| ຄວາມໝາຍການໄປປະຕິບັດງານຂອງນາຍົກລັດຖະມົນຕີຫວຽດນາມ ເຂົ້າຮ່ວມ BRICS ເປີດກວ້າງ | |
| ການຢ້ຽມຢາມຂອງທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ສ້າງກໍາລັງໜູນໃໝ່ໃຫ້ແກ່ຫວຽດນາມ-ອິນເດຍ |
ຕໍ່ໜ້າເຫດການທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ຈະເຂົ້າຮ່ວມກອງປະຊຸມສຸດຍອດການຮ່ວມມືອະນຸພາກພື້ນແມ່ນ້ຳຂອງເປີດກວ້າງ (GMS) ຄັ້ງທີ 8, ກອງປະຊຸມຊຸດຍອດຍຸດທະສາດການຮ່ວມມືດ້ານເສດຖະກິດອີຣະວະດີ-ເຈົ້າພະຍາ-ແມ່ຂອງ (ACMECS) ຄັ້ງທີ 10 ແລະ ກອງປະຊຸມສຸດຍອດການຮ່ວມມື ກຳປູເຈຍ - ລາວ - ມຽນມາ - ຫວຽດນາມ (CLMV) ຄັ້ງທີ 11 ແລະເຮັດວຽກຢູ່ຈີນ ແຕ່ວັນທີ 5-8 ພະຈິກ, ທ່ານ ຟ້າມແທັງບິ່ງ ຮອງລັດຖະມົນຕີກະຊວງການຕ່າງປະເທດ ໄດ້ແບ່ງປັນກ່ຽວກັບເປົ້າໝາຍ, ຄວາມໝາຍ, ຄວາມສຳຄັນຂອງການໄປປະຕິບັດງານຄັ້ງນີ້.
ນີ້ແມ່ນຄັ້ງທຳອິດທີ່ກອງປະຊຸມຮ່ວມມື GMS, ACMECS ແລະ CLMV ໄດ້ຈັດຂຶ້ນພາຍຫຼັງ 6 ປີ, ແມ່ນໂອກາດເພື່ອໃຫ້ບັນດາການນຳປຶກສາຫາລືທິດທາງການຮ່ວມມື, ຊ່ວຍໃຫ້ບັນດາກົນໄກກ້າວເຂົ້າສູ່ສັງກາດພັດທະນາໃໝ່ຢ່າງໝັ້ນຄົງ.
ສົ່ງສານທີ່ມີຄວາມໝາຍຫຼາຍຢ່າງເຖິງອະນຸພາກພື້ນ, ພາກພື້ນ ແລະ ປະຊາຄົມສາກົນ
ທ່ານ ຟ້າມແທັງບິ່ງ ໃຫ້ຂໍ້ສັງເກດວ່າ ການໄປປະຕິບັດງານຢູ່ຈີນ ຄັ້ງນີ້ຂອງທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ຮັບຄວາມຫວັງວ່າຈະສົ່ງສານທີ່ມີຄວາມໝາຍຫຼາຍຢ່າງເຖິງອະນຸພາກພື້ນ, ພາກພື້ນ ແລະປະຊາຄົມສາກົນ:
 |
| ທ່ານ ຟ້າມແທັງບິ່ງ ຮອງລັດຖະມົນຕີກະຊວງການຕ່າງປະເທດຫວຽດນາມ. ພາບ: mofa.gov.vn |
ທີໜຶ່ງ, ຍົກລະດັບເນື້ອໃນການຮ່ວມມືອະນຸພາກພື້ນ, ທ່ານ ຟ້າມແທັງບິ່ງ ໄຈ້ແຍກສະພາບພື້ນຖານເສດຖະກິດໂລກພວມຫັນປ່ຽນຢ່າງເລິກເຊິ່ງກວ້າງຂວາງ ແລະຮອບດ້ານທີ່ບໍ່ເຄີຍມີມາກ່ອນ; ທ່າອ່ຽງຫັນເປັນສີຂຽວ, ການຫັນເປັນດີຈີຕອນ, ການພັດທະນາແບບຍືນຍົງ, ກວມລວມ ກາຍເປັນຮີບດ່ວນຍິ່ງກວ່າເວລາໃດໝົດ, ອະນຸພາກພື້ນແມ່ນ້ຳຂອງຕ້ອງມີ “ບາດກ້າວບຸກທະລຸ” ເພື່ອຕອບສະໜອງຄວາມຮຽກຮ້ອງຕ້ອງການຂອງການພັດທະນາໃໝ່.
