ບາດກ້າວໃໝ່ໃນການພົວພັນປະຊາຊົນ ແລະການຮ່ວມມືດ້ານເສດຖະກິດລະຫວ່າງ ຫວຽດນາມ ແລະກູບາ

ຍສໝ - ການຢ້ຽມຢາມທາງລັດຖະກິດຂອງ ສະຫາຍ ໂຕເລິມ ເລຂາທິການໃຫຍ່, ປະທານປະເທດຫວຽດນາມ ໄປຍັງ ກູບາ ນັບແຕ່ວັນທີ 25 – 27 ກັນຍາ ມີຄວາມໝາຍສຳຄັນໃນການປັບປຸງຄວາມສາມັກຄີລະຫວ່າງສອງປະເທດ. ນີ້ບໍ່ພຽງແຕ່ແມ່ນກາລະໂອກາດເປີດກວ້າງການຮ່ວມມືດ້ານເສດຖະກິດ, ການຄ້າເທົ່ານັ້ນ, ຫາກຍັງສະແດງໃຫ້ເຫັນສາຍພົວພັນມິດຕະພາບອັນຍາວນານລະຫວ່າງປະຊາຊົນສອງປະເທດ, ດ້ວຍບັນດາໝາກຜົນຢ່າງຕັ້ງໜ້າໃນການພົບປະແລກປ່ຽນປະຊາຊົນ ແລະ ການຮ່ວມມືທ້ອງຖິ່ນ.

	ກຸ່ມສະມາຊິກລັດຖະສະພາມິດຕະພາບຫວຽດນາມ - ກູບາ ໄດ້ອອກຖະແຫຼງການສະໜັບສະໜູນກູບາ
	ກອງປະຊຸມສະເຫຼີມສະຫຼອງ 55 ປີແຫ່ງວັນສ້າງຕັ້ງສະຖານທູດ ກູບາ ປະຈຳ ໄຕນິງ

ໂດຍໄດ້ຮັບຄຳເຊີນຂອງ ສະຫາຍ Miguel Díaz-Canel Bermúdez ເລຂາຜູ້ທີໜຶ່ງຄະນະບໍລິຫານງານສູນກາງພັກກອມມູນິດກູບາ, ປະທານປະເທດ ກູບາ ແລະ ພັນລະຍາ, ສະຫາຍ ໂຕເລີມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ, ປະທານປະເທດ ສາທາລະນະລັດ ສັງຄົມນິຍົມ ຫວຽດນາມ ແລະ ພັນລະຍາ ໄປຢ້ຽມຢາມທາງລັດຖະກິດ ສາທາລະນະລັດ ກູບາ ແຕ່ວັນທີ 25-27 ກັນຍາ 2024.

ບາດກ້າວໃໝ່ໃນການພົວພັນປະຊາຊົນ ແລະການຮ່ວມມືດ້ານເສດຖະກິດລະຫວ່າງ ຫວຽດນາມ ແລະກູບາ

ໃນການໄປຢ້ຽມຢາມ ກູບາ ໃນປີ 2022 ໃນຖານະເປັນລັດຖະມົນຕີກະຊວງຕຳຫຼວດ ຫວຽດນາມ, ສະຫາຍ ໂຕເລີມ ເລຂາທິການໃຫຍ່, ປະທານປະເທດ ຫວຽດນາມ ກໍ່ໄດ້ມີການພົບປະກັບທ່ານເລຂາຜູ້ທີໜຶ່ງ, ປະທານປະເທດ ກູບາ Miguel Diaz Canel Bermudez. (ພາບ: ກະຊວງຕຳຫຼວດ)

ທ່ານ Fernando González Llort - ປະທານສະຖາບັນ ກູບາ ມິດຕະພາບກັບບັນດາປະຊາຊາດ (ICAP) ໃຫ້ຂໍ້ສັງເກດວ່າ ການຢ້ຽມຢາມຄັ້ງນີ້ຈະປັບປຸງ ແລະ ເຮັດໃຫ້ການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດເລິກເຊິ່ງກ່ວາອີກ

“ຄຽງຄູ່ກັບຄວາມສຳຄັນດ້ານການເມືອງ, ການຢ້ຽມຢາມ ກູບາ ຂອງ ສະຫາຍ ໂຕເລີມ ເລຂາທິການໃຫຍ່, ປະທານປະເທດ ຫວຽດນາມ ໃຫ້ຄຳໝັ້ນສັນຍາຈະນຳມາເຊິ່ງໝາກຜົນທີ່ພາວະວິໄສຫຼາຍຢ່າງ ກ່ຽວກັບເສດຖະກິດ, ການຕ່າງປະເທດ, ດ້ວຍຂໍ້ຕົກລົງຮ່ວມມືຫຼາຍສະບັບ, ແລະ ຄວາມເຫັນດີເປັນເອກະພາບສູງໃນການຕໍ່ສູ້ເພື່ອສັນຕິພາບໂລກ. ການຢ້ຽມຢາມຈະກາຍເປັນຂີດໝາຍອັນດີງາມໃນຕະຫຼອດໄລຍະຂອງການພົວພັນ ກູບາ - ຫວຽດນາມ", ທ່ານຢືນຢັນ.

