 | ລຸງໂຮ່ ກັບບຸນປີໃໝ່ປະຈໍາຊາດ |
| ຈົດໝາຍສຸດຊຶ້ງໃຈຂອງ ລຸງໂຮ່ ຕອບປະທານາທິບໍດີສະຫະລັດອາເມລິກາ Nixon, 8 ວັນກ່ອນທີ່ເພິ່ນຈະເສຍຊີວິດ |
ນີ້ແມ່ນການເຄື່ອນໄຫວທີ່ມີຄວາມໝາຍແທດຈິງໃນຂອບເຂດບັນດາການເຄື່ອນໄຫວ ເພື່ອມຸ່ງໄປເຖິງສະເຫຼີມສະຫຼອງ 70 ປີແຫ່ງເຫດການໄປເຕົ້າໂຮມຢູ່ພາກເໜືອ.
 |
| ທ່ານ ຫງວຽນມິງລວນ, ຮອງປະທານຄະນະກຳມະການປະຊາຊົນແຂວງ ກ່າເມົາ ກ່າວຄຳເຫັນທີ່ພິທີ. |
ພາຍຫຼັງສັນຍາ ເຊີແນວ ໄດ້ຮັບການລົງນາມແລ້ວ, ຫວຽດນາມ ໄດ້ນຳໃຊ້ເສັ້ນຂະໜານທີ 17 ເປັນເຂດຊາຍແດນຊົ່ວຄາວ ເພື່ອໃຫ້ກອງທັບຂອງສອງພາກເຕົ້າໂຮມກັນ. ໃນຖ້ຽວລົດໄຟເຕົ້າໂຮມມາພາກເໜືອ, ແມ່ ເລທິແສງ ຢູ່ຕາແສງ ຈີຝາຍ, ເມືອງ ເທີຍບິ່ງ, ແຂວງ ກ່າເມົາ ໄດ້ສົ່ງໝາກນ້ຳນົມໃຫ້ສະຫາຍ ຫງວຽນຈູງກ່ຽນ, ຫົວໜ້າກອງຮ້ອຍທະຫານປືນໃຫຍ່ 370, ດ້ວຍຂໍ້ຄວາມວ່າ: “ປະຊາຊົນພາກໃຕ້ໄດ້ມອບຕົ້ນໝາກນ້ຳນົມໃຫ້ ລຸງໂຮ່ ຄືເປັນຄຳໝັ້ນສັນຍາທີ່ຈະຈົງຮັກພັກດີກັບພາລະກິດປະຕິວັດ”.
 |
| ທ່ານ ຫງວຽນມິງລວນ ໄດ້ມອບໃບຈັດອັນດັບຮ່ອງຮອຍຂັ້ນແຂວງ ແລະ ນະຄອນ ໃຫ້ຜູ້ຕາງໜ້າອຳນາດການປົກຄອງທ້ອງຖິ່ນ. |
ວັນທີ 26 ມັງກອນ ປີ 1955, ທ່ານ ຫງວຽນວັນກີງ, ຜູ້ຕາງໜ້າປະຊາຊົນພາກໃຕ້ ໄດ້ນຳເອົາຕົ້ນໝາກນ້ຳນົມມາມອບໃຫ້ ລຸງໂຮ່. ລຸງໂຮ່ມີຄວາມຕື້ນຕັນໃຈ ນຳໄປປູກຢູ່ໃກ້ກັບບ່ອນເຮັດວຽກ ແລະ ບົວລະບັດເອງທຸກໆມື້. ຕົ້ນໝາກນ້ຳນົມ ໄດ້ກາຍເປັນສັນຍາລັກຂອງນ້ຳໃຈພາກໃຕ້ສຳລັບ ລຸງໂຮ່ ແລະ ສະແດງຄວາມຮັກແພງຂອງ ລຸງໂຮ່ ຕໍ່ວົງຄະນະຍາດ ແລະ ນັກຮົບພາກໃຕ້.
