ການຢ້ຽມຢາມຂອງທ່ານນາຍົກລັດຖະມົນຕີ ແມ່ນຂີດໝາຍສຳຄັນໃນການພົວພັນກັບ ກາຕາ

ຍສໝ - ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ສິ້ນສຸດການຢ້ຽມຢາມທາງລັດຖະກິດ ຢູ່ກາຕາ ຢ່າງຈົບງາມ. ການຢ້ຽມຢາມແມ່ນຂີດໝາຍສຳຄັນໃນການພົວພັນລະຫວ່າງ ຫວຽດນາມ ກັບ ກາຕາ ແລະມີຄວາມໝາຍພິເສດດັ່ງລຸ່ມນີ້.

	ຫວຽດນາມ ຊຸກຍູ້ການດຶງດູດການລົງທຶນຂອງ ກາຕາ
	ລັດຖະມົນຕີກະຊວງຕຳຫຼວດ ຫວຽດນາມ ຕ້ອນຮັບເອກອັກຄະລັດຖະທູດ ກາຕາ ປະຈຳ ຫວຽດນາມ

ເນື່ອງໃນໂອກາດທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄປຢ້ຽມຢາມທາງລັດຖະກິດ ຢຸ່ກາຕາ. ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ຕອບສຳພາດຕໍ່ນັກຂ່າວໜັງສືພິມ Asian Telegraph (ກາຕາ).

ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ສິ້ນສຸດການຢ້ຽມຢາມທາງລັດຖະກິດ ຢູ່ກາຕາ ຢ່າງຈົບງາມ. ການຢ້ຽມຢາມແມ່ນຂີດໝາຍສຳຄັນໃນການພົວພັນລະຫວ່າງ ຫວຽດນາມ ກັບ ກາຕາ ແລະມີຄວາມໝາຍພິເສດດັ່ງລຸ່ມນີ້.

ທີໜຶ່ງ, ນີ້ແມ່ນການຢ້ຽມຢາມ ກາຕາ ຄັ້ງທຳອິດຂອງຜູ້ນຳໜ້າລັດຖະບານຫວຽດນາມ ພາຍຫຼັງເວລາ 15 ປີ, ຢັ້ງຢືນຄວາມປາດຖະໜາ ແລະຄວາມຕັດສິນໃຈສູງຂອງການນຳ ແລະປະຊາຊົນສອງປະເທດໃນການນຳການພົວພັນຫວຽດນາມ - ກາຕາ ກ້າວເຂົ້າສູ່ໄລຍະໃໝ່, ແຂງແຮງກວ່າ, ຮອບດ້ານກວ່າ, ໄວ້ເນື້ອເຊື່ອໃຈກວ່າ, ດ້ວຍຫຼາຍກາລະໂອກາດເປີດກວ້າງກວ່າ, ຄື: ພະມະຫາກະສັດ ກາຕາ ໄດ້ແບ່ງປັນວ່າ “ການພົວພັນຫວຽດນາມ-ກາຕາ ບໍ່ມີຂີດຈຳກັດ”.

ການຢ້ຽມຢາມຂອງທ່ານນາຍົກລັດຖະມົນຕີ ແມ່ນຂີດໝາຍສຳຄັນໃນການພົວພັນກັບ ກາຕາ

ທ່ານ Sheikh Mohammed bin Abdulrahman bin Jasim Al-Thani ນາຍົກລັດຖະມົນຕີ ກາຕາ ເປັນປະທານພິທີຕ້ອນຮັບທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ຢ່າງເປັນທາງການ. ພິທີຕ້ອນຮັບໄດ້ດຳເນີນຢູ່ວັງ Amiri Diwan. ພາບ: ເຍີດບັ໊ກ

ທີສອງ, ການຢ້ຽມຢາມໄດ້ຍົກລະດັບການພົວພັນລະຫວ່າງສອງປະເທດ. ເລື່ອງ ຫວຽດນາມ ແລະກາຕາ ເຫັນດີເປັນເອກະພາບຊຸກຍູ້ການພົວພັນຂຶ້ນລະດັບສູງໃໝ່ໃນໄລຍະຈະມາເຖິງໄດ້ສ້າງກຳລັງລັງໜູນ ເພື່ອພັດທະນາຮອບດ້ານການພົວພັນມິດຕະພາບ ແລະການຮ່ວມມືຫຼາຍດ້ານລະຫວ່າງສອງປະເທດ, ເປີດກາລະໂອກາດ ເພື່ອໃຫ້ສອງຝ່າຍເພີ່ມທະວີການແບ່ງປັນ, ປະສານສົມທົບໃນຂອບເຂດຫຼາຍຝ່າຍໃຫຍ່ກວ່າ, ຄື: ສະຫະປະຊາຊາດ, ສະພາຮ່ວມມືເຂດອ່າວ (GCC), ສະຫະພັນ Arab, ASEAN...

