 | ວິສາຫະກິດຫວຽດນາມ - ລັດເຊຍ: ເຊື່ອມຕໍ່ກາລະໂອກາດການຮ່ວມມື |
| ບັນດາລັດຖະມົນຕີການຕ່າງປະເທດອາຊຽນ ອອກຖະແຫຼງການກ່ຽວກັບຜົນກະທົບຂອງພາຍຸ Yagi |
ໃນບັນຍາກາດແຫ່ງມິດຕະພາບ, ຄວາມຈິງໃຈ ແລະ ໄວ້ເນື້ອເຊື່ອໃຈ, ສະຫາຍ ຟ້າມມິງຈິງ ນາຍົກລັດຖະມົນຕີ ຫວຽດນາມ ແລະ ສະຫາຍ ຫວ່າງນິງ, ເລຂາພັກແຂວງ ຢຸນນານ ໄດ້ສະແດງຄວາມປິຕິຊົມຊື່ນ ແລະ ຕີລາຄາຢ່າງຕັ້ງໜ້າກ່ຽວກັບບັນດາຄວາມກ້າວໜ້າຂອງການພົວພັນລະຫວ່າງ 2 ພັກ, 2 ປະເທດ ຫວຽດນາມ - ຈີນ ເມື່ອມໍ່ໆມານີ້, ແລກປ່ຽນບັນດາມາດຕະການເພື່ອຊຸກຍູ້ການຮ່ວມມືລະຫວ່າງບັນດາກະຊວງ, ຂະແໜງການ, ທ້ອງຖິ່ນຂອງ ຫວຽດນາມ ແລະ ແຂວງ ຢຸນໜານ ໃນໄລຍະຈະມາເຖິງ.
ສະຫາຍ ຟ້າມມິງຈິງ ໄດ້ສະແດງຄວາມຂອບໃຈຢ່າງຈິງໃຈຕໍ່ຄະນະພັກ, ອຳນາດການປົກຄອງ ແລະ ບັນດາອົງການທີ່ກ່ຽວຂ້ອງຂອງແຂວງ ຢຸນໜານ ເມື່ອບໍ່ດົນມານີ້ ໄດ້ສົມທົບກັນຢ່າງແໜ້ນແຟ້ນ, ມີປະສິດທິຜົນໃນວຽກງານດັດສົມການປ່ອຍນໍ້າ, ຊ່ວຍໃຫ້ ຫວຽດນາມ ຫຼຸດຜ່ອນຄວາມເສຍຫາຍຈາກພາຍຸ Yagi; ຮັບຮູ້ ແລະ ຕີລາຄາສູງບັນດາກ້າວໜ້າຢ່າງຕັ້ງໜ້າໃນການຮ່ວມມືລະຫວ່າງທຸກຂັ້ນ, ທຸກຂະແໜງການຂອງ ຫວຽດນາມ ແລະ ແຂວງ ຢຸນໜານ; ຢືນຢັນວ່າ ພັກ ແລະ ລັດຖະບານ ຫວຽດນາມ ຍາມໃດກໍ່ເຄົາລົບ, ເອົາໃຈໃສ່, ສະໜັບສະໜູນ, ສ້າງເງື່ອນໄຂສະດວກທຸກຢ່າງໃຫ້ບັນດາທ້ອງຖິ່ນຂອງ ຫວຽດນາມ ເພື່ອເພີ່ມທະວີການຮ່ວມມືກັບບັນດາທ້ອງຖິ່ນຂອງຈີນ, ໃນນັ້ນມີແຂວງ ຢຸນໜານ.
 |
| ສະຫາຍ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ຕ້ອນຮັບສະຫາຍ ຫວ່າງນິງ, ກຳມະການຄະນະບໍລິຫານງານສູນກາງພັກກອມມູນິດຈີນ, ເລຂາພັກແຂວງ ຢຸນນານ - ພາບ: VGP/Nhat Bac. |
ສະຫາຍ ຟ້າມມິງຈິງ ເນັ້ນໜັກວ່າ ແຂວງ ຢຸນໜານ ມີທີ່ຕັ້ງສຳຄັນທີ່ສຸດໃນການພົວພັນຮ່ວມມືລະຫວ່າງ ຫວຽດນາມ - ຈີນ. ຫວຽດນາມ ແລະ ຢຸນໜານ ມີຄວາມສາມາດບົ່ມຊ້ອນ, ທ່າໄດ້ປຽບ ແລະ ເງື່ອນໄຂສະດວກຫຼາຍຢ່າງ ເພື່ອພັດທະນາການຮ່ວມມື, ມີທ່າແຮງເພີ່ມເຕີມຊຶ່ງກັນ ແລະ ກັນ, ພ້ອມກັນນັ້ນ, ກໍ່ມີຄວາມປາຖະໜາ ແລະ ຄວາມຕ້ອງການຂອງທັງສອງຝ່າຍໃນດ້ານການຄ້າ, ການແລກປ່ຽນໄປມາກໍ່ມີຫຼາຍ.