 |
| ສິລາລຶກລະນຶກ ລຸງໂຮ່ ກັບຕົ້ນໝາກນ້ຳນົມພາກໃຕ້. |
ເພື່ອລະນຶກເຖິງຄວາມຮັກແພງອັນເລິກເຊິ່ງຂອງ ລຸງໂຮ່ ທີ່ມີຕໍ່ປະຊາຊົນພາກໃຕ້ ແລະ ນ້ຳໃຈຂອງພາກໃຕ້ທີ່ມີຕໍ່ ລຸງໂຮ່, ປີ 2004, ໃນໂອກາດສະເຫຼີມສະຫຼອງ 50 ປີແຫ່ງຖ້ຽວລົດໄຟເຕົ້າໂຮມ (2004), ຄະນະກຳມະການປະຊາຊົນແຂວງ ກ່າເມົາ ໄດ້ສ້າງສິລາລຶກລະນຶກຢູ່ບ້ານ 10, ຕາແສງ ຈີຝາຍ, ເປັນບ່ອນຂອງແມ່ ເລທິແສງ ອາໄສຢູ່. ປີ 2024, ເນື່ອງໃນເນື່ອງໃນໂອກາດສະເຫຼີມສະຫຼອງ 70 ປີ, ແຂວງ ກ່າເມົາ ໄດ້ຍົກລະດັບ ແລະ ຈັດອັນດັບ “ສິລາລຶກລະນຶກ ລຸງໂຮ່ ກັບຕົ້ນໝາກນ້ຳນົມພາກໃຕ້” ເປັນຮ່ອງຮອຍປະຫວັດສາດຂັ້ນແຂວງ.
ກ່າວຄຳປາໄສທີ່ພິທີ, ທ່ານ ຫງວຽນມິງລວນ ຮອງປະທານຄະນະກຳມະການປະຊາຊົນແຂວງ ກ່າເມົາ ເນັ້ນໜັກວ່າ ການເສີມຂະຫາຍຄຸນຄ່າຮ່ອງຮອຍ ເພື່ອການສຶກສາມູນເຊື້ອຮັກຊາດໃຫ້ແກ່ລຸ້ນໜຸ່ມ. ທ່ານສະເໜີໃຫ້ເພີ່ມທະວີການພັດທະນາການທ່ອງທ່ຽວ, ສົ່ງເສີມຕົ້ນໝາກນ້ຳນົມ, ສ້າງສວນໝາກໝາກນ້ຳນົມ ເພື່ອຮັບໃຊ້ນັກທ່ອງທ່ຽວທັດສະນະ. ທ່ານຍັງຮຽກຮ້ອງໃຫ້ອຳນາດການປົກຄອງທຸກຂັ້ນສືບຕໍ່ລົງທຶນ ເພື່ອໃຫ້ເຂດຮ່ອງຮອຍກາຍເປັນກິດຈະການວັດທະນະທຳດີເດັ່ນ ປະກອບສ່ວນພັດທະນາເສດຖະກິດ, ປົກປັກຮັກສາ ແລະ ສ້າງສາບ້ານເກີດເມືອງນອນ.
