ການເຊື່ອມຕໍ່ແບບພິເສດລະຫວ່າງສາວນ້ອຍ Elisabeth ແລະ ຜູ້ນຳຫວຽດນາມ
ຢູ່ເຮືອນຢູ່ນ້ອຍຢູ່ເມືອງ 9 ຂອງປາຣີ, ທ່ານນາງ Elisabeth Helfer Aubrac ໄດ້ຖະນຸຖະໜອມ, ຮັກສາວັດຖຸທີ່ລະນຶກຫຼາຍຢ່າງກ່ຽວກັບຫວຽດນາມ. ແມ່ຍິງຊາວຝຣັ່ງ ທີ່ມີນ້ຳໃຈຮັກແພງເກີດໃນປີ 1946 - ເປັນປີທີ່ປະທານໂຮ່ຈິມິນ ມາຢ້ຽມຢາມຝຣັ່ງ ໃນຖານະເປັນແຂກຜູ້ມີກຽດ. ແມ່ນນ້ຳໃຈມິດຕະພາບລະຫວ່າງພໍ່ຂອງທ່ານນາງ - ທ່ານ Raymond Aubrac, ນັກປະຕິວັດທີ່ມີຊື່ສຽງ ແລະ ເປັນເພື່ອນສະໜິດສະໜົມຂອງລຸງໂຮ່ - ໄດ້ເປີດສາຍພົວພັນພິເສດລະຫວ່າງສາວນ້ອຍ Elisabeth ແລະ ຜູ້ນຳ ຫວຽດນາມ.
 |
| ປະທານໂຮ່ຈີມິນ ອຸ້ມລູກສາວລ້ຽງ Babette. (ພາບ: KT) |
ໂດຍແລກປ່ຽນກັບສື່ມວນຊົນຫວຽດນາມ, ທ່ານນາງເລົ່າວ່າ "ປີ 1946, ເມື່ອໄປຝຣັ່ງ ເພື່ອເຂົ້າຮ່ວມກອງປະຊຸມ Fontainebleau, ປະທານ ໂຮ່ຈີມິນ ໄດ້ພົບປະພໍ່ຂອງຂາ້ພະເຈົ້າ, ອະດີດລັດຖະສະພາສະພາແຫ່ງຊາດ ຝຣັ່ງ. ພໍ່ຂອງຂາ້ພະເຈົ້າໄດ້ເຊີນລຸງໂຮ່ ຢາມຄອບຄົວ ແລະ ຮັບເອົາຄຳເຊີນຂອງພໍ່ຂອງຂາ້ພະເຈົ້າ, ປະທານ ໂຮ່ຈີມິນ ໄດ້ຍ້າຍມາຢູ່ເຮືອນ ແລະ ສວນຂອງພວກຂາ້ພະເຈົ້າແຕ່ຕົ້ນເດືອນສິງຫາ ຫາກາງເດືອນກັນຍາປີ 1946. ວັນທີ 15 ເດືອນສິງຫາຂອງປີນັ້ນ, ແມ່ຂອງຂ້າພະເຈົ້າໄດ້ເກີດໃຫ້ຂ້າພະເຈົ້າ ແລະ ຕັ້ງຊື່ໃຫ້ Elisabeth. ປະທານ ໂຮ່ຈີມິນ ໄດ້ໄປໂຮງ ພະດຸງຄັນ Port-Royal ຢູ່ ປາຣີ ເພື່ອໄປຢາມແມ່ ແລະ ລູກ,ມອບຂອງຂວັນ ແລະ ຮັບເອົາເປັນພໍ່ອຸປະຖຳຂອງຂາ້ພະເຈົ້າ. ລາວອີ້ນຂາ້ພະເຈົ້າດ້ວຍຊື່ທີ່ໃກ້ຊິດ Babette".