ທີ່ກອງປະຊຸມຄັ້ງນີ້, ນອກຈາກບັນດາບັນຫາ, ຄື: ເສດຖະກິດ, ອຳນວຍຄວາມສະດວກໃຫ້ການຄ້າ ແລະການລົງທຶນ, ເຊື່ອມຕໍ່ພື້ນຖານໂຄງລ່າງແຂງ ແລະ ອ່ອນ, ຄຸ້ມຄອງ ແລະນຳໃຊ້ແຫຼ່ງນ້ຳຂ້າມຊາຍແດນແບບຍືນຍົງ, ທ່ານນາຍົກລັດຖະມົນຕີ ຟ້າມມິງຈິ໊ງ ພ້ອມດ້ວຍບັນດາການນຳຈະສຸມໃສ່ປຶກສາຫາລືບັນດາບັນຫາໃໝ່, ໃນນັ້ນພົ້ນເດັ່ນແມ່ນການປ່ຽນແປງໃໝ່ປະດິດສ້າງ.
ບັນດາຂົງເຂດຮ່ວມມືໃໝ່ແມ່ນແຫຼ່ງກຳລັງໜູນຢ່າງແຂງແຮງແນໃສ່ກໍານົດທີ່ຕັ້ງຂອງບັນດາກົນໄກ GMS, ACMECS, CLMV ບໍ່ພຽງແຕ່ແມ່ນບັນດາກົນໄກຫຼັກແຫຼ່ງໃນການຮ່ວມມືອະນຸພາກພື້ນເທົ່ານັ້ນ; ຫາກຍັງແມ່ນບັນດາກົນໄກນຳໜ້າເພື່ອນຳອະນຸພາກພື້ນແມ່ນ້ຳຂອງຂຶ້ນສູ່ລະດັບສູງໃໝ່ໃນຕ່ອງໂສ້ມູນຄ່າພາກພື້ນ ແລະ ສາກົນ.
ບັນຫາທີສອງ, ທ່ານ ຟ້າມແທັງບິ່ງ ຖືວ່າ ນັ້ນແມ່ນການຍົກສູງຄວາມໄວ້ເນື້ອເຊື່ອໃຈທາງດ້ານການເມືອງລະຫວ່າງບັນດາປະເທດສະມາຊິກ. ບັນດາເຫດການໃນຄັ້ງນີ້ໄດ້ເຕົ້າໂຮມບັນດາປະເທດຢູ່ລຽບຕາມແມ່ນ້ຳຂອງທັງເປັນປະເທດບ້ານໃກ້ເຮືອນຄຽງມີສາຍພົວພັນມິດຕະພາບທີ່ເປັນມູນເຊື້ອກັບຫວຽດນາມ.
ຢູ່ທີ່ນີ້, ທ່ານນາຍົກລັດຖະມົນຕີ ຟ້າມມິງຈິ໊ງ ຈະມີການພົບປະກັບຜູ້ຕາງໜ້າລັດຖະບານ, ທ້ອງຖິ່ນ, ວິສາຫະກິດ ແລະປະຊາຊົນຈາກປະເທດຕ່າງໆ, ພິເສດແມ່ນກັບປະເທດເຈົ້າພາບຈີນ.
ນີ້ແມ່ນໂອກາດສຳຄັນເພື່ອໃຫ້ຫວຽດນາມ ສະແດງໃຫ້ເຫັນເຈດຕະນາດີໃນການຮ່ວມມືບົນຈິດໃຈເປີດອົກເປີດໃຈ, ເພີ່ມທະວີຄວາມເຂົ້າໃຈເຊິ່ງກັນ ແລະກັນ, ປະກອບສ່ວນເຮັດໃຫ້ສາຍພົວພັນມິດຕະພາບລະຫວ່າງຫວຽດນາມ ແລະ ບັນດາປະເທດສະມາຊິກເລິກເຊິ່ງກ່ວາອີກ, ກໍຄືຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການລົງທຶນໃຫ້ນັບມື້ນັບຮອບດ້ານ.
