 | ຊຸກຍູ້ສາຍພົວພັນລະຫວ່າງຫວຽດນາມ ກັບມົງໂກນ, ໄອແລນ, ຝຣັ່ງ |
| ຝຣັ່ງ ຈັດຕັ້ງການເຄື່ອນໄຫວຫຼາຍຢ່າງເພື່ອໜູນຊ່ວຍການພັດທະນາເລື່ອງພາບຢູ່ ຫວຽດນາມ |
ເມື່ອ 54 ປີ ກ່ອນ, ຊາຍໜຸ່ມຊາວ ສະວິດ ສາມຄົນຄື: Bernard Bachelard, Olivier Parriaux ແລະ Noé Graff ໃນເວລານັ້ນ ໄດ້ສະແດງທ່າທີຄັດຄ້ານສົງຄາມຮຸກຮານຢ່າງກ້າຫານ, ສະໜັບສະໜູນການຕໍ່ສູ້ອັນເປັນທຳ ເພື່ອຍາດເອົາເອກະລາດແຫ່ງຊາດ, ທ້ອນໂຮມປະເທດຊາດເປັນເອກະພາບຂອງປະຊາຊົນ ຫວຽດນາມ ໂດຍແຂວນທຸງຂອງແນວໂຮມປົດປ່ອຍຊາດພາກໃຕ້ ຫວຽດນາມ ຢູ່ທາດວິຫານ Notre Dame Paris.
ວັນທີ 19 ມັງກອນ ປີ 1969, ເຫດການປະຫວັດສາດໄດ້ຈັດຂຶ້ນຢູ່ວິຫານ Notre Dame ຢູ່ ປາຣີ, ປະເທດ ຝຣັ່ງ, ເມື່ອຊາຍໜຸ່ມຊາວ ສະວິດ 3 ຄົນ (Bernard Bachelard, Olivier Parriaux ແລະ Noé Graff) ໄດ້ແຂວນທຸງຂອງແນວໂຮມປົດປ່ອຍຊາດພາກໃຕ້ ຫວຽດນາມ ຢ່າງກ້າຫານ ເພື່ອແນໃສ່ຄັດຄ້ານສົງຄາມ ແລະ ສະໜັບສະໜູນສັນຕິພາບໃຫ້ແກ່ປະຊາຊົນ ຫວຽດນາມ.
 |
| ບັນດາແຂກທີ່ເຂົ້າຮ່ວມລາຍການ. ພາບ: ຄະນະຊາວໜຸ່ມນະຄອນ ໂຮຈິມິນ |
ເຂົ້າຮ່ວມລາຍການມີບັນດາແຂກຮັບເຊີນພິເສດ, ລວມມີ ທ່ານ Bernard John Alexandre Bachelard ແລະ ທ່ານ Olivier Maurice Parriaux ເຊິ່ງແມ່ນບັນດາຄົນໄດ້ປະຕິບັດການເດີນທາງຈາກ ສະວິດ ເຖິງ ປາຣີ ເພື່ອແຂວນທຸງຂອງແນວໂຮມປົດປ່ອຍຊາດພາກໃຕ້ ຫວຽດນາມ ຢູ່ຈອມວິຫານ Notre Dame (ຝຣັ່ງ) ເພື່ອຄັດຄ້ານສົງຄາມ ແລະ ສະໜັບສະໜູນສັນຕິພາບໃຫ້ແກ່ປະຊາຊົນ ຫວຽດນາມ.