ຈາກນັ້ນມາ, ໃນທຸກໆວັນເກີດ, ປະທານ ໂຮ່ຈີມິນ ໄດ້ສົ່ງຂອງຂວັນ, ຈົດໝາຍທີ່ຂຽນດ້ວຍມື ຫຼື ຮູບພາບດ້ວຍແຖວທີ່ຮັກແພງ. ສາວນ້ອຍ Little Babette ມັກຈະແຕ້ມຮູບ, ຂຽນຈົດຫມາຍກັບຄືນຫາພໍ່ລ້ຽງຂອງນາງ. ເຖິງວ່າຈະຫຍຸ້ງກັບວຽກງານຫຼາຍຮ້ອຍວຽກ, ແຕ່ລາວກໍຍັງມີຄວາມຮັກແພງຕໍ່ລູກສາວລ້ຽງນ້ອຍຢູ່ທີ່ຫ່າງໄກປາຣີ.
 |
| ທ່ານນາງ Elisabeth Helfer Aubrac ກັບໝາກບານນ້ອຍທີ່ລຸງໂຮ່ ມອບໃຫ້ໃນວັນເກີດຂອງນາງ. (ພາບ: VOV) |
ວັດຖຸທີ່ລະນຶກອັນໜຶ່ງທີ່ສຳຄັນທີ່ສຸດຂອງທ່ານນາງ ແມ່ນຜ້າໄໝສີເຫຼືອງທີ່ລຸງໂຮ່ ໄດ້ມອບໃຫ້ນາງເມື່ອປີ 1967, ພ້ອມກັບສານວ່າ ເພື່ອເຮັດຊຸດແຕ່ງດອງເມື່ອໄດ້ແຕ່ງງານ.ເປັນເວລາຫຼາຍສິບປີ, ຜ້າໄໝໄດ້ຮັກສາຄວາມອ່ອນນຸ້ມ, ເປັນສີເຫຼືອງ, ມີເຈ້ຍນ້ອຍຢູ່ພາຍໃນທີ່ຂຽນວ່າ “ໝູ່ບ້ານຜ້າໄໝ ວ້ານຟຸກ, ຮ່າດົງ, ຮ່າໂນ້ຍ". ທ່ານນາງ ຍັງເກັບຂອງຂັວນອີກຫຼາຍຢ່າງຄື: ໝາກບານນ້ອຍ, ຫຼຽນຮູບທີ່ມີລາຍເຊັນຂອງລຸງໂຮ່... “ກະທັ່ງໝາກບານນັ້ນ, ຂາ້ພະເຈົ້າຍັງຖືວ່າມັນເປັນສັນຍາລັກຂອງປັນຍາ, ໂຊກດີ ແລະ ຄວາມເຊື່ອໃນອະນາຄົດທີ່ສົດໃສ", ທ່ານເວົ້າດ້ວຍຄວາມພູມໃຈ.
ສືບຕໍ່ພົວພັນມິດຕະພາບຫວຽດນາມ - ຝຣັ່ງ
ທ່ານນາງ Elisabeth Babette ເຕີບໂຕຂຶ້ນໃນຄວາມຮັກຂອງພໍ່ແມ່ຂອງນາງ ແລະ ການສະຫນັບສະຫນູນທາງຈິດໃຈຂອງພໍ່ອຸປະຖໍາພິເສດ. ທ່ານນາງເວົ້າວ່າ "ປະທານ ໂຮ່ຈີມິນ ແມ່ນຜູ້ຍິ່ງໃຫຍ່ແທ້ໆໃນວິຖີຊີວິດຂອງລາວທີ່ເຕັມໄປດ້ວຍມະນຸດ, ດ້ວຍສິ່ງງ່າຍໆ. ລາວໃກ້ຊິດ ແລະ ໝັ້ນໃຈຕໍ່ທຸກໆຄົນທີ່ລາວປະເຊີນ. ບໍ່ຄືກັບຮູບແບບຂອງຜູ້ນຳ ຫຼື ນັກການເມືອງ ຫຼື ນັກການທູດ, ປະທານ ໂຮ່ຈີມິນ ໃກ້ຊິດກັບທຸກຊັ້ນຄົນຈາກຄົນງານເຖິງຊາວນາ. ຂ້າພະເຈົ້າຈື່ລາວໄດ້ທຸກມື້ ແລະ ຂ້າພະເຈົ້າຮູ້ສຶກກ່ຽວກັບການພົວພັນທີ່ໃກ້ຊິດກັບປະຊາຊົນ ແລະ ປະເທດຂອງພໍ່ອຸປະຖຳທີ່ເຄົາລົບຂອງຂ້າພະເຈົ້າ”.
