| 7 ປະເທດອາຊີ ສະເຫຼີມສະຫຼອງບຸນປີໃໝ່ປະເພນີ ຢູ່ ຮ່າໂນ້ຍ | |
| ຄູອາຈານ ແລະ ນັກສຶກສາຂອງໂຮງຮຽນສອງພາສາຫງວຽນຢູ ລາວ-ຫວຽດນາມ ສະເຫຼີມສະຫຼອງປີໃໝ່ຕາມປະເພນີ ຫວຽດນາມ 2024 |
ທ່ານນາງ Ariadne Feo Labra, ກົງສູນໃຫຍ່ສາທາລະນະລັດ ກູບາ ປະຈຳນະຄອນ ໂຮ່ຈີມິນ ພ້ອມກັນກັບຄະນະປະຕິບັດງານເຂົ້າຮ່ວມເຫດການ.
ໂດຍທວນຄືນບັນດາຂີດໝາຍແບບພິເສດທີ່ສະແດງໃຫ້ເຫັນນ້ຳໃຈສາມັກຄີ, ຄວາມສັດຊື່, ຄວາມຮັກແພງລະຫວ່າງປະຊາຊົນສອງປະເທດ ຫວຽດນາມ - ກູບາ, ທ່ານ ເຈີ່ນວັນຈ້ຽນ, ຮອງປະທານຄະນະກຳມະການປະຊາຊົນແຂວງ ໄຕນິງ ໃຫ້ຮູ້ວ່າ ຫຼັງຈາກລັດຖະບານປະຕິວັດຊົ່ວຄາວ ສາທາລະນະລັດພາກໃຕ້ ຫວຽດນາມ ໄດ້ຮັບການສ້າງຕັ້ງຂຶ້ນ, ສາທາລະນະລັດ ກູບາ ແມ່ນປະເທດທຳອິດ ແລະ ປະເທດດຽວທີ່ໄດ້ສົ່ງເອກອັກຄະລັດຖະທູດ ແລະ ຍື່ນສະເໜີສານຕາຕັ້ງຕໍ່ລັດຖະບານ ໃນວັນທີ 4 ມີນາ 1969. ທີ່ພັກ ແລະ ເຮັດວຽກຂອງທ່ານເອກອັກຄະລັດຖະທູດ ສາທາລະນະລັດ ກູບາ Raul Valdes Vivo ແມ່ນຕັ້ງຢູ່ເຂດຮ່ອງຮອຍປະຫວັດສາດຖານທີ່ໝັ້ນລັດຖະບານປະຕິວັດຊົ່ວຄາວ ສາທາລະນະລັດພາກໃຕ້ ຫວຽດນາມ ຢູ່ແຂວງ ໄຕນິງ. ປະຈຸບັນ, ເຮືອນອະນຸສອນສະຖານເອກອັກຄະລັດຖະທູດ ກູບາ ໄດ້ຮັບການຟື້ນຟູຄືນໃໝ່ ຖືກບ່ອນທີ່ສະຖານທູດ ກູບາ ຕັ້ງເມື່ອ 55 ປີກ່ອນ ແລະ ເຄື່ອງວັດຖຸພັນທີ່ລະນຶກຍັງຄົງຮັກສາໄວ້ຢູ່ທີ່ນີ້.
 |
| ຕາງໜ້າໃຫ້ສະຖານທູດ ກູບາ, ທ່ານນາງ Ariadne Feo Labra ຮັບຂອງຂວັນໜຸນຊ່ວຍເຂົ້າສານ 10 ໂຕນຈາກແຂວງ ໄຕນິງ ສົ່ງໃຫ້ປະຊາຊົນ ກູບາ. |
ທ່ານ ເຈີ່ນວັນຈ້ຽນ ປາດຖະໜາວ່າ ໃນໄລຍະຈະມາເຖິງ, ເພື່ອຮັດແໜ້ນສາຍພົວພັນແບບພິເສດລະຫວ່າງສອງປະເທດ ເວົ້າລວມ, ລະຫວ່າງແຂວງ ໄຕນິງ ກັບ ສະຖານກົງສຸນ ກູບາ ປະຈຳນະຄອນ ໂຮ່ຈີມິນ ເວົ້າສະເພາະ, ສະຖານກົງສຸນ ກູບາ ຈະສືບຕໍ່ສົມທົບ ແລະ ໜູນຊ່ວຍແຂວງໃນບັນດາຂົງເຂດທີ່ ກູບາ ມີທ່າແຮງຄື: ເຕັກໂນໂລຢີການຢາ, ບຳລຸງສ້າງແຫຼ່ງຊັບພະຍາກອນມະນຸດການແພດ, ຮັກສາສຸຂະພາບຊຸມຊົນ... ນອກນັ້ນ, ໄຕນິງ ຍັງປາດຖະໜາຢາກເພີ່ມທະວີການສົ່ງເສີມໃນການພົບປະແລກປ່ຽນວັດທະນະທຳ, ການພົບປະແລກປ່ຽນລະຫວ່າງລຸ້ນໜຸ່ມ ເພື່ອຮັກສາສາຍພົວພັນທີ່ເປັນມູນເຊື້ອອ້າຍນ້ອງທີ່ດີງາມລະຫວ່າງສອງປະເທດ.
ພ້ອມກັນທວນຄືນກັນມູນເຊື້ອປະຫວັດສາດອັນສະຫງ່າລາສີລະຫວ່າງປະຊາຊົນສອງປະເທດ, ສະຖານກົງສູນສາທາລະນະລັດ ກູບາ ປະຈຳນະຄອນ ໂຮ່ຈີມິນ Ariadne Feo Labra ເນັ້ນໜັກວ່າ ສາຍພົວພັນ 2 ຝ່າຍລະຫວ່າງສອງປະເທດ ໄດ້ຮັບການເພີ່ມທະວີໃນປີທີ່ມໍ່ໆມານີ້, ໂດຍບືນໄປເຖິງທຸກຂົງເຂດ, ດ້ວຍການແລກປ່ຽນທາງການເມືອງ, ການທູດຢ່າງເລິກເຊິ່ງກວ້າງຂວາງ. ທ່ານນາງ Ariadne Feo Labra ກໍ່ຢືນຢັນຄຳໝັ້ນສັນຍາໃນການສືບຕໍ່ຊຸກຍູ້ບັນດາສາຍພົວພັນມິດຕະພາບແບບພິເສດລະຫວ່າງປະຊາຊົນສອງປະເທດ.
ເນື່ອງໃນໂອກາດນີ້, ຄະນະກຳມະການປະຊາຊົນແຂວງ ໄຕນິງ ໄດ້ສົ່ງຂອງຂວັນໜູນຊ່ວຍເຂົ້າສານ 10 ໂຕນ, ຮູບພາບທິວທັດ ໄຕນິງ ທີ່ເຮັດດ້ວຍເຂົ້າສານ ໄປໃຫ້ປະຊາຊົນ ກູບາ...
ມິງດຶກ
