 | ຜູ້ຍິງຮັກສາດວງວິນຍານພາສາຫວຽດນາມ ຢູ່ຕ່າງປະເທດ |
| ນະຄອນໂຮ່ຈິມິນ: ເປີດຕົວສາຂາສະມາຄົມມິດຕະພາບຫວຽດນາມ - ກຳປູເຈຍ ຢູ່ເມືອງ ບິ່ງແຈ໋ງ |
ກ່າວຄຳປາໄສທີ່ພິທີ, ທ່ານນາງ ຫວູທິຮວິ່ງມາຍ ປະທານຄະນະກຳມະການກ່ຽວກັບຊາວ ຫວຽດນາມ ຢູ່ຕ່າງປະເທດ ປະຈຳ ນະຄອນ ໂຮ່ຈິມິນ ໃຫ້ຮູ້ວ່າ: ໃນຊຸມປີມໍ່ໆມານີ້, ພັກ ແລະ ລັດ ນັບມື້ນັບສຸມໃສ່ບັນດານະໂຍບາຍທີ່ດຶງດູດ ແລະ ນຳໃຊ້ບັນດານັກຊ່ຽວຊານ, ນັກປັນຍາຊົນຊາວ ຫວຽດນາມ ຢູ່ຕ່າງປະເທດ ເພື່ອຕອບສະໜອງຄວາມຮຽກຮ້ອງໃຫ້ສ້າງສາ ແລະ ປົກປັກຮັກສາປະເທດຊາດ. ປະຈຸບັນ, ນັກຊ່ຽວຊານ, ນັກວິທະຍາສາດຊາວ ຫວຽດນາມ ອາໄສຢູ່ຕ່າງປະເທດຫຼາຍທ່ານ ໄດ້ຮ່ວມງານກັບລັດຖະບານ, ບັນດາກະຊວງ, ຄະນະ, ຂະແໜງການ ກໍ່ຄືສະຖາບັນຄົ້ນຄວ້າ ແລະ ມະຫາວິທະຍາໄລພາຍໃນປະເທດ.
 |
| ບັນດາຜູ້ແທນເຂົ້າຮ່ວມພິທີຍ້ອງຍໍນັກຊ່ຽວຊານປັນຍາຊົນຊາວຫວຽດນາມ ອາໄສຢູ່ຕ່າງປະເທດ. (ພາບ: thegioitiepthi.danviet.vn) |
ປະຈຸບັນ, ນະຄອນ ໂຮ່ຈິມິນ ມີນະໂຍບາຍດຶງດູດບັນດານັກຊ່ຽວຊານ, ນັກວິທະຍາສາດຊາວ ຫວຽດນາມ ອາໄສຢູ່ຕ່າງປະເທດ, ພິເສດແມ່ນບັນດາບຸກຄົນທີ່ມີຜົນງານດີເດັ່ນໃນການຄົ້ນຄວ້າ ແລະ ການສິດສອນຢູ່ບັນດາມະຫາວິທະຍາໄລທີ່ມີຊື່ສຽງ. ບັນດານັກປັນຍາຊົນເຫຼົ່ານີ້ ບໍ່ພຽງແຕ່ປະກອບສ່ວນເຂົ້າໃນວຽກງານບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງເທົ່ານັ້ນ, ຫາກຍັງສ້າງຂົວເຊື່ອມຕໍ່ເພື່ອນຳນັກສຶກສາ ຫວຽດນາມ ໄປຮ່ຳຮຽນຢູ່ບັນດາໂຮງຮຽນທີ່ມີອິດທິພົນໃນທົ່ວໂລກ.
ຕາມທ່ານນາງ ຫວູທິຮວິ່ງມາຍ ແລ້ວ, ໃນໄລຍະມໍ່ໆມານີ້, ຄະນະກຳມະການກ່ຽວກັບຊາວຫວຽດນາມ ອາໄສຢູ່ນະຄອນ ໂຮ່ຈີມິນ ໄດ້ຮັບບັນດາຄຳຄິດເຫັນ, ສະເໜີຈາກປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ເວົ້າລວມ ແລະ ປັນຍາຊົນຊາວຫວຽດນາມ ຢູ່ຕ່າງປະເທດ ເວົ້າສະເພາະ ເພື່ອພັດທະນານະຄອນ.
