - ສອງຝ່າຍຕ້ອງເພີ່ມທະວີການເຊື່ອມຕໍ່ ແລະເພີ່ມເຕີມລະຫວ່າງສອງພື້ນຖານເສດຖະກິດ; ສ້າງແລວທາງດ້ານກົດໝາຍທີ່ໝັ້ນຄົງ, ໂປ່ງໃສ ແລະສະພາບແວດລ້ອມທີ່ສະດວກ; ມີກົນໄກຈຳເພາະໃຫ້ບັນດາໂຄງການຈຸດສຸມກ່ຽວກັບການປ້ອງກັນຊາດ-ປ້ອງກັນຄວາມສະຫງົບ. ຊຸກຍູ້ວົງເງິນການຄ້າໃຫ້ເຕີບໂຕ (10-15%);

ຫວຽດນາມ ເຂົ້າຮ່ວມງານບຸນອາຫານການກິນ ແລະ ວັດທະນະທຳໃຫຍ່ທີ່ສຸດຂອງ Praha ຍສໝ - ວັນ​ທີ 8 ມິຖຸນາ​ນີ້, ສະຖານທູດ​ຫວຽດນາມ ປະຈຳ ​ເຊັກ​ໂກ ​ໄດ້​ເຂົ້າ​ຮ່ວມ​ງານ​ບຸນ​ອາຫານ​ການ​ກິນ ​ແລະ ວັດທະນະທຳ​ຂອງ​ສະຖານທູດ​ຫວຽດນາມ ​ຄັ້ງ​ທີ 7 ທີ່​ຈັດ​ຂຶ້ນ​ຢູ່​ນະຄອນ Praha 6 ​ໃນ​ຄັ້ງ​ນີ້ ​ແມ່ນ​ງານ​ບຸນ​ອາຫານ​ຕາມ​ຖະໜົນ​ສາກົນ​ທີ່​ໃຫຍ່​ຫຼວງ.