ການໄປປະຕິບັດງານຄັ້ງນີ້ກໍ່ແນໃສ່ຮັກສາທ່າພັດທະນາອັນດີງາມຂອງການພົວພັນຫວຽດນາມ - ຈີນ, ສືບຕໍ່ຫັນຄວາມຮັບຮູ້ລວມຂັ້ນສູງທີ່ສອງຝ່າຍບັນລຸໄດ້ໃນການຢ້ຽມຢາມຈີນ ຢ່າງເປັນທາງການຂອງທ່ານເລຂາທິການໃຫຍ່ ໂຕເລິມ (ເດືອນພຶດສະພາ 2018) ເປັນລະອຽດ; ຮັກສາການພົບປະແລກປ່ຽນຂັ້ນສູງ, ເພີ່ມທະວີຄວາມໄວ້ເນື້ອເຊື່ອໃຈທາງດ້ານການເມືອງ, ຊຸກຍູ້ການຮ່ວມມືທີ່ແທດຈິງລະຫວ່າງສອງປະເທດ, ຊຸກຍູ້ການພົວພັນ ຫວຽດນາມ - ຈີນ ຢູ່ຂັ້ນສູນກາງ ແລະ ທ້ອງຖິ່ນ ໃຫ້ພັດທະນາເປັນປົກກະຕິ, ປອດໃສ, ຍືນຍົງ.
ກ່ຽວກັບເນື້ອໃນທີສາມ, ຍົກສູງຖານະບົດບາດ ແລະ ອິດທິພົນຊື່ສຽງຂອງຫວຽດນາມ ໃນເວທີສາກົນ, ທ່ານ ຟ້າມແທັງບິ່ງ ເນັ້ນໜັກວ່າ: ການເຂົ້າຮ່ວມບັນດາເຫດການຄັ້ງນີ້ຂອງທ່ານນາຍົກລັດຖະມົນຕີ ຟ້າມມິງຈິ໊ງ ສະແດງໃຫ້ເຫັນຄຳໝັ້ນສັນຍາຂອງ ຫວຽດນາມ ຕໍ່ກົນໄກ GMS, ACMECS ແລະ CLMV ເວົ້າສະເພາະ ແລະ ການຮ່ວມມືອະນຸພາກພື້ນແມ່ນ້ຳຂອງເວົ້າລວມ.
ທ່ານນາຍົກລັດຖະມົນຕີ ກໍ່ຈະສົ່ງສານທີ່ວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ປະກອບສ່ວນຊຸກຍູ້ບັນດາກົນໄກ GMS, ACMECS, CLMV ກໍຄືການຮ່ວມມືອະນຸພາກພື້ນແມ່ນ້ຳຂອງ ສ້າງບາດກ້າວບຸກທະລຸໃນໄລຍະພັດທະນາໃໝ່. ຜ່ານນັ້ນ, ຢືນຢັນຈິນຕະນາການພົວພັນຕ່າງປະເທດທີ່ເປັນເອກະລາດ, ເປັນເຈົ້າຕົນເອງ, ເປັນຫຼາຍຮູບຫຼາຍແບບ, ຫຼາຍຝ່າຍ, ເປັນເພື່ອນມິດ, ຄູ່ຮ່ວມມືທີ່ໄວ້ເນື້ອເຊື່ອໃຈ, ເປັນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບຂອງປະຊາຄົມສາກົນ.