 |
| ຜູ້ຕາງໜ້າຂະແໜງການພາລະບົດບາດແຂວງ ກ່າເມົາ ໄດ້ມອບປ້າຍເປັນສັນຍະລັກ ໜູນຊ່ວຍລົບລ້າງເຮືອນຢູ່ຊົ່ວຄາວ, ເຮືອນຮົ່ວເພໃຫ້ປະຊາຊົນ. |
ເນື່ອງໃນໂອກາດນີ້, ຄະນະກຳມະການປະຊາຊົນແຂວງ ກ່າເມົາ ກໍ່ໄດ້ປຸກລະດົມລາຍການລົບລ້າງເຮືອນຢູ່ຊົ່ວຄາວ, ເຮືອນຮົ່ວເພໃຫ້ແກ່ປະຊາຊົນທີ່ເປັນຍາດຕິພີ່ນ້ອງຂອງນັກຮົບເສຍສະຫຼະຊີວິດເພື່ອຊາດ, ຄອບຄົວທຸກຍາກ ແລະ ໃກ້ຂັ້ນທຸກຍາກ, ດ້ວຍເປົ້າໝາຍຈະໃຫ້ສຳເລັດໃນເດືອນ ສິງຫາ 2025. ທ່ານຮອງປະທານຄະນະກຳມະການປະຊາຊົນແຂວງ ໄດ້ຮຽກຮ້ອງບັນດາທ້ອງຖິ່ນຜັນຂະຫຍາຍວິທີການທີ່ເປີດເຜີຍ, ຊັດເຈນ, ໃຫ້ບຸລິມະສິດແກ່ບັນດາຄອບຄົວນະໂຍບາຍ, ຄອບຄົວໂດດດ່ຽວ ແລະ ບັນດາຊົນເຜົ່າສ່ວນໜ້ອຍ. ພ້ອມກັນນັ້ນ, ກໍ່ເສີມຂະຫາຍບົດບາດຂອງແນວໂຮມປະເທດຊາດ ແລະ ບັນດາອົງການການເມືອງ - ສັງຄົມໃນການຈັດຕັ້ງປະຕິບັດ, ຕັດສິນໃຈສຳເລັດນະໂຍບາຍລົບລ້າງເຮືອນຢູ່ຊົ່ວຄາວ ແລະ ເຮືອນຮົ່ວເພກ່ອນກຳນົດທີ່ໄດ້ວາງອອກ.
ຄະນະຊາວໜຸ່ມແຂວງ ກ່າເມົາ ກໍ່ໄດ້ປຸກລະດົມບັນດາລາຍການທົບທວນຄືນ 200 ວັນເຕົ້າໂຮມມາຢູ່ພາກເໜືອ, ລວມມີບັນດາການເຄື່ອນໄຫວພົບປະພະຍານໃນປະຫວັດສາດ, ມອບຂອງຂວັນໃຫ້ບັນດາຄອບຄົວນະໂຍບາຍ, ເພີ່ມທະວີການຜະລິດ, ປົກປັກຮັກສາສິ່ງແວດລ້ອມ ແລະ ຈັດຕັ້ງບັນດາການເຄື່ອນໄຫວວັດທະນະທຳ, ກິລາ. ຜ່ານນັ້ນ, ລາຍການແມ່ນເພື່ອແນໃສ່ປຸກລະດົມຈິດໃຈຮັກຊາດ, ຄວາມຕັດສິນໃຈໃນການຮ່ຳຮຽນ, ການອອກແຮງງານ ແລະ ສ້າງສາປະເທດຊາດ.
 | ທິວທັດທຳມະຊາດຮ່ອງຮອຍປະຫວັດສາດພິເສດກຳແພງເກົ່າກ໋ວາງຈິ ຍສໝ - ຮ່ອງຮອຍປະຫວັດສາດແຫ່ງຊາດພິເສດເມືອງເກົ່າ ກ໋ວາງຈິ ນອນໃນເຂດໃຈກາງເທດສະບານກ໋ວາງຈິ, ຢູ່ແຄມແມ່ນ້ຳ ແທກຮ້ານ |
 | ໂກນດ່າວ ເປີດເຂດຮ່ອງຮອຍປະຫວັດສາດ, ຟື້ນຟູການເຄື່ອນໄຫວທ່ອງທ່ຽວ ຍສໝ - ແຕ່ນີ້ຮອດວັນທີ 15 ກຸມພາ 2022, ເມືອງໂກນດ່າວ ຈະຟື້ນຟູການເຄື່ອນໄຫວທ່ອງທ່ຽວ, ຕ້ອນຮັບນັກທ່ອງທ່ຽວ, ແລະ ໃນເບື້ອງຕົ້ນແມ່ນນັກທ່ອງທ່ຽວທີ່ມາໂດຍການເດີນອາກາດ. |
ແທັງຮັ່ງ
