| ຮັດແໜ້ນນໍ້າໃຈສາມັກຄີລະຫວ່າງແມ່ຍິງກອງທັບສອງປະເທດຫວຽດນາມ-ລາວ | |
| Dick Hughes ແລະ ວິວັດການຮ່ວມເດີນທາງພ້ອມກັບ ຫວຽດນາມ ເກືອບ 6 ທົດສະວັດ |
ຕອນບ່າຍວັນທີ 12 ພະຈິກ, ທີ່ນະຄອນຫຼວງວຽງຈັນ ໄດ້ດໍາເນີນກອງປະຊຸມກະກຽມເນື້ອໃນໃຫ້ແກ່ກອງປະຊຸມຄັ້ງທີ 47 ຄະນະກໍາມະການລະຫວ່າງລັດຖະບານກ່ຽວກັບການຮ່ວມມືສອງຝ່າຍຫວຽດນາມ-ລາວ, ລາວ-ຫວຽດນາມ.
ເຂົ້າຮ່ວມເຫດການມີທ່ານ ເຈິ່ນກວກເຟືອງ ຮອງລັດຖະມົນຕີກະຊວງແຜນການ ແລະການລົງທຶນ, ຮອງປະທານຄະນະກໍາມະການລະຫວ່າງລັດຖະບານກ່ຽວກັບການຮ່ວມມືສອງຝ່າຍຫວຽດນາມ-ລາວ; ທ່ານ ວຽງສະຫວັນ ວິໄລພອນ ຮອງລັດຖະມົນຕີກະຊວງແຜນການ ແລະການລົງທຶນລາວ, ຮອງປະທານຄະນະກໍາມະການລະຫວ່າງລັດຖະບານກ່ຽວກັບການຮ່ວມມືສອງຝ່າຍ ລາວ-ຫວຽດນາມ; ຜູ້ຕາງໜ້າສະຖານທູດຫວຽດນາມ ປະຈຳ ລາວ ແລະຜູ້ຕາງໜ້າບັນດາພະແນກ, ຂະແໜງການທີ່ກ່ຽວຂ້ອງຂອງສອງປະເທດຫວຽດນາມ ແລະ ລາວ ເປັນຈຳນວນຫຼວງຫຼາຍ.
 |
| ບັນຍາກາດທີ່ກອງປະຊຸມ. ພາບ: ສໍານັກຂ່າວສານຫວຽດນາມ |
ສອງຝ່າຍຕ້ອງເພີ່ມທະວີການເຊື່ອມຕໍ່ ແລະເພີ່ມເຕີມລະຫວ່າງສອງພື້ນຖານເສດຖະກິດ; ສ້າງແລວທາງດ້ານກົດໝາຍທີ່ໝັ້ນຄົງ, ໂປ່ງໃສ ແລະສະພາບແວດລ້ອມທີ່ສະດວກ; ມີກົນໄກຈຳເພາະໃຫ້ບັນດາໂຄງການຈຸດສຸມກ່ຽວກັບການປ້ອງກັນຊາດ-ປ້ອງກັນຄວາມສະຫງົບ. ຊຸກຍູ້ວົງເງິນການຄ້າໃຫ້ເຕີບໂຕ (10-15%); ເພີ່ມທະວີການສົ່ງເສີມການຄ້າ, ສ້າງເຄື່ອງໝາຍການຄ້າ ແລະລະບົບແຈກຢາຍສິນຄ້າຢູ່ແຕ່ລະປະເທດເພື່ອຮັບປະກັນສົ້ນອອກໃຫ້ໝັ້ນຄົງ.
ກ່ຽວກັບການຮ່ວມມືໃນການຊື້-ຂາຍໄຟຟ້າ, ສອງຝ່າຍສືບຕໍ່ສົມທົບກັນກວດກາຄືນ ແລະຄົ້ນຄວ້າລາຍລະອຽດກ່ຽວກັບລາຄາຊື້-ຂາຍໄຟຟ້າສຳລັບບັນດາໂຄງການໄຟຟ້າທີ່ຄາດວ່າ ຈະເລີ່ມນຳໃຊ້ພາຍຫຼັງປີ 2025; ຄົ້ນຄວ້າເຊື່ອມຕໍ່ລະບົບສາຍສົ່ງໄຟຟ້າຂອງສອງປະເທດ ເພື່ອຕອບສະໜອງຄວາມຕ້ອງການຊື້-ຂາຍໄຟຟ້າຈາກບັນດາໂຄງການໄຟຟ້າຢູ່ລາວ ໃນອະນາຄົດ; ...