ວັນທີ 26 ກັນຍາ 2024, ຄະນະກຳມະການປະຊາຊົນນະຄອນ ໂຮ່ຈິມິນ ໄດ້ອະນຸມັດແຜນຮ່າງ “ນະໂຍບາຍເສີມຂະຫຍາຍແຫຼ່ງກຳລັງໃນບໍລິເວນນະຄອນ ໂຮ່ຈິມິນ ນັບແຕ່ປັດຈຸບັນຮອດປີ 2030”. ນີ້ແມ່ນບາດກ້າວທີ່ສຳຄັນເພື່ອເພີ່ມແຫຼ່ງກຳລັງເສດຖະກິດຈາກການນຳເງິນຕາຕ່າງປະເທດກັບຄືນມາປະເທດເພື່ອພັດທະນານະຄອນໃຫ້ໄດ້ສູງທີ່ສຸດ. ຄະນະກຳມະການປະຊາຊົນ ຫວຽດນາມ ຢູ່ນອກນະຄອນ ໂຮ່ຈິມິນ ຫວັງວ່າຈະໄດ້ຮັບຄຳຄິດເຫັນເຂົ້າຮ່ວມປະກອບຄຳເຫັນເພື່ອກໍ່ສ້າງ ແລະ ພັດທະນານະຄອນ ໂຮ່ຈິມິນ.
ເນື່ອງໃນໂອກາດນີ້, ຄະນະກຳມະການ ແລະ ຄອບຄົວທ່ານ ປອ ຫວໍຕາເຮິນ ໄດ້ມອບປຶ້ມວິທະຍາສາດເຕັກນິກ 9.607 ຫົວ ເຊິ່ງມີມູນຄ່າກວ່າ 894.000 USD (ທຽບເທົ່າກັບ 24 ຕື້ດົ່ງ) ໃຫ້ມະຫາວິທະຍາໄລ, ວິທະຍາໄລ, ຫໍສະໝຸດ 33 ແຫ່ງຢູ່ບັນດາແຂວງພາກໃຕ້ ແລະ ໄຕງວຽນ. ນີ້ແມ່ນສ່ວນໜຶ່ງໃນປື້ມຈຳນວນທັງໝົດ 14.219 ຫົວ ຂອງສຳນັກພິມຈຳໜ່າຍ World Scientific (ສິງກະໂປ) ໂດຍ ທ່ານ ປອ ເຮິນ ອຸປະຖຳໃນປີ 2024, ປະກອບສ່ວນເຂົ້າໃນການພັດທະນາແຫຼ່ງອຸປະກອນເອກະສານການສຶກສາໃຫ້ແກ່ບັນດາຮາກຖານການສຶກສາຢູ່ ຫວຽດນາມ.
 | ປະທານສະມາຄົມມິດຕະພາບ ຫວຽດນາມ - ຮຸງກາຣີ ນະຄອນ ຮ່າໂນ້ຍ ສືບຕໍ່ດຳລົງຕຳແໜ່ງອີກອາຍຸການໜື່ງ ຍສໝ - ວັນທີ 14 ກັນຍາ ຢູ່ ຮ່າໂນ້ຍ, ສະມາຄົມມິດຕະພາບ ຫວຽດນາມ - ຮຸງກາຣີ ນະຄອນ ຮ່າໂນ້ຍ (ສະມາຄົມ) ໄດ້ຈັດຕັ້ງກອງປະຊຸມໃຫຍ່ຜູ້ແທນຄັ້ງທີ 5 ອາຍຸການ 2024-2029. |
 | ມີຫຼາຍການເຄື່ອນໄຫວສະເຫຼີມສະຫຼອງວັນຊາດຫວຽດນາມ ຢູ່ຕ່າງປະເທດ ຍສໝ - ເນື່ອງໃນໂອກາດສະເຫຼີມສະຫຼອງ 79 ປີແຫ່ງວັນຊາດ ສາທາລະນະລັດ ສັງຄົມນິຍົມ ຫວຽດນາມ, ມີຫຼາຍການເຄື່ອນໄຫວທີ່ອຸດົມສົມບູນ ແລະ ມີຄວາມໝາຍໄດ້ຈັດຂຶ້ນຢູ່ ກູບາ, ສະຫະພັນລັດເຊຍ ແລະ Tazania. ບັນດາການເຄື່ອນໄຫວໄດ້ດຶງດູດການເຂົ້າຮ່ວມຂອງຊາວຫວຽດນາມ ແລະ ເພື່ອນມິດສາກົນເປັນຈຳນວນຫຼວງຫຼາຍ, ພ້ອມກັນສະແດງຄວາມເຄົາລົບນັບຖືຈິດໃຈຮັກຊາດ ແລະ ຄວາມສາມັກຄີແຫ່ງຊາດ. |
ແທັງຮັ່ງ