ທ່ານຍັງເນັ້ນໜັກວ່າ ກູບາ ແມ່ນໜຶ່ງໃນບັນດາຈຸດໝາຍປາຍທາງຕ່າງປະເທດທຳອິດຂອງ ສະຫາຍ ໂຕເລີມ ນັບແຕ່ສະຫາຍໄດ້ຮັບຕຳແໜ່ງໃໝ່, ເຊິ່ງໄດ້ສະແດງໃຫ້ເຫັນຄວາມສຳຄັນ ແລະ ການພົວພັນແບບພິເສດລະຫວ່າງ 2 ປະເທດ. “ຂ້າພະເຈົ້າເຊື່ອໝັ້ນວ່າ ການຢ້ຽມຢາມຍັງສ່ອງແສງເຖິງຄວາມສາມັກຄີຂອງປະຊາຊົນ ຫວຽດນາມ ທີ່ມີຕໍ່ ກູບາ”, ທ່ານກ່າວ.

ທ່ານ Fernando González Llort ປະທານ ICAP. (ພາບ: TTXVN)

ທ່ານປະທານ ICAP ກໍ່ໄດ້ສະແດງຄວາມຮູ້ສຶກຕື້ນຕັນໃຈເຖິງຄວາມຮັກແພງຂອງປະຊາຊົນ ຫວຽດນາມ ທີ່ມີຕໍ່ ກູບາ, ພິເສດແມ່ນໃນໄລຍະປະສົບກັບຄວາມຫຍຸ້ງຍາກ. “ຊາວຫວຽດນາມ ຮັກແພງ ແລະ ຊອກຫາທຸກວິທີເພື່ອຊ່ວຍເຫຼືອ ກູບາ. ເມື່ອພາຍຸໄດ້ທຳລາຍແຂວງ Pinar del Río ທາງຕາເວັນຕົກສຸດຂອງ ກູບາ ເມື່ອປີກາຍ, ຊາວຫວຽດນາມ ເປັນຈຳນວນຫຼວງຫຼາຍໄດ້ມີໜ້າຢູ່ສະຖານທູດ ກູບາ ປະຈຳ ຮ່າໂນ້ຍ ເພື່ອສະແດງຄວາມຮັກແພງສາມັກຄີ ແລະ ບໍລິຈາກໜູນຊ່ວຍປະຊາຊົນ ກູບາ. ສິ່ງເຫຼົ່ານີ້ແມ່ບັນດາຄວາມຮັກແພງທີ່ເປັນແບບທໍາມະຊາດຫຼາຍ, ບໍ່ແມ່ນຍ້ອນອົງການຈັດຕັ້ງໃດທີ່ລະດົມ, ກຳນົດທິດ", ທ່ານແບ່ງປັນ.

ທ່ານປາດຖະໜາວ່າ ການພົວພັນລະຫວ່າງສອງປະເທດຈະສືບຕໍ່ພັດທະນາໂດຍຜ່ານບັນດາການເຄື່ອນໄຫວພົບປະແລກປ່ຽນປະຊາຊົນ, ພິເສດແມ່ນກັບລຸ້ນໜຸ່ມ: “ພວກຂ້າພະເຈົ້າປາດຖະໜາຢາກເພີ່ມທະວີການພົວພັນກັບຊາວຫວຽດນາມ ທີ່ເຄີຍຮ່ຳຮຽນຢູ່ ກູບາ ແລະ ລຸ້ນໜຸ່ມຫວຽດນາມ. ພວກຂ້າພະເຈົ້າປາດຖະໜາຢາກຈັດຕັ້ງບັນດາການໄປຢ້ຽມຢາມ ກູບາ, ບັນດາການພົບປະເພື່ອນມິດ, ແລກປ່ຽນຄະນະຜູ້ແທນທຸກຂັ້ນ ເພື່ອຫັນບັນດາການເຊື່ອມຕໍ່ເປັນຫຼາຍຮູບຫຼາຍແບບ".

ຕາມທ່ານແລ້ວ, ICAP ແລະ ສະຫະພັນບັນດາອົງການມິດຕະພາບຫວຽດນາມ (VUFO) ມີການພົວພັນທາງດ້ານລະບອບລະບຽບການແມ່ນຍັງບໍ່ຄົບຖ້ວນ ແລະ ປາດຖະໜາຢາກເປີດກ້ວາງການພົວພັນນີ້ໄປທົ່ວຜືນແຜ່ນດິນ ຫວຽດນາມ ແລະ ກູບາ.