ເຮັດວຽກບົນຈິດໃຈມີປະສິດທິຜົນ, ຮອບດ້ານ ແລະແທດຈິງ
ທ່ານ ຟ້າມແທັງບິ່ງ ໃຫ້ຂໍ້ສັງເກດວ່າ: ບັນດາການເຄື່ອນໄຫວຂອງທ່ານນາຍົກລັດຖະມົນຕີ ຟ້າມມິງຈິ໊ງ ຄາດວ່າຈະດຳເນີນໃນໄລຍະ 4 ວັນ ດ້ວຍຈິດໃຈມີປະສິດທິຜົນ, ຮອບດ້ານ, ແທດຈິງ. ສະນັ້ນ, ລາຍການເຮັດວຽກຂອງທ່ານນາຍົກລັດຖະມົນຕີ ຟ້າມມິງຈິ໊ງ ຈະອຸດົມສົມບູນ, ຫຼາຍຮູບຫຼາຍແບບ ແລະມີເນື້ອແທ້.
ຕາມແຜນການແລ້ວ, ທ່ານນາຍົກລັດຖະມົນຕີ ຟ້າມມິງຈິ໊ງ ຈະເຂົ້າຮ່ວມ ແລະມີບົດກ່າວປາໄສທີ່ສຳຄັນຢູ່ 3 ກອງປະຊຸມຫຼາຍຝ່າຍ, ລວມມີກອງປະຊຸມສຸດຍອດ GMS ຄັ້ງທີ 8, ກອງປະຊຸມສຸດຍອດ ACMECS ຄັ້ງທີ 10, ກອງປະຊຸມສຸດຍອດ CLMV ຄັ້ງທີ 11; ດຳເນີນການພົບປະສອງຝ່າຍກັບບາງຄູ່ຮ່ວມມືທີ່ສຳຄັນ; ເຂົ້າຮ່ວມການເຄື່ອນໄຫວກະຕຸກຊກຍູ້ການທ່ອງທ່ຽວຫວຽດນາມ, ໂອ້ລົມສົນທະນາກັບວິສາຫະກິດ; ໄປຢ້ຽມຢາມຮາກຖານເສດຖະກິດ, ໂລຢິກສະຕິກບາງແຫ່ງ ຢູ່ ຄຸນມີງ ແລະ ຊົງຊິງ ຂອງຈີນ.
ຄາກວ່າ ທ່ານນາຍົກລັດຖະມົນຕີ ຈະພົບປະກັບບັນດາຄູ່ຮ່ວມມືສຳຄັນທີ່ມີຄວາມສາມາດບົ່ມຊ້ອນດ້ານການຮ່ວມມືກັບຫວຽດນາມ ໃນທຸກຂັ້ນ. ໃນນັ້ນມີຄູ່ຮ່ວມມືພັດທະນາ, ບັນດາອົງການການເງິນຫຼາຍຝ່າຍ, ອົງການຂັ້ນສູນກາງ, ກະຊວງ, ຂະແໜງການ, ທ້ອງຖິ່ນ, ແລະວິສາຫະກິດຂອງຈີນ. ພ້ອມກັນນັ້ນ, ທ່ານນາຍົກລັດຖະມົນຕີ ຟ້າມມິງຈິ໊ງ ຍັງໄດ້ໃຊ້ເວລາໄປຢ້ຽມຢາມຖາມຂ່າວ ແລະ ຊອກຮູ້ຊີວິດການເປັນຢູ່ຂອງປະຊາຄົມຊາວຫວຽດນາມ ອາໄສຢູ່ຈີນ.
