![]() | Children of Vietnam ໜູນຊ່ວຍເຂົ້າປຽກເຂົ້າທີ່ມີປະໂຫຍດທາງໂພຊະນາການໃຫ້ນັກຮຽນອະນຸບານແຂວງກວາງນາມ |
![]() | Viettel ສຳເລັດຍຸດທະສາດ ເຄືອຂ່າຍໂທລະຄົມມະນາຄົມ 'Make in Vietnam' |
ຈີກຽນ ປ່ຽນແປງຊີວິດ
ຄອບຄົວຂອງ ກຽນ ຄົ້ນຫາວ່າ ລາວມີອາການຜິດປົກກະຕິ ອໍທິດສະຕິກ ເມື່ອລາວມີອາຍຸພຽງແຕ່ 14 ເດືອນ. ພາຍຫຼັງເວລາປິ່ນປົວທີ່ຂາດວັກຂາດຕອນຍ້ອນໂລກລະບາດໂຄວິດ-19 ແລະ ຄວາມຫຍຸ້ງຍາກດ້ານການເງິນ, ໃນເດືອນ ສິງຫາ 2021, ກຽນ ໄດ້ເຂົ້າຮ່ວມລາຍການຍື່ມມືເຂົ້າມາຢ່າງວອງໄວຂອງ CCV ຢູ່ເມືອງ ຝູນິງ.
ໃນບັນດາມື້ຕົ້ນໆ, ກຽນ ສ່ວນຫຼາຍບໍ່ເວົ້າ, ມີຄວາມຫຍຸ້ງຍາກໃນການຕັ້ງສະມາທິ ແລະ ຢ້ານສຽງດັງ. ແຕ່ຍ້ອນຄວາມມານະພະຍາຍາມຂອງຖັນແຖວຄູສອນ CCV ແລະ ຄອບຄົວ, ພາຍຫຼັງ 6 ເດືອນ, ກຽນ ມີຄວາມກ້າວໜ້າຢ່າງກະໂດດຂັ້ນ. ລາວເລີ່ມຕົ້ນເວົ້າຄໍາດຽວເຊັ່ນ "ພໍ່", "ແມ່", "ລົດ", ກ້າວໄປສູ່ການປະກອບປະໂຫຍກ ແລະ ຕອບຄໍາຖາມສັ້ນ. ກຽນ ຄຸ້ນເຄີຍກັບການເຄື່ອນໄຫວຮ່ຳຮຽນ ແລະ ການເຄື່ອນໄຫວທາງດ້ານຮ່າງກາຍ, ຮູ້ຈັກນັບຕົວເລກ, ຮູ້ຈັກສີ, ຫຼິ້ນເກມຢ່າງໝັ້ນໃຈ, ຍິ່ງໄປກວ່ານັ້ນແມ່ນຮ້ອງເພງເຍົາວະຊົນທີ່ລາວມັກ.
ປະຈຸບັນ, ກຽນ ໄດ້ເຊື່ອມໂຍງເຂົ້າໃນໂຮງຮຽນອະນຸບານຢ່າງສຳເລັດຜົນ, ກິນອາຫານດ້ວຍຕົນເອງ, ນອນຫຼັບສະໜິດ ແລະ ຮູ້ວິທີສະແດງຄວາມຕ້ອງການຜ່ານພາສາ.
![]() |
ນ້ອງ ຫງວຽນຈີກຽນ ໄດ້ເຊື່ອມໂຍງເຂົ້າກັບຫ້ອງຮຽນອະນຸບານຢ່າງສຳເລັດຜົນ. (ພາບ: CCV) |
ຮູບແບບການສຶກສາພິເສດ
ນັບແຕ່ເລີ່ມໜູນຊ່ວຍເດັກພິການຢູ່ ກວາງນາມ ໃນປີ 2017, CCV ໄດ້ກໍ່ສ້າງ 2 ໂຄງການຄຽງຄູ່ກັນຄື: ໜູນຊ່ວຍເດັກພິການ ແລະ ເດັກກຳພ້າຢູ່ໝູ່ບ້ານຮວ່າບິ່ງ ກວາງນາມ ແລະ ເບິ່ງແຍງເດັກພິການຢູ່ເມືອງ ຟູນິງ.
ຕາມທ່ານ ຟ້າມຮິ້ວອານ, ຜູ້ອຳນວຍການໂຄງການ CCV ແລ້ວ, ອົງການນີ້ພວມຜັນຂະຫຍາຍ 2 ໂຄງການສຶກສາພິເສດໃຫ້ເດັກພິການ ລວມມີ:
ທີໜຶ່ງ, ຮູບແບບ AAC ໃຊ້ກັບເດັກນ້ອຍ 7 ປີຂຶ້ນໄປ. ໂຄງການນີ້ສ້າງແຜນການສຶກສາສ່ວນບຸກຄົນໂດຍອີງໃສ່ການຕີລາຄາທຳອິດ.
ທີສອງ, ຮູບແບບການເຂົ້າຊ່ວຍຢ່າງວອງໄວສໍາລັບເດັກນ້ອຍອາຍຸ 3 ຫາ 6 ປີ ແມ່ນສຸມໃສ່ການຄົ້ນຫາ ແລະ ເຂົ້າຊ່ວຍຢ່າງທັນເວລາ "ໄລຍະທອງ" ຂອງເດັກນ້ອຍ.