ທີສາມ, ການຢ້ຽມຢາມຄັ້ງນີ້ໄດ້ສະແດງໃຫ້ເຫັນຈິນຕະນາການໃໝ່, ວິໄສທັດຍຸດທະສາດ, ຍາວນານ, ສອງປະເທດອາດສາມາດຂຸດຄົ້ນຄວາມສາມາດບົ່ມຊ້ອນ, ທ່າແຮງຂອງແຕ່ລະຝ່າຍ ເພື່ອພ້ອມກັນຮ່ວມມື ແລະພັດທະນາ. ສຳລັບ ກາຕາ ແມ່ນກາລະໂອກາດເປີດກວ້າງຕະຫຼາດສຳລັບສິນຄ້າສົ່ງອອກມາຍັງຕະຫຼາດດ້ວຍພົນລະເມືອງທີ່ພວມເພີ່ມຂຶ້ນ 101 ລ້ານຄົນ, ສ່ວນຫວຽດນາມ ແມ່ນເພີ່ມທະວີການດຶງດູດການລົງທຶນຈາກ ກາຕາ. ພ້ອມທັງ, ສອງຝ່າຍຕັດສິນໃຈເປີດກວ້າງການຮ່ວມມືໃນຂົງເຂດບຸລິມະສິດ, ຄື: ພະລັງງານສະອາດ, ຫັນປ່ຽນສີຂຽວ, ຫັນປ່ຽນດີຈີຕອນ... ນຳມາເຊິ່ງຜົນປະໂຫຍດທີ່ລະອຽດ ແລະແທດຈິງໃຫ້ທັງສອງປະເທດໃນໄລຍະຈະມາເຖິງ.

ການຢ້ຽມຢາມ ກາຕາ ຂອງທ່ານນາຍົກລັດຖະມົນຕີຫວຽດນາມ ໄດ້ສິ້ນສຸດຢ່າງຈົບງາມດ້ວຍຫຼາຍໝາກຜົນສຳຄັນ, ແທດຈິງ, ປະກອບສ່ວນປັບປຸງ ແລະເພີ່ມທະວີການພົວພັນມິດຕະພາບ, ການຮ່ວມມືລະຫວ່າງສອງປະເທດ. ສາມາດໃຫ້ເຫັນໝາກຜົນຕົ້ນຕໍດັ່ງລຸ່ມນີ້:

ທີໜຶ່ງ, ໃນຂອບເຂດການໄປຢ້ຽມຢາມ, ມີເອກະສານສຳຄັນຫຼາຍສະບັບໄດ້ຮັບຮອງເອົາ, ນັ້ນແມ່ນຖະແຫຼງຂ່າວຮ່ວມລະຫວ່າງຫວຽດນາມ ແລະກາຕາ, ເອກະສານຮ່ວມມື 6 ສະບັບ, ຮ່ວມມືໃນຂົງເຂດການພົວພັນຕ່າງປະເທດ, ຕຸລາການ, ການຄ້າ-ການລົງທຶນ, ການຄົມມະນາຄົມ, ກິລາ, ການຮ່ວມມືລະຫວ່າງບັນດາວິສາຫະກິດ... ສ້າງພື້ນຖານໃຫ້ແກ່ການຊຸກຍູ້ການຮ່ວມມືໃນທຸກຂົງເຂດລະຫວ່າງສອງປະເທດ.

ທີສອງ, ການຢ້ຽມຢາມຄັ້ງນີ້ຈະເຮັດໃຫ້ຄວາມໄວ້ເນື້ອເຊື່ອໃຈເລິກເຊິ່ງກວ່າ, ປັບປຸງການພົວພັນສ່ວນຕົວທີ່ດີງາມລະຫວ່າງການນຳຂັ້ນສູງສອງປະເທດ. ບັນດາການພົບປະຂອງນາຍົກລັດຖະມົນຕີຫວຽດນາມ ກັບການນຳ ກາຕາ ໄດ້ດຳເນີນໄປໃນບັນຍາກາດທີ່ຈິງໃຈ, ໄວ້ເນື້ອເຊື່ອໃຈ, ແທດຈິງ ແລະເຂົ້າອົກເຂົ້າໃຈກັນ, ຢັ້ງຢືນຄວາມຕັດສິນໃຈນຳການພົວພັນສອງຝ່າຍໃຫ້ພັດທະນາຢ່າງແທດຈິງ, ມີປະສິດທິຜົນ ແລະຍາວນານ.

