ຮັດແໜ້ນນ້ຳໃຈສາມັກຄີມິດຕະພາບລະຫວ່າງກະຊວງຕຳຫຼວດສອງປະເທດຫວຽດນາມ - ລາວ

22:16 | 11/10/2024

ຍສໝ - ວັນທີ 9 ຕຸລາ 2024, ຢູ່ນະຄອນຫຼວງວຽງຈັນ, ລາວ, ທ່ານພົນໂທ ເຈີ່ນກວກຕໍ໋, ກຳມະການສູນກາງພັກ, ຮອງລັດຖະມົນຕີກະຊວງຕຳຫຼວດ, ນຳໜ້າຄະນະຜູ້ແທນຂັ້ນສູງກະຊວງຕຳຫຼວດຫວຽດນາມ ໄປຢ້ຽມຂ່ຳນັບທ່ານພົນເອກ ວິໄລ ຫຼ້າຄຳຟອງ, ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ.

	ງານພົບປະມິດຕະພາບຊາວໜຸ່ມ 4 ແຂວງຂອງ ຫວຽດນາມ-ລາວ
	ທ່ານ ເຈີນຮ້ຽວ ດຳລົງຕຳແໜ່ງປະທານສະມາຄົມມິດຕະພາບຫວຽດນາມ - ສ. ເກົາຫຼີ ຢູ່ນະຄອນດານັ້ງ ໄລຍະ 2024-2029

ທີ່ການພົບປະ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ ວິໄລ ຫຼ້າຄຳຟອງ ໄດ້ຕີລາຄາສູງການຮ່ວມມືລະຫວ່າງ 2 ປະເທດ ເວົ້າລວມ ແລະ ລະຫວ່າງກະຊວງຕຳຫຼວດຂອງ 2 ປະເທດ ເວົ້າສະເພາະ, ພິເສດແມ່ນການສະໜັບສະໜູນອັນໃຫຍ່ຫຼວງຂອງກະຊວງຕຳຫຼວດຫວຽດນາມ ໃນການໜູນຊ່ວຍການຜັນຂະຫຍາຍບັນດາໂຄງການ ແລະ ການຮ່ວມມືດ້ານການບຳລຸງສ້າງການເມືອງໃຫ້ກຳລັງຕຳຫຼວດລາວ ໃນໄລຍະມໍ່ໆມານີ້.

ຮັດແໜ້ນນ້ຳໃຈສາມັກຄີມິດຕະພາບລະຫວ່າງກະຊວງຕຳຫຼວດສອງປະເທດຫວຽດນາມ - ລາວ

ທ່ານຮອງລັດຖະມົນຕີກະຊວງຕຳຫຼວດ ຫວຽດນາມ ເຈິ່ນກວກຕໍ໋ ແລະ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ ວິໄລ ຫຼ້າຄຳຟອງ. ພາບ: hvannd.edu.vn

ທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ ໄດ້ສະເໜີໃຫ້ກຳລັງຕຳຫຼວດ 2 ປະເທດສືບຕໍ່ຊຸກຍູ້ການຮ່ວມມືຮອບດ້ານ ເພື່ອຕອບສະໜອງຄວາມຮຽກຮ້ອງຕ້ອງການ, ໜ້າທີ່ໃນສະພາບການໃໝ່ເພື່ອຜົນປະໂຫຍດຂອງປະຊາຊົນສອງປະເທດ.

ຕາງໜ້າຄະນະປະຕິບັດງານ, ທ່ານຮອງລັດຖະມົນຕີ ເຈິ່ນກວກຕໍ໋ ໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບຢ່າງສົມກຽດ, ສະໜິດສະໜົມ, ມິດຕະພາບຂອງທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ ທີ່ມີຕໍ່ກັບຄະນະຜູ້ແທນຂັ້ນສູງກະຊວງຕຳຫຼວດຫວຽດນາມ.

ທ່ານຮອງລັດຖະມົນຕີ ເຈິ່ນກວກຕໍ໋ ເນັ້ນໜັກວ່າ: ພາຍຫຼັງຜົນສຳເລັດຂອງກອງປະຊຸມລັດຖະມົນຕີອາຊຽນ ຄັ້ງທີ 18 ກ່ຽວກັບການປ້ອງກັນ ແລະ ຕ້ານອາດຊະຍາກຳຂ້າມແດນຢູ່ ລາວ, ກະຊວງຕຳຫຼວດຂອງ 2 ປະເທດໄດ້ສົມທົບກັນເປັນຢ່າງດີ, ພິເສດແມ່ນໃນການຮ່ວມມືດ້ານບຳລຸງສ້າງ ກໍ່ຄືວຽກງານກະກຽມແຫຼ່ງຊັບພະຍາກອນມະນຸດ ເພື່ອຜັນຂະຫຍາຍບັນດາໂຄງການ.

ສືບຕໍ່ຍົກສູງປະສິດທິຜົນການຮ່ວມມືດ້ານການບຳລຸງສ້າງການເມືອງຢູ່ວິທະຍາຄານ, ທ່ານຮອງລັດຖະມົນຕີ ເຈິ່ນກວກຕໍ໋ ໄດ້ສະເໜືໃຫ້ກົມພົວພັນຕ່າງປະເທດ, ກົມບຳລຸງສ້າງ, ກະຊວງຕຳຫຼວດ ຫວຽດນາມ ແລະ ອົງການຜູ້ຕາງໜ້າກະຊວງຕຳຫຼວດຫວຽດນາມ ປະຈຳ ລາວ ສືບຕໍ່ສົມທົບກັນຢ່າງແໜ້ນແຟ້ນກັບບັນດາອົງການທີ່ມີໜ້າທີ່ຂອງກະຊວງປ້ອງກັນຄວາມສະຫງົບລາວ; ເພີ່ມທະວີການຮ່ວມມືຮອບດ້ານກ່ຽວກັບການບຳລຸງສ້າງທາງດ້ານການເມືອງ; ເປັນເຈົ້າການໃນການເປັນເສນາທິການກັບການນຳຂອງສອງກະຊວງ ທີ່ມີແຜນການເພີ່ມໂຄຕ້າພະນັກງານຂອງກະຊວງປ້ອງກັນຄວາມສະຫງົບລາວ ເຊິ່ງສົ່ງໄປບຳລຸງສ້າງຢູ່ຫວຽດນາມ ເພື່ອສຸມໃສ່ສ້າງແຫຼ່ງກຳລັງພະນັກງານ, ອາຈານສອນໃຫ້ວິທະຍາຄານການເມືອງຕຳຫຼວດລາວ.

ເປີດກວ້າງການຮ່ວມມືລະຫວ່າງສະຫະພັນບັນດາອົງການມິດຕະພາບ ຫວຽດນາມ ແລະ ສະມາຄົມເສດຖະກິດ, ວັດທະນະທຳ ສ.ເກົາຫຼີ - ຫວຽດນາມ

ຍສໝ - ວັນທີ 6 ສິງຫາ ຢູ່ຮ່າໂນ້ຍ, ທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ ໄດ້ຕ້ອນຮັບທ່ານ Kwon Sung-taek, ປະທານສະມາຄົມເສດຖະກິດ, ວັດທະນະທໍາ ສ.ເກົາຫຼີ - ຫວຽດນາມ (KOVECA) ເນື່ອງໃນການໄປຢ້ຽມຢາມ ແລະ ເຮັດວຽກຢູ່ ຫວຽດນາມ.