 | ເດັກນ້ອຍອາຊີຕາເວັນອອກສ່ຽງໃຕ້ ເກືອບ 6 ລ້ານຄົນໄດ້ຮັບຜົນກະທົບຈາກພະຍຸ Yagi |
| ສະຫະພັນບັນດາອົງການມິດຕະພາບ ຫວຽດນາມ ລະດົມການຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກພາຍຸ Yagi |
ເສີມຂະຫຍາຍປະເພນີແຫ່ງຄວາມສາມັກຄີ ແລະ ຈິດໃຈ “ຮັກແພງຊ່ວຍເຫຼືອເຊິ່ງກັນ ແລະ ກັນ”, ສະຖານກົງສູນໃຫຍ່ ຫວຽດນາມ ປະຈຳແຂວງ ຫຼວງພະບາງ ໄດ້ຮຽກຮ້ອງໃຫ້ປະຊາຄົມຊາວຫວຽດນາມ ທີ່ພວມດຳເນີນທຸລະກິ, ດຳລົງຊີວິດຢູ່ ລາວ, ວິສາຫະກິດ ຫວຽດນາມ, ບັນດາອົງການຕາງໜ້າ ຫວຽດນາມ ຢູ່ພາກເໜືອລາວ ສົມທົບກັນເພື່ອໜູນຊ່ວຍ, ຊ່ວຍເຫຼືອປະຊາຊົນ ຫວຽດນາມ ແລະ ລາວ ທີ່ໄດ້ຮັບຄວາມເສຍຫາຍຈາກພາຍຸ Yagi.
 |
| ຄະນະປະຕິບັດງານສະຖານກົງສູນໃຫຍ່ ສສ ຫວຽດນາມ ປະຈຳ ຫຼວງພະບາງ, ພ້ອມດ້ວຍພະເຖລານຸເຖລະ, ພຸດທະສາສະນິກະຊົນຂອງວັດ ເຟີດຕິກ, ວັດ ໂສກປ່າຫຼວງ ຢູ່ນະຄອນຫຼວງວຽງຈັນ, ຜູ້ຕາງໜ້າຄະນະບໍລິຫານງານສະມາຄົມວິສາຫະກິດ ຫວຽດນາມ ຢູ່ພາກເໜືອລາວ ແລະ ບັນດາຜູ້ມີຄວາມເມດຕາ ຫວຽດນາມ - ລາວ ໄດ້ລົງຢື້ຢາມ, ລະດົມ, ໜູນຊ່ວຍປະຊາຊົນທີ່ໄດ້ຮັບຄວາມເສຍຫາຍຈາກພະຍຸ Yagi ຢູ່ແຂວງ ຫຼວງນ້ຳທາ. |
ໃນຈຳນວນເງິນທີ່ລະດົມໄດ້, ສະຖານກົງສູນໃຫຍ່ ສສ ຫວຽດນາມ ປະຈຳ ຫຼວງພະບາງ ຫັກອອກ 200.000.000 ກີບ (ເກືອບ 223 ລ້ານດົ່ງ) ພ້ອມດ້ວຍເງິນຈຳນວນ 300.000.000 ກີບ (ເກືອບ 335 ລ້ານດົ່ງ) ໂດຍບັນດາະເຖລານຸເຖລະ, ພຸດທະສາສະນິກະຊົນຂອງວັດ ເຟີດຕິກ, ວັດ ໂສກປ່າຫຼວງ ຢູ່ນະຄອນຫຼວງວຽງຈັນ ບໍລິຈາກໄດ້ ມອບໃຫ້ແກ່ 500 ຄົວເຮືອນໃນ 5 ບ້ານ (ບ້ານຂອນ, ບ້ານຫຼວງ, ບ້ານໄມ, ບ້ານປາສັກ ແລະ ບ້ານວຽງເໜືອ) ຂອງແຂວງຫຼວງນ້ຳທາ ທີ່ໄດ້ຮັບຄວາມເສຍຫາຍຢ່າງໜັກໜ່ວງ. ແຕ່ລະຄອບຄົວ 1.000.000 ກີບ (ເກືອບ 1.000.000 ດົ່ງ).
ການເຄື່ອນໄຫວ ໄດ້ສະແດງໃຫ້ເຫັນຄວາມຮັກແພງອັນເລິກເຊິ່ງຂອງຊາວຫວຽດນາມ ທີ່ພວມໄປປະຕິບັດງານ ແລະ ດຳເນີນທຸລະກິດ, ດຳລົງຊີວິດຢູ່ລາວ ທີ່ມີຕໍ່ຊາວເຜົ່າລາວ ຢູ່ແຂວງ ຫຼວງນ້ຳທາ. ການກະທຳເພື່ອຊ່ວຍປະຊາຊົນຜ່ານຜ່າຄວາມຫຍຸ້ງຍາກທັນທີ, ກັບຄືນສູ່ສະພາບປົກກະຕິໂດຍໄວ.