ທີສາມ, ການຢ້ຽມຢາມຄັ້ງນີ້ບັນລຸຫຼາຍໝາກຜົນແທດຈິງ, ບຸກທະລຸໃນຂົງເຂດຮ່ວມມືເສດຖະກິດ, ການຄ້າ ແລະການລົງທຶນ, ໃນນັ້ນ, ສອງຝ່າຍໄດ້ເຫັນດີເປັນເອກະພາບຍົກວົງເງິນການຄ້າສອງຝ່າຍໃນໄລຍະຈະມາເຖິງ; ຄົ້ນຄວ້າສ້າງໜ່ວຍປະຕິບັດງານຮ່ວມດ້ານການຄ້າ; ພິຈາລະນາການສ້າງສູນວາງສະແດງຜະລິດຕະພັນຂອງຫວຽດນາມ ຢູ່ ກາຕາ; ຊຸກຍູ້ການຮ່ວມມືໃນຂົງເຂດການເງິນ...

ທີສີ່, ການຢ້ຽມຢາມຄັ້ງນີ້ໄດ້ສ້າງກຳລັງໜູນໃໝ່, ເປີດກາລະໂອກາດຮ່ວມມືລະຫວ່າງ ຫວຽດນາມ ແລະກາຕາ ໃນຫຼາຍຂົງເຂດ, ໃນນັ້ນມີບັນດາຂົງເຂດໃໝ່, ຄວາມສາມາດ ບົ່ມຊ້ອນ. ຄຽງຄູ່ເປົ້າໝາຍທີ່ນຳບັນດາຂົງເຂດທີ່ເປັນມູນເຊື້ອຄື: ປ້ອງກັນຄວາມສະຫງົບ, ການສຶກສາ, ການທ່ອງທ່ຽວ, ພົບປະແລກປ່ຽນປະຊາຊົນ... ກາຍເປັນພື້ນຖານໝັ້ນແກ່ນໃຫ້ແກ່ການພົວພັນມິດຕະພາບ ແລະການຮ່ວມມືຍາວນານ, ສອງປະເທດໄດ້ກຳນົດເສົາຄ້ຳ “ຮ່ວມມືໃນອະນາຄົດ” ແມ່ນພະລັງງານສະອາດ, ຫັນປ່ຽນສິຂຽວ, ຫັນປ່ຽນດີຈີຕອນ, ພັດທະນາຂະແໜງ Halal ຢູ່ຫວຽດນາມ...

ທ່ານ ບຸ່ຍແທັງເຊີນ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ. ພາບ: ຕ໊ວນແອັງ

ຂົງເຂດໃດທີ່ສອງປະເທດສາມາດເພີ່ມທະວີການຮ່ວມມື, ຂໍຮຽນທ່ານ?

ຫວຽດນາມ ແລະກາຕາ ມີຫຼາຍກາລະໂອກາດ, ຄວາມສາມາດບົ່ມຊ້ອນເພີ່ມທະວີການພົວພັນຮ່ວມມືສອງຝ່າຍກວ່າອີກ ເພື່ອຄວາມວັດທະນາຖາວອນຂອງປະຊາຊົນສອງປະເທດ ແລະເພື່ອສັນຕິພາບ, ສະຖຽນລະພາບ ແລະພັດທະນາຢູ່ແຕ່ລະພາກພື້ນ. ຄວາມສຳຄັນແມ່ນຕ້ອງຫັນຈິນຕະນາການໃໝ່, ວິໄສທັດຍຸດທະສາດ, ຍາວນານ ແລະຄວາມຕັດສິນໃຈພັດທະນາການພົວພັນຂອງການນຳ ແລະປະຊາຊົນສອງປະເທດໃນໄລຍະໃໝ່ຂອງການພົວພັນໃຫ້ປະກົດຜົນເປັນຈິງ. ຂ້າພະເຈົ້າຖືວ່າປະຈຸບັນ ຫວຽດນາມ ແລະກາຕາ ສາມາດສຸມໃສ່ເຮັດໃຫ້ການພົວພັນສອງຝ່າຍເລິກເຊິ່ງຢູ່ແຕ່ລະຂົງເຂດຈຸດສຸມດັ່ງນີ້:

