| ເຝີຫວຽດນາມ ໄດ້ສ້າງຄວາມປະທັບໃຈທີ່ງານບຸນສົ່ງເສີມເຜີຍແພ່ອາຫານອາຊຽນ | |
| ຮູບພາບທີ່ປະທັບໃຈໃນງານບຸນ ທ້ອງຖະໜົນ “ບ້ານເກີດຍາມລະດູບານດອກບົວເບັ່ງບານ” |
ໂດຍເປັນໜຶ່ງໃນບັນດາເຫດການທ່ອງທ່ຽວປະຈຳປີຂອງນະຄອນ ໂຮ່ຈິມິນ, ງານບຸນໝາກໄມ້ພາກໃຕ້ ຄັ້ງທີ 20 ປີ 2024 ຈະໄຂຂຶ້ນຢ່າງເປັນທາງການແຕ່ວັນທີ 1 ມິຖຸນາ ແລະ ສິ້ນສຸດລົງໃນວັນທີ 31 ສິງຫາ. ນີ້ແມ່ນຈຸດພົ້ນເດັ່ນໃນບັນດາການເຄື່ອນໄຫວຂອງບຸນແມ່ນ້ຳລຳເຊນະຄອນ ໂຮ່ຈິມິນ ຄັ້ງທີ 2 ໃນປີ 2024.
ດ້ວຍຫົວຂໍ້ວ່າ “ວິວັດການເຮັດກະສິກຳຢ່າງມີຄວາມສຸກ”, ຈຸດພົ້ນເດັ່ນຂອງງານບຸນແມ່ນບັນດາການເຄື່ອນໄຫວຮຽກຮ້ອງຄວາມສາມັກຄີ, ການຮ່ວມມືປົກປັກຮັກສາ ແລະ ກະທຳເພື່ອສະພາບແວດລ້ອມສີຂຽວ - ສະອາດ - ດີ ຄື: ຍູ້ແຮງການໂຄສະນາຜະລິດຕະພັນ OCOP, ແນະນຳຊຸດສະສົມຜະລິດຕະພັນສີຂຽວ, ການແຂ່ງຂັນ Green Unity Campaign, ງານວາງສະແດງຮູບແບບກະສິກຳເຕັກໂນໂລຊີສູງ, ຮູບແບບທ່ອງທ່ຽວກະສິກຳສີຂຽວ ສ໋ວຍຕ່ຽນຟາມ ແລະ ພິທີເປີດສະຫຼອງສວນມິດຕະພາບ - Friendship Garden.
 |
| ງານບຸນໝາກໄມ້ພາກໃຕ້ແມ່ນໜຶ່ງໃນບັນດາເຫດການທ່ອງທ່ຽວປະຈຳປີຂອງນະຄອນ ໂຮ່ຈິມິນ. ຮູບພາບ: ສະຫນອງໂດຍ ຄະນະຈັດຕັ້ງງານ. |
ມາທີ່ງານບຸນໝາກໄມ້ພາກໃຕ້ປີ 2024, ນັກທ່ອງທ່ຽວຈະໄປຢ້ຽມຢາມຕະຫລາດໝາກໄມ້ທີ່ເປັນພະລິດຕະພັນພິເສດ - ຈຸດປາຍທາງທີ່ນັກທ່ອງທ່ຽວມັກທີ່ສຸດເມື່ອມາງານບຸນໃນເວລາ 19 ປີຜ່ານມາ. ສະຖານທີ່ນີ້ໂຮມສຸມໝາກໄມ້ເຂດຮ້ອນສົດໆເປັນຮ້ອຍໆຊະນິດທີ່ມີລາຄາພິເສດທີ່ໜ້າປະຫລາດໃຈ.
ງານບຸນໝາກໄມ້ພາກໃຕ້ປີ 2024 ສືບຕໍ່ວິວັດການແນໃສ່ປະຕິບັດການຫັນເປົ້າໝາຍຍົກລະດັບຂອບຂະໜາດໃຫ້ກາຍເປັນເຫດການທີ່ມີລັກສະນະເປັນສັນຍາລັກ ເພື່ອໃຫ້ ຫວຽດນາມ ໄດ້ໄປໄກໃນແຜນທີ່ທ່ອງທ່ຽວ ອາຊີ ແລະ ທົ່ວໂລກ. ຈາກນັ້ນ, ກໍສ້າງເປັນຜະລິດຕະພັນການທ່ອງທ່ຽວທີ່ເປັນເອກະລັກສະເພາະ, ເຜີຍແພ່ພາບພົດການທ່ອງທ່ຽວ ຫວຽດນາມ ອອກສູ່ທ້ອງຕະຫຼາດສາກົນ, ຕອບສະໜອງຄວາມຕ້ອງການດ້ານລະຫຼິ້ນບັນເທິງຂອງນັກທ່ອງທ່ຽວພາຍໃນ ແລະ ຕ່າງປະເທດ, ພິເສດແມ່ນໃນບັ້ນຈຸດເວລາຂອງການທ່ອງທ່ຽວລະດູແລ້ງສູງສຸດ.
ພິເສດ, ເຫດການເປີດພິທີງານບຸນໝາກໄມ້ພາກໃຕ້ໃນວັນທີ 1 ມີຖຸນາ ຈະມີການເຂົ້າຮ່ວມຂອງສະມາຄົມມິດຕະພາບ ຫວຽດນາມ ກັບບັນດາປະເທດຄື: ສະມາຄົມມິດຕະພາບ ຫວຽດນາມ - ອາຊຽນ, ສະມາຄົມມິດຕະພາບ ຫວຽດນາມ - ອິນເດຍ, ສະມາຄົມມິດຕະພາບ ຫວຽດນາມ - ອິນໂດເນເຊຍ, ສະມາຄົມມິດຕະພາບ ຫວຽດນາມ - ກຳປູເຈຍ. .. ໂດຍຜ່ານໂຄງການສິລະປະທີ່ມີສີສັນພິເສດ.
ມິງດຶກ