ກ່ຽວກັບດ້ານເນື້ອໃນມີ່ແທດຈິງ, ທ່ານ ຟ້າມແທັງບິ່ງ ຖືວ່າ: ທ່ານນາຍົກລັດຖະມົນຕີ ຈະສຸມໃສ່ຊຸກຍູ້ບັນດາຂົງເຂດຮ່ວມມືທີ່ເໝາະສົມກັບບຸລິມະສິດພັດທະນາຂອງຫວຽດນາມ ໃນສະພາບການໃໝ່. ໃນນັ້ນຊຸກຍູ້ທ່າແຮງໃນຂົງເຂດການຄ້າ, ການນຳເຂົ້າ-ສົ່ງອອກສິນຄ້າ, ການບໍລິການ,
ເພີ່ມທະວີການຮ່ວມສໍາພັນດ້ານພື້ນຖານໂຄງລ່າງແຂງ ແລະອ່ອນ, ຄຸ້ມຄອງ ແລະ ນຳໃຊ້ແຫຼ່ງນ້ຳຂ້າມຊາຍແດນແບບຍືນຍົງ ແລະ ມີປະສິດທິຜົນ; ພ້ອມກັນນັ້ນ, ຕັ້ງໜ້າຊອກຫາຊັບພະຍາກອນພັດທະນາຄວາມສາມາດບົ່ມຊ້ອນອັນໃຫຍ່ຫຼວງ, ຄື: ວິທະຍາສາດ-ເຕັກໂນໂລຢີ, ນະວັດຕະກຳ, ສະຫຼາດ, ການຫັນເປັນດີຈີຕອນ, ຫັນເປັນສີຂຽວ, ຮັບໃຊ້ວິວັດການພັດທະນາເສດຖະກິດ - ສັງຄົມຂອງຫວຽດນາມ ກໍຄືຫັນຄຳໝັ້ນສັນຍາຂອງຫວຽດນາມ ກ່ຽວກັບການພັດທະນາແບບຍືນຍົງ ແລະການຫຼຸດຜ່ອນການປ່ອຍອາຍພິດ ໃຫ້ປະກົດຜົນເປັນຈິງ.
ທ່ານ ຟ້າມແທັງບິ່ງ ແບ່ງປັນວ່າ: “ຂ້າພະເຈົ້າເຊື່ອໝັ້ນວ່າ ດ້ວຍການຊີ້ນໍາຂອງພັກ, ລັດ ແລະ ທ່ານນາຍົກລັດຖະມົນຕີ ຟ້າມມິງຈິ໊ງ, ການໄປປະຕິບັດງານຄັ້ງນີ້ ຈະນຳມາເຊິ່ງຜົນປະໂຫຍດລະອຽດ ແລະ ແທດຈິງໃຫ້ຫວຽດນາມ, ອະນຸພາກພື້ນແມ່ນ້ຳຂອງ ແລະ ປະກອບສ່ວນເຂົ້າໃນວິວັດທະນາການກໍ່ສ້າງປະຊາຄົມອາຊຽນ".
 | ທ່ານນາຍົກລັດຖະມົນຕີ ຫວຽດນາມ: ນຳແຂວງ ຢຸນໜານ ແລະ ແຂວງ ລາວກາຍ ກາຍເປັນສູນເຊື່ອມຕໍ່ການຄ້າລະຫວ່າງຈີນ ກັບ ອາຊຽນ ຍສໝ - ໃນຂອບເຂດການເຂົ້າຮ່ວມກອງປະຊຸມສຸດຍອດການຮ່ວມມືອະນຸພາກພື້ນແມ່ນ້ຳຂອງ ເປີດກວ້າງ ຄັ້ງທີ 8 ແລະ ການປະຕິບັດງານຢູ່ຈີນ, ຕອນເຊົ້າວັນທີ 6 ພະຈິກນີ້, ຢູ່ນະຄອນ ຄຸນໝິງ, ສະຫາຍ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ຕ້ອນຮັບສະຫາຍ ຫວ່າງນິງ, ກຳມະການຄະນະບໍລິຫານງານສູນກາງພັກກອມມູນິດຈີນ, ເລຂາພັກແຂວງ ຢຸນນານ. |
 | ການຢ້ຽມຢາມຂອງທ່ານນາຍົກລັດຖະມົນຕີ ແມ່ນຂີດໝາຍສຳຄັນໃນການພົວພັນກັບ ກາຕາ ຍສໝ - ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ສິ້ນສຸດການຢ້ຽມຢາມທາງລັດຖະກິດ ຢູ່ກາຕາ ຢ່າງຈົບງາມ. ການຢ້ຽມຢາມແມ່ນຂີດໝາຍສຳຄັນໃນການພົວພັນລະຫວ່າງ ຫວຽດນາມ ກັບ ກາຕາ ແລະມີຄວາມໝາຍພິເສດດັ່ງລຸ່ມນີ້. |
ແສງເດືອນ