ກ່ອນອື່ນໝົດແມ່ນຂົງເຂດພະລັງງານ ແລະພະລັງງານທົດແທນ. ກາຕາ ດ້ວຍແຫຼ່ງຊັບພະຍາກອນນ້ຳມັນອາຍແກັດ ຢ່າງອຸດົມສົມບູນ, ມີຄວາມສາມາດດ້ານການເງິນ ແລະເຕັກໂນໂລຢີ, ສາມາດຮ່ວມມືກັບຫວຽດນາມ ໃນການພັດທະນາບັນດາໂຄງການພະລັງງານ, ພະລັງງານທົດແທນ.

ທີສອງ, ຂົງເຂດການຄ້າ ແລະການລົງທຶນກໍ່ມີຄວາມສາມາດບົ່ມຊ້ອນເພື່ອຊຸກຍູ້. ຫວຽດນາມ ດ້ວຍພື້ນຖານເສດຖະກິດພັດທະນາໄວ, ສະພາບແວດລ້ອມການລົງທຶນມີຄວາມດຶງດູດຕໍ່ກັບນັກລົງທຶນ ກາຕາ ໃນຂົງເຂດຫັນປ່ຽນສີຂຽວ, ຫັນປ່ຽນດີຈີຕອນ, ກະສິກຳເຕັກໂນໂລຢີສູງ... ຫວຽດນາມ ໄດ້ຢັ້ງຢືນຖານະພື້ນຖານເສດຖະກິດໃຫຍ່ອັນດັບທີ 35 ໃນໂລກ, ໃນກຸ່ມ 20 ປະເທດທີ່ມີວົງເງິນການຄ້າໃຫຍ່ທີ່ສຸດໃນໂລກ. ຫວຽດນາມ ແມ່ນຕ່ອງໂສ້ສຳຄັນໃນ 17 ສັນຍາການຄ້າເສລີ (FTA) ເຊື່ອມຕໍ່ກັບ 60 ພື້ນຖານເສດຖະກິດ, ໃນນັັ້ນມີຫຼາຍພື້ນຖານເສດຖະກິດໃຫຍ່ໃນພາກພື້ນ ແລະໂລກ, ແມ່ນບ່ອນລົງທຶນທີ່ໄດ້ຮັບຄວາມນິຍົມແຖວໜ້າໃນບັນດາປະເທດຫາກໍ່ພົ້ນເດັ່ນຂຶ້ນ ແລະພວມພັດທະນາຢູ່ອາຊີ ແລະປາຊີຟິກ.

ທີສາມ, ການຮ່ວມມື Halal ກໍ່ແມ່ນໜຶ່ງໃນບັນດາທິດຮ່ວມມືີທີ່ມີຄວາມສາມາດບົ່ມຊ້ອນ. ສອງປະເທດລ້ວນແຕ່ມີເປົ້າໝາຍກໍ່ສ້າງຂະແໜງ Halal ກາຍເປັນໜຶ່ງໃນບັນດາຂະແໜງອຸດສາຫະກຳສຳຄັນຂອງພື້ນຖານເສດຖະກິດຂອງແຕ່ລະປະເທດ. ຫວຽດນາມ ໄດ້ປະກາດໃຊ້ຍຸດທະສາດກ່ຽວກັບການເພີ່ມທະວີການຮ່ວມມືສາກົນ ເພື່ອພັດທະນາຂະແໜງ Halal ຫວຽດນາມ ຈົນຮອດປີ 2030; ກາຕາ ກໍ່ປະກາດໃຊ້ລາຍການທຳມາຫາກິນ Halal ເພື່ອນຳ ກາຕາ ກາຍເປັນສູນອຸດສາຫະກຳ Halal ໃນທົ່ວໂລກໃນໄລຍະ ຈະມາເຖິງ. ສອງຝ່າຍຄວນຂຸດຄົ້ນຂົງເຂດເພີ່ມເຕີມໃຫ້ແກ່ກັນ, ຫວຽດນາມ ມີຄວາມຕ້ອງການ ແລະກາຕາ ມີທ່າແຮງ.

