ພົນເອກ ຟານວັນຢາງ ສະແດງຄວາມຮູ້ບຸນຄຸນຕໍ່ອະດີດການນໍາພັກ, ລັດ ແລະກອງທັບ

ຕອນບ່າຍວັນທີ 7 ທັນວາ, ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ, 35 ປີແຫ່ງວັນບຸນປ້ອງກັນຊາດທ່ົວປວງຊົນ, ທ່ານພົນເອກ ຟານວັນຢາງ, ກຳມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ໄດ້ນຳໜ້າຄະນະຜູ້ແທນໄປຖະຫວາຍທູບທຽນ, ສະແດງຄວາມຮູ້ບຸນຄຸນຕໍ່ອະດີດການນຳພັກ, ລັດ ແລະກອງທັບ.

ທີ່ຄອບຄົວຂອງສະຫາຍ: ເລຂາຟຽວ, ອະດີດເລຂາທິການໃຫຍ່; ພົນເອກ ເລດຶກແອັງ ອະດີດກຳມະການກົມການເມືອງ, ອະດີດປະທານປະເທດ, ອະດີດລັດຖະມົນຕີກະຊວງປ້ອງກັນປະເທດ ແລະບັນດາສະຫາຍອະດີດກຳມະການກົມການເມືອງ, ອະດີດລັດຖະມົນຕີກະຊວງປ້ອງກັນປະເທດ: ພົນເອກ ຫວໍງວຽນຢາບ, ພົນເອກ ວັນຕ໋ຽນຢູງ, ພົນເອກ ດວ່ານເຄ, ພົນເອກ ຟຸ່ງກວາງແທັງ ແລະພົນເອກ ຈູຮຸຍເມິນ, ອະດີດຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ; ບັນດາສະຫາຍ, ອະດີດຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ, ອະດີດຮອງລັດຖະມົນຕີກະຊວງປ້ອງກັນປະເທດ: ພົນເອກ ຮວ່າງວັນຖາຍ ແລະພົນເອກ ເລຈ້ອງເຕິ໊ນ; ທ່ານພົນເອກ ຟານວັນຢາງ ພ້ອມດ້ວຍບັນດາສະຫາຍໃນຄະນະປະຕິບັດງານ ໄດ້ຖະຫວາຍທູບທຽນ, ສະແດງຄວາມຮູ້ບຸນຄຸນຕໍ່ການອຸທິດຕົນ, ການປະກອບສ່ວນອັນໃຫຍ່ຫຼວງຂອງບັນດາສະຫາຍອະດີດການນໍາພັກ, ລັດ ແລະກອງທັບ ຕໍ່ກັບພາລະກິດການປະຕິວັດຂອງພັກ, ລັດ, ຊົນຊາດ ແລະພາລະກິດກໍ່ສ້າງກອງທັບ, ປັບປຸງການປ້ອງກັນຊາດ. ພາບ: ຝູເຊີນ