ນອກຈາກນັ້ນ, CCV ຍັງປະຕິບັດບັນດາຊຸດຮຽນບຳລຸງສ້າງຄວາມຮູ້ນອກໂມງຮຽນໃຫ້ເດັກກຳພ້າຢູ່ບ້ານ ຮວ່າບິ່ງ ກວາງນາມ.
ລັກສະນະພິເສດຂອງ CCV ແມ່ນການເຊື່ອມຕໍ່ລະຫວ່າງໂຮງຮຽນ ແລະ ຄອບຄົວ. ພໍ່ແມ່ຜູ້ປົກຄອງບໍ່ພຽງແຕ່ໄດ້ຮັບການແນະນຳວິທີຊ່ວຍເຫຼືອເດັກນ້ອຍຢູ່ເຮືອນເທົ່ານັ້ນ, ຫາກຍັງເຂົ້າຮ່ວມການຝຶກອົບຮົມເພື່ອຍົກສູງທັກສະໃນການດູແລເດັກພິການອີກດ້ວຍ.
ຕາມທ່ານ ອານ ແລ້ວ, ຄວາມຫຍຸ້ງຍາກໃຫຍ່ທີ່ສຸດຂອງ CCV ແມ່ນບັນຫາການເງິນ. "ການບໍລິການການສຶກສາພິເສດແມ່ນຮຽກຮ້ອງຕ້ອງມີຄ່າໃຊ້ຈ່າຍສູງ ເພາະວ່າຕ້ອງຮັບປະກັນອັດຕາສ່ວນຄູສອນ - ນັກຮຽນ (1: 3) ແລະ ການນໍາໃຊ້ຫຼາຍເຄື່ອງມື. ພໍ່ແມ່ຜູ້ປົກຄອງບາງຄົນຍັງມີຄວາມສົງໄສກ່ຽວກັບປະສິດທິຜົນຂອງລາຍການ ແລະ ຫວັງຢາກລູກຂອງຕົນຮຽນຢູ່ໃນສະພາບແວດລ້ອມຂອງຊຸມຊົນ, ເຖິງແມ່ນວ່າຄວາມສາມາດຂອງລູກຍັງບໍ່ເໝາະສົມ,” ທ່ານກ່າວ.
ຢ່າງໃດກໍຕາມ, CCV ໄດ້ບັນລຸຜົນເປັນໜ້າສົ່ງເສີມ. ຕາມການລາຍງານຂອງອົງການແລ້ວ, ຢູ່ບ້ານຮວ່າບິ່ງ ກວາງນາມ, CCV ໄດ້ໜູນຊ່ວຍເດັກພິການ 17 ຄົນເຂົ້າຮ່ວມລາຍການສຶກສາພິເສດ; ເດັກກຳພ້າ 22 ຄົນ ເຂົ້າຮ່ວມລາຍການບຳລຸງສ້າງຄວາມຮູ້ນອກໂມງຮຽນ.
ຢູ່ເມືອງຝູນິງ, ມີເດັກພິການ 48 ຄົນເຂົ້າຮ່ວມລາຍການສຶກສາພິເສດ, ໃນນັ້ນ ມີ 9 ຄົນໄດ້ເຊື່ອມໂຍງເຂົ້າໃນລາຍການສຶກສາຊຸມຊົນຢ່າງສຳເລັດຜົນ.
ໃນໄລຍະຈະມາເຖິງ, CCV ຄາດວ່າຈະເປີດກວ້າງລາຍການບຳລຸງສ້າງວິຊາຊີບ, ໜູນຊ່ວຍຄໍາແນະນໍາອາຊີບໃຫ້ບັນດາເດັກນ້ອຍທີ່ມີອາການ Down, ມີການພັດທະນາຊັກຊ້າໃນຮູບແບບ AAC, ຊ່ວຍໃຫ້ພວກນ້ອງເຊື່ອມໂຍງເຂົ້າກັບສັງຄົມໄດ້ດີຂຶ້ນ.
![]() | ການຫັນເປັນດີຈີຕອນແມ່ນເຮັດໃຫ້ວິສາຫະກິດຂະໜາດນ້ອຍແລະກາງ ມີພື້ນຖານດີຈີຕອນ Make in Vietnam ຕື່ມອີກ ໄລ່ຮອດທ້າຍປີ 2021, ມີກວ່າ 220.000 ເທື່ອຄົນເຂົ້າເວັບໄຊ Smedx.vn ແລະ ມີວິສາຫະກິດປະມານ 37.000 ແຫ່ງໄດ້ສຳຜັດກັບຂໍ້ມູນທີ່ມີປະໂຫຍດກ່ຽວກັບການຫັນເປັນດີຈີຕອນ. |
![]() | Collectif Vietnam Dioxine ຕໍ່ສູ້ເພື່ອສະໜັບສະໜູນບັນດາຜູ້ປະສົບເຄາະຮ້າຍຈາກທາດພິດສີສົ້ມ ຍສໝ - ບັນດາສະມາຊິກຂອງ Collectif Vietnam Dioxine ດ້ວຍຈິດໃຈ “ກ້າຫານ, ອົດທົນແລະຄວາມຫວັງ” ຈະຍັງຄົງສືບຕໍ່ການຕໍ່ສູ້ຍາດເອົາຄວາມຍຸຕິທຳແລະການສະໜັບສະໜູນຊ່ວຍເຫຼືອບັນດາຜູ້ປະສົບເຄາະຮ້າຍຈາກທາດພິດສີສົ້ມ. |