ຫຼາຍຈຸດໝາຍປາຍທາງທີ່ດຶງດູດຢູ່ ຫວຽດນາມ ສຳລັບນັກທ່ອງທ່ຽວ ຝຣັ່ງ

ຍສໝ - ທີ່ລາຍການເເນະນຳການທ່ອງທ່ຽວ ຫວຽດນາມ (“Vietnam Tourism Roadshow”) ໄດ້ດຳເນີນຢູ່ Paris ວັນທີ 25 ມິຖຸນາ, ມີຫຼາຍຜະລິດຕະພັນການທ່ອງທ່ຽວທີ່ເປັນເອກະລັກພິເສດ, ສະເພາະຂອງຫວຽດນາມ ໄດ້ຮັບການແນະນຳໂດຍກົມທ່ອງທ່ຽວແຫ່ງຊາດ ໄປເຖິງນັກທ່ອງທ່ຽວຊາວ ຝຣັ່ງ.

	ເຍື່ອງອາຫານ ແລະ ວັນນະຄະດີ ຫວຽດນາມ ໄດ້ດຶງດູດນັກທ່ອງທ່ຽວ ຝຣັ່ງ
	ສູ້ຊົນສ້າງທັດສະນິຍະພາບນ້ຳຕົກຕາດບ້ານຢົກ (ຫວຽດນາມ) - ດຶກທຽນ (ຈີນ) ໃຫ້ເປັນຕົວແບບການທ່ອງທ່ຽວຂ້າມຊາຍແດນ

ທີ່ພົ້ນເດັ່ນເຊັ່ນ: ການທ່ອງທ່ຽວທາງດ້ານວັດທະນະທໍາ-ປະຫວັດສາດ, ການທ່ອງທ່ຽວນິເວດ, ການທ່ອງທ່ຽວທະເລໝູ່ເກາະ ກັບບັນດາທັດສະນີຍະພາບ, ຫາດຊາຍ, ບ້ານ... ຂອງ 54 ຊົນເຜົ່າ ພວມໄດ້ສຸມໃສ່ການຂຸດຄົ້ນຕາມທິດພັດທະນາການທ່ອງທ່ຽວແບບຍືນຍົງ.

ພິເສດ, ຫວຽດນາມ ມີມໍລະດົກວັດທະນະທຳ, ທຳມະຊາດ 8 ແຫ່ງ ແລະ 15 ມໍລະດົກວັດທະນະທຳນາມມະທຳ, 9 ມໍລະດົກວັດທະນະທຳສາລະຄະດີ ແລະ ສວນສາທາລະນະທໍລະນີທົ່ວໂລກ 3 ແຫ່ງ ທີ່ໄດ້ຮັບການຮັບຮອງຈາກ UNESCO. ຄຽງຂ້າງບັນດາຈຸດໝາຍປາຍທາງທີ່ລື້ງແກ່ນຄື: ຮ່າໂນ້ຍ, ນະຄອນໂຮ່ຈິມິນ, ນະຄອນດານັງ, ຍ່າຈ່າງ, ຫ້າລອງ... ຫຼາຍຊື່ເຂດດິນແດນ, ຜະລິດຕະພັນໃໝ່ທີ່ດຶງດູດແຂກທ່ອງທ່ຽວ, ພິເສດແມ່ນແຂກທີ່ມາຈາກ ສາທາລະນະລັດ ຝຣັ່ງ ແລະ ເອີລົບ ຄື: ຕາແສງ ຊາປ່າ, ລະບົບຮ່ອງຮອຍປະຫວັດສາດ ດ້ຽນບຽນຝູ, ລະບົບທັດສະນີຍະພາບ ຈາງອານ, ກຸງເກົ່າເຫ້ວ, ເມືອງເກົ່າໂຮ້ຍອານ, ທ່ອງທ່ຽວຖ້ຳ ເຊີນດອງ, ພັກຕາກອາກາດທ່ອງທ່ຽວທະເລຢູ່ເກາະ ຟູ໋ກວກ...