ໂດຍເນັ້ນໜັກເຖິງຄວາມຮັບຜິດຊອບໃນການສຶກສາອົບຮົມລຸ້ນໜຸ່ມ, ທ່ານ Fernando González ໃຫ້ຮູ້ວ່າ "2 ຝ່າຍຕ້ອງສົມທົບກັນເພື່ອສຶກສາອົບຮົມລຸ້ນໜຸ່ມກ່ຽວກັບມູນເຊື້ອຄວາມສາມັກຄີມິດຕະພາບລະຫວ່າງ 2 ປະເທດ, ເພື່ອໃຫ້ເຂົາເຈົ້າເຂົ້າໃຈຢ່າງຈະແຈ້ງ, ອະນຸລັກຮັກສາ ແລະ ເສີມຂະຫຍາຍການພົວພັນແບບພິເສດນີ້ໃນສະພາບການຂອງໂລກທີ່ທ້າທາຍຫຼາຍຢ່າງ.

ທ່ານຢືນຢັນວ່າ: “ຫວຽດນາມ ແລະ ກູບາ ແມ່ນສັນຍາລັກແຫ່ງການພົວພັນມິດຕະພາບ, ຄວາມເປັນອ້າຍນ້ອງ, ຄວາມສາມັກຄີ, ສະໜັບສະໜູນເຊິ່ງກັນ ແລະ ກັນ. ຂ້າພະເຈົ້າເຊື່ອໝັ້ນວ່າ ສິ່ງນີ້ແມ່ນບັນດາຄຸນຄ່າສຳຄັນສຳລັບທັງສອງປະເທດ ຫວຽດນາມ ແລະ ກູບາ”.

ການພົວພັນແລກປ່ຽນລະຫວ່າງບັນດາອົງການຈັດຕັ້ງການເມືອງ - ສັງຄົມຂອງສອງປະເທດຄື ບັນດາອົງການມິດຕະພາບ, ສະຫະພັນແມ່ຍິງ, ອົງການກຳມະບານ, ແນວໂຮມປະເທດຊາດ, ສະມາຄົມຊາວກະສິກອນ ໄດ້ຮັບການຮັກສາຢ່າງເປັນປະຈຳ, ຕໍ່ເນື່ອງ ແລະ ມີຄວາມໄວ້ເນື້ອເຊື່ອໃຈເຊິ່ງກັນ ແລະ ກັນໂດຍສອງຝ່າຍ. ໂຄງການທຶນການສຶກສາ ແລະ ແລກປ່ຽນນັກສຶກສາແມ່ນໄດ້ສືບຕໍ່ໂດຍຜ່ານຫຼາຍລຸ້ນຄົນ ປະກອບສ່ວນເຂົ້າໃນການສ້າງສາລຸ້ນໜຸ່ມໃຫ້ມີຄວາມເຂົ້າໃຈ ແລະ ເຊື່ອມຕໍ່ລະຫວ່າງສອງປະເທດ.

ເດັກນ້ອຍ ກູບາ ພ້ອມກັບພໍ່ແມ່ໄດ້ສະແດງຄວາມຍ້ອງຍໍສັນລະເສີນຄວາມຮັກແພງມິດຕະພາບ ຫວຽດນາມ - ກູບາ ເນື່ອງໃນໂອກາດສະເຫຼີມສະຫຼອງ 132 ປີແຫ່ງວັນຄ້າຍວັນເກີດຂອງປະທານ ໂຮ່ຈິມິນ (19 ພຶດສະພາ 1890 – 19 ພຶດສະພາ 2022). (ພາບ: TTXVN)

“ການຮ່ວມມືທ້ອງຖິ່ນ ແລະ ການພົບປະແລກປ່ຽນປະຊາຊົນ ໄດ້ສ້າງການຕິດພັນຢ່າງເຂັ້ມແຂງລະຫວ່າງບັນດາລຸ້ນຄົນ ແລະ ວັດທະນະທຳຂອງ 2 ປະເທດ; ພ້ອມກັນນັ້ນ ກໍ່ປະກອບສ່ວນສ້າງພື້ນຖານອັນໜັກແໜ້ນໃຫ້ແກ່ການພົວພັນດ້ານການເມືອງ ແລະ ເສດຖະກິດລະຫວ່າງ 2 ປະເທດ ຫວຽດນາມ - ກູບາ”, ທ່ານເອກອັກຄະລັດຖະທູດ ຫວຽດນາມ ປະຈຳ ກູບາ ເລກວາງລອງ ສະຫຼຸບ.

ກູບາ ຜັນຂະຫຍາຍວີຊາເອເລັກໂຕນິກໃໝ່ ເພື່ອດຶງດູດນັກທ່ອງທ່ຽວ

ຍສໝ - ແຕ່ເດືອນພຶດສະພາ ປີ 2024, ກູບາ ຜັນຂະຫຍາຍວີຊາເອເລັກໂຕນິກໃໝ່ ເພື່ອອຳນວຍຄວາມສະດວກໃຫ້ແກ່ນັກທ່ອງທ່ຽວສາກົນ, ຊຸກຍູ້ຄວາມຕ້ອງການການທ່ອງທ່ຽວ. ກູບາ ມີເປົ້າໝາຍຈະຕ້ອນຮັບນັກທ່ອງທ່ຽວ 3,2 ລ້ານເທື່ອຄົນໃນປີ 2024.