ທີ່ລາຍການ, ທ່ານ Bernard John Alexandre Bachelard ແລະ ທ່ານ Olivier Maurice Parriaux ໄດ້ແບ່ງປັນກ່ຽວກັບຄວາມຕັດສິນໃຈໜູນຊ່ວຍ ຫວຽດນາມ ແລະ ມີຄວາມຕັດສິນໃຈຢ່າງໂສສຸດແມ່ນປີນຂຶ້ນຈອມວິຫານ Notre Dame Paris ເພື່ອປັກທຸງຂອງແນວໂຮມປົດປ່ອຍຊາດພາກໃຕ້ ຫວຽດນາມ ແນໃສ່ຄັດຄ້ານສົງຄາມ ແລະ ສະໜັບສະໜູນສັນຕິພາບໃຫ້ແກ່ປະຊາຊົນ ຫວຽດນາມ. ການກະທຳນີ້ ບໍ່ພຽງແຕ່ສະແດງໃຫ້ເຫັນຈິດໃຈຮັກຫອມສັນຕິພາບເທົ່ານັ້ນ, ຫາກຍັງໄດ້ສ້າງຂີດໝາຍໃນຈິດໃຈຂອງເພື່ອນມິດສາກົນກ່ຽວກັບການຕໍ່ສູ້ອັນເປັນທຳຂອງ ຫວຽດນາມ, ກ່ອນທີ່ກອງປະຊຸມ 4 ຝ່າຍກ່ຽວກັບ ຫວຽດນາມ ຈະເລີ່ມຕົ້ົ້ນຢ່າງເປັນທາງການຢູ່ ປາຣີ.
ນອກຈາກນັ້ນ, ລາຍການກໍ່ຍັງມີການເຂົ້າຮ່ວມຂອງບັນດາບຸລຸດທີ່ສຳຄັນຄື: ທ່ານນາງ ໂຕນໜີທິລິງ, ອະດີດຮອງປະທານຄະນະກຳມາທິການການຕ່າງປະເທດ ສະພາແຫ່ງຊາດ ຫວຽດນາມ, ທ່ານນາງ ຫງວຽນທິອຽນ, ອະດີດເລຂາທິການຄະນະບໍລິຫານງານສະຫະສະມາຄົມນັກສຶກສາ ພາກໃຕ້ ຫວຽດນາມ. ແມ່ຍິງທັງສອງໄດ້ມີການປະກອບສ່ວນສຳຄັນໃນການເດີນທາງທຸ່ມກາຍທຸ່ມໃຈເຂົ້າໃນເສັ້ນທາງການຕໍ່ສູ້ເພື່ອສັນຕິພາບ ແລະ ທ້ອນໂຮມປະເທດຊາດເປັນເອກະພາບນັບແຕ່ຍັງໜຸ່ມ. ທ່ານນາງ ໂຕນໜືທິລິງ ໄດ້ເຂົ້າຮ່ວມຂະບວນການຕ້ານສົງຄາມຢູ່ ຝຣັ່ງ, ໜູນຊ່ວຍຄະນະຜູ້ແທນເຈລະຈາຂອງ ສາທາລະນະລັດ ປະຊາທິປະໄຕ ຫວຽດນາມ ຢູ່ ປາຣີ ໃນຊຸມປີ 1968 – 1972.
ໃນຂະນະນັ້ນ, ທ່ານນາງ ຫງວຽນທິອຽນ ເປັນການນຳສະຫະສະມາຄົມນັກສຶກສາ ໄຊງ່ອນ ແລະ ຕໍ່ມາແມ່ນສະຫະສະມາຄົມນັກສຶກສາ ພາກໃຕ້ ຫວຽດນາມ, ໄດ້ປະກອບສ່ວນຢ່າງໃຫຍ່ຫຼວງເຂົ້າໃນຂະບວນການຕໍ່ສູ້ຂອງນັກສຶກສາ ພາກໃຕ້ ຕ້ານ ອາເມລິກາ ເພື່ອກູ້ຊາດ.