ຫຼາຍຈຸດໝາຍປາຍທາງທີ່ດຶງດູດຢູ່ ຫວຽດນາມ ສຳລັບນັກທ່ອງທ່ຽວ ຝຣັ່ງ

ນັກທ່ອງທ່ຽວ ຝຣັ່ງ ໄປກັບ tour ລົດສາມລໍ້ເພື່ອຢ້ຽມຢາມ ຮ່າໂນ້ຍ. ພາບ: DNCC

ໃນຊຸມປີມໍ່ໆມານີ້, ການທ່ອງທ່ຽວຊຸມຊົນ ໄດ້ອີງໃສ່ທຳມະຊາດ ແລະ ການລົງຕົວຈິງວັດທະນະທຳ, ວິຖີຊີວິດ, ຮີດຄອງປະເພນີຂອງຊາວ ຫວຽດນາມ, ລະບົບບັນດາໝູ່ບ້ານອາຊີບພື້ນເມືອງ, ງານບຸນທີ່ມີເອກະລັກວັດທະນະທຳ, ເຍື່ອງອາຫານທີ່ມີຊື່ສຽງຂອງ ຫວຽດນາມ ຄື: ເຝີ, ແນມ, ເຂົ້າປູ້ນຊີ້ນປີ້ງ... ໄດ້ຮັບຄວາມນິຍົມຈາກນັກທ່ອງທ່ຽວສາກົນເປັນຈຳນວນຫຼວງຫຼາຍ. ຫຼາຍຈຸດໝາຍປາຍທາງ, ຜະລິດຕະພັນການທ່ອງທ່ຽວ ໄດ້ຈັດອັນດັບໜຶ່ງຂອງໂລກໂດຍບັນດານັກຊ່ຽວຊານເວັບໄຊ ແລະ ເຄືອຂ່າຍໃຫ້ຄຳປຶກສາ, ຕີລາຄ່າການທ່ອງທ່ຽວທີ່ມີອິດທິພົນ ເຊັ່ນ: World Travel Award, TripAdvisor, Telegraph... ຫຼື ອົງການສື່ມວນຊົນໃຫຍ່ເຊັ່ນ CNN, BBC...

ບັນດາຜະລິດຕະພັນການທ່ອງທ່ຽວກະສິກຳ-ຊົນນະບົດ, ການທ່ອງທ່ຽວເບິ່ງແຍງສຸຂະພາບ, ການທ່ອງທ່ຽວກິລາ ແລະ ການລົງຕົວຈິງ, ແລະ ການທ່ອງທ່ຽວຊຸມຊົນ ແມ່ນທ່າແຮງຂອງ ຫວຽດນາມ ແລະ ຕອບສະໜອງຄວາມຕ້ອງການການທ່ອງທ່ຽວຂອງນັກທ່ອງທ່ຽວ ຝຣັ່ງ ແລະ ເອີລົບ, ນອກຈາກບັນດາຜະລິດຕະພັນທ່ອງທ່ຽວພື້ນເມືອງໃນເມື່ອກ່ອນ.

ທີ່ເຫດການ, ຜູ້ຕາງໜ້າບັນດາບໍລິສັດທ່ອງທ່ຽວ ແລະ ທ່ອງທ່ຽວຫຼາຍແຫ່ງໃຫ້ຄຳເຫັນວ່າ ມີຄວາມສາມາດບົ່ມຊ້ອນຫຼາຍຢ່າງ ເພື່ອຮ່ວມມືພັດທະນາຂົງເຂດນີ້ລະຫວ່າງ 2 ປະເທດໃນໄລຍະຈະມາເຖິງ ແລະ ປະຈຸບັນ ຫວຽດນາມ ແມ່ນຈຸດໝາຍປາຍທາງທີ່ນັບມື້ນັບດຶງດູດຂອງຫຼາຍປະເພດທ່ອງທ່ຽວສຳລັບນັກທ່ອງທ່ຽວຊາວ ຝຣັ່ງ.

ທ່ານນາງ Gwenaelle Mary, ຜູ້ອຳນວຍການການບໍລິການລູກຄ້າ, ງານວາງສະແດງການທ່ອງ IFTM Top Resa ກ່າວວ່າ “ຫວຽດນາມ ເປັນປະເທດທີ່ມີຄວາມສາມາດບົ່ມຊ້ອນທ່ອງທ່ຽວຫຼາຍແຫ່ງ, ມີຄວາມສາມາດດຶງດູດນັກທ່ອງທ່ຽວຫຼາຍຄົນຢູ່ ຝຣັ່ງ ທີ່ຢາກມາຊອກຮູ້ແລະ ຄົ້ນຫາຢູ່ ອາຊີ. ”.

