| ຈະມີຫຼາຍນະໂຍບາຍໜູນຊ່ວຍເພື່ອແກ້ໄຂຟື້ນຟູຜົນສະທ້ອນຂອງພະຍຸລູກທີ 3 |
| ຊາວຫວຽດນາມ ຢູ່ຕ່າງປະເທດ ມຸ່ງໄປເຖິງປະຊາຊົນທີ່ຖືກຮັບຜົນກະທົບຈາກພະຍຸ ແລະນ້ຳຖ້ວມ ຢູ່ບ້ານເກີດເມືອງນອນ |
ດ້ວຍຮີດຄອງປະເພນີອັນດີງາມຂອງຊາດຫວຽດນາມ “ຊ່ວຍເຫຼືອຮັກແພງເຊິ່ງກັນ ແລະ ກັນ”, “ໃບຕອງດີຕຸ້ມຫໍ່ເອົາໃບຕອງຂາດ” ແລະ ບົນພື້ນຖານການພົວພັນແບບພິເສດ “ຮ່ວມທຸກຮ່ວມສຸກ” “ແບ່ງປັນຄວາມສຸກ”, ລະຫວ່າງ ສອງປະເທດ ລາວ - ຫວຽດນາມ. ສະຖານທູດ ຫວຽດນາມ ປະຈຳ ລາວ ໄດ້ຊຸກຍູ້ບັນດາອົງການ, ຄະນະສະມາຄົມ, ວິສາຫະກິດ ແລະ ຜູ້ມີໃຈສັດທາທີ່ພວມຮ່ຳຮຽນ, ດຳເນີນທຸລະກິດ ແລະ ດຳລົງຊີວິດຢູ່ລາວ ປະກອບສ່ວນບໍລິຈາກເຄື່ອງຊ່ວຍເຫຼືອພີ່ນ້ອງຮ່ວມຊາດ ເຂດພາກເໜືອ ຫວຽດນາມ ແລະ ລາວ ທີ່ໄດ້ຮັບຜົນກະທົບຈາກພະຍຸ ແລະ ໄພນ້ຳຖ້ວມທີ່ເກີດຈາກພາຍຸລູກທີ 3.
 |
| ສະຖານທູດ ຫວຽດນາມ ປະຈຳ ລາວ ຈັດຕັ້ງການຂົນຂວາຍບໍລິຈາກເຄື່ອງເພື່ອຊ່ວຍເຫຼືອປະຊາຊົນ 2 ປະເທດ ຜ່ານຜ່າຜົນຮ້າຍຈາກໄພພິບັດທາງທຳມະຊາດ. |
 |
| ຜູ້ຕາງໜ້າບັນດາອົງການ, ຄະນະສະມາຄົມ, ວິສາຫະກິດ ແລະ ຜູ້ມີໃຈສັດທາທີ່ພວມຮ່ຳຮຽນ, ດຳເນີນທຸລະກິດ ແລະ ດຳລົງຊີວິດຢູ່ລາວ ເຂົ້າຮ່ວມບໍລິຈາກ. |
ໃນພິທີ, ທ່ານ ຟານມິງຈຽ໋ນ ອຸປະທູດຊົ່ວຄາວ ສະຖານທູດ ຫວຽດນາມ ປະຈຳລາວ ໄດ້ແບ່ງປັນຂໍ້ມູນກ່ຽວກັບຄວາມເສຍຫາຍທາງດ້ານຊີວິດອິນຊີ ແລະ ຊັບສິນທີ່ເກີດຈາກພະຍຸເລກທີ 3 (Yagi) ຢູ່ບັນດາແຂວງພາກເໜືອຂອງ ຫວຽດນາມ ແລະ ພາກເໜືອຂອງ ລາວ ວ່າ ໃນຊຸມມື້ທີ່ຜ່ານມານີ້, ປະຊາຄົມຊາວຫວຽດນາມ ຢູ່ລາວ ໄດ້ເປັນເຈົ້າການຈັດຕັ້ງການບໍລິຈາກ, ໜູນຊ່ວຍໂດຍກົງໃຫ້ບັນດາອົງການຈັດຕັ້ງ, ອົງການທີ່ມີໜ້າທີ່ໃນປະເທດ ແລະ ອົງການທີ່ມີໜ້າທີ່ຂອງລາວ ເພື່ອປະກອບສ່ວນຊ່ວຍເຫຼືອ ປະຊາຊົນ 2 ປະເທດ ຜ່ານຜ່າຜົນຮ້າຍຈາກໄພພິບັດທາງທຳມະຊາດ.