 |
| ຊາວໜຸ່ມໄດ້ຂໍຂໍລາຍເຊັນຈາກບັນດາຜູ້ແທນ. ພາບ: ຄະນະຊາວໜຸ່ມນະຄອນ ໂຮຈິມິນ |
ຫົວຂໍ້ຂອງລາຍການ “ຄວາມປາຖະໜາເພື່ອສັນຕິພາບລວມ” ບໍ່ພຽງແຕ່ແມ່ນສຽງເວົ້າຂອງລຸ້ນໜຸ່ມນະຄອນ ໂຮຈິມິນ ເທົ່ານັ້ນ ຫາກຍັງແມ່ນບັນດາສານອັນເຂັ້ມແຂງ ກ່ຽວກັບຄວາມສາມັກຄີສາກົນ ແລະ ຈິດໃຈ ໂຮ່ຈິມິນ ໃນໄລຍະໃໝ່. ຮູບພາບທຸງແນວໂຮມປົດປ່ອຍຊາດພາກໃຕ້ ຫວຽດນາມ ທີ່ປິວຢູ່ຈອມວິຫານ Notre Dame Paris ຍັງຄົງເປັນສັນຍາລັກແຫ່ງນ້ຳໃຈຮັກຊາດ ແລະ ຄວາມປາດຖະໜາສັນຕິພາບ.
ໃນຂອບເຂດຂອງລາຍການ, ບັນດາຜູ້ແທນໄດ້ຖວາຍດອກໄມ້ ເພື່ອລະນຶກເຖິງບັນດາວິລະຊົນນັກຮົບສະຫຼະຊີວິດຢູ່ຫໍອະນຸສອນ “ການເຄື່ອນໄຫວພິເສດທະຫານໂຈມຕີສະຖານີວິທະຍຸກະຈາຍສຽງ ໄຊງ່ອນ ໃນ ປີ 1968.
ລາຍການດັ່ງກ່າວ ໄດ້ດຶງດູດຄວາມສົນໃຈຂອງຊາວໜຸ່ມຫຼາຍຄົນ, ເນັ້ນໜັກເຖິງຄວາມສຳຄັນຂອງສັນຕິພາບ ແລະ ຄວາມສາມັກຄີໃນວຽກງານສ້າງສາ ແລະ ພັດທະນານະຄອນ ແລະ ປະເທດຊາດ.
 | ເຊື່ອມຕໍ່, ໜູນຊ່ວຍບັນດານັກສຶກສາ ຫວຽດນາມ ທີ່ມາຮຽນຢູ່ ຝຣັ່ງ ເພື່ອຮ່ຳຮຽນ ແລະ ເຮັດວຽກ ຍສໝ - ວັນທີ 7 ກໍລະກົດ, ຢູ່ນະຄອນ ເກີນເທີ, ສະຫະພັນບັນດາອົງການຈັດຕັ້ງມິດຕະພາບນະຄອນ ສົມທົບກັບ Campus France Viet Nam (ພາກສ່ວນຮັບຜິດຊອບໄປຮຽນຢູ່ຕ່າງປະເທດຂອງສະຖານທູດ ຝຣັ່ງ ປະຈໍາ ຫວຽດນາມ), ສະມາຄົມຊາວໜຸ່ມນັກສຶກສາ ຫວຽດນາມ ປະຈຳ ຝຣັ່ງ (UEVF) ແລະ ມະຫາວິທະຍາໄລ ເກີນເທີ ... |
 | ຫຼາຍຈຸດໝາຍປາຍທາງທີ່ດຶງດູດຢູ່ ຫວຽດນາມ ສຳລັບນັກທ່ອງທ່ຽວ ຝຣັ່ງ ຍສໝ - ທີ່ລາຍການເເນະນຳການທ່ອງທ່ຽວ ຫວຽດນາມ (“Vietnam Tourism Roadshow”) ໄດ້ດຳເນີນຢູ່ Paris ວັນທີ 25 ມິຖຸນາ, ມີຫຼາຍຜະລິດຕະພັນການທ່ອງທ່ຽວທີ່ເປັນເອກະລັກພິເສດ, ສະເພາະຂອງຫວຽດນາມ ໄດ້ຮັບການແນະນຳໂດຍກົມທ່ອງທ່ຽວແຫ່ງຊາດ ໄປເຖິງນັກທ່ອງທ່ຽວຊາວ ຝຣັ່ງ. |
ແທັງຮັ່ງ