ສືບຕໍ່ໃຫ້ບຸລິມະສິດແກ່ການຮ່ວມມືດ້ານການສຶກສາ ແລະບຳລຸງສ້າງຕາມທິດເອົາໃຈໃສ່ເປັນພິເສດເຖິງຄຸນນະພາບສູງ. ເພີ່ມທະວີການໜູນຊ່ວຍລາວ ບົດຮຽນປະສົບການກ່ຽວກັບການຮັກສາເສດຖະກິດມະຫາພາກໄວ້ຢ່າງໝັ້ນຄົງ, ພັດທະນາແບບຍືນຍົງ ແລະປັບປຸງສະພາບແວດລ້ອມແຫ່ງການດຳເນີນທຸລະກິດ. ຍູ້ແຮງການຮ່ວມມືປ້ອງກັນຊາດ-ປ້ອງກັນຄວາມສະຫງົບ, ຮັກສາສະຖຽນລະພາບດ້ານການເມືອງ, ສັງຄົມ, ...
ສືບຕໍ່ສະໜັບສະໜູນເຊິ່ງກັນ ແລະກັນ, ເພີ່ມທະວີບົດບາດຂອງອາຊຽນ ໃນການຊຸກຍູ້ການຮ່ວມມືອະນຸພາກພື້ນ, ການຮ່ວມມືອະນຸພາກພື້ນຕິດພັນກັບວິວັດການສ້າງປະຊາຄົມອາຊຽນ ແລະການເຊື່ອມໂຍງພາກພື້ນຂອງອາຊຽນ; ສົ່ງເສີມບັນດາປະເທດອາຊຽນ ແລະບັນດາຄູ່ຮ່ວມມືນອກພາກພື້ນລົງທຶນ ແລະໜູນຊ່ວຍການພັດທະນາອະນຸພາກພື້ນແມ່ນ້ຳຂອງໃນບັນດາຂົງເຂດ, ຄື: ການເຊື່ອມຕໍ່ພື້ນຖານໂຄງລ່າງ, ການຫັນເປັນພະລັງງານສະອາດ,...
ສິ້ນສຸດກອງປະຊຸມ, ສອງຝ່າຍໄດ້ເຫັນດີເປັນເອກະພາບຕໍ່ຮ່າງເອກະສານສອງສະບັບລວມມີ, ບົດບັນທຶກກອງປະຊຸມຄັ້ງທີ 47 ຂອງຄະນະກໍາມະການລະຫວ່າງລັດຖະບານກ່ຽວກັບການຮ່ວມມືສອງຝ່າຍ ຫວຽດນາມ-ລາວ, ລາວ-ຫວຽດນາມ ແລະບົດບັນທຶກກ່ຽວກັບແຜນການຮ່ວມມືຫວຽດນາມ-ລາວ ແລະລາວ-ຫວຽດນາມ ປີ 2025.
ກ່ຽວກັບເວລາ ແລະສະຖານທີ່ຈັດຕັ້ງກອງປະຊຸມຄັ້ງທີ 47 ຂອງຄະນະກຳມະການລະຫວ່າງລັດຖະບານກ່ຽວກັບການຮ່ວມມືສອງຝ່າຍຫວຽດນາມ - ລາວ, ລາວ - ຫວຽດນາມ, ແມ່ນໄດ້ເຫັນດີຍື່ນສະເໜີຕໍ່ການນຳຄະນະກຳມະການຮ່ວມມືຂອງສອງປະເທດໃຫ້ຄຳເຫັນກ່ຽວກັບການຈັດຕັ້ງ ຢູ່ລາວ (ຄາດວ່າໃນເດືອນມັງກອນ 2025).
 | ດ່າໜັງ ສະແດງຄວາມຮູ້ບຸນຄຸນຕໍ່ບັນດາທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ທີ່ຊ່ວຍເຫຼືອການປະຕິວັດ ລາວ ຍສໝ - ວັນທີ 9 ພະຈິກ, ສະຫະພັນບັນດາອົງການຈັດຕັ້ງມິດຕະພາບນະຄອນ ແລະ ສະມາຄົມມິດຕະພາບ ຫວຽດນາມ - ລາວ ນະຄອນ ດ່າໜັງ ໄດ້ສົມທົບກັບບັນດາຫົວໜ່ວຍ ຈັດຕັ້ງພິທີສະເຫຼີມສະຫຼອງ 75 ປີແຫ່ງວັນມູນເຊື້ອທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ຊ່ວຍການປະຕິວັດ ລາວ. |
 | ຊາວຫວຽດນາມອາໄສຢູ່ຕ່າງປະເທດ ສາມາດເຂົ້າຢ້ຽມຊົມຫໍພິພິທະພັນປະຫວັດສາດການທະຫານໃນພື້ນທີ່ດິຈິຕອນ ຍສໝ - ຜ່ານແອັບ YooLife, ຊາວຫວຽດນາມອາໄສຢູ່ຫ່າງໄກຈາກບ້ານເກີດເມືອງນອນ ສາມາດຢ້ຽມຊົມຫໍພິພິທະພັນປະຫວັດສາດການທະຫານຫວຽດນາມ ໃນພື້ນທີ່ດິຈິຕອນ. |
ສົມເພັດ