ຕາມທ່ານ ຫງວຽນຈຸງແຄ໋ງ, ຫົວໜ້າກົມທ່ອງທ່ຽວແຫ່ງຊາດແລ້ວ: ໂຄງການແນະນຳການທ່ອງທ່ຽວ ຫວຽດນາມ ຢູ່ ຝຣັ່ງ ຄັ້ງນີ້ ແມ່ນໂອກາດເພື່ອໃຫ້ບັນດາວິສາຫະກິດທ່ອງທ່ຽວ ຫວຽດນາມ ແລະ ສາທາລະນະລັດ ຝຣັ່ງ ແບ່ງປັນຂໍ້ມູນ, ກ້າວເຖິງການຮ່ວມມືດ້ານທຸລະກິດ, ພັດທະນາການທ່ອງທ່ຽວສອງສົ້ນໃນສະພາບການຟື້ນຟູຫຼັງຈາກໂລກລະບາດ Covid-19.

ທ່ານເອກອັກຄະລັດຖະທູດ ຫວຽດນາມ ປະຈຳ ຝຣັ່ງ ດິງຕວານຖັງ ໄດ້ຕີລາຄາສູງຂໍ້ລິເລີ່ມຈັດຕັ້ງໂຄງການ. ຕາມທ່ານເອກອັກຄະລັດຖະທູດແລ້ວ, ໂຄງການສະໜອງເຖິງນັກທ່ອງທ່ຽວ ບັນດາຂໍ້ມູນທີ່ມີປະໂຫຍດ ແລະ ໃໝ່ທີ່ສຸດກ່ຽວກັບ ຫວຽດນາມ, ປະເທດທີ່ມີພື້ນຖານວັດທະນະທຳຍາວນານ ແລະ ເປັນເອກະລັກສະເພາະພ້ອມກັນກັບບັນດາທັດສະນີຍະພາບທີ່ສວຍງາມ ແລະ ມີເງື່ອນໄຂສະດວກສະບາຍຄື ຄວມປອດໄພ ແລະ ເປັນມິດ. ນອກຈາກນັ້ນ, ອາຫານທີ່ໜ້າສົນໃຈ ແລະ ຄ່າບໍລິການການທ່ອງທ່ຽວຕ່ຳ ໄດ້ດຶງດູດນັກທ່ອງທ່ຽວຈາກ ຝຣັ່ງ ແລະ ບັນດາປະເທດ ເອີລົບ ນັບມື້ນັບຫຼາຍຂຶ້ນ.

ໂອກາດໃຫ້ນັກຮຽນ ຫວຽດນາມ - ລາວ - ກຳປູເຈຍ ທີ່ຮຽນພາສາ ຝຣັ່ງ ຊອກຮູ້ກ່ຽວກັບການພັດທະນາແບບຍືນຍົງ

ຍສໝ - ສູນ ຝຣັ່ງ ປະຈຳ ຫວຽດນາມ, ລາວ ແລະ ກຳປູເຈຍ ປຸກລະດົມໂຄງການສ້າງໂລກຄືນໃໝ່ພ້ອມກັນກັບພາສາ ຝຣັ່ງ, ໂຄງການ ເພື່ອຊ່ວຍໃຫ້ນັກຮຽນມັດທະຍົມຕອນປາຍທີ່ຮູ້ພາສາ ຝຣັ່ງ ໃນ 3 ປະເທດ ໄດ້ໄປຢ້ຽມຢາມ ແລະ ຮຽນຮູ້ເຊິ່ງກັນ ແລະ ກັນກ່ຽວກັບຫົວຂໍ້ການພັດທະນາແບບຍືນຍົງ.

ໂຄສະນາວັດທະນະທຳ, ທ່ອງທ່ຽວ ຮ່າໂນ້ຍ ເຖິງເພື່ອນມິດສາກົນທີ່ Festival ຊາວໜຸ່ມສາກົນ ຄັ້ງທີ III ປີ 2024

ຍສໝ - Festival ຊາວໜຸ່ມສາກົນ ຄັ້ງທີ III ປີ 2024 ດ້ວຍການເຂົ້າຮ່ວມຂອງຊາວໜຸ່ມປະມານ 5.000 ຄົນ, ຄາດວ່າຈະດຳເນີນໃນວັນທີ 14 ກັນຍາ ຢູ່ເຂດຖະໜົນຄົນຍ່າງ ເຈີ່ນເຍີນຕົງ ແລະ ເຂດອ້ອມແອ້ມ (ຕາແສງ ຫງວຽນຢູ, ເມືອງ ຮາຍບາຈື່ງ, ນະຄອນ ຮ່າໂນ້ຍ).

ມິງດຶກ