ທີສີ່, ການສຶກສາ ແລະການຄົ້ນຄວ້າກໍ່ແມ່ນໜຶ່ງໃນບັນດາຂົງເຂດທີ່ມີແງ່ຫວັງ. ຫວຽດນາມ ແລະກາຕາ ອາດສາມາດຈັດຕັ້ງບັນດາລາຍການແລກປ່ຽນນັກຮຽນ, ນັກສຶກສາ ແລະຄູອາຈານ, ຮ່ວມມືຄົ້ນຄວ້າວິທະຍາສາດ ແລະເຕັກໂນໂລຢີ ເພື່ອຍົກສູງລະດັບຄວາມຮູ້ ແລະຄວາມສາມາດແກ່ງແຍ້ງຂອງທັງສອງຝ່າຍ.

ທີຫ້າ, ວັດທະນະທຳ ແລະການທ່ອງທ່ຽວກໍ່ແມ່ນຂົງເຂດຕ້ອງຂຸດຄົ້ນໃຫ້ດີກວ່າ. ສອງປະເທດມີຄວາມຫຼາຍດ້ານວັດທະນະທຳ ແລະລ້ວນແຕ່ເອົາໃຈໃສ່ເຖິງການພັດທະນາວັດທະນະທຳ. ຫວຽດນາມ ແລະກາຕາ ສາມາດຈັດຕັ້ງບັນດາເຫດການພົບປະ ແລກປ່ຽນ, ສົ່ງເສີມການທ່ອງທ່ຽວ ເພື່ອເພີ່ມທະວີຄວາມເຂົ້າອົກເຂົ້າໃຈ ແລະການຮ່ວມມືລະຫວ່າງປະຊາຊົນສອງປະເທດ.

ພວກຂ້າພະເຈົ້າ ຕີລາຄາສູງບົດບາດ ແລະຖານະທີ່ຕັ້ງຂອງ ກາຕາ ຢູ່ພາກພື້ນ, ບໍ່ພຽງແຕ່ການປະກອບສ່ວນດ້ານເສດຖະກິດເທົ່ານັ້ນ ຫາກຍັງມີດ້ານການເມືອງ, ການພົວພັນຕ່າງປະເທດ ແລະວັດທະນະທຳອີກດ້ວຍ.

ຂ້າພະເຈົ້າ ເຊື່ອໝັ້ນວ່າ ດ້ວຍຜົນສຳເລັດຂອງການຢ້ຽມຢາມຄັ້ງນີ້ຂອງທ່ານນາຍົກລັດຖະມົນຕີ, ການພົວພັນຮ່ວມມືລະຫວ່າງຫວຽດນາມ ແລະກາຕາ ຈະສືບຕໍ່ພັດທະນາຢ່າງແຂງແຮງ ແລະຮອບດ້ານ. ຫວຽດນາມ ແລະກາຕາ ຈະພ້ອມກັນຮ່ວມມືເພື່ອສ້າງການພົວພັນຄູ່ຮ່ວມມືທີ່ຍືນຍົງ, ນຳເອົາຜົນປະໂຫຍດແທດຈິງມາໃຫ້ປະຊາຊົນສອງປະເທດ ແລະປະກອບສ່ວນເຂົ້າສັນຕິພາບ, ການຮ່ວມມື ແລະພັດທະນາຂອງສອງພາກພື້ນ ກໍ່ຄືໃນໂລກ.

ນຳສົ່ງພົນລະເມືອງຫວຽດນາມ ເກືອບ 340 ຄົນມາຈາກນໍເວ, ໂມຊຳບິກ, ອາຟຣິກາໃຕ້, ກາຕາ ເພື່ອກັບຄືນປະເທດ

ຍສໝ - ໃນສອງມື້ ວັນທີ 29-30 ຕຸລາ, ບັນດາອົງການທີ່ມີໜ້າທີ່ຫວຽດນາມ, ສະຖານທູດຫວຽດນາມ ປະຈຳ ນໍເວ ໄດ້ປະສານສົມທົບກັບ ສະຖານທູດຫວຽດນາມ ປະຈຳໂມຊຳບິກ, ອາຟຣິກາໃຕ້, ກາຕາ ແລະ ສາຍການບິນ Qatar Airways ເພື່ອນຳສົ່ງພົນລະເມືອງຫວຽດນາມ ເກືອບ 340 ຄົນ ໄດ້ກັບຄືນປະເທດຢ່າງປອດໄພ.