ນັບແຕ່ວັນທີ 27 - 29 ສິງຫາ, ຄະນະຊາວໜຸ່ມແຂວງ ກວ໋າງຈິ (ຫວຽດນາມ) ແລະ ຄະນະຊາວໜຸ່ມ 3 ແຂວງ ສະຫວັນນະເຂດ, ສາລະວັນ, ເຊກອງ (ລາວ), ໄດ້ຈັດລາຍການພົບປະມິດຕະພາບຊາວໜຸ່ມ 4 ແຂວງຢູ່ ກວ໋າງຈິ.
 |
| ບັນດາຝ່າຍກໍ່ເປັນເອກະພາບກັນສືບຕໍ່ສົ່ງເສີມຊາວໜຸ່ມອະນຸຊົນເຍົາວະຊົນບັນດາເມືອງລຽບຕາມຊາຍແດນ ຫ້າວຫັນເຂົ້າຮ່ວມການປົກປັກຮັກສາສະພາບການເດີມຂອງຊາຍແດນ (ພາບ: TTXVN) |
ໃນໄລຍະຈະມາເຖິງ, ຄະນະຜູ້ແທນຊາວໜຸ່ມ 4 ແຂວງ ກວ໋າງຈິ, ສະຫວັນນະເຂດ, ສາລະວັນ, ເຊກອງ ໄດ້ໄປທັດສະນະສຶກສາບັນດາຮູບແບບການຜະລິດດຳເນີນທຸລະກິດດີເດັ່ນ, ບັນດາທັດສະນີຍະພາບທີ່ມີຊື່ສຽງຢູ່ແຂວງ ກວ໋າງຈິ; ຈັດຕັ້ງກອງປະຊຸມສຳມະນາແລກປ່ຽນປະສົບການວຽກງານຊາວໜຸ່ມ ແລະ ຂະບວນການອະນຸຊົນເຍົາວະຊົນ, ເປັນເອກະພາບແຜນການຮ່ວມມືໃນໄລຍະຈະມາເຖິງ.
ໃນພິທີລົງນາມສານຮ່ວມຂອງລາຍການພົບປະມິດຕະພາບຄະນະຊາວໜຸ່ມ 4 ແຂວງ ເຊິ່ງໄດ້ດຳເນີນໃນຕອນບ່າຍວັນທີ 28 ສິງຫາ, ຄະນະຊາວໜຸ່ມ 4 ແຂວງ ໄດ້ເປັນເອກະພາບເນື້ອໃນສືບຕໍ່ວຽກງານສຶກສາສະມາຊິກຊາວໜຸ່ມ, ອະນຸຊົນເຍົາວະຊົນໃຫ້ມີຄວາມເຂົ້າໃຈຢ່າງເລິກເຊິ່ງກ່ຽວກັບມູນເຊື້ອ, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສອງປະເທດ ຫວຽດນາມ - ລາວ ກໍຄືສາຍພົວພັນມິດຕະພາບ, ການຮ່ວມມືລະຫວ່າງແຂວງ ກວ໋າງຈິ (ຫວຽດນາມ) ກັບບັນດາແຂວງ ສະຫວັນນະເຂດ, ສາລະວັນ, ເຊກອງ (ລາວ); ພິເສດແມ່ນສົມທົບກັນ, ແລກປ່ຽນແບ່ງປັນບົດຮຽນປະສົບການໃນການພັດທະນາເສດຖະກິດ, ກໍ່ຮ່າງສ້າງຕົວ, ສະຕາດອັບ, ແລກປ່ຽນວັດທະນະທຳລະຫວ່າງຊາວໜຸ່ມບັນດາເມືອງທີ່ມີຊາຍແດນຮ່ວມກັນ.
ບັນດາຝ່າຍກໍ່ເປັນເອກະພາບກັນສືບຕໍ່ສົ່ງເສີມຊາວໜຸ່ມອະນຸຊົນເຍົາວະຊົນບັນດາເມືອງລຽບຕາມຊາຍແດນ ຫ້າວຫັນເຂົ້າຮ່ວມການປົກປັກຮັກສາສະພາບການເດີມຂອງຊາຍແດນ, ຫຼັກໝາຍແຫ່ງຊາດ; ສະກັດກັ້ນສະພາບການອົບພະຍົບແບບຜິດກົດໝາຍ, ການຄ້າມະນຸດ, ການຄ້າຂາຍຢາເສບຕິດ, ການຄ້າເຖື່ອນຢູ່ເຂດຊາຍແດນ ຫວຽດນາມ - ລາວ, ປະກອບສ່ວນສ້າງເສັ້ນຊາຍແດນ ຫວຽດນາມ-ລາວ ສັນຕິພາບ, ມິດຕະພາບ.
 | ຊາວໜຸ່ມຫວຽດນາມຢູ່ຕ່າງປະເທດທີ່ມາຈາກ 17 ປະເທດເຂົ້າຮ່ວມຕັ້ງຄ້າຍລະດູຮ້ອນ “ຄວາມເອກອ້າງທະນົງໃຈຊົນເຜົ່າຫວຽດນາມ” ຍສໝ - ຕັ້ງຄ້າຍລະດູຮ້ອນ ໂດຍຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ນະຄອນ ສົມທົບກັບຄະນະຊາວໜຸ່ມນະຄອນ ໂຮ່ຈີມິນ ແລະ ພະແນກການຕ່າງປະເທດນະຄອນດ່າໜັງ ຈັດຂື້ນ. ນີ້ແມ່ນໂອກາດເພື່ອໃຫ້ນັກທ່ອງທ່ຽວຕັ້ງແຄ້ມແຕ່ລະຄົນໄດ້ສຳຜັດກັບລະດັບຄວາມແຕກຕ່າງກັນກ່ຽວກັບບັນດາສະຖານທີ່ທີ່ຕົນໄປ, ວັດທະນະທຳ, ຮີດຄອງ, ປະເພນີຂອງຊາດຫວຽດນາມ ແລະ ບັນດາການເຄື່ອນໄຫວທີ່ຕົນເຂົ້າຮ່ວມ. |
 | ເພີ່ມພູນຄູນສ້າງສາຍພົວພັນມິດຕະພາບ ຫວຽດນາມ - ລາວ - ກຳປູເຈຍ ຍສໝ - ລາຍການດັ່ງກ່າວໄດ້ຊ່ວຍໃຫ້ນັກສຶກສາ ລາວ ແລະ ກຳປູເຈຍ ມີຄວາມເຂົ້າໃຈຕື່ມອີກກ່ຽວກັບນ້ຳໃຈອັນດີງາມລະຫວ່າງ 3 ປະເທດ, ປະກອບສ່ວນສ້າງນ້ຳໃຈສາມັກຄີ, ການຮ່ວມມືມິດຕະພາບທີ່ເປັນມູນເຊື້ອ ຫວຽດນາມ - ລາວ - ກຳປູເຈຍ. |
ແສງເດືອນ