ສິ້ນສຸດການບໍລິຈາກ, ບັນດາກົມກອງລວມໝູ່, ບຸກຄົນ, ບັນດາອົງການຜູ້ຕາງໜ້າ ຫວຽດນາມ ປະຈໍາ ລາວ ແລະ ບັນດາວິສາຫະກິດ ຫວຽດນາມ ທີ່ກໍາລັງລົງທຶນດຳເນີນທຸລະກິດຢູ່ ລາວ ໄດ້ອຸປະຖຳເງິນ ປະມານ 1,4 ຕື້ດົ່ງຫວຽດນາມ.
ສະຖານທູດ ຫວຽດນາມ ປະຈຳ ລາວ ຈະຫັກເງິນບໍລິຈາກຈຳນວນໜຶ່ງ ເພື່ອມອບໃຫ້ກະຊວງແຮງງານ ແລະ ສະຫວັດດີການສັງຄົມຂອງ ລາວ ແລະ ສ່ວນທີ່ຍັງເຫຼືອແມ່ນຈະສົ່ງໃຫ້ ຄະນະກໍາມະກາ ສູນກາງແນວໂຮມປະເທດຊາດ ຫວຽດນາມ ເພື່ອແນໃສ່ປະກອບສ່ວນຊ່ວຍເຫຼືອປະຊາຊົນເຂດປະສົບໄພທຳມະຊາດຂອງ 2 ປະເທດ ໃຫ້ມີຊີວິດການເປັນຢູ່ທີ່ເປັນປົກກະຕິໄດ້ໄວທີ່ສຸດ.
 | ຊ່ວຍເຫຼືອປະຊາຊົນແຂວງຫຼວງນ້ຳທາ (ລາວ) ທີ່ໄດ້ຮັບຜົນກະທົບຈາກພາຍຸ Yagi ຍສໝ - ວັນທີ 19-20 ກັນຍາ 2024, ຄະນະປະຕິບັດງານສະຖານກົງສູນໃຫຍ່ ສສ ຫວຽດນາມ ປະຈຳ ຫຼວງພະບາງ, ພ້ອມດ້ວຍພະເຖລານຸເຖລະ, ພຸດທະສາສະນິກະຊົນຂອງວັດ ເຟີດຕິກ, ວັດ ໂສກປ່າຫຼວງ ຢູ່ນະຄອນຫຼວງວຽງຈັນ, ຜູ້ຕາງໜ້າຄະນະບໍລິຫານງານສະມາຄົມວິສາຫະກິດ ຫວຽດນາມ ຢູ່ພາກເໜືອລາວ ແລະ ບັນດາຜູ້ມີຄວາມເມດຕາ ຫວຽດນາມ - ລາວ ... |
 | ຍສໝ - ຈໍານວນເງິນທີ່ໄດ້ຮັບການບໍລິຈາກໂດຍສະມາຊິກສະມາຄົມ ແລະ ສາຂາທີ່ຂື້ນກັບ FAVIJA ໃນນັ້ນ ມີການປະກອບສ່ວນຈາກສະມາຊິກຂອງສະໂມສອນ Karate-do ແລະ ການບໍລິຈາກກັບທີ່ຂອງສອງການແຂ່ງຂັນບານເຕະທີ່ຈັດຂື້ນໂດຍ FAVIJA ເຊິ່ງຫາກໍ່ຈັດຂື້ນເມື່ອວັນທີ 15 ກັນຍາຢູ່ເຂດ Chubu ແລະ Kyushu ຂອງຍີ່ປຸ່ນ. |
ທອງມີ ສີຫາວົງ
