ຕາມບົດລາຍງານໃນກອງປະຊຸມໃຫຍ່ ອາຍຸການ 2024-2029 ສະມາຄົມຈະສືບຕໍ່ເສີມຂະຫຍາຍ ເປີດກວ້າງສາຍພົວພັນເພື່ອນມິດ ແລະ ພົວພັນຄູ່ຮ່ວມມືສາກົນ, ຮັກສາ ແລະ ເພີ່ມທະວີສາຍພົວພັນທີ່ມີຢູ່ແລ້ວ, ເປັນເຈົ້າການສ້າງຕັ້ງ ແລະ ພັດທະນາບັນດາການພົວພັນຄູ່ຮ່ວມມືໃໝ່, ເພີ່ມທະວີບັນດາການເຄື່ອນໄຫວສັນຕິພາບ, ຄວາມສາມັກຄີ, ມິດຕະພາບ. ສະມາຄົມຖືການຍົກສູງປະສິດທິຜົນວຽກງານຊ່ວຍເຫຼືອທີ່ບໍ່ຂຶ້ນກັບລັດຖະບານ; ຍົກສູງຄຸນນະພາບວຽກງານຄົ້ນຄ້ວາ, ເສນາທິການ ແລະ ຂໍ້ມູນຂ່າວສານຕ່າງປະເທດເປັນສຳຄັນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາການພົວພັນຕ່າງປະເທດ ຫວຽດນາມ - ສ,ເກົາຫຼີ.
 |
| ຄະນະບໍລິຫານງານສະມາຄົມມິດຕະພາບຫວຽດນາມ - ສ. ເກົາຫຼີ ນະຄອນດານັ້ງ ຊຸດທີ IV ເປີດຕົວຢູ່ທີ່ກອງປະຊຸມໃຫຍ່. (ພາບ: DAFO) |
ກ່າວຄຳເຫັນຊີ້ນໍາທີ່ກອງປະຊຸມໃຫຍ່, ທ່ານ ຫງວຽນຫງອກບິ່ງ, ປະທານສະຫະພັນບັນດາອົງການມິດຕະພາບນະຄອນດານັ້ງ ໃຫ້ຮູ້ວ່າ: ການຮ່ວມມືລະຫວ່າງນະຄອນດານັ້ງ ແລະ ບັນດາຄູ່ຮ່ວມມື ສ. ເກົາຫຼີ ນັບມື້ພັດທະນາໃນຫຼາຍຂົງເຂດ. ນະຄອນດານັ້ງ ກຳນົດ ສ. ເກົາຫຼີ ແມ່ນໜຶ່ງໃນບັນດາຄູ່ຮ່ວມມືຍຸດທະສາດແຖວໜ້າໃນການຮ່ວມມືລົງທຶນ, ການຄ້າ, ການທ່ອງທ່ຽວ, ການຮ່ວມມືດ້ານເຕັກໂນໂລຢີສູງ.
ທ່ານ ຫງວຽນຫງອກບິ່ງ ສະເໜີວ່າໃນໄລຍະຕໍ່ໜ້າ, ສະມາຄົມຕ້ອງສືບຕໍ່ປ່ຽນແປງໃໝ່ເນື້ອໃນ ແລະ ວິທີການຈັດຕັ້ງເຄື່ອນໄຫວອີງໃສ່ແຜນນະໂຍບາຍ ແລະ ການກໍານົດທິດການພົວພັນລະຫວ່າງຫວຽດນາມ - ສ. ເກົາຫຼີ, ຄົ້ນຄວ້າ ແລະ ຈັດຕັ້ງການເຄື່ອນໄຫວການທູດປະຊາຊົນ ກັບ ສ. ເກົາຫຼີ. ຍາດແຍ່ງເອົາການປະກອບສ່ວນຂອງປະຊາຊົນທີ່ເຄີຍໄດ້ດຳລົງຊີວິດ, ສຶກສາ, ຄົ້ນຄ້ວາມີຄວາມເຂົ້າໃຈກ່ຽວກັບເກົາຫຼີ ເພື່ອເປີດກວ້າງເຊື່ອມຕໍ່ບັນດາຄູ່ຮ່ວມມື ແລະ ເປັນຂົວຕໍ່ໃຫ້ແກ່ການເຄື່ອນໄຫວແລກປ່ຽນມິດຕະພາບລະຫວ່າງປະຊາຊົນນະຄອນດານັ້ງ ແລະ ປະຊາຊົນ ສ. ເກົາຫຼີ. ຜ່ານນັ້ນ ກໍ່ປະກອບສ່ວນເຂົ້າໃນວຽກງານການປັບປຸງ, ພັດທະນາ ແລະ ເຮັດໃຫ້ການພົວພັນກັບບັນດາທ້ອງຖິ່ນ ສ. ເກົາຫຼີ ເລິກເຊິ່ງຂື້ນຕື່ມ.
ກອງປະຊຸມໃຫຍ່ໄດ້ປະກາດຜົນ ແລະ ສະແດງຕົວຂອງຄະນະບໍລິຫານງານສູນກາງສະມາຄົມມິດຕະພາບ ຫວຽດນາມ - ສ. ເກົາຫຼີ ສະໄໝທີ IV ອາຍຸການ 2024 - 2029 ເຊິ່ງລວມມີ 15 ທ່ານ. ທ່ານ ເຈີນຮ້ຽວ, ອໍານວຍການສູນພັດທະນາການຮ່ວມມືສາກົນ ແລະ ການບໍລິການຕ່າງປະເທດ, ພະແນກການຕ່າງປະເທດນະຄອນດານັ້ງ ໄດ້ຮັບເລືອກຕັ້ງໃຫ້ດຳລົງຕຳແໜ່ງເປັນປະທານສະມາຄົມ.
ອານຸໄຊ ສະຫວັດ