ສະຫາຍ ຟ້າມມິງຈິງ ຫວັງວ່າ 2 ຝ່າຍຈະສົມທົບກັນຢ່າງແໜ້ນແຟ້ນໃນການຄຸ້ມຄອງ ແລະ ປົກປັກຮັກສາຊາຍແດນຕາມ 03 ເອກະສານກ່ຽວກັບຊາຍແດນທາງບົກ ແລະ ສັນຍາທີ່ກ່ຽວຂ້ອງ, ສົມທົບກັນຢ່າງແໜ້ນແຟ້ນ ເພື່ອຈັດຕັ້ງບັນດາການເຄື່ອນໄຫວລະນຶກ 25 ປີແຫ່ງວັນລົງນາມໃນສົນທິສັນຍາເຂດຊາຍແດນ ແລະ 15 ປີແຫ່ງວັນລົງນາມ 03 ເອກະສານນິຕິກຳວ່າດ້ວຍຊາຍແດນທາງບົກໃນປີ 2024.
ສະຫາຍ ຫວ່າງນິງ ຢືນຢັນວ່າ ແຂວງ ຢຸນໜານ ຖືການພົວພັນຮ່ວມມືມິດຕະພາບກັບ ຫວຽດນາມ ເປັນສຳຄັນ; ພ້ອມແລ້ວທີ່ຈະສົມທົບກັບບັນດາກະຊວງ, ຂະແໜງການ, ທ້ອງຖິ່ນຂອງ ຫວຽດນາມ ເພື່ອປະຕິບັດຄວາມຮັບຮູ້ລວມຂອງສະຫາຍເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ແລະ ສະຫາຍ ເລຂາທິການໃຫຍ່ ຫວຽດນາມ ໂຕເລີມ, ກໍ່ຄືບັນດາການຊີ້ນຳ, ຂໍ້ສະເໜີຂອງ ສະຫາຍ ຟ້າມມິງຈິງ; ເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ຍົກສູງບົດບາດຂອງກົນໄກຮ່ວມມືທີ່ມີຢູ່ແລ້ວຢ່າງມີປະສິດທິຜົນ, ພິເສດແມ່ນກົນໄກການພົບປະລະຫວ່າງເລຂາທິການ 5 ແຂວງ, ລົງເລິກການຮ່ວມມືດ້ານເສດຖະກິດ, ການຄ້າ, ໝູນໃຊ້ບັນດາໂຄງການທາງລົດໄຟທີ່ມີຢູ່ແລ້ວໃຫ້ເປັນຢ່າງດີ, ເພີ່ມທະວີການເຊື່ອມຕໍ່ພື້ນຖານໂຄງລ່າງທາງລົດໄຟ, ທາງບົກ.
ສະຫາຍ ຫວ່າງນິງ ໃຫ້ຮູ້ວ່າ ແຂວງ ຢຸນໜານ ປາດຖະໜາຢາກເພີ່ມທະວີການຮ່ວມມືກັບ ຫວຽດນາມ ໃນບັນດາຂົງເຂດທີ່ແຂວງ ຢຸນໜານ ມີທ່າແຮງກ່ຽວກັບດ້ານພະລັງງານສີຂຽວ, ກະສິກຳທີ່ມີລັກສະນະເຂດພູສູງທີ່ເປັນເອກະລັກສະເພາະ, ການທ່ອງທ່ຽວ; ພ້ອມກັນນັ້ນ, ກໍ່ຊຸກຍູ້ການຮ່ວມມືດ້ານເສດຖະກິດ, ການຄ້າ, ເສດຖະກິດດ່ານຊາຍແດນ, ການຮ່ວມມືພັດທະນາຂະແໜງການຜະລິດທີ່ກ້າວໜ້າ; ການຮ່ວມມືຢ່າງແໜ້ນແຟ້ນໃນບັນດາຂົງເຂດຄື: ການບຳລຸງສ້າງພະນັກງານ, ການລົບລ້າງຄວາມອຶດຫີວ ແລະ ຫຼຸດຜ່ອນຄວາມທຸກຍາກ, ການປົກປັກຮັກສາສິ່ງແວດລ້ອມ ແລະ ການພັດທະນາແບບຍືນຍົງ; ຊຸກຍູ້ການຮ່ວມມືດ້ານສາທາລະນະສຸກ, ວັດທະນະທຳແລະການສຶກສາ, ປະກອບສ່ວນເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານ ຈີນ-ຫວຽດນາມ.
 | ຫວຽດນາມ ແມ່ນຂົວຕໍ່ສຳຄັນລະຫວ່າງ ອາຊຽນ ກັບບັນດາຄູ່ຮ່ວມມື ຍສໝ - ໂດຍແມ່ນພື້ນຖານເສດຖະກິດທີ່ມີການເຕີບໂຕແຖວໜ້າໃນອາຊຽນ, ຫວຽດນາມ ພວມນຳໜ້າບັນດາຄວາມມານະພະຍາຍາມຂອງ ອາຊຽນໃນການຮັດແຄບໄລຍະຫ່າງຂອງການພັດທະນາ ແລະ ເພີ່ມທະວີການເຊື່ອມໂຍງເຂົ້າກັບພາກພື້ນ. |
 | ສູນວັດທະນະທຳຈີນຢູ່ຮ່າໂນ້ຍ: ຊຸກຍູ້ການແລກປ່ຽນວັດທະນະທຳ ແລະ ສິລະປະຫວຽດນາມ - ຈີນ ຍສໝ- ກົມຮ່ວມມືສາກົນ - ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ຫາກໍ່ມອບໃບອະນຸຍາດສ້າງຕັ້ງສູນວັດທະນະທຳຈີນຢູ່ຮ່າໂນ້ຍ ໃຫ້ທ່ານ ເຈືອງດຶກເຊີນ, ຜູ້ອຳນວຍການສູນຄົນໃໝ່. |
ມີງດຶກ