 |
| ທ່ານປະທານປະເທດ ເຈືອງເຕີນຊາງ ໄດ້ມອບຍົດຫຼຽນໄຊ ໂຮ່ຈີມິນ ໃຫ້ທ່ານ Raymond Aubrac ໃນວັນທີ 25 ກັນຍາ 2012. (ພາບ: ໜັງສືພິມກິລາ ແລະ ວັດທະນະທຳ) |
ນ້ຳໃຈມິດຕະພາບລະຫວ່າງທ່ານ Raymond Aubrac ແລະ ປະທານ ໂຮ່ຈີມິນ ຍັງສ້າງຂີດໝາຍຢ່າງເລິກເຊິ່ງ. ທ່ານ Aubrac ຍາມໃດກໍ່ຢືນຢູ່ຄຽງຂ້າງປະຊາຊົນຫວຽດນາມໃນສົງຄາມຕໍ່ຕ້ານສອງຄັ້ງ, ໄດ້ມີການປະກອບສ່ວນອັນດີງາມຫຼາຍຢ່າງເຂົ້າໃນພາລະກິດປ່ຽນແປງໃໝ່ຂອງຫວຽດນາມ ແລະ ເພີ່ມພູນຄູນສ້າງການມິດຕະພາບ ແລະ ຮ່ວມມືລະຫວ່າງ ຫວຽດນາມ ແລະ ຝຣັ່ງ. ລາວແມ່ນຜູ້ທີ່ຊ່ວຍລົງນາມໃນສັນຍາການຄ້າຄັ້ງທຳອິດລະຫວ່າງ ຫວຽດນາມ ແລະ ຝຣັ່ງ (1955); ໄດ້ແລກປ່ຽນສານລະຫວ່າງຮ່າໂນ້ຍ ແລະ Washington ເພື່ອຕັດສິນໃຈຢຸດຕິການວາງລະເບີດບໍ່ມີເງື່ອນໄຂຂອງ ອາເມລິກາ ລົງ ຫວຽດນາມ (1967); ຮຽກຮ້ອງໃຫ້ຢຸດຕິການວາງລະເບີດລົງບັນດາຄັນຄູແມ່ນ້ຳສີບົວ (1972); ຜູ້ຕາງໜ້າໃຫ້ເລຂາໃຫຍ່ສປຊ ໃນການປະຕິບັດໂຄງການໜູນຊ່ວຍຂອງສະຫະປະຊາຊາດໃຫ້ຫວຽດນາມ ເປັນເອກະພາບ (1976); ຮຽກຮ້ອງໃຫ້ທ່ານ McNamara ອະນຸມັດການໂອນແຜນທີ່ລະເບີດໃຫ້ຫວຽດນາມ ຢູ່ເສັ້ນຂະໜານທີ 17 (1979) ແລະ ປະຕິບັດຫຼາຍໂຄງການຮ່ວມມືດ້ານວິຊາການ ເພື່ອຊ່ວຍເຫຼືອຫວຽດນາມ ໂດຍອົງການສະຫະປະຊາຊາດ, FAO ແລະ ຝຣັ່ງ ນັບແຕ່ປີ 1976... ປີ 2012, ປະທານປະເທດ ເຈືອງເຕີນຊາງ ໄດ້ມອບຍົດຫຼຽນໄຊ ໂຮ່ຈີມິນ - ລາງວັນອັນສະຫງ່າລາສີໃຫ້ແກ່ຄອບຄົວທ່ານນາງ.