ນອກຈາກນັ້ນ, ຄະນະປະຕິບັດງານສະຖານກົງສູນໃຫຍ່ ສສ ຫວຽດນາມ ປະຈຳ ຫຼວງພະບາງ ຍັງໄດ້ໃຊ້ເວລາໄປຢື້ຢາມຖາມຂ່າວ ແລະ ລະດົມບັນດາຄອບຄົວຊາວຫວຽດນາມ ທີ່ພວມດຳລົງຊີວິດ ແລະ ດຳເນີນທຸລະກິດຢູ່ແຂວງ ຫຼວງນ້ຳທາ ທີ່ໄດ້ຮັບຜົນກະທົບຈາກພະຍຸ, ໄພນ້ຳຖ້ວມໃນໄລຍະຜ່ານມາ.
ໂດຍໄດ້ຮູ້ວ່າ ໃນຊຸມມື້ຕົ້ນເດືອນກັນຍາ 2024, ພາຍຸYagi ເຊິ່ງເປັນພະຍຸທີ່ແຮງທີ່ສຸດໃນປະຫວັດສາດໃນຮອບ 30 ປີຜ່ານມາ ໄດ້ພັດເຂົ້າ ຫວຽດນາມ ໄດ້ສ້າງຄວາມເສຍຫາຍຢ່າງໃຫຍ່ຫຼວງໃຫ້ແກ່ປະຊາຊົນບັນດາແຂວງພາກເໜືອຂອງຫວຽດນາມ ແລະ ລົມພັດແຮງຂອງພະຍຸດັ່ງກ່າວ ເຮັດໃຫ້ເກີດມີຝົນຕົກໜັກ ເຮັດໃຫ້ບາງແຂວງພາກເໜືອຂອງລາວ ພິເສດແມ່ນແຂວງ ຫຼວງນ້ຳທາ ຖືກນໍ້າຖ້ວມໜັກ.
ຢູ່ລາວ, ສະຖິຕິຜົນເສຍຫາຍຈາກພະຍຸ Yagi ສະແດງໃຫ້ເຫັນວ່າ 99 ເມືອງ ແລະ 1.099 ບ້ານຖືກນໍ້າຖ້ວມ, ມີຜູ້ເສຍຊີວິດ 05 ຄົນ, ບາດເຈັບ 1 ຄົນ ແລະ ຫຼາຍຄອບຄົວຕົກຢູ່ໃນສະພາບຖືກເສຍເຮືອນ, ຜົນລະປູກຫຼາຍເຮັກຕາຖືກນ້ຳຖ້ວມ,ກິດຈະກຳສາທາລະນະຫຼາຍແຫ່ງໄດ້ຮັບຄວາມເສຍຫາຍຢ່າງໜັກໜ່ວງ, ໃນນັ້ນມີ 1 ຄົນເສຍຊີວິດຢູ່ແຂວງຫຼວງນ້ຳທາ, ແລະ 4.159 ຄົນໄດ້ຮັບບາດເຈັບ. 19 ບ້ານຖືກນໍ້າຖ້ວມຫຼາຍວັນ, 18 ບ້ານຖືກນໍ້າຖ້ວມເສຍຫາຍໜັກໜວ່ງ.
 | ເພີ່ມຫຼາຍບ້ວງຊ່ວຍເຫຼືອຈາກສາກົນ ຊ່ວຍ ຫວຽດນາມ ຜ່ານຜ່າຜົນຮ້າຍຢ້ອນຫຼັງຈາກພະຍຸ Yagi ຍສໝ - ອິນເດຍ ໄດ້ຂົນສົ່ງເຄື່ອງຊ່ວຍເຫຼືອສຸກເສີນ 35 ໂຕນ ເພື່ອໜູນຊ່ວຍ ຫວຽດນາມ ຜ່ານຜ່າຜົນຮ້າຍທີ່ຕາມມາຈາກພະຍຸ Yagi. ນູແວນເຊລັງ ຫາກໍ່ປະກາດການປະກອບສ່ວນເງີນ 1 ລ້ານໂດລານູແວນເຊລັງ ເພື່ອໜູນຊ່ວຍບັນດາຄວາມມານະພະຍາຍາມຂອງ ຫວຽດນາມ ຜ່ານຜ່າຜົນສະທ້ອນທີ່ຮ້າຍແຮງຂອງພາຍຸ Yagi. |
 | ອົງການ UNICEF ຊ່ວຍເຫຼືອສຸກເສີນບັນດາແຂວງທີ່ໄດ້ຮັບຜົນກະທົບຈາກພະຍຸ Yagi ຍສໝ - ອົງການ UNICEF ໄດ້ສະໜອງອຸປະກອນໃນຂະແໜງນ້ຳເພື່ອໜູນຊ່ວຍບັນດາຄົວເຮືອນ, ໂຮງໝໍ, ຮາກຖານສາທາລະນະສຸກ ແລະ ໂຮງຮຽນຢູ່ບັນດາແຂວງທີ່ໄດ້ຮັບຜົນກະທົບຫຼາຍທີ່ສຸດຈາກພາຍຸ Yagi. |
ມີງດຶກ