ບໍ່ພຽງແຕ່ຮັກສາວັດຖຸທີ່ລະນຶກຄອບຄົວເທົ່ານັ້ນ, ທ່ານນາງ Elisabeth ຫາກຍັງພ້ອມກັບພົວໄດ້ກັບຄືນໄປຫວຽດນາມ ຫຼາຍຄັ້ງເພື່ອສອນຢູ່ສູນ ຝຣັ່ງ - ຫວຽດນາມ ກ່ຽວກັບການຄຸ້ມຄອງ. ເມື່ອກັບຄືນມາແຕ່ລະຄັ້ງ, ທ່ານນາງກໍເຕັມໄປດ້ວຍຄວາມຕື້ນຕັນໃຈກ່ອນການປ່ຽນແບງຂອງຜືນແຜ່ນດິນທີ່ເປັນຮູບຕົວ S, ເຊິ່ງຕາມທ່ານນາງວ່າ ແມ່ນຄວາມຝັນຂອງລຸງໂຮ່ ຍາມໃດກໍ່ທະນຸຖະໜອມ.
ກັບຄືນ ຫວຽດນາມ ໃນຄັ້ງນີ້, ທ່ານນາງ Elisabeth ໄດ້ນຳເອົາຄວາມຊົງຈຳກ່ຽວກັບລຸງໂຮ່ ແລະ ນ້ຳໃຈມິດຕະພາບ ຫວຽດນາມ - ຝຣັ່ງ, ເພື່ອດຳລົງຊີວິດອີດຄັ້ງໜຶ່ງຢູ່ດິນແດນທີ່ນາງຖືວ່າແມ່ນບ້ານເກີດເມືອງນອນແຫ່ງທີສອງຂອງຕົນ.
 | ຫວຽດນາມ ໝາຍໝັ້ນເປັນຄູ່ຮ່ວມມືທີ່ໄວ້ເນື້ອເຊື່ອໃຈ, ພ້ອມແລ້ວຮ່ວມເດີນທາງໃນຄວາມພະຍາຍາມປົກປັກຮັກສາມະຫາສະໝຸດຂອງທົ່ວໂລກ ຍສໝ - ວັນທີ 9 ມິຖຸນາ ກອງປະຊຸມມະຫາສະໝຸດ ສປຊ ຄັ້ງທີ 3 (UNOC 3) ຖືກໄຂຂຶ້ນຢູ່ Nice, ຝລັ່ງ ແລະ ແກ່ຍາວຮອດວັນທີ 13 ມິຖຸນາ ດ້ວຍການເຂົ້າຮ່ວມຂອງປະມຸກລັດ ແລະ ລັດຖະບານຂອງເກືອບ 70 ປະເທດ. ທ່ານນາຍົກລັດຖະມົນຕີ ... |
 | ແຜ່ຂະຫຍາຍພື້ນທີ່ວັດທະນະທໍາໂຮ່ຈີມິນຈາກບັນດາອົງການຜູ້ຕາງຫນ້າຂອງຫວຽດນາມຢູ່ ຕ່າງປະເທດ ຍສໝ - ວັນທີ 9 ມິຖຸນາ 2025, ຢູ່ຮ່າໂນ້ຍ, ກະຊວງການຕ່າງປະເທດໄດ້ຈັດຕັ້ງກອງປະຊຸມສຳມະນາສາກົນ ດ້ວຍຫົວຂໍ້ວ່າ “ພື້ນທີວັດທະນະທຳໂຮ່ຈິມິນ ຢູ່ບັນດາອົງການຜູ້ຕາງໜ້າຫວຽດນາມ ຢູ່ຕ່າງປະເທດ”. ເຫດການດັ່ງກ່າວໄດ້ປະກອບສ່ວນຊີ້ແຈ້ງພາລະບົດບາດ, ມາດຕະຖານເນື້ອໃນ ແລະ ວິທີການຜັນຂະຫຍາຍຕົວແບບພື້ນທີ່ ໂຮ່ຈີມິນ ໃນໄລຍະໃໝ່, ເພື່ອເຜີຍແຜ່ອຸດົມການ, ຄຸນສົມບັດສິນທຳ, ມໍລະດົກວັດທະນະທຳຂອງປະທານ ໂຮ່ຈີມິນ ເຖິງເພື່ອນມິດສາກົນຢ່າງມີຫົວຄິດປະດິດສ້າງ, ມີປະສິດທິຜົນ ແລະ ... |
ມີງດຶກ
